BLOGGER TEMPLATES AND TWITTER BACKGROUNDS »

الأربعاء، 23 ديسمبر، 2009

غرق.+بوست هام لشاب فقرى


ملحوظه هامه:
شاب فقرى اللى هو موش فقرى
كاتب بوست هام روحوا اقروه ودا المكان:
http://shab-f2ry.blogspot.com/2009/12/blog-post_23.html

حتى لو غرقت فى بحر من الفشل
حتى لو كان عدم التوفيق يلازمنى فى كل حياتى
حتى لو كانت كل قطع البازل الخاصه بى متلخبطه
وليست اي منها فى مكانها المناسب
فأنا مادام بداخلى روح ومادمت اؤمن ان لن يصيبنى الا ماكتب الله عليا او لي.
فأنا لن اياس ويكفينى شرف المحاوله
واننى عندما فشلت لم اموت ولم انهار ولم استسلم لاى فشل
برغم من كثره تلك الوقعات وكثره الفشل الا اننى متأكده ان الله يحمل لي فى
الغيب شيئا ما سيعوضنى عما فات
حتى لو جاء علي وقت وتخيلت ان الدنيا انتهت
فأرجع تانى اجمد واقوى على احزانى وفشلى
لن اوقف حياتى
ساكمل لعل فى يوم من الايام اجد كل الخير
وانا اؤمن ان الله لن يضيعنى
انا لم احتمل عدم الكتابه حتى ارجع الى البيت
فبداخلى مشاعر كثيره متضاربه
فقد خرجت من امتحان الباوربوينت وقد سقطت فيه
برغم ان كل الاسئله اعرفها جيدا واعرف حلها الا ان هناك حلقه مفقوده وهى ان
هذه اراده الله
حتى لو كنت قد حفظت الاسئله فكنت سافشل لان هذه اراده الله وقضاءه
الدنيا لم تنتهى
سأحيا برغم كل شىء
انا لن اترك نفسى لذلك الشعور الذى يشدنى وبقوه الى الاعماق
سأقاوم الامواج وبشده حتى احقق مااريد
لن استسلم
ابدا
لن اقول كما تقول لى ماما واختى وكل نساء العيله
ماذا ستفعلى بالشغل
او لماذا تريدين ان تدرسى وتكملى دراسات حره
بيقولوا ان البنات بتكمل دراستها حجه فقط حتى يأتى العريس وانت تفعلى العكس
فقد اتى العريس وانت مصره على ان تكملى تلك الدراسات التى تحبينها
لن اسمع كلامهم فانا متأكده اننى انا الصح وليس تلك المعتقدات الباليه
انا صح
انا صححححححححححححححححححححححححححححح
............................
...........................................
مازال هناك الكثير اريد ان اقوله ولكن يجب ان اسافر الى البلد مره ثانيه
so,goodbye for now
I will see you soon,take care.


20 التعليقات:

Lady E يقول...

ترجعي بالسلامة يا سكره

انا فخورة بيكي وبموقفك ده بجد ربنا يكرمك

وان شاء الله المرة الجاية هتعدي من الامتحان وهتبقي فخورة انك مستسلمتيش للاحباط

طمنيني عليكي

خواطر شابة يقول...

قدر الله وما شاء فعل الخيرة فيما اختاره الله
حافظي على هذه الروح العالية ولا تستسلمي لليأس أبدا
تحياتي لك

(Joudy) يقول...

ربنا يوفقك ياسكرة يارب ويحقق لك كل أحلامك وتخلصى من الامتحان ده على خير يارب هو رخم أنا عارفة بس إن شاء الله ربنا يسهل وتتصلح الأحوال

دمتى بكل الخير والود والحب والسعادة

Mona يقول...

Continue studying my dear, don't ever give up - be strong

๓คภ๏ภค يقول...

ياختتتتتتىىى تانى يا سكرة

هتفتح نوافخينا اهى ههههههههههه

وربنا دعيتلك وانا طلعان روحى ف الشغل طول اليوم

انتى اللى فاشلة ههههههههه

لا يا سكرتى انا بهزر معاكى شايفة كلام جامد وكبير كده

يابنتى دى حتة اى سى دى ال لا طلعت ولا نزلت تعملى ف نفسك كده ليه

والله يابنتى خير كل اللى بيعمله ربنا خير

هتلاقى بس حنون وحشتك علشان كده انتى ماكنتيش مركزة

المهم اخرجى بقه من احالة دى ويلا سمعينى احلى ضحكة من احلى سكرة ف الدنيا

sookra يقول...

lady E

الله يخليكى
واكيد انشاءالله هانجح
منورانى ياليدى
===================
خواطر شابه

تسلمى ياقمر
ادعيلى انتى بس
وربنا اكيد موش هيضيعنى
منورانى
======================
jOUDY

والله ياجودى هو موش رخم ولاحاجه بالعكس انا بدرسه لنفسى موش لشغل ولاحاجه يعنى موش مضطراله يعنى بحب مجال الدراسه دا
بس اهو عدم توفيق من ربنا
الحمد لله
منورانى
========================
ماما منى

رسالتك وتليفونك هما احسن حاجه حصلتلى النهارده
وانا قويه جدا والحمد لله
دعواتك يااحلى ماما

منوره الدنيا كلها
======================
منونه

انتى يابت هتسيحيلى على البلوجرز كدا
طيب دا احنا اصحاب دارى عليا طيب
هههههههههههههههههههههههههههه
نفسى اشوفك بقى بطلى غلاسه وتعالى بقى
حنون بتسلم عليكى

إبتسامة ملاك يقول...

