BLOGGER TEMPLATES AND TWITTER BACKGROUNDS »

الثلاثاء، 29 سبتمبر 2009

مريم ....ماذا سيحدث لها؟؟؟؟؟؟؟؟؟؟؟؟

صوره مريم بعد المرض مريم قبل المرض

"مريم, طفلتلا التى لم تبلغ السادسه ,زهرتى ,التى لم يكتمل نموها,فجأه تذبل اوراقها امامنا يوم بعد يوم ونحن عاجزون بلا حيله او قرار"
البدايه كانت عاديه مجرد ارتفاع فى درجه الحراره سارعت بعدها الى الطبيب الذى كتب ادويه ومضادات حيويه ولكن لم تهبط حراره مريم ولم يحدث الدواء اثر بل زادت الحاله سوء واصابت الطفله رعشه غريبه ومن هنا بدات الماساه.
ثلاثه ايام طفنا فيها على اربع مستشفيات خاصه بالمهندسين كانت ابنتى فيها حقلا للتجارب بلا فائده حتى تطورت الحاله للاسوأ وبدات ابنتى تشعر بألام غريبه فى جسدها ب ببركانن ثائر بداخلها !!
البركان الثائر ظهرت اثاره سريعا فقاعات فى حجم ثمار الليمون بدات فى الانتشار فى جسد ابنتى من اظافر قدميها وحتى منابت شعرها وماهى الا دقائق معدوده ثم تنفجر وتخلف ورائها الام مبرحه وعذابا اليما للطفله حتى غطت الحروق معظم جسدها وتاهت معالم مريم تماما وانحبست انفاسنا جميعا .
وبعد تحاليل كثيره وسط الام ودموع غزيره اتفق الاطباء على ان مريم مصابه باحد امراض المناعه ولادواء لها سوى فى كورس علاجى بمجموعه من الحقن تكلفه الواحده 1300 جنيه !...وعلى الرغم من ارتفاع ثمنها الا ان المشكله كانت فى الحصول عليها او ايججادها.
ويكفى ان اقول ان ابنتى قد وصل بها الحال الى ان تفحم جميع جسدها تقريبا واصبحت لاتحتمل حتى ملائه السرير التى تحتها وبدأ جلدها يتساقط حتى رموش عينيها وحواجبها بل انها لم تعدى ترى فعينيها كستهما الحروق.........
واقسم لك ياسيدى انها سمعت فى احدى المرات صوت ابيها وهمت لتاخذه فى حضنها وتلمست ملامح وجهه بيديها وهى تبكى وتقول "انا موش شايفاك يابابا "
الى كل اصحاب القلوب الرحيمه
مريم الان فى لندن وقد تحدثت الى والدها الان وقال انهم سوف يجرون لها عمليه على عينيها قريبا .
التبرع عن طريق حواله بريديه الى جريده الاهرام -بريد الجمعه-حاله الطفله مريم احمد عبد الحكيم
او فى حساب رقم 284516

باسم احمد عبد الحكيم خليفه -والد مريم فى البنك العربى الافريقى
او الااتصال بوالد مريم على رقم 0124159196

السبت، 26 سبتمبر 2009

الاسرار.............


الاسرار.........
شىء نخفيه بداخلنا حتى عن صاحب السر نفسه .
نتعب .....نتعامل معاه واحنا جوانا سر بيتحكم فى تصرفاتنا وافعالنا وردود افعالنا كمان .
لكن لما بتيجى لحظه الصراحه ونطلع كل اللى جوانا حتى لو كان اللى جوانا دا بيجرحنا ويوجعنا اوى الا اننا بنشعر اننا مرتاحين .
مرتاحين اوى لكن حزننا كبير وجرحنا من نفسنا اكبر .
خلاص نتعامل من غير ارضيه جوانا بتتعبنا لكن فيه حاجه تانيه بقت بتجرحنا لكن الجرح دا اخف كتير من انك تعيش وجواك سر منغص عليك حياتك.
بالبلدى"وقوع البلاء ولاانتظاره"
عارفين الانسان اللى بينزف داخليا بيشعر اد ايه هو تعبان لكنه موش بينطق وفى الوقت اللى يروح فيه للدكتور ويعمل الاشعه اللى تبين النزيف دا .
عارفين ساعتها لما بيتشارك تعبه دا مع حد تانى .
بيحس انه مقسوم على اتنين وبيحس انه مرتاح حتى لو كان بيتألم .
بالظبط زى موضوع السر دا .

