BLOGGER TEMPLATES AND TWITTER BACKGROUNDS »

الجمعة، 25 ديسمبر، 2009

راضيه.


قابلتها بعد مرور زمن على زواجها
وانا اعلم جيدا انها لاتحب زوجها
وانجبت منه 3 بنات
واعلم ايضا انها تحب شخص اخر
سألتها :
انتي سعيده؟
قالتلى
الحمد لله
قلتلها سعيده ازاى؟
قالتلى :عشان دول
واشارت الى بناتها
سألتها يعنى ايه
قالتلى
انا راضيه.......
قلتلها
هل انتي راضيه الرضا اللي يوصلك للسعاده؟
اجابت:
لا................
تركت الحوار حتى ذلك وانا احمل كثير من الكلام وهى ايضا تحمل اكثر منى
..........................
..............................................
اما عنى انا
فانا اشعر بعدم لامبالاه غريبه
كل شىء بقى عادى
عادى
عاااااااااااااااااااااااااااااااااااادى
جدا
مافيش حب
عادى
مافيش امان
عادى
مافيش حاجه فى اى حاجه
عااااااااااااادى
فيه حد بيحتقرك
عادى
فيه حد بتسأل عليه ومطنشك
عادى
فيه ناس بتحبك
فيه ناس موش بتحبك
عااااااااااادى
كل حاجه بقت بالنسبالى
عاااااااااااااااادى
عاااااااااااااادى كبيره اوى
وطظ كبيررررررررررررررررررررررررررره جدا
ناس تيجى وناس تروح
ازعل اتقهر
وفى الاخر طظ
احزن افرح
ابقى لوحدى ابقى مع ناس
عادى وطظ
.................................
................................








28 التعليقات:

الشعب لابد له من شيما تشكمه يقول...

ياسلاااااام على طظ دى:)

winner يقول...


حلوة عادي دي.

دي مرحلة لا مبالاة و هتعدي.

كله بيروح في الغسيل.

عارفة إني إنسان سعيد رغم إنك ما تستحمليش تعيشي يوم واحد مكاني!

السعادة دي شعور داخلي جميل ملوش دعوة باللي برة.
عيشي مود السعادة و قولي عادي و طظ براحتك.
المهم تكوني سعيدة .. ده فعلاً المهم.

حرروف يقول...

انا عارفة اني غايبة بس اعذريني الامتحانات قربت

إبتسامة ملاك يقول...

انا عكس كده خالص

السعاده اهم من اى شىء بالدنيا

كلامك فعلا محير
مليوووووووووووووووووون طظظظظظظظظظ

حيرة كبيرة وتضاد واختلاف فى وجهات النظر

وحشتينى يا سكرة فينك كده
ابقى طمنينى عليكى

خواطر شابة يقول...

الرضى يعتبر سبيلا للسعادة لانه يجعلنا نقبل واقعنا ولانرفضه وهذا القبول بالواقع هو الذي يوصلنا لحالة السعادة
النسبة لحالة العادي التي تنتايك فعادي ولا يهمك كلنا في الهوا سوا فلا تنزعجي
تحياتي لك

مستخلص افندى يقول...

اهى دنيا

عادى فعلآ مافيش اى حاجه

كله عادى

وطظ فى اللى يزعلنى :S

beautiful mind يقول...

انا بجد مش بحب الجو دا
لانه بيقولي كدا انه هينتهي بشوية اكتئاب وحالة وحشة وسلبيه
كلمة عادي لها مدلول مش ايجابي في حياتنا
احنا مخلوقين بمشاعر لازم تنفعل مع اي تغير يحصل في حياتنا
حب كره حزن فرح الم عذاب سعاده
مفيش حاجه ابدا بتكون عادي
بلاش بالله عليكي النمط دا
بصي للنص المليان من الكوب
تحياتي

!! a7mad sala7 !! يقول...

بقيت بكره طلمة عادى دى اوووووووووى

اما ظط دى مش مهم
ايه كلمة يعنى بتتقال وتروح لحالها


لكن عادى دى بتحمل معانى كتير اوى :(

مي يقول...

