BLOGGER TEMPLATES AND TWITTER BACKGROUNDS »

السبت، 26 ديسمبر، 2009

كنت وسأبقى وحيده.





اولا بسكوته المبسكته اللى محشيه فراوله وشيكولاته
قالتلى لازمن ولابد وحتما واقتدار انى اكتب بوست عنها
طيب قولولى والنبى اكتب اقول ايه
اقول دمها شربات
طيب ماهو دا انتوا حاسينه اواقول انسانه حلوه وروحها احلى طيب برده
دا انتوا عارفينه
اقول انها بنت الكار بتاعى
طبعا ماهو انا وهى درسنا عنجليزى يامرسى
ايون احقد عليها وانق عليها واقول انها بتشتغل وانا لا
طيب دا برده انتوا عارفينه
ههههههههههههههه
بصراحه هى حد حلو اوى
وكمان اول واحده عرفت انى خلاص هافصل النت من اول السنه الجديده
ههههههههههههههههه
===============================


اوعوا بس من غير ضرب ولاحدف طوب ولاحدف بحر
هههههههههههه
معلش غصب عنى لازم افصل النت وموش عارفه هارجع تانى ولا لا
اصل الحكايه اننا كلنا كنساء من اول مابنتولد واحنا حكمنا فى ايد راجل سواء قبلنا او رفضنا
وحريه بقى ومساواه وكلام من دا
كله شعارات
صدقونى
ايون سمحولى اخرج واتعلم
لكن بشروط وقواعد وقوانين وممنوع ومحظور وماتعمليش
ولو عملتى هنعمل ونخلى
منتهى القهر
وربنا ياناس انا بتكلم من واقع لامساه وحساه
يرفضوا انك تسافرى مثلا تشتغلى بالرغم ان نفس الحق مكفول للراجل
بعيدا بقى عن الحلال والحرام عشان موش بتكلم فى دا
ماعلينا المهم خلاص انا جايه اودعكم ولو حصل فى الامور امور يبقى موش هافصل النت
والدنيا هتبقى تمام
بس عاااااااااااااااااااااااااااادى
زى ماقلت المره اللى فاتت
=================
معلش يافاتيما
معلش يابسكوته
معلش ياشيما
معلش يافقرى
معلش يامنونه
معلش ياحرووف
معلش يااسكندرانيا
معلش ياقوس قزح
معلش يامنامينو
معلش ياانجل
معلش ياريما
معلش ياكل الحلوين وكل اللى حاولوا معايا
حاولوا يطلعونى من حياتى الكئيبه
معلش الظاهر ان انا خلاص ادمنت الوحده وبقيت بحبها برغم انها بتقهر قلبى وبتوجعلى قلبى موووت
معلش عشان قرفتكم وزهقتكم
معلش ليكم كلكم
انا كنت وحيده
وشكلى هاكمل برده وحيده
اصل انا حياتى بتمشى من سىء لاسوأ
الحمد لله
على المر وعلى الحلو
اللى موش لاقياه
كنت ومازلت وحيده رغم كل محاولاتكم
سامحونى
===================

افتكرت اغنيه كنت بحبها اوى
ولسه بصراحه بحبها عشان يمكن موش قادره اعمل زى مابتقول
الاغنيه لنعيمه عاكف
السعاده السعاده السعاده
نتحرم ليه م السعاده
دى الحياه سكر زياده
ليه بقى تخلوها ساده
؟؟؟؟؟؟؟؟؟؟؟
...................................
................................................................
......................................................................................
كلام كتير موش عارفه اقوله وفيه كلام اكتر موش هاقدر اقوله
==============================