الجمعة، 25 سبتمبر 2009

الالم ..............الحزن............

انا تعبانه اوى وحزينه اوى وقلبى بيوجعنى اوى اوى .

الخميس، 24 سبتمبر 2009

المتوقع والغير متوقع...............


المتوقع هو حاجه بنتمنى حدوثها عشان هتغير فى حياتنا كتير .
الغير متوقع هواللى بيحصل ودا اللى بيعمل التغيير الجذرى فينا وفى حياتنا.
يعنى بنتوقع حاجه هتغيرنا ومتحصلش وحاجه تانيه موش بنتوقعها بتحصل وكمان بتغيرنا كتيييييير.

الأربعاء، 23 سبتمبر 2009

قاع الارض.........قاع البحر...........


قاع الارض وقاع البحر كيف هم متماثلان ؟
هقولكم مثال
عارفين احنا لما بنكون عايشين فى مشاكل كتير وقلق اكتر ودايما بنحاول ونحاول ونحاول اننا نخرج من المشاكل دى
عارفين بنتعب اوى ازاى وعارفين بنحس بايه ؟
لما بنيأس بنعمل ايه وبنتصرف ازاى ؟وازاى بنوصل لقاع الارض فى اللحظات اللى بنيأس فيها دى ؟!!!
هاقولكم ازاى بنوصل لقاع البحر ومنه هتعرفوا ازاى بنوصل لقاع الارض.
تخيلوا معايا كدا انك كنت فى مركب والمركب ماشيه فى امان ولكن فجأه كدا جات عاصفه شديده او شويه عواصف كل واحده فيهم موش جامده لكنهم لما اتجمعوا مع بعض بقوا كتير وجامدين قوى ومدمرين كمان.
المهم عشان موش تتوهوا منى فى البحر .
المركب اتقلبت وانت نزلت فى البحر وسط العواصف والامواج الشديده وبدات تعافر وتقاوم وتحاول تخرج من اللى انت فيه دا لكنك فى النهايه تعبت اوى ولقيت نفسك خلاص موش قادر تقاوم اكتر من كدا وفى اللحظه دى بالذات استسلمت وسبت نفسك للموج ياخدك مكان ماهو عاوز سلمت اوى واستسلمت وحاولت ترتاح من تعبك وسبت نفسك تغوص وتغوص وانت حاسس بالراحه اللى موش متوقعه .
هنا بقى ارتحت بشكل غريب وفى اللحظه دى اختفيت فى قاع البحر .
فهمتوا حاجه ولا لا؟

الجمعة، 18 سبتمبر 2009

احلك ساعات الليل .......................

اتعلمون ان اظلم ساعات الليل هى تلك الساعه التى تسبق الفجر .
حبيت اشارككم اللى بفكر فيه .
هو يعنى ازاى يبقى فيه انسان عايش حياته كلها او اغلبها فى الساعه المظلمه دى ؟!!!
ازاى يتحمل انه يعيش فى السواد دا ؟؟
وازاى لما يقابل حد ويشعر ان الحد دا هيساعده انه يخرج من الساعه دى وبالرغم من كدا الحد دا يرفض انه يستنى معاه وميقدرش يقدر ان النور اللى هو جاى بيه دا لسه جديد على عينيه وانه ممكن يخاف من النور دا او يتعبه شويه فى الاول لغايه اما يتعود عليه.
ازاى يرجع يجرى تانى ويسيبه بعد ماخده من الساعه الضلمه دى ووراه النور ؟
ازاى يقدر يرميه بمنتهى البساطه كدا وكأن شيئا لم يكن؟؟؟؟؟؟؟؟؟؟
عارفين زى ايه كمان.............
لما حد تطلب منه انه ياخدك معاه فى عربيته مشوار وتقريبا الطريق زى بعضه او هو هيقدر يوصلك للمكان اللى انت رايحه
وتركب معاه شويه وبعد شويه وانتوا فى جزء من الطريق حد تانى ييجى ويطلب نفس الطلب وعاوز يروح نفس المكان
وصاحب العربيه يركبه معاكم ,وواحد تانى ييجى,وواحد تالت ييجى,وصاحب العربيه يوقف لكن موش عشان ياخد لكن عشان يرميك انت بره العربيه لانك موش اتفقت معاه فى حاجات او لان شخصيتك موش عاجباه او لاى سبب يعلمه ربنا .
كرامتك توجعك اوى واحساس فظيع يغتال كل مشاعرك واطمئنانك وقلبك وتخاف اوى لانك فى طريق موش تعرفه لكن............
للاسف لازم تكمل ,ايوه لازم تكمل مشوارك
تقف خايف وحيد حاسس بالضياع تشاور لاى عربيه توصلك المكان اللى انت رايحه .
اى عربيه ,اى عربيه وانت عارف انك هتركب وانت مرعوب وخايف وترجع موش تثق فى حد تانى .
و........................................................................................................................................................................................................................................................................
ملحوظه لازم اضيفها :
انا هنا لما اتكلمت موش بينت ولاحبيت انى اوضح كراهيه او اعترف بيها .
وكمان لما تتجرح من صاحب العربيه دا مش معناه انك بتكرهه او موش شاكر له فضله وانه وصلك لمكان معين لكن كل مافى الموضوع انك مجروح.
بس خلاص.

