BLOGGER TEMPLATES AND TWITTER BACKGROUNDS »

الجمعة، 18 ديسمبر، 2009

السقوط.


احساس رائع أشعر به...

وهو السقوط....

تلك اللحظه التي تشعر بها ان روحك بتتاخد منك بسلاسه.

ولهذا اعشق النزول فى الاسانسيرات فهذا يعطيني احساس رائع
ولهذا ايضا احب لعبه الصاروخ فى دريم بارك.

هل جربتوا هذا الاحساس.
عندما لاتفكر فى اي شيء
فى تلك اللحظه انا لايشغلنى اي شيء على الاطلاق
يصبح ذهني صافى جدا
واشعر انني سأبدا من جديد.
======================
بانو بانووووووووووووو


دلوقتى بقى بما اننا
داخلين على سنه جديده
فها انذا اناشد كل الناس
ان يعملوا بنصيحه صلاح جاهين
حينما قال
بانو بانو
يعنى كل واحد يصارح كل اللي حواليه بما يشعر ناحيتهم
-----
دوروا وشكوا عنى شويه
كفايانى وشوش
بقى كام من وش غدر بيا ولاينكسفوش
وعصير العنب العنابي
نقطه ورا نقطه ياعذابى
يكشفلى حبايبى واصحابي
يوحدني وانا ابعد بشبابي
القلب على الحب يشابى
والحب بعيد عن اوطانه
بانووووووووووووووووو

27 التعليقات:

lostlove يقول...

السقوط لحظه تمر ولا تشعر للعالم هم
كل حاجه بتختفي
روحك بتخرج
وبتحس بشعور ملوش وصف
احساس رائع
كلمات فوق الوصف
اتمني التوفيق

Tamer Nabil يقول...

الواحد لما يكون ذهنة رايق والبال مرتاح ممكن يطلع منة كل المستخبى


ربنا يوفقك ويكرمك


مع خالص تحياتى

Mona يقول...

يابنتى أرحمى نفسك شوية :)

سجود يقول...

انا هنا بحجز مكان وليا عوده تاني اقرا التعليق وانا هنا للاسف منذ وضع البوست
يعني التعليق الاول من حقي

Hager Za3bal يقول...

أنا كمان بحب الاحساس ده اووووووووووي :)

sookra يقول...

LOSTLOVE

ميرسى ليكى ياقمر انتى
واتمنالك التوفيق انت الاخرى
=====================
tamer nabil

ربنا يروقلنا بالنا يارب
منورنى
====================
Mona
ماما منى
غصب عنى
========================
سجود

ولايهمك قلتلك هاحجزلك التعليق الاول
مستنياكى
منوره
======================
hager za3bal

فيه حاجه مشتركه بينا اهى
كويس
منورانى

نعكشة يقول...

حاسة اني قولت الكلام دة لحد قبل كدة

فكرة السقوط

شعور ممتع جداً

عشان كدة نفسي اجرب لعبة ال
bungee jumping
لو مش عارفاها هتلاقي ليها فيديوهات على ال
you tube
و صور علي
google image


المهم يعني

بالنوسبة بقة للناس اللي حواليا
مبعرفش اصرح بمشاعري
دة غير اني مبعرفش اميز هما حلوين ولا وحشين
و العلاقة بيني و بينهم سطحية متخلينيش اكتشف هذا الامر

.......

هذا لا ينفي اني بحب بانوا بانو جداً

فيه اغنية بقة لا تليق على حالي خالص بس بحبها قوي

اسمها لا لينا أهالي لشادية تأليف بليغ حمدي باين

بث بقة

كل سنة وانتي بخير وص حة و سلامة

سلامٌ عليكِ

(Joudy) يقول...

سكر الحالة دى زى ما تقولى بتاخدك لصفاء نفسى زى ما تكونى بتنقى نفسك من الشوائب احساس بالنقاء والتصالح مع الذات أجمل إحساس فى الوجود

دمتى بكل الخير والسعادة

لولا وزهراء يقول...

ايه الجمال ده كله
تسلم الايادى وبعدين انتى اختارتى اغنيه من اجمل اغانى سعاد حسنى
تسلم الانامل على كل حرف

مستخلص افندى يقول...

سبحان الله الاحساس ده فعلآ جميل مع انه فى بعض الاحيان يكون مخيف

السقوط فجأه

كل سنه وانتى طيبه

وبانووو :s

winner يقول...


انا مابحبش الاسانسير و لا احساس النزول فيه.
بس احساس السقوط في حلة شوربة او طبق فتة احساس رائع :)

من الاحاسيس الرائعة برضه انك تساعد حد و تلاقيه بيشكرك بكل الود. هو مكنش منتظر مساعدتك و لا انت كنت منتظر شكره. بس جمع بينكم سلوك حضاري انساني راقي. و عشان كدة الطب مهنة رائعة.

انا مش من عشاق سعاد حسني و لا صلاح جاهين.
بس انا بحب الصراحة و بكره الكدب.
عندي حد يصارحني افضل من انه يكدب عليا.
و ماقدرش اكدب على حد بس بحاول صراحتي ماتكونش جارحة.

wella يقول...

بصراحة ماجربتش شعور السقوط قبل كدة

امممممممم نبقى نجربة ياسكرة

كل سنة وانتى طيبة ياعسل سنة حلوة وسعيدة عليكى

Ms Venus يقول...

احساسى فى اللحظة دى بيبقى ملغبط

مش هعرف اوصفه

بحس انى خايفة وفى نفس الوقت بحس انى زى الريشة الخفيفة اوى اللى طايرة

سنة سعيدة عليكى عزيزتى

جارة القمر يقول...

