BLOGGER TEMPLATES AND TWITTER BACKGROUNDS »

الخميس، 10 ديسمبر، 2009

طوبتك فى طوبى.


طوبتك فى طوبى
لاجل لاتعتى ولاتدوبى.
تعرفوها دي ؟!!
اقولكم عليها
دي كلمه بتقولها الستات عندنا فى بلدنا
هاحكيلكم قصتها.
الاول تعرفوا شهر طوبه
من الشهورالقبطيه اللي موش احفظ منها غير بعضها من سمعي حكايات جدتي عنها
اقولكم عليها
ايييييييه
استنوا
لا موش رايحه البؤجه
بالكمش دعوه وماتحرقوش دمى
موش رايحه لظروف خارجه عن ارادتي
نيجى بقى لشهر طوبه
الناس الطيبه فى بلدنا هنا بيعتقدوا ان
لو غسلوا اي لبس فى شهر طوبه ونقعوه فى الميه شويه وبعد كدا نشروه والمطره نزلت عليه
فلن تمسه العته(حاجه كدا بتخلي اللبس يتقطع)
ولا الدوبان
موش هيتقطع باي شكل
فانا بقى قلت ايه
ايه رأيك يابت يسكره
لما تلمي اصحابك اللي بتحبيهم وتتجمعوا كدا تحت المطره فى شهر طوبه
دا كدا بقى موش هتبعدوا عن بعض خالص
هتفضلوا اصحاب طول العمر
اووم ايه رجعت وقلت يابت بطلي عبط
دا قالوا فى الامثال
عاشر يا ابن ادم على اد ماتعاشر مسيرك مفارق
هنفارق هنفارق


23 التعليقات:

موناليزا يقول...

أول مرة اسمع الموضوع ده:)

sookra يقول...

موناليزا

ادينى خليتك تسمعيه
عندنا فى بلدنا بسمع العجب العجاب
هاقولكم عليه كله لو ربنا اراد انشاء الله

مي يقول...

انا اول مرة اسمع ياسكرتى ده ههههههههههههههههههه طب يلا ننقع نفسنا فى ماية ولا اقولك ناخد نفتالين بلى
كبسول او اقراص والنبى ضحكتينى ياسكرة بلاش سيرة الفراق بقىىىىىىى
انا مصدقت افرفش
امووواه سكرتى

حلم بيعافر يقول...

باحب اقف تحت المطرة
بس مش فى دماغى الحكاية دى

blackshwak يقول...

أول مره بردو أسمع ده
بس إنتي ممكن تقولي لنا هتبطلي إكتئاب إمته
؟؟؟؟؟؟؟؟؟؟؟؟؟؟؟؟؟؟؟

كلنا عارفين حاجه زي دي ومطنشين
في يوم من الأيام
لن يصبح هناك ( سكره/ أو بسكوته / أو دكتوره ستيته / أو عم فشكووول / أو أناأو غيرهم كتييييير من المدونين أصحابنا)

لسبب أو آخر هو ده اللي هيحصل
وهنحس إن معدش في حد نفضفض معاه وأن الدنيا ملهاش طعم

بس لحد ما يحصل ده
خليكي متفائله

سلاااااام

kalam-wel-salam يقول...

انا سمعت المقولة دى قيل كدة هو انتى منين
وتحياتى يا سكرررررررررررة

mimi يقول...

سكرتي ...

أوكيك معاكي فهمت المثل

وأوكيك معاكي ، أنا مش رايحة البؤجة

بس اللي مش عارفاه ، أقرا إزاي المثل ده ؟
مش رايحة البؤجة ليه ؟ بالكمش دعون

هههههههه

amirelhob يقول...

بوست جميل اوى يا ماما زى مانتى اختارتى وقولتى انى ممكن اكون فى سنك ابنك وفعلا انا ليه ستى كدا تقريبا ليها علاقه بالفراعنه او كانت قربيت فرعون بتقولى القصص دى وعارفه حاجات كتير اوى من بتاعت زمان وكذا مره هئيه الاثار تروح تاخدها من بيتها بس بيسبوها تانى بجد فعلا انا سمعت قصص كير اوى عن الشهور دى وبوست حلوه كدا وخفيف وماشى مع الجو
من قلبى بقى انا بتمنلك كل خير وسعاده وصحه وتوفيق وفرح وابتسامه تدوم يا رب طول العمر

فاتيما يقول...