الاثنين، 14 سبتمبر 2009

الغضب...........

هذا الوحش القاتل الكامن بداخلنا والذى اذا ما استفاق يخرسك ويشل حركتك.

التضحيه.













قال حكيم من زمن فات :
"انك تستطيع ان تحصل على اى شىء فى الحياه ;اذا ضحيت بكل شىء من اجله."

الأحد، 13 سبتمبر 2009

What have I done to deserve this?...........


قريت فى الانجيل مره ............
دعاء عجبنى اوى ...........
وبقوله كتير.........
"يارب ساعدنى على تغير مالااستطيع احتماله ,واحتمال مالااستطيع تغييره"
.......................................................................
تصحيح واجب :
الاخ منامينو لفت نظرى للبحث فى الانجيل عن الدعاء دا وموش عرفت اوصله ويبدوا ان الكتاب اللى قريت فيه الدعاء دا موش كان الانجيل .
ولذلك فانا اعتذر عن السابق لكنى مازلت مصره على انى استخدم الدعاء دا وجايز يكون دا فى الانجيل لكنى موش عرفت اوصله بس دا كل الموضوع.
شكرا ليك يامنامينو وارجو الا اكون قد اسأت لاى شخص .

الجمعة، 11 سبتمبر 2009

لو عرفت.............


لو عرفت ان دا اخر يوم لك فى الحياه
ماذا كنت ستفعل؟!!!

الخميس، 10 سبتمبر 2009

ماما طلع من بطنها بنت !!!!!!!!!!!!!!


من حوالى كدا اتنين وعشرين سنه .
خالد اخويا جرى فى الشارع راح يقابل عمامى وهما راجعين من الغيط وهو بيصرخ بصوت عالي .
الحق يبابا عطيه انت وبابا رزق ماما طلع من بطنها بنت صغيره اوى .
هههههههههههه
وحشني اوى حبيب البى خلوود اخويا .
النهارده بقى البنت اللي طلعت من بطن ماما دي واللي هي نرمين ام حنين هيطلع من بطنها ولد انشاء الله وهيبقى زي القمر وهنسميه أسامه.
أسامه هيكون اخو حنين الصغير وهتكون هي اكبر منه بسنتين وسبع شهور .
مع كل طفل جديد بحس انه فيه حاجه حلوه اوى هتحصل .
انا بحب الاطفال اوى وحنين بتقولى ماما سها وقلبى بيطير م الفرحه لما بسمعها بتقول ماما سها .
بس انا موش عاوزه اجيب اطفال
حاسه انى خلاص موش باقي عندي اي حاجه اقدمها لهم ولااى استعداد لتربيه اطفال وتحمل مسئوليه .


ماعلينا المهم ابقوا استنوا السبوع .
بس موش هاجيبلكم سبوع عشان عمى مات من 15 يوم وموش هنعمل سبوع.
ممكن تيجوا تشربوا المغات ...........
وطبعا انا هتطلع عنيه فى موضوع الولادة دا
هههههههههههههههه
والله هي بتبقى مرتاحه عنى انا فى موضوع الولاده دا
انا اللى بتبهدل هى بتفضل نايمه فى السرير.
ياسها تعالى خدي ابن اختك بيعيط وهى عاوزه تنام .......تعالى غيريله.........هاتى الاكل لاختك...........جهزى الحمام لاختك.........الحقى حنين بتشيل اسامع تعالى خديها موش عارفين نخليها تسيبه.........تعالى ياحنون .......لا ياماما سها عاوزه اشيله ........آآآآآآآآآآآآآآآآآآآآه ........ادعولى ربنا يقوينى .