لما اخاف على اخويا ولاابنى من بنت بتتكلم معاه وبيتكلم معاها
وانا عارفه ابنى كويس اوى وعارفه انها لاالتيب بتاعه ولاممكن يفكر انه يرتبط بيها
وهى كمان مخطوبه واقابلها واسألها هتتجوزى امتى
ياترى هتحس بيه وهى عارفه انى خايفه منها بشكل او بأخر
اعتقد ان سؤالى موش هيفرحها بالعكس هيخليها تحس انها بنت ساقطه
وبنت بتاعه كلام كدا وكدا
هاجرحها؟
صح
انا عارفه انى هااجرحها
اويمكن هى تاخد الكلام ببساطه وموش تضايق مع انى ماكنتش بسألها قبل كدا هتتجوزى امتى
وسألتها بعد ماعرفتها شكوكى فيها وفى تصرفاتها
طيب موش جايز هى طيبه وبتتصرف بطبيعه وبالفطره كدا من غير
ماتحسب لتصرفاتها حساب
موش يمكن هى عفويه وبس
موش هيمكن هى بتحب ابنى بجد
لكن هى كمان متأكده انه حب بلا امل ولاعمر ولااى حد
موش يمكن ...........
موش يمكن..........
موش يمكن.............
احتمالات
كتيرررررررررررر
حياتنا ماهى الا شويه احتمالات فوق بعض
وشويه اكتئبات فوق بعض
وشويه احباطات فوق بعض.
========================


واهى ماشيه وبتعدى
وف وسط الموج عدى
هتعدى ولاهتستنى الاتوبيس
ههههههههههه
طيب خلاص انا هعدى الطريق
يمكن ربنا يكرمنى بعربيه تقصف عمرى عشان ترتاح منى
يارب ياشيخه
انا خلاص اتخنقت منك ومن اكتئابك دا
يلا روحى لصاحب نصيبك
ههههههههههههههه
بهيس بهيس
عادى يعنى ولاتفرق ولايهمنى
ايوووووووووووه
دوشتكم زى عادتى الزفت دى
نفسى ابطل رغى واقول المختصر المفيد
اقولكم المختصر المفيد
الدنيا سودا جدا فى عنيا
ودا برده بقى عادى
مخنوقه وقرفانه وكارهه نفسى والدنيا
برده عادى
هافصل النت
دا بقى الجديد وكمان موش عادى بالنسبالى كنت بهرب من دنيتى واجى
اطلع عنيكم وابخ عليكم اكتئابى هنا
يلا معلش
هاسيب الاكتئاب وامشى انا
ولااقولكم يمكن اصلا هو جه معايا ولما امشى هيمشى بعيد عنكم
الظاهر ان انا اوس الاكتئاب
كل الناس كانت عايشه حلوه وبيس
ولما جيت برياح الاكتئاب بتاعتى بهت عليهم
معلش سامحونى
ماكانش قصدى
============================

شكرا لكل الناس اللى عرفتهم هنا
شكرا ليكم كلكم
شكرا لكل حد حاول يبعدنى عن اكتئابى
معلش اكيد بخيت عليك من اكتئابى وعشان كدا اعذرونى
شكرااااااااااااااااااااااااا
شكرااااااااااااااااااااااااااااااااا

18 التعليقات:

(Joudy) يقول...

كده يا سكره طيب هنحلى قعدتنا بايه هى حياتنا من غيرك تمشى ازاى

وبعدين إن كان على الاكتئاب فمش انتى السبب حياتنا هى السبب أرجع وأقولك مخاطر النت كتيييرة بس انك تختفى دى بقى الأصعب يارب يجد فى الأمور أمور وتفضلى معانا ومش تمشى خالص

دمتى بكل الخير والسعادة

Mo7ammed يقول...

طب اقول ايه ؟
بصى ارمى همومك على ربنا

وصدقينى بجد هتوحشينا كلنا اوى اوى
وبإذن الله تقدرى تدخلى نت تانى ان شاء الله لو بالموبايل

ربنا يصلح احوالك بإذن الله

Mano يقول...

ازيك ياسكر
والله هاتوحشنا كلماتك
و سيبيها علي الله وانشاء الله ربنا هايسعدك ويسعد قلبك ويفرحك انشاء الله
قولي امين
تحياتي

نعكشة يقول...

