BLOGGER TEMPLATES AND TWITTER BACKGROUNDS »

الثلاثاء، 8 ديسمبر، 2009

عقارب الساعه بتلف لقدام.


ايون طبعا عمرها مالفت للخلف
دائما للامام سر
وعشان كدا انا كمان هاعمل كدا
حد بحبه جدا وبحترمه جدا قالى الفرق بينى وبينك
ان انا معاركى بتبقى ليا لوحدى
محدش بيحس بيها
لكن انتى
ومكملش طبعا عرفت انا الباقى
اه والله عنده حق
انا معاركى دايما بتبقى باينه للكل
كل الناس شايفه اد ايه الصراع اللى جوايا
مدى التناقضات التى اشعر بها واحيا فيها
طيب ليه
ليه موش اقفل بيبانى على معاركى
وعشان كدا
لو حبيت فى يوم اكتب عن معاركى هاكتب على انها معارك حد تانى
يعنى محدش هيعرف غير انها خواطر وبس
كفايه عليكم معارككم التى تحيونها داخلكم
عارفه انكم بتوهوا منى بس ولايهمكم
===============================
نيجى بقى لموضوع عقارب الساعه اللى مجننانى دى
كل واحد فينا نفسه عقارب الساعه تلف للوراء
طيب ليه ماتحاول انت تلف معاها للامام
ليه دايما بترجع لورا
طيب لف معاها لقدام كدا وانت اكيد هتقابلك ناس اجمل وافضل او حتى على نفس مستوى الناس اللى كانوا موجودين ورا
طيب لف معاها كدا لقدام وهتلاقى فرح فى السكه
هتلاقى امل مستنيك تحت شجره بس المشكله انك كنت على طول بترجع لورا
وهو ياقلبى عليه مستنيك تحت الشجره عشان تشوفه بس انت ماكنتش بتعدى عليه
طيب لف لقدام كدا وانت هتلاقى الرئيس اتغير
ههههههههههههه
ابقى قابلنى طبعا لو دا حصل
ماعلينا
لف معاها لقدام وانت تلاقى زوجه جميله بتحبك
هتلاقى بنوته بتجرى عليك وتقول بابا
وانتى كمان هتلاقى زوج ولهان محتار يعينى ازاى يوصلك حبه
هتلاقى بيبى بينمو جواكى وهتتجننى وتشوفيه وتلمسيه
هتلاقى بنوته سكر بتلعب معاكى وتيجى تقفلك الكمبيوتر وتجرى عشان تقومى تجرى وراها
لف معاها لقدام هتلاقى شغلك اللى اخلصت فيه مع انه موش عاجبك بقى اجمل واترقيت كمان
هتلاقى حياه احلى من القديمه بس احنا دايما بنحن للقديم
لف معاها وانت تلاقى بكره مليان حنان
وامل
وهتلاقى عمرو وتامر واحمد
ههههههههههه
كل دول
لف ياعم معاها وماتحاولش ترجعها للوراء عشان هتتعب واكيد هتقع فى بحور حيره والم وحزن
انسى اللى فات
ولو انت عاوزه خلى الزمن يرجعه لو تقدر
حب الدنيا
غير مهنتك لو موش عاجباك
خاطر وماتخافش مايصيبك غير نصيبك
عمرك واحد يعنى لاحد هياخده منك ولاحد هيدهولك
قوم واجمد ونفض هدومك على رأى العيال اللى بحبهم
ادى نفسك فرصه تانيه
تغير فيها كل اللى موش عاجبك او تحب اللى موش هتقدر تغيره
يلا بقى كفايه عليكم كدا النهارده
===================
اعترف انى فقدت الامل فى وقت من الاوقات
لكن سافتح بابى للامل وساذهب اليه ان رفض هو ان يدخل
نعم ساظل على مرجيحه الحياه ولكن معى امال كثيره واحلام سيحققهالى رب العالمين انشاءالله
=======================
واياكم اياكم حد يقولى انتى عبيطه يوم مضايقه ويائسه ويوم متفائله
لانى بجد عندى كتير يخلينى متفائله.
يكفينى بنوتى حنون
واقولكم مفاجأه انا رايحه البؤجه انشاءالله
هههههههههههههههه
هتوحشونى

33 التعليقات:

ملاك يعيش بكوكب أخر يقول...

بخخخخخخخخخخخخخ

ايه التغيرات الجامده دى

بجد احلى بكتير من الاول

ملاك يعيش بكوكب أخر يقول...