عادىىىىىىىىىىى كل حاجة بقت عادى الايام بتمر عاااادى مش حاسين بيها عادىىىىىىىىىىى
فرحانين زعلانين عادددددددى
اهى حياة ولازم نعيشها
وحشانى ياسكرتى

Lady E يقول...

دي اغنية لأصالة كلها عادي برضه

وعلى رأي وينر كله بيطلع في الغسيل :)

حاسة ان مودك مش متظبط

لااااااا مينفعش كده روقي عايزاكي تحكيلي على رواية شيكاجو

Baskouta يقول...

حقيقي يا سكرة كله بقا بجد عاااااااااادي

lostlove يقول...

حلو اوي طظ ديه
اصلي يعني
تمام اوي كده
بس يا سكره يا مسكره
اسمحلي ادلعك بقي شويه عشان هرغي حبتنين
قولي 3
كله عادي عادي عادي
وطظ طظ طظ
معاكي اوي انا عشان مفيش جديد
الايام كانك بصه في مريه تمشي ادام تلقي هو هو وره
بس بردو في حاجه اكيد مش طظ يعني
صوح ولا ايه
دوري كده علي شويت حجات مش طظ فيهم هتلاقي
انا عارفه
ملقتيش تعالي ننزل السواق ندور بقي تعبتني
وعندي حل كمان حلو
انا بعملو لما بيبقي كله طظ عندي
اكول ايس كريم شيكولاته
دي الحاجه الوحيده الي ملهاش اي طظ
جربي كده مش هتقدري تقاومي
تحياتي ليكي
واتمني التوفيق
وصباحك ايس كريم شيكولاته وي وحده كادبوري داري ميلك الكبيره ديه
هتفرق بردو

๓คภ๏ภค يقول...

عارفة يا سكرتى .. مشكلتك انك حساسة اوى

يابنتى الزمن اللى احنا عايشينه بقه وحش

بقه ماينفعش تبقى فيه انتى بس اللى حلوة

وصدقينى رغم انك متضايقة من الحالة اللى انتى فيها دى بس دى بداية مرحلة جديدة ف حياتك

انتى كده هتبتدى تتعلمى وتبقى ناصحة وعارفة انتى بتتعاملى مع مين

ربنا يا حبيبتى دايما يوقعك ف اولاد الحلال ومش يخليكى تشوفى اى حاجة وحشة يا سها يابنت طنط ام سها قولى امييييييييييييين

امواااااااااااااااه

جايبالك حاجة حلوة معايا

خدى خدى

http://www.m76at.com/upload/uploads/images/m76at-1449d25958.jpg

بوسيلى حنون وسكرتى كتيييير اوى

سجود يقول...

السلام عليكم
مااااااااالك زعلانه من الدنيا بحالها ليييه
روقي كده الدنيا صغيره ومش مستاهلها نزعل فيها ولو ثواني

Manamino يقول...

ليه بس كدة ياسكرة
لازم يعني تخرجيني من البرود التعليقاتي اللي عندي ده وتستفزيني علشان ارد عندك
هههههههههههههههههههههههههههههه
اديني جيت اهو ياستي
فكيها بقي
صدقيني الدنيا ولا تستاهل
وزي ماقلتي
طظظظظظظظظظظظ كبيرة جدااااااااااااا لاي حاجة ولاي حد
والحب موجود
وهاييجي
وموجود جوانا طول الوقت
احنا اتللي بحدده في حد معين
مع انه ليه اشكال كتيرة قوي
ربنا يكرمك يارب ويملا قلبك بالحب لكل اللي حواليكي ويملا قولب الناس بالحب ليكي

Manamino يقول...

