BLOGGER TEMPLATES AND TWITTER BACKGROUNDS »

الجمعة، 17 ديسمبر، 2010

ورجعنالكم من تانى
ونقول الوووووووووووو
الوووووووووو
استاذ اسامه ولا استاذ منير
نعم يافندم
معاكى اسامه منير
ايه دا اسامه ومنير مع بعض
دا انا على كدا حظى حلو اوى انى الاقيكم
انتوا الاتنين كدا
=======================
دى كانت مقطوعه موسيقيه من الاستاذه سكره
ارادت بها ان تحيى جمهورها العزيز بعد طول غياب
==================
ازيكم كلكم فرد فرد
ونفر نفر
والله ياجماعه واحشينى جدا بس
اهو بقى الجواز والعيال والبيت
والواحده لاعادت عارفه تنت ولاتشات ولاحتى تاكل
بس ياسكره بطلى هزار واتكلمى جد
انا بقى جايه بس اطمن عليكم كلكم واحييكم
واتمنالكم سنه سعيده جديده
بمناسبه السنه الجديده 2011
كل سنه وكلكم طيبيبن
وفرحانين
ومخطوبين ومتجوزين ومخلفين كمان
اسيبكم بقى شويه تانى
بااااااااااااااااااااى

الاثنين، 31 مايو، 2010

تحديث ++الجواز وسنينه.

فى الاول لازم ابلغكم خبر تأجيل الجواز
ومحدش يسأل اتأجل لامتى؟
لانه اتأجل لاجل غير مسمى
وبس
كانت معكم تلك العروسه المتأجل زفافها
هههههههههههههههههههههههههه
الايميل دا جالى من شخص عزيز جدا جدا على قلبى وبما انه مناسب للمرحله اللى انا داخله عليها فقلت لازم امرره ليكم كمان عشان تضحكوا معايا




ملحوسه ننوسه جدا جدا




انا ياجماعه موش مختفيه عشان عروسه وكدا يعنى ابدا ولايكن ولايكون




كل مافى الموضوع ان جهازى اللعين الله يحرقه باظ بوظان منيل بستين نيله


وكمان المهندس اللى بيصلحهولى موش راضى يصلحه غير لما ادفع تمن التصليح وانا طبعا عروسه وبجهز والميزانيه منيله



فقلتله صلحهولى على النوته ولكنه رفض رفضا شديدا



ومن هنا انا بطلب منكم كلكم كدا بربطه المدونات تعملوا حمله تبرعات جامدات عشان تساهموا فى حل تلك المشكلات التى امر بها وتصلحولى كمبيوترى ابن اللذين دا

ههههههههههههههههههه



والله والله كلكم وحشتونى جدا جدا



وادى الصور










الاثنين، 10 مايو، 2010

زغروته حلوه رنت فى بيتنا .


اعلنت ساعات ضبط الوقت انه تقرر فى يوم 3/6


ان يكون يوم زفاف المدعوه سكره او سها زي ما تحبوا


وعليه فيجب على كل المدونين والمدونات اللي هنا واللي هناك الحضور الى بيت العروسة حتى يقوموا بزفها لعريسها


يمكن تروح وموش ترجع تزعجكم تاني بكئبتها وحزنها


وعليه برده تاني على كل الساده والسيدات اللي سيحضروا انهم يجيبوا معاهم جراكن من البطاس الحامي لان العروسة قررت تتخلص من العريس يوم الصبحيه كما تفعل انثى العنكبوت


ههههههههههههههههههههههههههههههههههههههههههه


طيب والنعمه والنعمه اللي موش هييجى لاوريه شغله ويبقى يشوف الملكه ساسو هتعمل فيه ايه


وقد اعذر من انذر


وانا بحذر واندد بشده واشجب

كلام بسمعه فى النشره بتاعه الساعة كام موش فاكره


وكمان اوعوا تفكروا ان هيبقى فيه تورتات وجاتوهات وكلام من بتاع الذوات دا


عشان احنا والنعمه الشريفة موش من الذوات


وياريت كل واحد يجيب معاه شيكولاتة وانا هاحدد انواعها كمان


ايوه طبعا


سامعه حد بيقول ايه البنت التنكه دى (ملحوظه بقالي فتره بسمعها كتير وموش عارفه ليه والنبي دا انا غلبانه والنبي)


