BLOGGER TEMPLATES AND TWITTER BACKGROUNDS »

السبت، 31 أكتوبر 2009

التجاهل هو الحل.


عندما نتجاهلهم فهذا ماسيجعلهم يموتون غيظا
المقال دا انا نسخته من مدونه ايد واحده

يروى أن أبا جهل كان يسير في مكة يحذر الناس من الاستماع إلى النبي
محمد – صلى الله عليه وسلم - فكان الناس يتساءلون عن محمد، ويذهبون إليه ليعرفوا لماذا الحذر من حديثه. حتى إذا كانوا بين يديه أسلموا، فكان الإسلام ينتشر على أيدي أعدائه.

ومن القصص الطريفة أن هناك مفكراً إسلامياً كتب يوماً كتاباً قيماً ، فلم يحقق الكتاب نجاحاً، فكتب الكاتب تحت اسم مستعار مقالاً في جريدة يهاجم فيها كتابه ويتهمه أنه يعتدي على الإسلام ويسيء إليه. فما هي إلا أيام قليلة وأحتل كتابه مكاناً متقدماً في قائمة أعلى الكتب مبيعاً. ولما اشترى الناس الكتاب اكتشفوا قيمته العالية.

اليوم يحدث نفس الأمر، ولكن بطريقة عكسية. فهناك من يخرج فجأة علينا ليحذر من الفيديو أو المجموعة الموجودة على الانترنت. ويطالبنا بحملة ضخمة لنشر رابط هذا الموقع وإرسال اعتراض عليه لتقوم إدارة الموقع، سواء كانت الفيسبوك أو اليوتيوب، بحذفه. وهكذا بعد أن كان هذا الفيديو أو هذه المجموعة لا يعرفه سوى عشرة، يصبح في خلال إسبوع واحد عدد زواره عشرات الآلاف. فلا يكون هناك فرق بين ما كان يفعله أبو جهل وما نفعله نحن إلا أن النبي محمد عليه الصلاة والسلام كان يدعو إلى الحق.

دعونا في البداية نضع أنفسنا مكان صاحب هذا الفيديو أو المجموعة المسيئة. ما هدفه؟ لو أخذنا على سبيل المثال صاحبة مجموعة "استخدام القرآن بدلاً من المناديل الورقية" والتي لأجلها قامت حملة مقاطعة الفيسبوك الأخيرة. ما هدف فتاة مثلها؟. هي تريد الاستفزاز والتسلية
تريد فقط استفزاز المسلمين. وكلما زاد عدد المسلمين المستفزين كلما زادت ضحكتها قهقهة. إذن هي ترغب في الإنتشار. في أن يصل من يقرأ كلامها إلى آلاف مؤلفة. لا يهم بعد هذا أن يتم حذف المجموعة أم لا، فالمجموعة قامت لهدف محدد وهو الاستفزاز. وإن طالت مدة الاستفزاز مسخ طعمه. ولو قام الفيسبوك بحذف المجموعة فإنها قادرة على إنشاء غيرها بعد نصف ساعة من الحذف، وتعود ريما لعادتها القديمة

أحد الأذكياء قام يوماً على أحد المواقع الالكترونية بتنبيه المسلمين لأمر هام. وهو أنه شاهد بعض الملحدين وهم يعدون أمراً شبيهاً بهذا ليسخروا من المسلمين. كان الموضوع يُعد في أحد المنتديات التابعة لهم. وكانت فكرتهم بكل بساطة هو تلفيق قصة تحكي أن هناك نباتاً اكتشفوه في ألمانيا يصدر ذبذبات وأن هذه الذبذبات بعد دراستها اكتشفوا أنها تسبيح بحمد الله. الطريف أنهم وضعوا هذه القصة في عدة منتديات إسلامية. وفي لمح البصر انتشرت القصة كالنار في الهشيم في كل المنتديات الإسلامية، وصدقها الآلاف. وسخر الملحدون من جهل المسلمين وضحكوا حتى ملء أشداقهم.






  • فما الحل إذن؟



تخيلوا معي المشهد التالي. شخص أراد أن يستفز المسلمين بإنشاء مجموعة مسيئة للإسلام. قام بإنشائها ثم وضع رابطها في عدة مجموعات إسلامية وقال: انقذوا الإسلام. تخيلوا لو تجاهل هذا الرابط كل المسلمين. لو لم يدخله أحد، ولو دخله أحد فإنه لا ينشره ولا يحذر منه. هل تعلمون النتيجة؟. ستمر أسابيع وشهور وعدد من شاهدوا هذه المجموعة لا يتجاوز أصابع اليدين. وعدد من شارك فيها بتعليق لا يتجاوز أصابع اليد الواحدة. ما هو شعور صاحب الجروب إذن؟. سيكون الاستفزاز والغيظ من نصيبه. سيلحق به الفشل.

