BLOGGER TEMPLATES AND TWITTER BACKGROUNDS »

الأحد، 20 ديسمبر، 2009

قويه ومفتريه


اولا صباح الخيرات
او بنسوار الخيرات
او مورننج الخيرات
المهم صباح ولامسا
اهو اى حاجه للناس الكويسه اللى هنا وموش بيروحوا هناك
انا قلت اجى اقولكم على حاجه غريبه
او يمكن حاجه طبيعيه
بس انا اللى مكبراها
طبعا كما هى عادتشى الرقيقه وإن انا بنوته بسكوته وموش بتزعق خالص وصوتها يجيب لاخر البلد
الا اننى النهارده كنت ركيكه خالص مع الست ام خالد
الست دى امى
هههههههههههههههه
طيب والنبى على عنيكم تقولولى انا صح ولاهى
انا عاوزه اشتغل ودورت على شغل فى اى مدرسه
تعاقد يعنى لكن كل المحاولات باءت بالفشل الزريع
المهبب
عاوزين واسطه
وابويا راسه والف سيف انو موش يتصل بخاله البيه لانه هيبقى وسطه فصيعه خالص
(خلوا بالكم من فصيعه دى)
ههههههههههههههه
انا فى بالى فكره مشروعين
والاتنين عاوزين رأس مال
الاول عاوز رأس مال لايقل عن نص مليون
هاف اميليون باوند والصلاه على النبى
انا لااملك هاف امليون مليم
هههههههههههههههههه
التانى عاوزله كدا حدود عشه الاف كدا
وبرده لااملك منهم شىء
اعمل ايه اطق واكبت نفسى واحرق فى دمى
واقعد فى البيت اكل واشرب وانام (مع ان النوم دا موش بيحصل)
ولا اكون ايجابيه وابحث عن عمل شريف
جالى النهارده عرض عمل فى جمعيه رجال الاعمال
المهم طبعا المرتب ليس مغرى ولانيله
بس انا اؤمن انى لازم احب مااعمل حتى اعمل مااحب
قلت لدادى موش اعترض
قالى قولى لخطيبك
هو قالى انتى حره لغايه اما تبقى فى بيتى
قلت اشطات
وخلاص هااروح بكره الشغل
الاقيلك ماما تقول ابدا
على جستى
قلتلى انا هاروح كدا كدا هااروح
يابنتى دى مرتبها هتحطى عليه عشان اجره السكه
قلتلها هااروح
قالتلى انا اعرف ان اللى تبقى هتتجنن وتموت وتشتغل دى
اللى هتستفاد بمرتبها
لكن انتى والحمد لله مبذره خلقه يعنى موش هتستفادى بيه ولاحاجه
انا ياناس بخيط اوقات
وبيبقى معايا مالى الخاص وانا مستقله ماديا عن اهلى
ولما بوفر فلوس باخد بيها كورسات حره وادرس الحاجه اللى بحبها
هى شايفه بقى ان دراستى دى والكتب اللى بشتريها مجرد بعزقه على الفاضى
(بصلى لعيال عمك معاهم فلوس اد ايه وانتى ولا معاكى ولامليم للزمن)
اوووووووووووووووووف
قمت طبعا متنرفزه اما وصلت معاها للاخر ودبدبت برجلى على الارض وزعقت وقلتلها
بابا وخطيبى موافقين
مالكيش دعوه
هاروح يعنى هااروح
هههههههههههههههه
دوشتكم عادى يعنى انى ادوشكم
بس اصل يعنى لامؤاخذه دى مدونتى واكتب وادوش نفسى براحتى
عاوزين تندوشوا تعالوا
موش عاوزين انتوا حريين
باى باى

3 التعليقات:

(Joudy) يقول...

والله انتوا الاتنين صح

هى خايفة على بهدلتك وتعبك بمرتب لا يودى ولا يجيب وعايزاكى تكونى أحس من الكل

انتى صح قوليى ليه أقولك نفس المعاناه عندى عاوزة تثبتى نفسك وتحسى انك شايلة مسؤليه ويعتمد عليكى بعيدا عن المسح والكنس والطبخ والذى منه وعارفة انك نفسك يبقى معاكى فلوس انتى اللى جيباها بغض النظر عن هما كام بس أهو يبقى معاكى فلوس انتى اللى قبضاهم على تعبك

اااااااااااه امتى أشتغل بقى هههههههههههههههه

دمتى بكل الخير والسعادة

Tamer Nabil يقول...

والله ياسكرة ماما خايفة عليكى وعايزاكى مش تضيعى وقتك فى وظيفة المادى فيها ميت ومعاها حق

ودى حلها تستنى لحد ما تيجدى افضل ولو مفيش اشتغليها لحد ما تجدى افضل

المهم شوفى نفسك فى ايةواعملية مدام صح وماما اقنعيها برايك من غير ما تزعل


ربنا يوفقك ويكرمك

مع خالص تحياتى

فكرة من الزمن ده يقول...

مفترية بجد
اسمعي كلام ماما
بنات اخر زمننن
تحياتي ياسكرورة