ايوه هتجيبوا شيكولاتات بالعافيه ان كان عاجبكم


Galaxy


milka


Toplerone


ايوه كفايه كدا
حاجه كمان مهمه جدا احب اقولكم ان العنوان لايمت للواقع بأى صله لامن هنا ولامن هناك
لان لاتوجد زغاريد
بلاش الضمير السيء دا مفيش زغاريد عشان جدتي متوفيه من 20 يوم بس
يعنى جوازه منيله ومهببه بهباب الفرن الطين بتاع جدتي الله يرحمها
هههههههههههههههههه
بهزر بهزر
يوه ياختى الواحدة ماتعرفش تتفك معاكم بكلمتين كدهون دايما كابسين على مراوحها

الثلاثاء، 13 أبريل، 2010

هو انا كنت تعبان وصحيت ولاكنت سليم وتعبت

الاثنين، 5 أبريل، 2010

انكسار بالعمر


نحيا الكثير من الانكسارات


وأغلبها لايميتنا


ونجد اننا دائما نقف اقوى من ذي قبل


ولكن يأتي انكسار بالعمر كله


تأتى تلك اللحظه التي لاتمل ذاكرتك من عرضها كشريط سينما متصل


لا تستطيع ايقافها ولا تستطيع الرجوع لاصلاحها


فهل يأتي اليوم الذى نستطيع فيه اصلاح ذلك الانكسار
؟؟؟؟؟؟؟؟؟؟؟؟؟؟؟؟؟؟؟؟؟


الاثنين، 29 مارس، 2010

................................يااااااااااااا


اذا كنت تعتقد انك لست المسئول عن حزنك فدعني اخبرك انك على حق

ولكن ايضا دعني اخبرك انك الان اصبحت المسئول على الاستمرار فى ذلك الحزن

واذا كنت تعتقد انك لست المسئول عن فشلك فدعني اؤيدك ولكنى دعني اخبرك انك

الان اصبحت المسئول الاول والاخير فى ان تستمر فى هذا الفشل

اذا كنت تعتقد انك لست المسئول عن المعاملة الغير لائقه من اي شخص فى حياتك

فدعني اخبرك انك وحدك المسئول عن ان تجعل هذا الشخص يستمر فى معاملتك بنفس الطريقة

واذا كنت تعتقد انك لست المسئول عن حياتك السابقه فتذكر جيدا انك ومن هذه اللحظه انت المسئول الوحيد عن حياتك القادمة

====================
تكلمت مع نفسي واخبرتها كل ذلك وحاولت معها ان اغير ماهو سيء الى ماهو جيد

فكانت النتيجة انني لم استطيع وعلمت جيدا انني انسانه اضعف مما كنت اتخيل وانني لااملك
من امري لاكبيرا ولاصغير
احاول ان اقوينى انا بدون اي مساعدات خارجيه وبدون طلب مساعده من احد

فكل منا له مشاكله وكل منا عنده حياته وبها ما يكفيه من عقبات وعثرات

=============
كل الدنيا تحتفل بالربيع
وانا وحدي احيا فى خريف دائم
خريف العمر ام خريف القلب ام خريف العقل
ام خريف الاحساس

لا اعرف لماذا احيا فى فصل واحد وهو الخريف
ولكنى اعلم جيدا ان لا احد يستطيع جعل حياتي ربيعا

اعرف جيدا انى كسرت كل الحدود بيني وبين الناس
ادخلتهم عالمي وفتحت بابي على مصراعيه ولم احصد سوى التعب والارهاق

ولهذا فقد قررت ان ابنى بيني وبين الناس اسوار كثيره
وابنى حصون على قلبي فقد ارهقته كثيرا
سأغلق بابي على نفسي فلااحد يستطيع ان يخرجني مما انا فيه سوى انا فقط

وقد علمت جيدا انني عندما فتحت كل الابواب
تعرضت لعواصف واعاصير
لهذا اقول اهلا بالابواب مره تانيه واهلا بكل انواع الحصون والحراسات.

الخميس، 25 مارس، 2010

علامات تعجب.


يتعجبون كثيرا عندما اطلق على نفسي لفظ امرأه!

يتعجبون كثيرا عندما يروونني دائما حزينه!

يتعجبون دائما منى ومن تصرفاتي هبله(ليست المجنونة)!

يتعجبون من كل ما افعل ومن كل مالا افعل!

اتعجب انا الاخرى من تعجباتهم!

يتعجبون من كرهي دنياي دائما!