قبل كتابة هذا المقال شاركت في الحوار في العديد من المجموعات المسيئة للإسلام على الفيسبوك. وتحاورت معهم بكل الطرق. جربت أن أخلق حواراً هادئاً، وجربت أن أسخر منهم، وجربت أن أسبهم كما يفعلون سبة بسبة. كل هذا كان لاختبار ردود أفعالهم. فلم أجد وسيلة أنجح من التجاهل التام. التجاهل هو الأكثر إثارة للجنون لأنه يلغي الهدف الأساسي من إنشاء هذه المجموعة المسيئة.

يذكرني هذا الأمر بأنصاف الموهوبين من الأدباء. هؤلاء لا يتحدثون إلا في الجنس والدين. يتحدثون بقبح حتى يلفتوا الأنظار. وتقوم الدنيا ولا تقعد ويثور الجدل حول ما كتبوا. مع أن ما كتبوه لا يستحق – فنياً – أن نعيره أي اهتمام.

كل حملات المقاطعة والدعوة إلى إغلاق المجموعات وحذف الفيديوهات المسيئة – في رأيي المتواضع – لا معنى لها. لأنها كما قلت من قبل، لا تحقق إلا أهداف المسيئين للدين والذين لا يرغبون إلا في أن تشتهر وتنتشر إساءتهم. ثم إنه لا معنى لكل هذا الجهد الضائع. العمل الجاد والقيم لنفع المسلمين هو افضل ألف مرة. النبي أمره الله أن يعرض عن المشركين وقال له "إنا كفيناك المستهزئين". ونهى النبي الكريم عن الجدال الذي لا طائل من ورائه لما قال " أنا زعيم ببيت في ربض الجنة لمن ترك المراء ولو كان محقاً:. فما بالكم بالجدال مع من يقول أن القرآن لابد أن يستعمل كمناديل ورقية. هل هذا الكلام يستحق أن ينظر إليه أصلاً أو أن يعيره أحد أي اهتمام. فما بالكم بحملة كاملة للمقاطعة يشارك فيها ملايين المسلمين من أجل منع نشر هذا الكلام الفارغ.

لا أجد أفضل من أبيات نزار قباني للتعبير عن هذا الأمر. فقد قال واصفاً :

نتمطى فوق وسائدنا .. نلهو بالصرف وبالإعراب
نركب أحصنة من خشب .. ونقاتل أشباحاً وسراب
وننادي يارب الأرباب .. نحن الضعفاء .. وأنت المنتصر الغلاب



المقال كتبه : عماد الدين السيد ـ التبكيت



الثلاثاء، 27 أكتوبر 2009

الحقيقه.


عشان نعرف الحقيقة ونشخص مرضنا صح.
يجب علينا ان نغير من رؤيتنا للامور بشكل مستمر.


نبدأ بمعرفه وجهه نظر الاخر والذى غالبا لا يعرف ما يحدث داخلنا.


لذا نحاول ان نفهم الامور من جميع النواحي ,ونستبعد كل الاحتمالات.


نكشف عن معلومات جديده
لنعرف اين يكمن الخطأ الحقيقي.


ونأخذ آراء اخرى,
املا فى ملاحظه ما اغفلناه
وهذا يعتبر سببا للحياه او الموت.


وحين نصل الى
الحقيقة,

تلك الحقيقة التي يصعب علينا مواجهتها او تقبلها .

هنا فقط نبحث عن رأى أخر.

واحيانا :يؤكد الرأي الاخر اسوأ مخاوفنا.

ولكن احيانا ايضا:

قد يلقى بالضوء على جانب اخر من المشكلة
ويجعلك تراها من زاوية مختلفه .


وبعد عرض جميع الاراء ووضعها فى الحسبان,
نكتشف اخيرا بان ماكنا نسعى اليه كان

(الحقيقة).

ولكنها ليست النهاية

بل هي بدايه نقطه جديده

تحمل معها اسئله جديده
؟؟؟؟؟؟؟؟؟؟؟؟؟؟؟؟؟؟؟؟؟؟
اسئله لانتهى.


مقتبس ومحرف من مسلسلي المفضل(Grey's Anatomy )

قلبى يدمى .........


انا خلاص قررت ان اتنحى
انا قررت ارجع اقفل بابي عليا
انا قررت اختفى عن عيون الناس والبشر
انا قررت اقطع كل تعاملاتي مع كل الناس
انا قررت اعيش لنفسي وبنفسي
انا قررت انى لا احتاج حد ولاحتي انى احتاج ان الاقى حد محتاجنى
انا تعبت
طول الوقت بتفهم غلط
دا اكيد موش عيب فى كل الاخرين
العيب اكيد فيا انا
موش بعرف اوصل لهم
موش بعرف اخليهم يحسوني او يفهموني
الان اعترف وبكل ثقه ويقين انني لست ذكيه اجتماعيا على الاطلاق