الأربعاء، 9 سبتمبر 2009

ماذا اقول.......؟!!


ان تعلم جيدا ماذا اريد ان اقول؟
المح .......فى عينيك.....همسه وهمسه........والف سر حائر ينتظر الجواب.
انى اعشق السؤال.......ان يظل حائرا بين الشفاه.....مشردا بلا ضفاف .
فروعه الاشياء ياسيدى .........ان لا.......لاتقال ......ابدا.
وسر روعه الحياه .........هو الغموض ........وان تكون غيمه من الضباب ....نتوه فى ظلالها .......نبحر فى ظلامها ........ وكل يوم نعرف الجديد ......ونموت شوقا .......لرؤيه الجديد .
ولكن ................................
سيبقى فى الطريق .........
الف سر غامض وقادم .....
ويبقى السؤال ..........
ماذا اقول؟ّ!!!




ملحوظه :
اصل انا بحب المسلسل دا اوى
Greys' Anatomy

حروووف: انا جالي جالي يابابا جالي عريس

حروووف: انا جالي جالي يابابا جالي عريس
مساء العسل ياام حفيظه
اولا شكرا على مرورك على مدونتى وتعليقك كمان
ثانيا بجد بوست جميل والف مبروك عليكى ابو حفيظه
يازين مااخترتى يابنيتى
والنبى ياضنايا زى مايكون مخلوق عشانك

سورى ياجماعه انا سرقت العنوان دا من مدونه حروووف
انا وعدتها انى هاكتب واقول كدا
بس وحياه دى النعمه على عنيه الاتنين انا موش كان قصدى
خلاص خلاص

take care baby

الثلاثاء، 8 سبتمبر 2009

المنافسه .....مع من؟وماذا؟!!!

مااصعب ان تكون فى منافسه دائمه مع ملايين الاشخاص
وملايين الاشياء التى تحاول ان تستحوذ على ذلك الشخص الذى تريده.

هاانت ذا تقف مكتوف الايدى منتظر هذا الشخص ان يختارك ,ان يحبك,ان يحنو عليك.
ولكن هيهات .هيهات ..........
ان يختارك او حتى يقبل البقاء بجوارك ولو من بعيد
هيهات ان يشعر باحساسك تجاهه
مهما كان هذا الشخص .
ان كان صديق او حبيب او زميل او...................

الألم..................

هذا الاحساس الذى يجب عليك ان تواجهه وتحاربه .
لان الحقيقه تقول انك لاتستطيع ان تهرب منه .
وتقول ايضا ان الحياه دائما تأتى بالمزيد منه.




ولذلك فهنيئا لنا جميعا الحياه المليئه بالالم!

ماذا سيحدث لو......؟

مره اخرى عندى تساؤلات جديده

ماذا سيحدث لو....؟
لم نحتفظ باى اسرار فى حياتنا؟
لم نشعر بالغضب والسخط على حياتنا؟
لم نشعر بالحب لاى شىء او لاى شخص؟
نحيا حياه بسيطه ؟
لو اننى ذهبت الى الشاطىء لوحدى تماما وتعريت تحت القمر وجريت وصرخت ؟
لو اننى تعلمنا كيف نكون جراحين :نقطع ,نخيط كل الجروح


القلوب الجريحه!!!!!!!!!


صدقونى فهذا لايهم ابدا
هل قلوبنا مجروحه من صديق
او هل هى مجروحه من حبيب
او هل هى مجروحه من قريب
او هل هى مجروحه من انفسنا نحن
؟؟؟؟؟؟؟؟؟؟؟؟؟؟؟؟؟؟؟؟
او هل هى مجروحه من شخص لانعرفه
ولايمثل لنا اى اهميه فى حياتنا
ولكنه استطاع وبدون اى اعتبارات
استطاع ان يجرحنا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟





اااااااااااه ,اتعلمون متى نشعر بالحزن الشديد عندما يجرحنا شخص
هذا الشخص نعتبره مثل اعلى
شخص نثق به كل الثقه
ولكنه وفى لحظه يصرح عن مشاعره
والتى تشعرك بانك شخص مصاب بمرض عضال ولذلك فيجب عليه
ان ..................
ان يبتعد عنك
هل جربتوا هذا الاحساس؟
نو ماترز هاو هى اور شى هارت اص بادلى
........
زى إند

الاثنين، 7 سبتمبر 2009

قدرى ولاحبيبى؟

احيانا يكون قدرنا هو نفسه الحبيب
ولكن ليس بالضروره ان يكون كذلك.
احيانا قدرى لايكون حبيبى.
وحبيبى لايكون قدرى.
فكيف يكون حبيبى هو قدرى ؟
وقدرى هو حبيبى؟
...............................................................................................................................................................................