يتعجبون عندما يروونني صامته ولا اتحدث!

يتعجبون عندما يروننى صاخبه !

يتعجبون عندما اجرى والعب!

دائما يتعجبون من كل شيء ومن اي شيء!

يتعجبون من الفعل!

يتعجبون من عكسه ايضا!

وانا دائما اتعجب لتعجبهم هذا!

اتعجب من نفسي عندما ابحث عنهم كثيرا!

اتعجب منها ايضا عندما اجدني اريد ان ابتعد عن دنياهم !

تزداد علامات التعجب فى حياتي !

تزداد ايضا فى حياتهم بسببي !

فماذا انا فاعله حتى اريحهم من كل تلك التعجبات !

ليس لاي احد ذنب فيما انا فيه ولكنني اتعجب منى عندما احملهم ذنوبي جميعها !

اتعجب عندما اجدني ابحث عما يرهق اعصابي اكثر مما هي فيه !

اتعجب لاشياء واشياء !

!!!!!!!!!!!!!!!!!!!!!!!!!!!!!!!!!!
كثرت علامات التعجب فى حياتي فلابد لها من وقفه !

==========================
ملحوظه على جنب لكل الناس اللي يعرفوني
انا لااترك اي من بوستاتكم الا واقرأه ولكننى لا استطيع الرد
ولذلك ارجو المعذرة وايضا لا استطيع الرد عندي فارجوكم الا تغضبوا منى
فأنا احيا داخل علامات تعجب كثيره واحاول الخروج منها.

الأربعاء، 24 مارس، 2010

من وحى الصوره.

تصحو من نومها مبكرا
لا تستطيع النوم
تجلس هكذا تنظر الى اللامكان
تنتظر ان يتغير مزاجها
ذلك المزاج الذى طالما كان يحمل نفس الاحاسيس
تتمنى ان تظل نائمه فى سريرها
تتمنى ان لا يطلب منها احد شيئا
تتمنى ان تظل وحيده
تغلق تليفوناتها وتغلق عينيها وتغلق اذنيها
تغلق كل ما يربطها بالعالم الخارجي بعيدا عنها وعن سريرها
تعود لذلك الاحساس دائما
تتمناه دائما
ودائما لاتحصل على مبتغاها
ما اصعب تلك الامنية وما اسهلها
.......................

الاثنين، 15 مارس، 2010

Goodbye


You gave life to me
Turned a baby into a lady

Mamma
All you had to offer
Was the promise of a lifetime of love

Now I know
There is no other
Love like a mother's love for her child

And I know
A love so complete
Someday must leave
Must say goodbye

Goodbye's the saddest word I'll ever hear
Goodbye's the last time I will hold you near
Someday you'll say that word and I will cry
It'll break my heart to hear you say goodbye

Mamma
You gave love to me
Turned a young one into a woman

Mamma
All I ever needed
Was a guarantee of you loving me

'Cause I know
There is no other
Love like a mother's love for her child

And it hurts so
That something so strong
Someday will be gone, must say goodbye

Goodbye's the saddest word I'll ever hear
Goodbye's the last time I will hold you near
Someday you'll say that word and I will cry
It'll break my heart to hear you say goodbye

But the love you gave me will always live
You'll always be there every time I fall
You offered me the greatest love of all
You take my weakness and you make me strong
And I will always love you 'til forever comes

And when you need me
I'll be there for you always
I'll be there your whole life through
I'll be there this I promise you, Mamma

Mamma, I'll be
I'll be there through the darkest nights
I'll be the wings that guide your broken flight
I'll be your shelter through the raging storm
And I will love you 'till forever comes

Goodbye's the saddest word I'll ever hear
Goodbye's the last time I will hold you near
Someday you'll say that word and I will cry
It'll break my heart to hear you say goodbye

'Till we meet again...
Until then...
Goodbye
Celine Dion Goodbye's (The Saddest Word

I LOVE IT SO MUCH

الخميس، 11 مارس، 2010

افتح بيبان.