مانوناااااااااااااااااااا
ماليش دعوةةةةةةةةةةة
انا عاوز من الشوكولاتة دي بقيييييييي
انا انهارت جنبها اول لما شوفتها اصلا
عااااااااااااااااااااااا
لازم اقول طز يعني انا كمان علشان اخد شوكلاتة؟؟؟؟؟؟؟؟
طيب انت هاتديني حتة ياسكرة؟؟؟؟؟؟؟
انا عارف ان قلبك طيب ومش هاهون عليكي انهار جنب التورتة كدة وهاتديني حتة
انا باموت اصلا في الشوكولاتة والفراولة
تقومي تعملي تورتة بيهم الاتنين
عاااااااااااااااااا بقي
عااااااااااااااااااا

Tamer Nabil يقول...

بجد فى حاجات مواقف اخرتها طز وكلمة ظز بتريح وتهدى الاعصاب


ربنا يوفقك ويكرمك


مع خالص تحياتى

طوبه فضه وطوبه دهب يقول...

هناك فرق ليس معنى انها لا تحب زوجها انها لا تطيق العيش معه فهى قد تحب العشره تحب حبها لابناءها واسمحى لى ايا كان حبها لشخص اخر فهو خيانه طالما انها تزوجت من هذا الشخص ورضيت ان يكون ابو اولادها مهما كان فيه من العيوب فعليها ان تحبه فكل ما فيه ان ارادت ان تحبه فستستطع ولكن عليها ان تحاول وتترك لنفسها الفرصه

Mano يقول...

وهو ايه اللي بقي مش عادي
مساء الفل

همس الاحباب يقول...

ايه كمية طظ اللى فى بوست ده
البوست عادى وطظ بس
هههههههه
الرضابما قسمه الله لنا راحة وسعادة
وعسى ان تكرهوا شىء وهو خير لكم
مع الاسف كلنا مش عاجبه حاله
لكن الحمد لله على كل حال
تحياتى

صيدلانيه طالعه نازله يقول...

اما كل اللى قولتيه ده عادى امال ايه اللى مش عادى بس
فكيها شويه و بلاش تاخدى كل حاجه على اعصابك لان الطريقه دى مبتجيبش غير المرض و طظ فى الللى يزعلك

7akwena يقول...

ليكى عندى تاج على فكره يا سكره

(Joudy) يقول...

تصدقى يا سكرة الكلمة دى بقت ماشية أوى فى أيامنا حتى لما تكون زعلان من حد ونفسك يعرف ويسألك مالك تقوله عادى يقولك إزاى تقوله برده عادى ولا لما واحدة تسأل حبيبها بتحبنى يقولها عادى بقت كلمة دارجة وتجيب الضغط

دمتى بكل الخير والسعادة

blue-wave يقول...

وهو دا الكلام
وسمعنى اجمل واكبر طظ فى اى حد يدايقنا

sookra يقول...

شيما

بزمتك موش حلوه ؟
=============================
winner

ايه يادكتور
موش اتفقنا مره من المرات ان كل واحد شايف ان حياته اصعب من غيره
يبقى ليش موش اتحمل اعيش يوم من ايامك
موش يمكن لوعشت يوم من ايامك احسن انى مبسوطه وابطل اللامبالاه دى
منورنى طبعا
======================
حررووف

حبيبتى عارفه وعشان كدا موش بحاول اشغلك ولااتصل عشان تخلى بالك من مذاكرتك
شدى حيلك ياروفى عاوزه امتياز يابتوته ياعسل انتى
منورانى
=========================
ابتسامه ملاك
نوسه الكونوسه
هاانذا محيره جدا
وكمان محتاره ومليانه تضاد

=========================
خواطر شابه

موش دايما لما نرضى هنوصل للسعاده صدقينى عن تجربه
منورانى
==========================
مستخلص افندى

كل شىء عادى واكل حد بقى عادى وكل احساس بقى عادى
===========================
بيوتفل مايند

ابراهيم باشا
ولما ننفعل مع الاحاسيس اللى بنقابلها ونوصل فى الاخر اننا نحزن ونقفل على نفسنا ونتعب ونكتأب
ساعتها هنوصل للعادى بتاع كل البشر
عاااااااااااااااادى
صح؟
============================
احمد صلاح