انا بس كان نفسي الاقى حد يفهمني زي ماانا
كان نفسي ان ماحدش يسيء الظن بيا
كان نفسي كلامي يوصل زي ماهو
وان مايتخيلوش ان فيه وراه اي نيات سيئه
عمري انا ما اذيت حد غير نفسي
وكنت بتحمل ازائي لنفسي دا وبتعامل معاه
او برميه بعيد
دلوقتى انا اذيت حد بحبه وبحترمه

انا هنا بقوله
انا اسفه
انا اسفه بجد
من هنا
خلاص انا ساعلن ان كل تعاملاتي مع كل البشر هتكون من وراء اسوار وجدران
لن اسمح لاحد بالاقتراب
فهذا هو الحل


نفسي اصرخ بصوت عالي وابكى باقصى ما احمل
انا نفسي ارحل بعيدا عن دنيا البشر
نفسي اعيش لوحدي
نفسي ابعد عن كل الناس
نفسي الاقى نفسي


"جواك سؤال تصرخ تقول انا مين انا مين
انا زي ماانا ولااتقسمت اتنين "

ساغلق بابى على وجعى وارحل بعيدا بعيدا
ساغلق الف باب وليس بابا واحدا

هو احنا ليه دايما محتاجين اننا نسمع من حد تانى اننا غلط؟
ليه مادمنا عارفين اننا غلط ليه بنكابر
ليه بنضحك على نفسنا؟!!!!

الأحد، 25 أكتوبر 2009

قصه من الواقع..................


هي تحبه كثير
هو يحب اخرى ومتعلق بها بكل كيانه
هي ليست ملك له ولكنها ملك لاخر
فى النهاية تقتنع انها ليست له وانه ليس لها ولكن تريد ان تستمر صداقتهم فبينهم شيء احلى من الحب
شيء ارقى واعلى
مشاعر ارقى من مشاعر الحب
مشاعر الصداقة
نعم انها مشاعر الصداقة
تلك المشاعر التي تأخذك بعيدا بعيدا
تلك المشاعر التي تجعلك تتمنى ان تأخد صديقك فى حضنك
تجعلك تريد ان تربت على كتفيه
تجعلك تريد ان تمسح دموعه التي لاتخرج من عينيه
تجعلك تتمنى ان تفعل اي شيء حتى تحمل همه وتجعله سعيدا وترى البسمه على شفتيه
وعند تلك المرحلة وبعدما تقتنع انها له صديقه وانه لها صديق يحدث مالا يحمد عقباه



تاتي امه وتتصل بها وتقول: ماذا بينك وبين ابنى ؟
تقول: ماذا تقصدين ؟
تقول :انت تتصلين به كثيرا فماذا يحدث؟
تقول:لاشيء نحن اصدقاء.
تكون امه انسانه محترمه جدا
لاتقول لها اي شيء ولكنها تقرأ جيدا مابين السطور
تقرأ ما تريد تلك الام التي تخاف على ولدها من ان تكون تلك السيدة امرأه لعوب وتأخذه الى طريق لا يستطيع العوده منه ثانيا


تشعر بإهانه لمشاعرها
تهينها الام دون ان تنطق بحرف واحد
تشعر ان الدنيا سوداء فى عينها
افي هذا الوقت ؟وبعدما تغيرت مشاعرها وسيطرت على احساسها واخذته صديق تجده كلما احتاجت ان تبكى على كتف احد وهى التي طالما عاشت وحيده ولاتجد من تبكى على كتفه وحتى زوجها الذى تأخذه الدنيا والعمل ولا يستطيع ان يخاطب مشاعرها
انها انسانه حساسه جدا ولكنها تغلق على مشاعرها فى بئر عميق ولاتسمح لاحد بالاقتراب منها
لانها تعرضت لاغتيال مشاعرها كثيرا من اناس فتحت لهم قلبها
وهم خذلوها
ماذا تفعل ؟!!


ملحوظه ساسويه "كنت عاوزه اكمل معاكم زكرياتى لكن دا اللي حصل بقى ملحقوئه"
ورب بوست لم تنشره يكن لك مقالا فى صحيفه
هههههههههههههههههه


الجمعة، 23 أكتوبر 2009

ايام زمان .