افتح بيبان القلب للهوى


غصب عنى يقفله الهوى


كأنى طير مقصوص جناحه قص


قلقان وموش شبعان نظر ولابص


وازاى يطير والكون بحاله قفص


قفص وله ابوب مقفوله مابينه وبين الاحباب


دى اغنيه لمحمد منير بحبها اوى


=================

تعشق لمسه رجلها للبلاط


تشعر بالبروده فى قدميها وتاخدها من قدمها الى ان تصل الى قلبها


يعترض بشده


لماذا تريدينى ان اصبح بارد مثل ذلك البلاط


تعشق طعم الثلج وتعشق برودته على اسنانها


تحاول ان تجعل بروده التلج تصل الى قلبها


فيعترض مره ثانيه


تحاول


يعترض


دائما هكذا


هى تحاول ان تجعله بارد ليس به اى مشاعر


وهو يعترض بشده فهو يعشق احساسه بالدفا حتى وان كان هذا الدفا للاخرين وليس له منه نصيب


اشعر بالشفقه عليهم بشده


لماذا تفعل هى ذلك ولماذا هو مازال متمسك بكل مايحمل من دفء


اشفق عليهم من زمن لاحياه فيه لتلك القلوب المليئه بالدفء

الثلاثاء، 9 مارس، 2010

يابحر




ياااااابحر




حاسانى بغرق اوى




وموش قادره اتنفس




انا جيتلك يابحر عشان ارمى همومى فى حضنك




طيب ليه انت تاخدنى بعيد وتوهنى




انا تايهه اوى يابحر




انت ليه سايبنى اغرق فيك كده




يابحر




بحبك وموش قادره ابطل اغرق فيك




رميت نفسى قلت ماتخافيش هارفعك لفوق




لقيتك بتحبنى وتشدنى اوى لحضنك




انت بتحبى اوى كده




طيب خلاص انا هاستسلم




واسيب نفسى اغوص اوى فيك




اكيد جواك هالاقى امان دورت عليه كتير فى كل مكان


=====================

ضاربه الودع


جات هناك اهيه


انا هاجرى اروح لها اشوف الودع بتاعها هيقولى ايه


ازيك يابنتى


الله يسلمك ياحاجه


اسمك ايه


اسمى تايه منى وانتى؟


انا اسمى مرايه


مرايه ؟!!!!!


دا اسم غريب اوى


بتتعجبى ليه


ايوه مرايه


كل واحد بييجى عشان يشوف نفسه عندى


بقوله اللى عاوز يسمعه


طيب انا اصلا موش شايفه نفسى يامرايه


تعالى وانا احكيلك اللى شايفاه فى مرايتى وفى ودعى


الودع قال :


صبيه حلوه ,عروسه جميله


فارسها ضايع ,بتدور عليه


عاوزه تفرح ,عاوزه تجرى,عاوزه تلعب


بس خايفه زمانها يغدر


..................

المرايه قالتلها كلام


تانى

تعالى يابنتى معايا


هتودينى فين يامرايه


هاوديكى هناك عند الفارس اللى ضيع حصانه


اروحله ليه انا؟


هو مستنيكى تيجى


انا عاوزاه هو اللى ييجى


تعالى معايا


لا سبينى موش جايه


انتى اللى موش عاوزه


انا خايفه


الفارس معاه سيف ؟


لاماتخافيش


سمعت كلامها وراحت معاها


الفارس موش معاه حصان


لكن معاه سيف


قربت منه ,كلمته


خدها من ايدى وفى لمح البصر


غرس سيفه فى قلبها


وظهر وجه الفارس


طلع موش فارس


سابها تنزف لحالها ورحل



الخميس، 4 مارس، 2010

دنيا الوشوش.


لو فيا انا انا لو فيا
انساك وعيش بحريه

وشوش كتير فى زحمه الحياه




تقابلنا وشوش








ننساها








تقابلنا وشوش








ماننسهاش








وشوش تخدع








ووشوش تضحك








واهو كله فى دنيا الوشوش








وشوش توشوش بحنيه








ووشوش كلها غدر وخداع








ووشوش بتضحك فى وشوش








ووشوش بتضحك على وشوش








اااه يااانى من كتر الوشوش








=====================




دوروا وشكوا عنى شويه كفايانى وشوش




بقى كام من وش غدر بيا ولاينكسفوش








وعصير العنب العنابىىىىىىىى




نقطه ورا نقطه ياعذابى



الأربعاء، 3 مارس، 2010

ماما دراعها مكسور وحماتى جايالى بكره.