ازيك ياقمر اية الجمال ده كله وحشتينى اووووووووى

ربنا يسعدك يارب ويطمنى عليكى ياقمر

ملاك يعيش بكوكب أخر يقول...

هبقا ارجع تانى اعلق
سلام دلوقتى

مي يقول...

هوووووووووووو ده بحب فيكى سخريتك حتى وانتى تعبانة ليها طعم زى السكر مبروك اللوك الجديد ياسكرتنا
ايوة فرحتينى والنعمة وانا كمان هروح لساعة بيج بن ياختى والف لقدام واحقق امنياتى يمكن الريس يتغير
سلالالالالالالالالام يا احلى سكرة

فاتيما يقول...

يا سكرررررررررتى
البوست دا فيه حاجات حلوة
كتييييير
و حاجات حزينة برضو
مستخبية بين السطور
أنا فرحاااانة جدا إنك جاية اخييييييييراااااا
هتاخدى البوسة و الحضونات تحريرى
اليوم كان بقى اجمل و أجمل
من قبل ما ييجى
انا مبسوطة قوى
الحمدلله ربنا استجاب لدعانا كلنا
إنه يفرجها عليكى و يخرجك من اللى إنتى فيه و لو بإنك تنشغلى و لو ف رحلة أو خروجة
عقبال ما يفرجها عليكى فى كل حاجة يا سكرتى
اتمنى كلامى ف التعليق الغير مصرح بنشره ميكونش فيه حاجة ضايقتك منى
انا كتبته من منطلق حبى
و حرصى عليكى
ربنا يا حبيبتى يسعد كل أيامك
و لما عقارب الساعة بتاعتك تطلعك لقدام تلاقى كل الأمنيات بقت حقيقة جميلة متتوصفش
انا بحبك قوى
و فرحانة بيكى قوى
و مستنياكى يوم الجمعة قوى
قوى
خلى بالك من نفسك يا سكرتى
و أشكريلنا كل اللى عندك
و كانوا السبب فى مجييك
قوليلهم فاتيما و من معها
بيقولولكم
جزاكم الله فرحاً
كما فرحتمونا
بس خلاث و الباقى
لما تيجى بقى

blackshwak يقول...

إزيك ياسكره

ملاحظ إنك بتحاولي تغيري وتجددي شكل المدونه
جربي هنا
يمكن تعجبك حاجه من الموقع ده

تقبلي مروري
سلااام

Heba Gamal Emara يقول...

كلام جميل جدا ومظبوووط جدا جدا جدا
مبرووووك اللوك الجميييييل للمدونة
والى الامام دائما

Tamer Nabil يقول...

يمكن ساعات الواحد عايز الساعة ترجع للوراء لااعادة ايام او لحظات جميلة نتمنى نعيشها تانى فى وقت الاحزان تملكنا فية

ربنا يوفقك ويكرمك

مع خالص تحياتى

(Joudy) يقول...

يارب الجاى يبقى أحلى وكله أمل وسعادة وهنا يارب ويارب كمان حياتك تتملى ديما بالفرح انتى وكل الناس

دمتى بكل الخير والسعادة

Somaya Kamal El Din يقول...

الحمد لله انك بخير

يا رب دايما

الشعب لابد له من حكومه تشكمه يقول...

هو فى ايه الدنيا بتتغير هنا بسرعه كده لييه؟
انا فتحت الصفحه وقلت هعمل حاجه واجرى اقرى براحتى ببص لقيت الدنيا اتغيرت.
سبحان من يغير ولا يتغير:)

ادينى بلف اهو :)

وبعدين المزاجيه دى طبيعة النفس البشريه.ولا يهمك

micheal يقول...

أولا..كلنا فينا تناقضات بس هي بتختلف بدرجات من شخص للتاني
ثانيا..بالنسبة لعقارب الساعة فده موضوع لوحده
تخيلي فيه حاجت لو اخرنا في ها العقرب وغيرنا أفعالنا وحاجات تانية لو قدمناه وعرفنا اللي حيحصل
ياااااااه
بوستك ده خلاني أفكر في حاجات كتير وأسرح وانا بقراه
:)
تحياتي

Baskouta يقول...

سكرتي السكرة
ايه التحول ده
بس بجد جميل
انا فرحانة اوي انك هتيجي البؤجة
اخيرا هنلم البسكوت على السكر.
بوووووووووسة كبيرة لقلبك.

Angel يقول...