اولا كدا صباح الشيكولاته البيضا.
انا ياشوباب بقالى كام يوم بفكر فى حاجه وكنت عاوزه اكتبها لكن موش عارفه ايه اللى كان بيمنعنى
المهم اللى حصل كالاتى انى امبارح بالليل اتكلمت مع صديق عن ايام زمان وذكريات ايام زمان والصبح لما دخلت لقيت حرووف كاتبه بوست جديد عن ذكريات زمان فقوم ايه اعتبرت اللى بيحصل دى اشارات انى اقول اللى انا بفكر فيه .
هتقولولى وهو ايه ارد واقولكم استنوا مستعجلين على ايه وراكم الديوان ياخااااى
هههههههههه
كنت بفكر فى رمضان زمان كنت بفكر فى بوجى وطمطم وفوازير نيللى وشريهان والف ليله وليله
كانوا بيجوا بالترتيب دا ورا بعض وكنا بنفطر بشويش اوى عشان نتفرج عليهم واحنا على الفطار وبعدين طبعا لانى كنت لسه صغيره لاكنت بغسل مواعين بعد الفطار ولااقوم اعمل شاى ولاحاجات من الخنيقه دى
كنت افطر واقوا اصلى واجى جرى اقعد قدام التليفزيون الابيض والاسود فى بيت العيله كدا وابقى قاعده وسطهم لكن فى دنيا تانيه خالص
مع ريما وكريمه وحليمه وشهرزاد وكل الحاجات الحلوه دى
كنت بحب زمان اوى اوى
كنت بستمتع بحاجات كتير ماعدتش لاقياها دلوقتى



كنت بحب اتفرج على العيال فى الشارع وهما عاملين فانوس بإزازه زيت يقطعوها ويحطوا فيها شمعه
وكنت بحب الف معاهم بس طبعا كان ممنوع انزل الشارع
كنت بكتفى انى اتفرج عليهم


وبما ان انا كنت اغلب الوقت مقضياه عند خالتى عشان كانت لوحدها فى البيت بعد موت جدتى وخالتى كانت بتخيط وكانت تاخد العشر ايام الاخيره من رمضان سهر طول الليل على ماكينه الخياطه كنت بحب اقعد جنبها اتفرج عليها وهى بتخيط وطلعت بحب الخياطه اوى .

كانت خالتى مدلعانى اوى كانت تنيمنى على رجليها بالطول كدا وتفضل طول الوقت تزغزنى كدا لغايه اما اقولها خلاص تعبت كفايه والنبى

انا لسه فاكره معالم بيت جدتى القديم قبل مايهدوه ويبنوه تانى
كان دافى اوى وكان فى عز البرد تحس انك دفيان اوى وكان البيت مسقوف بالخشب والقش وكان فيه سلم خشب كدا نطلع على السطح بيه وكنت بخاف موت انى اطلع على السلم دا ولغايه دلوقتى انا بخاف موت من السلالم الخشب.ههههههههههههه

جدتى لامى واحنا صغيريين كانت بتعملنا عسليه فى البيت وكانت بتحطها فى طبق صاج ابيض وترشها بسكر ناعم
كانت بيبقى طعمها حلو اوى ولغايه دلوقتى موش قادره اكل اى عسليه عشان موش تضيع طعم العسليه اللى كانت جدتى بتعملهالى
كانت الله يرحمها بتحبنى اوى وكانت بتعتبرنى حفيدتها الوحيده وكانت تقولى انتى بنت بنتى بس انتى بنتى
كنت صغيره اوى لما ماتت وانا فاكره اليوم دا اوى بكل تفاصيله وحتى بشكل الشوارع والناس والبيوت
انا عندى ذاكره جامده اوى ودا اللى بيتعبنى كتير

فى اليوم دا نرمين اختى كان عندها سنتين وكانت جدتى تعبانه بقالها فتره وكانت ماما عندها لما اخدت نرمين فى ايدى وانا عندى 6 سنين وقلتلها تعالى اوديكى لماما
وانا لسه ماخرجتش من الشارع لقيت بنت من جيران ستى مقابلانى تقولى انها ماتت
البنت دى موش عارفه كانت بتعزنى معزه مااقولكومش
المهم رحت جرى عشان اشوف ستى لكنهم رفضوا يدخلونى ولقيت ماما مغمى عليها وخالتى بتصوت وتعيط
رجعت بيتنا وطلعت فى الشقه اللى فى الدور التانى ودخلت اوضه مليانه ارز متعبى فى غرارات (يعنى جوال كبير اوى)وبكيت بكيت اوى لدرجه انى نمت من غير ماحس والدنيا بقت ليل وبدأ الكل فى البحث عنى لانهم خافوا عليا عشان كانوا عارفين انا متعلقه بستى اد ايه


فيه اغنيه لفيروز وهى بتتصل بستها وتحاكيها بحبها اوى الاغنيه دى
"الو ستى
"ستى ياستى
اشتقتلك ياستى
على صوتك
صوتك بعيد
جاى من الكرم جاى من التفاح
صوتك حامل شمس وفاى لون التين والزيتون
ايييييييييييييه
وريحه الطيون ياستىى
ايييييييييه ياستى ماحدن ينطرنى لاتأجلى العرس يمكن طول
شو هم الفستان قولى للعروس انتى الزينه وانت العرس وسلميلى كتير ومابقا بكير ياستى
بذكر الليالى الطويله وانا طفله بالزمان قصص الشتا يحكيلى صوتك اللى كله امان
آآآه
آآآآه
ايييه ياستى شو بقلك ياستى انتوا بقلبى
ستى ياستى
ستى ياستى

طولت عليكم اصل انا لسه عندى زكريات كتير عاوزه اسجلها يمكن يجيلى زهايمر وانساها وساعتها هازعل اوى انى نسيتها
ههههههههههههههههه
تحياتى ياللى مغلبنى اوى
ستى ياستى
ملحوظه صغنونه "الشيكولاته اللى فوق دى من منى صاحبه مدونه
واحد شاى" وماحدش يقولى هاتى واحده ولاحته كمان

الثلاثاء، 20 أكتوبر 2009

الدموع والالم..!!!!!