حماتى العسل السكر دى

طيب انا والله مفتريه

عارفانى انا مفتريه جدا

بعد موقف الستاير والسجاد دا

عملت بنصايحكم قبل ماتقولوها فى البوست اللى فات

بعدما تم تنفيذ مااريد

جيت بقى كده بشويه سهوكه ودلع وكلمتين حلوين كده

ومعلش ياماما بس اصل انا عاوزاكى تستنى لما تعرفى لون الجهاز وبعد كده تبقى تروحى تجيبى السجاد والستاير

طبعا الست هديت كده وتخيلت انى موافقه انها تروح تجيبه لوحدها وعلى زوقها

بس على مين

انا وراها وقدامها والزمن طويل

وبقول كل اللى طلبوا منى انى اهدى اللعب معاها واعتبرها ماما

والله انتوا كده بتطلبوا منى انى اعمل فيها البدع لانى مغلبه ماما وخليتها حطت صوابعها

العشره فى الشق منى

يعنى اللى يقول خليها مامتك التانيه يبقى بيكره الست دى من غير مايشوفها

ههههههههههههههههههههه



سبتكم فى الكلام وموش قلتلكم هى جايه بكره تشوف ماما

وتجس نبضى كده فى موضوع التلاجه

ااه صحيح انتوا ماتعرفوش

اصل زوج المستقبل قرر انه يجيب التلاجه

اهو يلا كتر خيره عمل اللى عليه وزياده

هههههههههههههههه

والله الراجل دا امه بتكرهه موووووت

قالتله روح يابنى ربنا يوعدك بمصيبه وكانت المصيبه انا

هههههههههههههههههههه

ضحكنا كتير اسمعوا بجد بقى

هى الست حماتى قالت لمحمد نجيب تلاجه 10 قدم

ومحمد بيسألنى فقلتله مانجيبها 14 وخلاص ودا اللى كنت ناويه عليه

جات حماتى قالتلى 10 قدم

دا انتى وهو وانا بس يعنى موش عيله

وانا؟؟؟؟؟؟؟؟؟؟

بم بم بم بم بم

دا قلبى بيدق هو انتى ياحماتى العزيزه هتعيشى معانا

اووووووووم ايه عرفت انها قررت اخيرا ومنها لنفسووووها انها تغير اقامتها وتبقى معايا فى شقتى

هو انا شقتى فى الدور التالت وهى عايشه مع ابنها الكبير واللى مراته تبقى بنت اختها

وطبعا اولاده عندها فرخه بعشرين كشك

عمرها ماتجيلى غير وسحباهم وراها

ايوووووووووه

وعيال غلسين غلاسه

على فكره انا طبيعتى بحب الاطفال بس الاطفال الهاديه المؤدبه لكن دول عيال غلسه جدا

ببقى عاوزه اشيلهم وارميهم م البلكونه لما بييجوا عندنا بس بستحمل واضحك وكده

واقول ياخراثى على العثل وانا جوايا بقولهم غوروا بقى يخرب بيت كده

ههههههههههههههههه

حماتى قررت تعيش معايا

فى الشقه فى الدور التالت

حماتى مليانه جدا وعندها غضروف فى دهرها وبتحب تخرج كتييييير

هتتحمل تطلع وتنزل كل شويه ازاى

المهم قلتلها دا لو ماشلتكيش الارض اشيلك فوق راسى

وبعدها على طول اروح اجبس رقبتى

هههههههههههههههه

المهم قعدت تقولى اجيبها 10 قلتلها 14 احسن ياماما

فقالت اجيبها كريازى قلتلها توشيبا احسن ياماما

وفى الاخر قلتلها والله ياماما اللى انتى عاوزه تجبيه هاتيه

اهو كله فى بيتكم ولما تبقى صغيره علينا يبقى محمد يغيرهالى

هههههههههههههه

عبيطه طيب ماتجيبى تلاجه كويسه وكبيره احسن من انك بعد سنتين تلاته تغيريها وتجيبى واحده اكبر

هبل هبل

طبعا لما تيجى بكره

اول ماهتشوفنى هتقولى

جرى ايه ياسها الحبايه اللى فى وشك دى سايبه اثر زى البشله كده ليه

اصل انا بلعب فى وشى كتير وبصراحه ببهدله خالص

ههههههههههههه

بس دمى بيتحرق لما بتقولى كده لا وايه تكمل وتقولى انها كانت بتخطبله واحده فى وشها وحمه وهو رفض