الأحد، 6 سبتمبر 2009

المتاهات.......اين منى؟

اين انا منى ؟
كتب صديق لى فى مدونته انت فين منى؟
عن حد بيسألك .
لكن لما انت اللى تبقى موش عارف انت فين منك انت؟
فدا طبعا اللى يخليك حاسس انك مقلوب والدنيا كلها مقلوبه
حاسه انى تايهه اوى وضايعه اوى كمان .
موش عاوزه حد يستغرب ايه اللى بكتبه بس انا بجد حاسه انى لازم اروح لدكتور نفسى!!!!!!!!!!!
لكن موش عارفه هو هيفهم ايه منى لانى بمنتهى البساطه وزى مانفس الصديق قالى انتى انسانه معقده اوى
بصراحه بحس كتير انى معقده حتى قبل ماهو يقولها لكن كان اول حد يصرح بيها لانى بمنتهى البساطه انا بقيت قدامه كتاب مفتوح وعريت كل الحقايق قدامه.



وزى ماهو قال بنلف فى دواير
ياترى انا اللى بلف لوحدى ولا الدنيا كلها كمان بتلف
كلنا بنلف ............
بنلف ندور على بعض ولما موش نلاقى حد يطبطب علينا نرجع ندور على نفسنا !!!!!!!!!!
لكن المصيبه لما احنا كمان موش نلاقى نفسنا ...........
ياااااااالله !!!!!!!!!!!!
دا حاجه منتهى الصعوبه اوى انك لاتلاقى نفسك ولاتلاقى اى حد كمان جنبك .
بتبقى وحيد ونفسك تلاقى نفسك دى عشان يمكن هى اللى تعطف عليك وتحس بيك وتبقى عاوزه تطبطب عليك.



هو فيه حد فاهم حاجه ولا انا بهييس
عموما موش فارق معايا اى حد عشان اصلا مافيش اى حد


الجمعة، 4 سبتمبر 2009

اعتقادات....................

اعتقد انه عندما نخاف جدا فهذا دليل قاطع على اننا لدينا مانخسره.

اعتقد انك عندما تجلس كثيرا مع شخص ميت فهذا يجعلك تفكر كثيرا وتخاف ايضا كثيرا وترى كل شىء بشكل مختلف.

اعتقد اننا جميعا نحتاج ان نموت ثم نعود للحياه مره ثانيه .

اعتقد اننا جميعا لنا كل الحق فى فرصه ثانيه.

اعتقد انه عندما يصبح العالم من حولنا مخطئا جدا فانه سيصحح نفسه بنفسه مره ثانيه.

او ربما يجب علينا نحنن الا نفسده هكذا حتى لايحتاج الى التصحيح.


اعتقد اننا جميعنا جبناء بشكل او بأخر واننا كلا منا لديه تلك القوقعه التى يلجأ اليها

الخميس، 3 سبتمبر 2009

ماذا سيحدث لو .................؟

ماذا سيحدث لو................
خسرت معارك كثيره ولكنك كسبت الحرب ؟
لو ان الحقائق كلها اصبحت مجرده وواضحه؟
لو ان النبلاء رفضوا ان يرضوا بأقل مما يستحقون؟
لو ان غدا لن يأتى على الاطلاق؟
لو ان اليوم هو النهايه الابديه؟
لو انك رضيت ان اكون لك حبيبه ؟
لو اننى رفضت ان اكون حبيبه لمن لااحب؟
لو النجوم تركت السماء ونزلت على الارض؟
لو ان القمر تقابل مع الشمس فى سماء واحده؟
لو اننى احببت نفسى ونسيت كل العالم ؟
لو ان الحقيقه اصبحت لاتألم جدا هكذا؟
ماذا لو ؟
ماذا لو؟
ماذا لو ؟......................................................................................................................................................................