عندما نتألم بشده فاننا نبكى بحرقه .
نبكى بحرقه وكأن دموعنا نار تحرقنا ولاتطفأ الامنا
نبكى حتى تجف دموعنا ولكن لايهدأ الالم .
وعندما تجف الدموع نبكى بدون دموع ومااصعب البكاء بدون دموع .
ثم بعدما لانستطيع ان نبكى نشعر بأننا غير متوازنيين ,نشعر وكأننا على مرجيحه ولانستطيع الثبات تتحرك بشده ولانستطيع ان نوقفها . بعد كده ممكن نتحول لمرحله تانيه فى التعايش مع الالم وتكون بأن ننام .نعم ننام وننام كثيرا حتى لانشعر بهذا الالم ونكون كمن يهرب من النار بالرمداء ولكن هيهات ان نستريح فمازلنا نتألم .
بعد ذلك من الممكن ان نصل الى مرحله اللامبالاه ولكن صدقونى فانها وعلى مااعتقد ستكون مريحه جدا تلك المرحله ,سنتعايش مع الالم ونحيا معه ونحبه ويتحول الى صديق مخلص دائم الوجود لاينفر منا ولايتخلى عن مسئوليته تجاهنا .انا اريد ان احيا فى مرحله اللامبالاه حتى استريح مما انا فيه.


ملحوظه من البنت ساسو الحلوه,انا هاشرب بق مايه وانام واكيد اصحى كدا وكدا وكدا

السبت، 17 أكتوبر 2009

الذكريات...

"اثقل مايحمله المسافر معه عند الرحيل هى الذكريات

تنبيه هام..........


الى كل من يهمه الامر
انا سوف اغير اسم مدونتى من آآآآآآآآه سورى موش قصدى...
الى" mourning dove"
وهذا معناه الحمامه التى تنوح
وعلى فكره انا سرقت الاسم من كلمه فى بوست عند كرنفال

الجمعة، 16 أكتوبر 2009

هو احنا ليه خايفين؟!!!!!!!


عجيب اوى احساس الخوف دا ..
من يومين كنت رايحه اسكندريه وبما انني من الارياف فكان لازم على مامى تحذرني اشد التحذيرات
من المدينه وسكانها واهلها وسواقينها كل حاجه فيها.
لكن بما انني موش بخاف فانا بسمع كلامها من ناحيه واطلعه من الناحيه التانيه.
موش عدم احترام ولكن عدم خوف.
بتحسسنى انى بنوته صغيره اوى وممكن ينضحك عليها بمصاصه وباكو لبان كلوريتس ولاشيكولاته .
هههههههههههههههه
بتصعب عليا اوى ماما دي وربنا اصل انا بعيد عنكم بنت كدا مطلعه عنيها ومخلياها يعيني تشد فى شعرها .
المهم ..........
ماما زي كل الامهات بتعلم ولادها من نعومه اظافرهم ازاى يخافوا من الاخر
مهما كان هذا الاخر
شاب ...رجل....بنت ....
طيب هتقولولوا شاب وراجل دي فاهمينها عشان هي بنت فلازم تخاف منهم
طيب والبنت تخاف من البنت ليه ؟
اقولكم "بلاش زعيق انت وهو:"
ماما بتقول مايفسدش البنت غير بنت زيها .
اصحاب سوء يعنى اصلها موش واخده بالها ان اسباب الفساد بقت كثيره اوى حوالينا .
اوعى تعلى صوتك قدام حد اكبر منك .
حاضر هاحترمه لكن موش هاقدر الغى شخصيتي قدامه عشان هو اكبر منى.
اوعى تركبي تاكسي لوحدك .
حاضر يامامتى.
وطبعا اخرج جرى واول ما اوصل لازم اوقف تاكسي واركب لوحدي وموش حصل حاجه لغايه دلوقتى
اصله هو هيعمل ايه مع بنت زيى كدا مسترجله فيها
اقولكم موضوع الخوف دا كبير اوى وكنت عاوزه اتكلم فيه اكتر لكن ماعنديش نفس دلوقتى .
اهم حاجه عاوزه اقو لهالكم انى بعلم حنين بنت اختي انها موش تخاف من حد ولامن اي حاجه غير ربنا وبس
سلا موز