امال لما يشوف وشك كده هيعمل ايه

ببقى ساعتها عاوزه اقولها

بصى ياماما انا لو فيا السبعه وسبعين برده انا اجمل من ابنك

هههههههههههههههه

بصراحه ببقى عاوزه اقولها قومى روحى ياوليه انتى وماتجيش تانى

بس الحق هى برده لسه الفلاحه الطيبه والخبيثه يعنى فيها حاجات حلوه برده

بس انا لسه موش شفت الحاجات الحلوه دى

نطلع من اللى فات دا بايه


ياحماتى بكره نقعد ع الحيطه ونسمع الزيطه

وان حماتى من الحموات الفاتنات

وانهم هيجيبوا تلاجه 14 كريازى

هههههههههههه

تتمسوا بخير

====================

ملحوظه

انا كل البوستات اللى جايه خلال الشهرين موش هاكتب نكد خالص

وهاحط صورتى انا وعريسى وخلاص

الاثنين، 1 مارس، 2010

ياانى ياغلبى.


طيب


ماشى وحياه امى وغلاوتها لازم اوريكى انجوم فى عز الدهر


انا تعملى فيا كده


دا ايه الافترا دا كله


استنى عليا


دا انا بقى اللى كنت بهدد واتوعد كده


تسألونى بتهددى مين ياسكره


دا انتى حتى طيوبه كده وسكره خالص


اقولك بهدد المفتريه حماتى


ماهو انا لازم احرقلكم دمكم معايا


موش اصحاب وكده يعنى يبقى لازم تتحملوا بقى


شوفوا ياجماعه طبعا احنا عندنا الجهاز متوزع على العريس والعروسه كالاتى


العروسه

لبسها -مفروشات-حلل -صينى -ادوات المطبخ كلها يعنى والنيش كمان

الاجهزه الكهربيه كلها


سى الاستاذ العريس


يجيب الشبكه -ومفيش مهر بيبقى ربع جنيه-يجهز شقته-يفرشها بالاثاث

ويجيب السجاد والستاير والنجف


ايوه بقى ماهو يكفى بس انى بجيب انا اجهزه كهربيه تعدى 10000 جنيه


وادوات مطبخ تعدى 10000 زيهم


وملابس ومفروشات


طيب والله انا عندى فواتير كل الحاجات اللى اشترتها ولما حسبتها تعدت ال40000


يعنى ابويا يبيع البيت ويبيع نفسه وكده والعيال عشان يجهزنى


انتوا معايا ولانمتوا ولاايه


المهم لما العريس اتقدم واهلى قالوا بنشتروا راجل والكلام الحمصى دا(سارقاها من عادل ابن فاتيما)


ماعليكم انتوا المهم


خالتكم حماتى ام زوج المستقبل


ذهبت كده منها لنفسها ولا كأنها خاطبه جاموسه او بقره من الزريبه


وراحت اشترت الستاير وقماش التنجيد واشترت السجاد


هتقولولى وفيها ايه


هاولع فيكم واقولكم هى الحاجات دى هتبقى فى شقه حد تانى ولافى شقتى انا


موش المفروض ومن الزوق يعنى ان الحاجات دى تبقى على زوقى انا


سيبكم من دى كمان هى الحاجات دى موش المفروض انها تيجى بعد الاثاث


ولاتجيب سجاد وستاير وبعد كده تنقى الوان الاثاث اللى تناسبه


طولت عليكم


موش مهم


المهم انها جايه قال تفرحنى ومستنيانى ازغرتلها


دا انا هاولع فيها وفى اللى جابوها


قال رضينا بالهم والهم موش راضى بينا


طيب وحياه ربنا لطلعه عليكى بط بط


اسكت انا بقى واتكتم


لا طبعا ازاى مابقاش سكره ام دماغ ناشف واللى صوتها من دماغها زى ماما مابتقولى دايما


قمت بعد مامشيت وبعد ماتناقشت معاها بالحسنى انها ترجع الحاجات دى


وهى ابدا وراسها والف جزمه


اتصلت بالعريس المنتظر


وقلتله قالى معلش ياسوسو عديها ياحبيبتى


كلمه من هنا وكلمه من هنا


اتخنقت وقمت قايلاله طيب وربنا لو رحت يوم الدخله ولقيهم فارشين الحاجات دى وموش اتغيرت