يا صباح السكر

والله فرحتيني يا سكرة بجد

لسببين الأول الأمل والتاني أنك إن شاء الله هتروحي لقاء بؤجة الخير كان نفسي أكون في مصر عشان أقابلك (:
ما علينا خلينا في الأمل وعقارب الساعة اللي بتلف لقدام (:

عجبني جداً جداً عزيمتك في البوست ده وتوجيهاتك لأي حد بأنه يستمر في الحياة مع وجود الأمل ..
تعرفي بمناسبة الساعة كنت في مرة ماسكة ساعة عندي رقمية ومركز أوي على الثواني وهي عماله تتعد وتفوت وتمر دقيقة ورا دقيقة بيني وبين نفسي قلت هو ممكن ارجع الثانية اللي فاتت دي ..؟؟ قلت اه بإيدي ارجعها بس في الساعة وساعتها هبقى متأخرة أوي عن باقي الناس لكن مش هقدر ارجعها من عمري .. ابتسمت جدا ساعتها وقلت وأنا مش عايزه ثانية تمر بعد كده ألا لما أكون راضية عن مرورها وعندي أمل في الثواني والدقايق والساعات اللي جايه


وفعلاً طول ما الأمل موجود أقل شيء بنقدر نستمر في الحياة بنجدد الحياة جوانا .. وزي ما قلتلك في تعليقي اللي في البوست اللي فات ..
أي أمر من سعادةلضحك لأمل لازم لازم لازم نضغط فيه على نفسنا ونعيش نفسنا في الأمر ده لأن النفس عامله زي البيبي الصغير لازم تغصبي عليه في بعض الأمور عشان تلاقي بعد كده إجابة وميبقاش هو المسيطر

وربنا يارب يديم عليكي السعادة والأمل ويهدي ليكي سرك ويريح قلبك
قولي آمين

بحبك في الله .. وبوسيلي بقى حنون

Angel love

winner يقول...


صباح الأمل.
كلام جميل كله تفاؤل.
حلو الكلام ده .. استمري.

winner يقول...

ده موضوع كنت كتبته .. يمكن يفيدك .. او يفيد اي حد من زوّار مدونتك.

http://3okala2-maganen.blogspot.com/2009/12/blog-post_08.html

شربات يقول...

الساعة هى حدوتة كل انسان مع الايام تتغير كما تريد ويريد الواقع ولانستطيع تغيرها

ربنا يحقق ليكى ما تتمنى دائما

تحياتى

خواطر شابة يقول...

يارب دائما
كلامك عين العقل ربنا يديم عليك الحالة اللي انت فيها
تحياتي لك

اسماء واحلام فى وجدانى يقول...

طمنينى عليكى

Tadwina يقول...

مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1987

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
Tadwina@gmail.com

لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

و لكم جزيل الشكر،

فريق عمل تدوينة دوت كوم.
http://www.tadwina.com

المعلم محمد صاحب المطعم - طعمية سخنة يقول...

اعترف انى فقدت الامل فى وقت من الاوقات
لكن سافتح بابى للامل وساذهب اليه ان رفض هو ان يدخل
دا المهم
مش هحسد ولا حاجة .... بس اكيد التغير جه بعد اللي حصل من الهم و الحزن

Mano يقول...

ازيك ياسكرة
اول تعليق ليا هنا
انا عاوز اعرف بس فين هيا الشجرة دي
وبلاش كلام في السياسه لاحسن يقفلوا المدونه دي من بكرة الصبح
وهاتنورينا يوم الجمعه

تــسنيـم يقول...

سكــرة .. ازيك

صباحك تمر حنــة

اتبسطت أووي لما شفت الجملة دي في البروفايل عندك : من اراد ان يبقى فليبقى ومن اراد الرحيل فلا يسعنى الا غلق الباب خلفه.

حسيت كأني أعرفهـا قبل كده و بعدين خدت بالي إن فيها قص و لزق :)

أنا فعلا عاجباني الصيغة دي أوووي ..


أنا شايفة الكل بيبارك على تغيير اللوك.. أينعم أنا مشوفتش القديم بس مبروك ع الجديد يا جميلة :)

مستنية صباحات الشوكولاتة عندي كل يوم.. اتفقنــا؟

سلامات يا سكر

ملاك يعيش بكوكب أخر يقول...