الثلاثاء، 13 أكتوبر 2009

سيدى.........نعم سيدى


لم اتخيل نفسي يوما ادعو احد بهذا اللقب ولكنني ادعوك الان به.
نعم انت سيدي وسيد قلبي وعيني وروحي واوردتي ودمائي .
انت سيد كل ما املك ومالا املك.
نعم انني اتوه فى عينيك ........واتوه بين شفتيك .........واتوه من لمسه يديك........
اتوه فى دنياك ......اراقب كل شيء حولك حتى اعرف عنك مالا تريد ان تعلمني اياه.
اتعلم كم سهرت اشكوك لنفسي......اتعلم كم وبختني نفسي لانى اشكوك لانها كانها امك.
اتعلم انني امك .....اتعلم انني حبيبتك.....اتعلم انني اختك.....اتعلم انني زوجتك.......اتعلم انني زوجه قلبك.
اتراك تعلم كل هذا ام لا؟؟؟
اتراك تعلم كم قرأت عنك وكم حلمت بك وكم تخيلتك معى وتخيلت نفسي معك.
اتعلم كم انا مشطوره ليس نصفين ولكن ملايين الاجزاء.
اتعلم انك مدمري؟؟؟
اتعلم كم اهواك ..اتعلم كم تمنيت ان تهديني ولو حتى منديل ...اتعلم كم مره طلبت منك شيء...لا ...ليس لاتذكرك فانني لا انساك ولكن لالمس شيء انت لمسته ويظل معى كلما احتجت للمساتك المسه ...وكلما احتجت لاتذوقك تذوقته....
اتعلم كم من وقت قضيته ابحث عن شيء اعطيه لك لتتذكرني فانا اعلم انك لاتتذكرنى ....اتعلم كم تمنيتك ....
ااااااااااااااه منك يارجلا استوطن قلبى دون ان يدرى...ااااااااااااااااه منك يارجلا احتل كل دمائي .
نعم ياسيدى احبك

بخاف .............


انا بجد بخاف عليك اوى .
بخاف من خوفى عليكى لانه ممكن يخوفك منى.
بحبك اوى لدرجه انى بخاف لما تبقى قلقان انى اسأل عليك
لانك بتضايق من الحاحى
انا عارفه انى لحوحه اوى ومزعجه اوى بس اعمل ايه موش بإيدى
تعرف يعنى ايه تتمنى الموت لان الشخص اللى بتحبه موش فى حياتك
تعرف يعنى ايه تتمنى انك تمرض عشان ممكن دا يشفعلك عنده
تعرف يعنى ايه انك تتمنى منه اى مشاعر حتى لو كانت شفقه عليك وانت مريض
وعلى فراش الموت؟
تعرف يعنى ايه انك موش عاوز اى حد ولااى حاجه من دنيتك غر انك تكون بين احضانه
حتى لو كان دا اخر شىء ممكن تعمله وحتى لو هتتعذب بسبب الشىء دا
حتى لو كان الحضن دا انت عارف ومتأكد انه موش من حقك
حتعمل ايه لما فجأه تكتشف انك موش قادر تكمل حياتك بعيد عن شخص
وان الشخص دا حياته هتكمل بيك او من غيرك
لان ببساطه هو موش مهتم او موش عاوز يبقى فى حياتك؟
لما تصارحه انك بتحبه وانك موش قادر تبعد عنه وانك بتخلق ملايين الاعذار عشان بس تسمع صوته
ساعتها تعمل ايه
لما يكون هو بالنسبالك الحياه
وانت بالنسباله.........
لما يكون هو بالنسبالك كل الدنيا
وانت بالنسباله.........
لما تستنى ضحكته وتسمع صمته وكلمته
لما يكون صوته صوته بس بيحسسك انك عايش
ولما ماتسمعش صوته حتى ولو بأى كلام ساعتها الدنيا تسود فى عينيك وتلاقيك موش عاوز تكملها
ياااااااااااااااااااااااااااااااااااااااااااااااااه
صعب اوى الحب اللى من ناحيه واحده دا
صعب اوى بجد


الاثنين، 12 أكتوبر 2009

متى تأتى................؟!


وحدي انتظر مجيئك ولاتأتى...انتظرك....
يعانقني شوقي اليك وحنيني......
الناس امامي اسراب ..
ارى وجوه ووجوه ووجوه...لكنى لا اتبينها فهي تختفى مثل البرق.
ارى كل الالوان ولكنها لون واحد فهي الاسود القاتم.
انا ياسيدى احب الاسود القاتم.
هناك حلم صامت بداخلي ,حلم يبدوا عليه الهرم ,حلم مهموم كا أيامى,حلم يترنح فى اعماقي بلاهدف ,حلم يطارده يأس وانين.
تبدو عيناك على الجدران شعاعا يهرب من عيني ويعود ويسكن فى قلبي مثل السكين.......
انتظر مجيئك ولاتأتى...
رنين ضحكاتي السكرانة...سواد الليل على وجهي يصفعني دوما كي اصحى لانتظر مجيئك ولاتأتى.......
انتظر مجيئك ولاتأتى ..تنزف من قلبي اشياء ,دمع,...ودماء,...وحنين .
فأقول لنفسي لو يأتى .
انتظر مجيئك يشطرني قلبي نصفين:نصف ينتظرك, ونصف اخر يدمى فى الجفنين.
حاولت كثيرا ان اجرى ,ان اهرب منك,فألقاني بين يديك.
الصمت يحدق فى وجهي ..لاشيء امامي ...غاب الناس...ومات الضوء وفى قلبي جرح ونزيف واعود الملمنى .
انا لا أنام ...فكيف انام وصوت الحزن على رأسي اجراس تسحق فى اجراس .
وانا والكأس والليل واوراقي الحيرى والصمت العاصف واقول لنفسي لو يأتي !!!
مازلت الملم قلبي واجمع احزاني وهناك الحلم الصامت فى قلبي يبكى احيانا كالأطفال ويسأل عنك متى تأتى ؟!متى تأتى؟!...............