والله هاولعلك فيهم وانتى عارفنى مجنونه جدا


وطبعا لانه عارفنى جدا فخاف


وقال الطيب احسن بدال ما ممكن اعملها واولعه فى الشقه كلها وتبقى جنازه موش جوازه


راح مكلم الست دى حماتى


وعليه تم ارجاع الحاجات دى للبايع


نطلع من دا بايه بقى


ان سكره موش سكره

دى مفتريه وقويه ومحدش يقدر يكسر شوكتها

كلام حمصى برده

ههههههههههههه

ان حماتى هتورينى هى النجوم فى عز الدهر وساعتها هاطفش منها ومن البيت

وكمان انى خايفه جدا وموش عارفه اذا كنت هاقدر اتعامل مع الناس دى ولا ايه

==========================

ملحوظه كبيره اوى كده على جنب


انا فى الفتره اجايه دى هاستنزف افكاركم وطبعا استشاراتكم

هاسمع منكم واتعلم كده بس معلش موش هارد على التعليقات برده لانى بسمعها كلها

وحشتونى


اوعوا حماتى تشوفكم

الأحد، 28 فبراير، 2010

عروسه انا.


انا عروسه


خلاص باقى شهرين وابقى عروسه


ومحتاسه حوسه مايعلم بيها الا ربنا


ياانى

انا لسه موش اخترت التصميم بتاع الفستان


ولااشتريت ميك اب ولا برفانات


ولاعملت اى استعدادات


ماما ربنا يكرمها هى المتحمله تجهزنى


المطبخ والصينى والمفروشات


و....و......و...و.........و


يوووووووه

طيب من النهارده وانا هااشارككم معايا فى الحوسه بتاعتى


وهااكتب يوميات عروسه محتاسه


ساعدونى


مساعده قليله تمنع بلاوى كتيره وهنيالك يافاعل الخير والثواب
ايه دا بقى موش سامعه زغاريد مليه البلوج سبوت
وربنا اللى هيدخل وموش يزغرد هازعل منه
يلا بقى اسيبكم على خير
لولللللللللىىىىىىىىىىىىىىىىىىىى