تصدقي لما قريت العنوان اتخضيت بس بعدها ضحكت
فعلا شعور ممتع ذلك السقوط الذي يستهويكي


رائعة ياسكرة

كل عام وانتي بخير ياقمرنا

الشعب لابد له من شيما تشكمه يقول...

امممممممم بكره اوى احساس السقوط ده,يىىىىىىىىى بكرهه مووت وياسلام لما تكونى نايمه وتحسى انك بتقعى من على جبل,يانهارى..

اصارح الناس باييييييييييه,تصدقى مش عارفه :(

إبتسامة ملاك يقول...

شعور جامد اوووووووووووووى

حاسة بكلامك ياقمر

كل سنة وانتى طيوبة وجميله
عام هجرى سعيد عليكى حبيبتى

موووووووووووواة

سجود يقول...

السلام عليكم
انا جيت
انا جربت الصاروخ وقطر الموت ومش ناويه اجربهم تاني بس الله اعلم بقي هجبهم ولا لا
اصل نا بضعف ادام الملاهي
بس بجد فيه حاجه بتشد قلبي ساعه اما اكون راكبه بحس ان قلبي بيقف او طلع من مكانه او اصبح جريح بيعيط لاني مثلا في لعبه الصاروخ او قطر الموت سيبت قلبي في منطقه وروحت منطقه تانيه
هههههههههههههههه
كل سنه وانتي طيبه

mhmdwahab يقول...

اعتقد ان فى فرق كبير بين انسان يسقط وشعورة بالنهاية نهاية اجلة وانسان يسقط من لعبة او اسانسير ويبقى عارف انة حى وسليم لى تجربة عندما كنت صغير فى سن 12 سنة وحبيت اتعلم السباحة فى حمام سباحة بفندق كان خالى مدير هناك ولبست وكان احد العاملين قال لى هنا المياة ليست عميقة راح تصل الى ذقنك انزل العب شوية عقبال ما ارجع اعلمك السباحة وانا نازل على السلم زولقت فى المياة وسقط حتى تقريبا لمست الارض فى هذا الوقت شعرت بالموت وانى خلاص بح وجدت نفسى استسلم وانطق الشهادة فى سرى و افوض امرى الى الله وعندما رفعتنى المياة الى اعلى مرة اخرى وجدت نفسى ادبش ادبش واعمل البدع من اجل النجاة هو دة الانسان عن شعورة بالنهاية يبقى وديع مستسلم وعند معرفتة انة حى يرزق يدبش ويبقى لسانة عايز...وانا ماشى لا تغلقى الباب بعنف وابقى ادعى ربنا يرجعنى بالسلامة

خواطر شابة يقول...

تعرفي والله من دقيقة كنت لعصر دماغي عشان الاقي اسم الاغنية فكراها وفاكرة الموضوع بس الاسم تاه الزهايمر عيد عنك
كل سنة وانت طيبة وبخير
انا عكسك اخاف من السقوط اتفادى الاسانسرات ولو الدرج بديل محتمل يعني مش حأصعد 10 ادوار حأفضل اني اطلع على الدرج وصواريخ الالعاب على جثثي اني أطلع أخر مرة ركبت كنت حأموت فضلت اتشهد على روحي لحد ما المخروبة وقفت وعنها وحلفت مية يمين اني مااكررها تاني
تحياتي لك

The illusionist يقول...

ان انا نا نا نا نا نا

انا جيت

بقالى كتير
بلف واطير
واروح هناك
وارجع وبقول
بلاش عسل وفطير
احم احم احم
ايها الشعب السكرى
الاستاذ
الاستاذ
رمضان ابو سره
انا جيت شرفت البيت
اولا بقى
عارفه نفس الاحساس ايه تمام
لانى بحسه وبحبه قوى
وانتى ماشيه على السريع
وهوبا
تطلعى
وتنزلى المنزل
يااااااااااااااااااااااااه
تححححححححفه
وبالنسبه لبانو
مفيش احلى من البانو العلنى بتاع الاستفتاء
صيت نفسى
انا بانو بالتلاته كده
وشرفتنى زيارتك يا سكرتى
سانك يوووووووووووز

blue-wave يقول...

بموووت فى التفاؤل بتاعك:)))

mimi يقول...

دريم بارك ؟ الصاروخ؟
أنتي بتتكلمي عني شخصيا بأه

وبانو بانو ؟ سعاد حسني ؟ قدوتي في الحياة؟

لا أنتي كده أكيد بتتكلمي عني

صلاح جاهين صالوحتي ..

لالالالا كده كتير .. كتير أوي

mimi يقول...

الإحساس ده دايما أحسه وأنا مسافرة لما العربية تجري بسرعة في طريق وبسرعة تنزل كوبري
بحس إحساس مش عارفة أسمه إيه

مواااااااه

مدحت محمد يقول...

جميلة

مسدس صغير يقول...

كل سنة وانتى طيبة يا خالتو
حلو السقوط اوى؟؟
سقوط ايه يا حاجة احنا ناقصين؟؟
هههههههه
ربنا يسعدك

ريمان يقول...

ااه يانى

خليهم يبانوا على حقيقتهم

بجد كلمات اغنيه بانوا دى والله فى منتهى الروعه


وواقعيه جدا

عجيب اوى كلامك عن السقوط انا اتفاجئت اول مره اخد بالى


تحياتى ليكى يا قمر

ويا رب تكونى فى احسن حال انتى وانا وكلنا يا رب

norahaty يقول...

للناس فيما
يعشقون مذاهبُ
صحيح؟دا انا بترعب
موووووووووووووووت
من الفرجة بس على منظره
(الصاروخ) بس!!!!!!!