الأربعاء، 7 أكتوبر 2009

نسيان.com

ادخلى الحب كبيره.واخرجى منه اميره.لانك كما تدخلينه ستبقين.
ارتفعى حتى لاتطال اخرى قامتك العشقية.
فى الحب لاتفرطى فى شيء.بل كونى مفرطه فى كل شيء.
اذهبى فى كل حاله الى اقصاها.فى التطرف تكمن قوتك..
ويخلد اثرك.ان اعتدلت اصبحت امراه عاديه يمكن نسيانها ...واستبدالها.
لاتحبى....اعشقى
لاتنفقى ....اغدقى
لاتصغرى...ترفعي
لاتعقلى ...افقدى عقلك
لاتقيمى فى قلبه...بل تفشى فيه
لاتتذوقيه ...بل التهميه
لاتشوهى شيئا فيه ...جمليه
لاتكونى امامه...بل خلفه
لاتكونى عذره ...بل غايته
لاتكونى عشيقته..بل زوجه قلبه
لاتكونى ممحاته ..بل قلمه
لاتكونى واقعه..ظلي حلمه
لاتكونى دائما سعادته..كونى احيانا المه
لاتعدلى كونى فى الانوثة ظلمه
لاتبكيه...ابكيه
لاتكونى متعته بل شهوته
كونى ارقه واميره نومه
لاتكونى سريره كونى وسادته
كونى بين النساء اسمه
ذكرياته ومشاريع غده
لاتكونى يده كونى بصمته
لاتكونى قلبه كونى قالبه
لاتغارى من ماضيه فانت مستقبله
ولامن عائلته فانت قبيلته
لاتكونى ساعته كونى معصمه
ولاوقته بل زمنه
تقمصي كل امرأه لها قرابه به
وكل انثى يمكن ان يحتاج اليها
وكل شيء يمكن ان يلمسه
وكل حيوان اليف يداعبه
وكل ماتقع عليه عينه
كونى ابنته وشغالته وقطته
ومسبحته وصابون استحمامه ومناشفه
ومقود سيارته وحزام امانه
ومصعد بنايته
كونى مفاتيحه ومن يفتح بابه...حتى فى الغياب
كونى عباءه بيته...سجاد صلاته
كونى اريكه جلوسه ومسند راحته وشاشته
كونى بيته
كونى المرأة التي لم ير قبلها امرأه
ولن تأتى بعدها امرأه....بل مجرد اناث


هذه مقتطفات من كتاب نسيان دوت كوم للكاتبه الجميله
"احلام مستغانمى"

الأحد، 4 أكتوبر 2009

تخيل ............


تخيل
نفسك بين الصحو والنوم .
تخيل
انك تشعر بكل مايدور حولك .
ولكنك...بشكل او اخر لاتشارك فيه.
تخيل
نفسك جنين فى بطن مامتك.
سامع صوتها وفاهمه لكنك موش بترد.
تخيل
نفسك انسحبت من الحياه بهدوء بدون ان يشعر بك احد على الاطلاق.

العوده من الموت...................


لو حضرتك مت لمده يوم واحد ورجعت تانى يوم للدنيا!!!!




ياترى ياهل ترى ايه الحاجات اللي هتغيرها فى حياتك؟؟؟؟؟؟

السبت، 3 أكتوبر 2009

انا مأجله حياتى ...


انا دايما مأجله حياتى عشان اعيشها براحتى وعلى مزاجى.
هتقولى مستنيه ايه؟
هقولك مستنيه ايد تتمد وقلب يطبطب على قلبى.
مستنيه ارجع تانى ..ارجع طفله..
مستنيه ماما تشيلنى ..مستنيه بابا يلاعبنى.
مستنيه انام على راحتى ..مستنيه ابقى لوحدى..
اصلى بجد بجد تعبت..
مستنيه ارجع طفله لكن موش بنت .
ارجع طفل صغير.
اكبر وهابقى ولد واكبر اكتر وابقى شاب واكتر واكتر.
ملحوظه هامه اوى:
انا طول عمرى بعشق عالم الرجل واتمنى ان اتوغل بداخله اكتر واكتر.