الجمعة، 26 فبراير، 2010

من وحى فاتيما الكبيره


فاتيما دايما تقولى انتى فاتيما الصغيره

موش عارفه هى شايفانى قويه ازاى

وانا اضعف من اضعف زبابه

حاسانى زى

موش عارفه زى ايه

بس حاسانى موش حاسانى

هو انا انا ولاانا موش انا



الحمد لله نامت دلوقتى بعد ماعطيتها الابر

لكنها بتتالم وانا بتألم جنبها

يارب تشفيها


افتكرت النهارده لما ماما وقعت واتكسرت

افتكرت احمد حلمى فى الف مبروك وهو بيقول لباباه

النهارده تتعب النهارده

بس الفرق انه كان زعلان عشان نفسه وفرحه

انا بقى تخيلتنى بقولها كده

وتخيلتها بترد عليا وتقولى انتى مايهمكيش غير نفسك


هو انتى انانيه ولاانتى ايه بالظبط

مضايقه عشان مامتك ولاعشانك

بالعكس انا فرحانه ان ماما تعبت

انا شيطانه

اصلها كانت دايما تقول لو جرالى حاجه موش هتحسى بيا ولاهتتحملينى

اعتقد كده ممكن اعرف ابينلها مشاعرى

انا بحبها جدا بس كتير بتغيظنى وتنرفزنى

وكمان انا قليله الادب لما بتقولى حاجه ولاتتنرفز عليا انا برد عليها

ايوه انا قليله الادب

انا كرهانى جدا

طيب شفتوش ياناس دكتور نفسى تبعتونى له



بيكيا

روبابيكيا

للبيع تحف قديمه

عقول قديمه قديمه للبيع

ناس خرده للبيع

هو انا خرده

ايه يابت اللى بتقوليه دا

هو انا شايفانى ولاانا اصلا موش باينه

محطوطه فى حته ضلمه كده


هو انا ابقى عبيطه لو ضيعت جوزى من ايدى

ولاابقى شاطره

طيب اسامحه ولااديله فرصه تانيه


طيب ماهو انا موش ملاك نازل بجناحات من السما

انا شيطان فى شكل انسان

هو كلنا مالنا كده

ايه رياح الاكتئاب والهم دا كله

انا قلت اطلع همى هنا

انا برده زى فاتيما مابتقول موش عاوزه بجد اشيل حد همى

بس والله نفسى اشيل حد واحد همى ويشاركنى همى

هو موجود بكلمه واحكيله واحكى معاه

برتاح لما بتكلم معاه حتى لو موش قلت ايه سبب ضيقتى دى

لكن انا محتاجه احس ان هو كمان بيشيلنى همه

انا اه شيطانه صغيره بس انا بجد بحب اسمع الناس

بس المشكه انى بعيش فى حكاياتهم

بتألم زيهم وببكى معاهم



شفتى بقى ياسكره انك ممكن تكونى فيكى حاجه كويسه


خاينه

هو انتى خاينه

ليه طيب بتخونى

نفسك فى ايه



انا واقفه تحت المطر

السما بتمطر سيول وبتشدنى لتحت

مستمتعه انا باحساس الزحلقه

هههههههههههه

طيب انا هاازحلق الهم هاديله صابونه دووف زى مابيقولوا

شوفتوا كريمه انا ازاى ماقلتش صابونه غسيل


فاتيما دا ردى على البوست بتاعك

ياريت اللى يشوفها يقولها انى علقت عندى على بوستها
وكمان قولولها انى هاقعد كده وامسك لمبتين منورين
واحده ليها وواحده لحد هى عارفاه كويس يمكن لما يحبوا ييجوا يطلوا عليا يعرفوا يوصلولى
لما يشوفوا اللمبات منوره

الخميس، 25 فبراير، 2010

بيرفكت


احساسك امتي بيبقى بيرفكت


امتي بتحس انك راضى عن نفسك


ياترى بتفرح لما تحس انك بيرفكت برغم عيوبك الكتير


ولابتفرح لما تلاقى نفسك حزين وموش بيرفكت ومع ذلك معندكش عيوب كتير


ياترى لما تحس انك ملاك وحزين بتوصل لحاله البيرفكت


ولا لما تحس انك شيطان بس حاسس بالسعاده


معلش حاساكم موش فاهمين بس استحملونى


يمكن اعرف اوصلكم احساسى او هبلى


ماعلينا


مره كنت ماشيه حزينه وبعدين قابلنى حد كان خانقنى ومضايقنى جدا وكان عامل معايا موقف زباله وكنت ساعتها موش قادره اردله الصاع صاعين زى مابيقولوا


وجه الوقت اللى قدرت ارد ورديت بالفعل الصاع صاعين


كنت مضايقه قبل كده لانى معرفتش ادافع عن نفسى


ولما عرفت حسيت لشويه صغيرين باحساس بيرفكت كده


وبعد ثوانى كده اضايقت تانى


وبقيت موش فى احساس بيرفكت خالص


طيب اعرف اوصل باحساسى للبيرفكت ازاى


واوصل بمشاعرى للبيرفكت ازاى


واوصل بنفسى للبيرفكت ازاى


امتى ابقى انسانه بيرفكت


فى كل حاجه


وياترى لما هابقى بيرفكت هاافرح ولاهااحزن


يوووووووووووووووووه يانى


ياغلبى


كتير بقى بكتم رغبات جوايا عشان لما بفكر فيها بحس انى موش بيرفكت


ومع ذلك برده لما بكتمها جوايا موش برتاح وبفضل افكر انى موش بيرفكت


ياترى لو كتمنا رغباتنا جوانا هنرتاح ولالما نطلعها هنرتاح


كده بنكدب وكده بنكدب




ياانى ياغلبى




الأربعاء، 24 فبراير، 2010

رماد.


يأتي المساء ويملآ الكون ظلام

تضيء لمبه من الجاز

تجلس الى ماكينة الخياطة

تمسك بيديها قماش ابيض رائع

تبدأ فى قص القماش

تخيطه مع بعضه

لتصنع فستان كابدع مايكون

فستان جميل

تنظر الى الفستان باعجاب

تكتشف ان هناك ما ينقصه

تقوم وتجلس على السرير وتضع اللمبة بجوارها

تمسك الفستان بيديها وتبدأ فى التطريز

تكتمل اللوحة الفنية البديعة التي صنعتها يديها

تفرح بانجازها وتنظر للفستان بمنتهى الحب والفخر

تدق الساعة فى الراديو معلنه قرب الفجر

تضع الفستان بجوارها وتنام

تصحو بعد ان علت الشمس السماء

تنظر بجوارها فتجد ان الفستان

اللوحة البديعة اصبحت رماد اسود

انحنت ومسكت بعض من الرماد

ونظرت من الشباك

وبكت وبكت
.........................