شئ مؤذي - بالنسبالي - إني اشوف حد و اشعر بية مقدرش اعمله حاجة وامشي و اسيبه

كنت هقف الصفحة عادي جداً زي ما بقرا عادي جداً و اقفل من غير ما اعلق

وبعدين فكرت اقولها
انا كمان حاسة بدة
بس هتستفاد اية؟
ولا حاجة

هقولها هوني عليكي؟؟؟
مش هتستفاد حاجة في الف غيري هيجو وي قولوا هوني عليكي

طيب اقولها يا بنتي سيبك
ماهو المصيبة اني لما بقول لنفسي سيب مابعرفش اسيبني و مبتفدش لما حد يقولي سيبك
يعني كلمة في الهوا

صراحة معنديش ي حاجة اقولهالك
خالص

خالص

غير اني هتضايق ان مش هيبقى عندكنت

ومش هاجي هنا
والاقيكي كاتبة شوية رغي برضو رغي كتير
زي منا ما بعمل

مليان احجات حاساها قوي
رغم اختلاف الجذري في الظروف مابيني وبينك


هتضايق

واحتمال متضايقش
س انا حاسة اني هتضايق
واحتمال انسى
بس انا حاسة اني هفضل فاكراكي

معوقة صح

مستفدتيش حاجة من اللي قولته صح

اللي اقدر اعمله
اني ادعيلك
بس

رضى الله عنك و ارضاكي
ورزقكيالرضا و الطمئنينة
اسعد الله قلبك و ايامك
......

آه صحيح
تفائلوا بالخير تجدوه

لو عندك كتاب تفسي الاحاديث القدسية
اقري تفسير الحديث دة
هتلاقيه حلو قوي
ولو ملاقيتيش عندك
قوليلي
اجي اكتبهولك هنا

سلامٌ عليكِ

๓คภ๏ภค يقول...

سكرة تعالى هنا ايون هنا

خدى البوكس ده

ماتستهبليش ليه يعنى هتفصلى

نت حرام عليكى بجد

اجيب شوكولاته لمين انا

لا بجد بتهرجى انا مش عارفة اتكلم ع فكرررررررة

وايه شكرا والكلام العبيط ده هو احنا مش اخواتك يا بنتى

وربنا الواحد حبك بجد لله ف لله من غير ما اشوفك حتى بس بجد بتوحشينى اوى ومش بقول مجاملة والله

انتى عارفانى انا بطس هههههههه

مين هيجى يغلس عليا طيب
ده انتى اول اسطباحة للمدونة كل يوم يا سكرتى

لا اعترضى بقه وقولى احنا مش ف عصر سى السيد عااااااااااااااااااا

بجد ماينفعش شوفى اى صرفة وماتفصليش نت

mimi يقول...

كلمة واحدة هرد بيها علي كل اللي عملتيه فيااااااااا

إن الله مع الصابرين إذا صبروا

بكره تحلو وتبقي إشطة يا إشطة

Baskouta يقول...

ايه يابنتي الفضيحة البلوجرية اللي انتي عملتهالي دي
انا كرهت البسكوت كله
مردودالك يا سكرة وهكتب عنك بوست مفيش زيه

سكرة حبيبتي متفقديش الامل
الدنيا مش هتتقفل اوي كدة
هتقدري تدخلي نت ولو من وقت لوقت كدة
وبعدين انتي مش هتبقي وحيدة ولا حاجة معاكي قلوب كل الناس اللى بتحبك تبقي وحيدة ازاي يعني
I love you ya my sugar

همس الاحباب يقول...

ياااااااااه
بالغم من تهريجك فى البوست لكن الحزن والالم ظاهر من بين الكلمات والحروف
كم الاسى طاغى وظاهر
قولى يا رب انه نعم المولى ونعم النصير
هتوحشينا اكيد بس عندنا امل انك راجعة قريب
وربنا يوفقك ويسعدك دنيا واخرة
تحياتى

خواطر شابة يقول...