الجمعة، 2 أكتوبر 2009

قصه ............


تأتى اليه مسرعه وتحاول ان تبدوا طبيعيه وتقول :
هي :هل لك ان تعيرني كتابا حتى أقرأه الليلة؟
هو :واي كتاب تريدين ؟
هي :اي كتاب .............
كتاب فى الشعر او روايه او كتاب يحكى عن انسان او ...........
هو :انت لاتعلمين ماذا تريدى!!!
هي :(تصطنع التركيز على كلامه وليس على عينيه التي تدوبها )اريد روايه
هو :لا..............
هي :لا!!!لماذا؟
هو :هكذا لاتسالى عن السبب.
هي :(تمشى حزينه)
هو :(ينادى عليها) لاتغضبى هاهى الرواية كنت احضرتها عندما طلبتيها المره الماضيه.
هي
:(فرحه جدا)تأخذ الروايه وتشكره وتمشى.
فى البيت
هي :(تحتضن الرواية)
آآآآآآآآآآآآآه منك ومن حبى لك .
هذا الحب الذى يتزايد يوما بعد يوما .
اتمنى ان ابقى بجانبك دائما ولكن وجودي بجانبك يزيد حبى ويزيد الآمى .
انها تحبه .........تحبه بشده وهو يعلم وقد اعترفت له بذلك ولكنه يخاف عليها كما يقول لها دائما .
انه لا يعلم انها تستطيع الحصول على روايات كثيره ولكنها تطلب منه اشياء واشياء فقط ليمتد بينهم الحوار
لتلمس شيئا هو يلمسه ..لتقرأ من نفس صفحات روايته ..
تحبه ولا تستطيع البعد عنه.
قربها منه يحرقها بشده ولكنها تتمنى ان تظل فى تلك النار تدور وتدور حوله فى دوائر مغلقه او مفتوحه فانها لاتهتم سوى بأن تكون حوله .
انها تماما مثل الفراشة تذهب الى النار وتعلم انها ستحترق ولكنها تقترب وتقترب اكثر واكثر .........
ولكن يبقى ان الفراشة لاتعيش طويلا فانها تحترق وتموت سريعا ,اما هي فتموت رويدا رويدا .
فى كل لحظه يموت منها جزء ويعطى روحه لذلك الجزء الوحيد الذى يعذبها وهو قلبها .
هي لاتريد ان يموت فيها شيء قبل قلبها ,تتمنى ان يموت قلبها ,حتى لاتشعر بحبها له ,حتى تستطيع ان تأخذ ماتبقى من روحها المكسورة وترحل بعيدا بعيدا

لم تنتهى بعد
.................................................................................................................................................

الخميس، 1 أكتوبر 2009

الشنطه دى فيها ايه؟؟؟؟؟؟؟؟؟؟؟؟


مشهد بيستفزنى دايما .
اخره اللي حصل النهارده.
الله يوقف حال التطور اللي بالشكل دا .
الست من دول اول ما تجيب بيبي تجرى تشترى شنطه للبيبي
المصيبة موش فى الشنطه ماهي ممكن تشيل فيها غياراته وهى ماشيه لكن النيلة المنيلة بنيله انها بتشيله هو فيها .
ماشى ماقولناش حاجه .
لكن يا هانم يا ام لما تشيلي البيبى فى الشنطة موش تشيليها فى ايدك كانها شنطه خضار والراح والجاى يخبط فيها وترجعي تقولي الواد تعبان الواد ماعرفش ماله............
مشهد بصراحه يغيظ ازاى اصلا البيبى دا هيحس انه فى امان وفى حضن مامته ؟!!!!
ازاى ومامته دى لاهو شايفها ولا حاسس بحضنها اصلها سلامتها شايلاه فى ايديها كدا وهى ماشيه زى بالظبط شنط الخضار
المهم النها رده بقى كنت خارجه وواقفه كدا لابيا ولاعليا ومستنيه تك تك .
وفجاه تعدى الماما وهى شايله البيبى بالطريقه اللى قلتلكم عليها ويعدى ولد صغير راكب عجله ويخبط شنطه الخضار اللى فى ايديها ويعتذر ........
المصيبه بقى انها يابنى موش فيها خضار دى فيها نونو
نونو!!!!!!!!!!!!!!!
اه وحياه دى النعمه على عنيا فيها نونو !!
وتمسك الست فى خناق الواد وانت ياابن اللى ............واللى ...........
وتطلع عليه اللى جوزها عامله فيها ...............
ويرد الواد رد كدا بصراحه عجبنى يقولها :
انتى موش خايفه عليه طيب انا اعملك ايه؟!!!!!!
عشان كدا وعشان كدا اوى انا لاهاشترى شنط للبيبى ولاهاجيب بيبى .