بتحمل كتير وربنا
عادى دى كلمه مشكله
=======================
مى

وانتى كمان وحشانى
اخبارك ايه واخبار
عاااادى معاكى ايه
منورانى
==================
ليدى ايي

عادى برده
مودى عاااادى
رديت عندك
====================
بسكوته

ايه الشاى اللى جاى معاكى دا
هتدوبى يابنتى
هههههههههههههههه
=======================
lostlove

صوح كلامك ياجميل
ههههههههههههههههه
سيبك انتى هى الشيكولاته زبس
هههههههههههههههه
منورانى طبعا
==========================
منونه

حبيبه قلب سكره وحنون
حلوه التورتايه دى
يالهوى عليكى جايه فى وقتها تمام وربنا
نفسى اكل تورته والله بجد
وموش عارفه هاكلها قريب ولا لا

اما موضوع انى ابقى ناصحه دى فا موش باينلها هتيجى
ههههههههههههه
وحشانى ونفسى اسمع صوتك
======================
سجود

انا موش زعلانه من الدنيا
انا زعلانه على نفسى
منورانى

sookra يقول...

منامينو

ايه النور دا كله
كويس انى استفزيتك وخرجتك من برودك التعليقى وخليتك جيت هنا
وطبعا نورت
وكان نفسى استنى هنا بس خلاص هافصل النت
معلش
منامينو
بحاول انى افكها لكن بلاقيها بتتعقد من كل ناحيه
معلش يامينا
انا كئيبه ومكتئبه
وبعدين تعال نتقاسم فى التورتايه
منونه حبيبتى عارفه انا اد ايه بحب الشيكولاته
هاتاخد نصها موش حته بس يامنامينو
نورت والله
وكنت مستنياك من زمان
بس على مايبدوا انك جيت متأخر
معلش اصل انا ماشيه
======================
تامر نبيل

الدنيا كلها طززززززززززززز
كبيره
منور
=======================
طوبه فضه وطوبه دهب

هى صدقينى بتحاول
وموش معنى انها بتحب شخص تانى يبقى بتخون جوزها
قلبها موش ملكها
وهى بتحاول على اد ماتقدر لكن جوزها موش بيساعدها
منورانى
============================
مانو
مساء كل الورود

كل شىء بقى عادى
العادى اللى موش بقى عادى
منورنى
==================
همس الاحباب

نورت ياابوشابى
انا قريت البوست اللى كاتبه عن بلدك وشفت الصور بس اعذرنى مقدرتش اعلق لانى موش قادره احس بأى جمال فى الدنيا

منورنى
=========================
صيدلانيه طالعه نازله
ام شادن
والله غصب عنى ياام شادن معلش
اعذرونى
موش قادره حياتى دايما من سىء لاسوأ
مافيش اى تحسن
منورانى
====================
حكاوينا

حرام والله موضوع التيجان دا
ههههههههههههه
لو مافصلتش النت اوعدك انى اخده
======================
بلو وييف

ترررررم تررررررم تررررم
احلى سلام
سلام صعيدى شحط محط من هنا لعند بلو وويف
ههههههههههههههه

Manamino يقول...

نعم
نعم
نعم
ايه بقي اللي باسمعه ده
هاه
هاه
هاه
لالالالالالالالالالالالا والنعمة اسحلللللللل
يعني هو اذا جائت الشياطين ولا اييييييه
لالالالالالالالالالالالالا ياسكرة هو التدوين ليه طعم من غير سكرة
ده حتي يبقي مر قوي
لالالالالالالالالالالالالالالالالا
ماينفعش والله العظيم اقلب عليكي بلوجر كله
ايه هامشي وافصل النت والكلام ده
يعني انا يوم مارد عندك تقومي انت تمشي
طيب دي اسميها ايه انا بقي
هاه
انا جيت طفشتك يعني؟

Ola يقول...

طب و بعدين يا سكره و الله مش ينفع كده
انا عايزه اعرف بس سبب النكد ده ايه