BLOGGER TEMPLATES AND TWITTER BACKGROUNDS »

الاثنين، 7 ديسمبر، 2009

غريبان.


انا وانت غريبان.
نعم غريبان رغم كل هذا القرب
فلا انت تفهمنى ولاانا
نحن زوجان غريبان
مخطئان
نعم اخطئنا عندما تزوجنا
اخطأنا عندما ...

---------------------------------------------
حوار دار بينهم بالامس القريب.
هى:فيه تجمع خيرى بعد كام يوم
وانا عاوزه اروح
هو:هو ايه وفين؟
هى:فى القاهره وهو فكرته ان كل حد عنده ملابس موش تلزمه هيجمعها
ونتبرع بيها للمحتاجين.
هو:وانتى عاوزه ايه دلوقتى؟
هى:عاوزه اروح
هو:لا
هى: لا ليه
هو:لاوخلاص لو فى بلدنا اوك اما بره البلد لا
هى:طيب عشان ايه؟
هو:انا تفكيرى موصلنيش غير لكدا
هى:تحكم وخلاص
هو:ايوه
هى:موش بقولك موش قادرين نوصل لنقطه اتفاق بينا
مااحنا لازم نتفق عشان اللى بينا هيكون عشره عمر والمركب لازم تسير
هو:هتسير
بس زى ماانا عاوز موش زى ماانتى عاوزه
هى:هو الموضوع انا وانت؟
هو:ايوه انا موش هتنازل عن رايى وانتى عارفه انى عمرى ماهاعمل كدا
هى:صمت
هو :اسكتى لان الحوار شكله هيقفل بخناقه
هى:موش واخد بالك ان اى حوار بينا بينتهى بخناقه
واننا موش بنتفق غير فى السرير وبس
هو:صمت
لاهو استطاع ان يفهمها ويكسبها زوجه وانسانه
ولاهى استطاعت ان تتحمل ذلك (سى السيد)
وبقيا هكذا


7 التعليقات:

Baskouta يقول...

ايه الحوار المؤلم ده
انا حسيت اني عاوزة اصرخ في هو
واقوله انت بتعمل فيها كدة ليه ايه التحكم ده

بوست مؤثر يا سكرتي
وجعتي قلبي

mimi يقول...

كلهم (هو)

ذلك التعنت والتصلب

حلم بيعافر يقول...

مش معنى الاختلاف استحالة الحياة وتحولها لغربة
اوقات بنضخم حاجات مالهاشس لازمة وبنعمل منها كلاكييع

sookra يقول...

بسكوته

وانا كمان كنت عاوزه اصرخ فى هو وممكن لو كنت موجوده كنت حدفته باللى فى ايدى
تسلميلى ياقمر

sookra يقول...

mimi

تيجى كلنا اللى احنا (هى)
نخنقهم كلهم اللى هما(هو)
ونرتاح
نورتنى ياسكر

sookra يقول...

حلم بيعافر

الاختلاف فى الرأى لايفسد للود قضيه
اما التحكم فهم مالانرضاه ولانقبله
نورتنى

(Joudy) يقول...

تصدقى فعلا حاجة صعبة الزواج تفاهم حب وود مش بس إصدار أوامر والسلام دى كيان بيشكله اتنين مش ينفع واحد لوحده بصراحة صعبه الحياة بالشكل ده