ربنا معاكى يارب ويقويكى

انا بحبك اوووى وفخورة بيكى

ربنا يقدم ليكى كل خير يارب

Tamer Nabil يقول...

ترجعى بالسلامة سكرة

ويارب ديما قوية كدة

ربنا يوفقك ويكرمك


مع خالص تحياتى

الشعب لابد له من شيما تشكمه يقول...

متزعليش حاولى مره واتنين وتلاته ايه يعنى..

lostlove يقول...

ترجعي بالف سلامه
وخليكي عارفه انك صح
من جواكي صح
متخديش راي حد ولا تخلي حد يحبطك
متعرفيش كلامك اصلا اثر في اد ايه
انا حسيت كده اوي والفتره الي فاتت دي بزات عجبني اوي كلامك ده
حتى لو غرقت فى بحر من الفشل
حتى لو كان عدم التوفيق يلازمنى فى كل حياتى
حتى لو كانت كل قطع البازل الخاصه بى متلخبطه
وليست اي منها فى مكانها المناسب
فأنا مادام بداخلى روح ومادمت اؤمن ان لن يصيبنى الا ماكتب الله عليا او لي.
وبجد حسيتو اوي
وعلي طول بقول الي ربنا عاوزه هيكون
عشان ربنا بيكتب علينا كل حاجه
وبعدين المرهه الجيه هتنجحي
وهتجبي ليه شيكولاته حلاوت النجاح كمان
تحياتي علي كلامك
واتمني ليكي التوفيق

donya يقول...

مساء الخير
معلش مره تصيب ومره تخيب

اوعي تستسلمي

وترجعي بالف سلامه

تحياتي

مستخلص افندى يقول...

ربنا ينجحك ويعوضك بكل خير بأذن الله

ولا تنظرى خلفك امضى الى الامام وربنا معاك بأذن الله

beautiful mind يقول...

ترجعي بالف سلامه
وبجد انتي كدا بتثبتي انك فعلا فاهمه الحياه صح
مش كل فشل هنياس عشانه
ومش كل نجاح هنقف ليه
تحياتي ليكي
وترجعلنا بالسلامه

micheal يقول...

جميلة أوي الروح دي
تحياتي

Baskouta يقول...
أزال أحد مشرفي المدونة هذا التعليق.
mimi يقول...

سكرتي ،،

الصورة بجد تاخد جايزة ،، سكرة دامية

تحفةةةة من أختيارك .. تسلم إيدك
أما عن كلمات البوست ، فالحالة عرفتي تتكلمي عنها كويس جدا

تحياتي

حنين الذكريات يقول...

السلام عليكم
بعد الفشل لابد يأتى النجاح علشان بنعرف نقطة الضعف ايه
اجمل حاجه انك واخدها ببساطه ربنا يوفقك فى كل اعمالك ويحقق احلامك

سجود يقول...

السلام عليكم
بصي كلام مامتك صح وكلامك صح فحاول توازني بين الاتنين وكمان مش تستسلمي للدنيا وتقولي ارادة الله فحاولي التوفييييييق والوسط في كل الامور افضلها

IBN BAHYA - إبــن بهيـــــــــــــة يقول...

لأ ..
اسمحيلي .. مش صح
هي الحكاية عند يعني ولا إيه ؟؟

عارف ممكن تزعلي مني .. لكن دي الحقيقة .. مش معتقدات وعادات بالية ولا حاجة .. دول يا بنتي مخزون مصر الاستراتيجي

خالتي الحاجه اللي مش عاجبه جنابك دي .. هي حاملة الحضارة منذ عشرة آلاف عام

تيجي حضرتك وتقولي عليها بالية


طيب وعزة جلالة الله الكلام ده هو اللي بالي ومكرر وممل كمان

سامحيني .. بس زعلت قوي لما قلتي عليهم كلامهم بالي

صدقيني لأ

وأنت حرة ..

تحياتي

IBN BAHYA - إبــن بهيـــــــــــــة يقول...

على فكره

عشان حضرتك عنيدة بزياده
عاملة التعليق في مدونتك طوع أمرك
يعني اللي يعجبك كلامه تطلعيه

واللي كلامه زيي كده تمنعيه


شفتي بقى إنك من جوة أعماقك سامعه صوت بيقولك غلط غلط غلط

بس بتكابري برضه

المرة دي من غير تحياتي

سلام