اهلا سكره
***
الصراع دائما موجود وسيظل موجود طالما نحن فى الحياه
الصراع امر طبيعى بين الخير والشر بين اراده والأس بين الحب والكره بين الاذلال والكرامه
طالما تتنفسى سوف ينتابك الصراع وهذه هى ذروة الاختبارات والاحتمالات بالنجاح او الفشل

عندما يجتاحك الصراع لاتغلقى بابك افتحيه لمن تحبى وتثقى بيه لاننا بشر
حتى يمتص غيرك حزنك ويتيسر لكى النصيحه
لاخاب من استشار

ثانيا لاتعليق على حركة العقارب
موضوعك جميل فعلا واجب التقدم واجب الخطو للأمام ولا نلقى النظر او حتى نختلسه للوراء
لان الوراء لايحمل اى جميل بل قبيح ردىء سىء
فانظرى بعين الامل لغد وربك خالق الشمس لتذكرك انه يأتى الغد بعد الامس يأتى النور بعد اليأس

ربنا يوفقك ويسعدك وننتظرك بسعاده

lostlove يقول...

تعرفي انا نفسي اتعرف عليكي بقي عشان كلامك فيه شه كتير مني بس بجد دورتي ولقتي الي يفرحك ويسعدك شفتي طلع في حجات كتير
هاولك بقي ليه الناس بتحب ترجع وره عشان فاكره انو كان احلي
مقدرش انكر يعني هو في حلو كتير
واحنا صغيرن كده ومفيش هم في رسنا
رجعين من المدرسه والهدوم ملغبطه من العب والتنطيت يوم في البحر واحنا صغرين مكناش خايفن من بكره ولا عاوزين نعرف شايل لينا ايه
كلنا بنتمني الساعه ترجع بينا للحظه ديه
بس لو فضلنا عايشن علي زكريات مش هيكون فيه مستقبل انا احب اعيش زمان بس عندي امل في بكره يمكن يتغير
وبعيدن تعالي هنا بقي انا تاني مره اجي اه بس علي فكره يعني عاوزينك تشركي معانه بكل صرعاتك حزينه او سعيده مجنونه او عالقه مهيسه مهيبره اي حاجه في اي حاجه المهم انك حسها وهتعرفي توصليها زي ما انتي حسها
وانا عارفه اني رغايه مووووت :d
بس حظك كده بقي
يلا بقي كفايه رغي وربنا يوفقك يا قمر

mimi يقول...

الله عليكي
كلام رزين وعاقل ويخلي الواحد يفكر مرتين

مرة في حالة
ومرة في ازاي يقوللك شكرا علي كلامك

بجد بجد تسلم ايدك

yasmina يقول...

السلام عليكم
ازى حضرك
بجد البوست جميل اوى لانه فى فكرة غريبة فعلا فى ناس كتير بتفكر كدة وانا احيانا بقولها
بجد جميل وكلام حضرتك فعلا مليان تفاؤل وامل
ومحمد واحمد وكل الناس
هههههههه
بجد جميل اوى تحياتى
سلام

فشكووول يقول...

السلام عليكم سكره وشربات

تحياتى

والله فكره يا سكره

الواحد يلف مع عقارب الساعه .. يعنى يسيب نفسه عشان يتقدم مع الحياه .. على رأى المثل دايما الجايات اكتر من الرايحات .. فكره بمليون جنيه .. الناس مش واخده بالها ليه من افكار كتيره وسهله وخفيفه ... لفى مع عقارب الساعه.

تحياتى سكره والف شكر على زيارتك وسؤالك عن فشكول

كلام عيب يقول...

على فكره احلى حاجه فيكى صراحتك اوعى تتغيرى و تسمعى نصيحه اللى نصحك
لان كلك على بعضك حلو
ياريت كلنا نقدر نمشى عقارب ساعتنا لقدام و منبصش ورا و لو انه صعب قوى لان ورا هو تاريخنا بافراحه و احزانه بانتصاراته و انكساراته
البوست جمييييييييييل قوى و ربنا دايما يخرجك من احزانك اقوى و اقوى

غير معرف يقول...

ساسو ازيك ياقمراية وحشانى جدا جدا والله
وربنا اللى بعلم معزتك
انا جيت اسلم على حبايبى اللى لايمكن هنساهم ابدا
انى احبك فى الله
دموع القمر :):)

مجرد حلم... صغنتوت يقول...

ساسو
مبسوطة اوي بالتغيير ده :)
ايوه كده بصي للحتة المنورة وسيبك من الضلمة.. اكيد الحتة الصغيرة دي هتكبر بمرور الوقت
ربنا يكرمك ويوفقك دايماً يا رب

غير معرف يقول...

--------------

Dr Ibrahim يقول...

انا عن نفسى عايز ارجع لورا
الماضى وحشنى قوى
عايز ارجع واهديله وردة وناكل ذره على كورنيش النيل او بطاطا مشوية أو اى حاجة :)