تمنياتي لك بحظ أوفر وبسنة جديدة تتحقق فيها احلامك وتنسي شئ اسمه الاكتئاب نهائيا
لن أقول لك وداعا بل سأقول الى لقاء قريب ان شاء الله
انا مقتنعة اننا مادمنا احياء لايجب ابدا ان نفقد الامل
تحياتي لك

مستخلص افندى يقول...

ليه بس بتقولى كده

ربنا يكون فى عونك

كلنا بنجى ونكتب فى التدوينات اللى بيخنقنا

صلى على النبى وروقى وخليكى معانا وروقى واكتبى اللى نفسك فيه

دى حاله اكتئاب عابره عن الجميع

ربنا يفك كربك.

Lady E يقول...

يارب يحصل في الامور امور وترجعي تاني

lostlove يقول...

سكره
ليه كده
بجد كان نفسي اتعرف عليكي اكتر
تقربيا انا شبهك في كل حاجه
معاده حاجه وحده
اني بقتل الحزن والاكتئاب بسرعه
ومش بخليه يسيطر عليه
افصلي النت
بس تاكدي هتفصلي الحاجه الوحيده
الي ممكن تخرك من الي انتي فيه
بجد انتي انسانه جميله
وحرام عليكي نفسك من الحزن ده
انا معرفكيش من زمان
بس انتي شيله كتير
ارمي حمولك علي الله
وسبيها ليه هو عندو كل حل
تحياتي
اتمني التوفيق

فراشة يقول...

ايه يا سكره
ايه يا بنتى
ده انتى حتى سكره وزى العسل
اوعى تسبينا ده احنا لسه صدقتنا بتقول يا هادى
يارب الدنيا تتصلح عندك بإذن الله
والنت مايتقفلش ولا حاجه
على فكرة والله مش لوحدك فى الاكتئاب والاحباط دى حاله بقت عامة
بس اهو بنحاول نقاوم لأن الاستسلام مدمر
احنا معاكى والحياة اكيد فيها حاجات حلوة بس احنا مش حاسين بيها
لأن رحمه ربنا موجودة طبعا
بتمنى ان الامور تتعدل عندنا كلنا يارب
تحياتى لاجمل سكره

غير معرف يقول...

ساسو حبيبتى الا وحشتنى اوى اوى
والا وحشنى اخبارها والا مش هقدر كمان اكملها ولا اتابعها
سامحينى وقدرى ظروفى
بس يارب تكونى كويسه
وعلى فكره انا كنت امبارح فى كفر الشيخ ولو كنت اعرفك كنت جتلك ومكنتش هسيبك الا لما اشبع منك بس كفايا عندى انك تمام رغم انى مش حسا بكده
ويارب كده تعدى الايام وارجع اطمن عليكى



بنت قلبى

حرروف يقول...

هو اانا اكتئب واغيب

ارجع الاقيكي ماشية ؟؟؟؟؟؟؟؟؟؟؟؟؟؟؟؟؟

سجود يقول...

السلام عليكم
انتي مدونتك عسل ومش بتجيب اكتئاب
ويارب يحصل اي حاجه ومش تفصلي النت
وخلييييييييكي معانا بقي

سجود يقول...

دعوووووووووووووواتكم
عشان امتحاناتي

مجرد حلم... صغنتوت يقول...

:( :( :(
كده يا ساسو؟؟
طيب نطمن عليكي ازاي بعد كده؟؟؟

ربنا يوفقك ويكرمك ويعوضك خير عن اي حاجة ضايقتك في حياتك كلها... اكيد ربنا عاينلك حاجة حلوة اوي بس انتي لسه مش تعرفيها

هتوحشيني والله مع انها مرة واحدة اللي قابلتك فيها... بس بجد هتوحشيني وهفتقدك جداا :(