ايه الخبر البايخ دا ع الصبح
بقى جاية اطمن ان سعادتك ف السكة
تقوليلى مش جاية؟!!
طيب بدون حرق دم عشان انا اللى اتحرق دمى
كان نفسى تيجى جداااااااا
بس معلش انا عارفة الظروف
المرة الجاية ..هتيجى
و سحبت الدعوة بتاعة المرة اللى فاتت للناس اللى كانوا موافقين تيجوا
خلاص مش هدعيلهم تانى ..وحشين
و مقموصة أنا
بس برضو لا يمنع أديكى ...
بوسة و حضونة يا سكرتى
انا رايحة البؤجة خلاص اهو
وهسلملك على كل الناس
خلى بالك من نفسك
بحبك قوى

winner يقول...

عينيا وجعتني من الالوان يا سكره ..

سيبك انتي من الطوبة ..
الصداقة بناء يحتاج الى بان ٍ .. فانشغلوا بالبناء.

Angel يقول...


سكره ...

صباح الخير يا حبيبتي

تصدقي أول مرة اسمع حكاية طوبتك في طوبي دي ... بس أنا اعرف شهر طوبه فعلاً ... بس تعرفي لو كلنا عملنا الحكاية دي مع الناس اللي بنحبهم مكانش حد غلب (:


يا عيني علينا D:


صباحو فل

Angel love

خواطر شابة يقول...

شكرا على المعلومة الجديدة
وبالنسبة للاصدقاء انها سنة الحياة مهما اجتمعنا لابد يوما ان نفترق ليس بالضرورة لاننا اخترنا قد نفترق لاسباب خارجة عن ارادتنا انها الحياة

blue-wave يقول...

ههههههههههههههه
حلو الكلام
وشهر طوبه شهر البرد والرطوبه
وامشير شهر البرد والزعابير:))

ameen يقول...

هههههههه
فكرتينى بستى الله يرحمها

انا اعرف الشهور القبطيه كلها طبعا دا اساسى لان بلدنا ارياف وبيعتمدو عليها فى الزراعه


والمثل هنا بتاع طوبى بيقولك ايه بقى


*المعزه قالت لطوبى
-رحت يا طوبه ما بلين عرقوبه
طوبا قالها
-بكرا يجيلك عشره من اخويا امشير
يخلى عضمك ع الكوم نسير*

الترجمه بقى

ان المعزه بتقول لشهر طوبه انت عديت وماشتش الدنيا خالص حتى عراقيبى _اللى هى رجل المعزه ودى كنايه عن نحافتها _

قالها بكره اول عشر ايام من امشير _عز الشتا فعلا عندنا _
يخلى عضمك على الكوم _ اللى هو تل الفراعين بوتو الجماعه القدام مسميينه الكوم هنا وساعات بيقولو رايحن عند الفرعون _
نسير
يعنى حتت ضغنونه
*

تحياتى

Somaya Kamal El Din يقول...

ازاى الكلام ده

ولا حتى قالى نوهاااائى
هههههههه


بس والله فكرة بس هو شهر طوبة ده يبقى فى الميلادى شهر ايه او بيكون شغال من امتى يعنى :D

بس تعرفى ده مش بس فى الامثال
تقريبا فى حديث للرسول او سيدنا جبريل قال للرسول مش عارفة بدل ما الاخبط

المهم قال

" يا محمد احبب من شئت فانك مفارقه "
تقريبا المقصود بالفراق الموت او مش عارفة ايه الحكاية بس فى النهاية لازم هنفارق فى الحياة
بس فى الاخرة هنتقابل كلنا
" المرء يحشر مع من احب "

يارب مكزنش طولت
ولا نكدت عليى بالفراق والموت
:D

وطمنينى دايما عليكى
فى امان الله

ولو عاوزة حاجة قوووووولى

يلا سلام يا جميل

Mo7ammed يقول...

فكرتينى بحكاوى جدتى

جميلة الحوارات دى

بتحسسك بالدفا كده فى البرد اللى احنا فيه ده

Tamer Nabil يقول...

معلومات جديدة عليا سكرة

اول مرة اعرفها بجد

تسلمى عليها

هو ممكن اجربها احنا فيها والشتلء موجود

مع خالص تحياتى

إبتسامة ملاك يقول...

ام ايه؟؟؟؟؟؟؟؟؟
شعبنا كدا شعب الامثال
وعايش بالفطره

بس ده حل حلو اوى اجمع اهلى وناسى وكل العرب ونقف تحت المطر عشان مش ندوب ابدا ولا تدوب بينا الوصال

فعلا لازم نفارق بس مش معناها نستندل

الحياه نفسها محطات بيجى لكل واحد وقت ينزل محطته

تسلمى سكره واحيانا الامثال بتكون حقيقه لانها نتيجة التجارب زمــــان

(Joudy) يقول...

بصراحة دى أول مرة أسمعها بس بجد محسسانى بأيام زمان تعرفى ان الواحد نفسه يعيش فأيام زمان

بس فكرة حلوة أول المطرة ما تيجى هروح أقف فيها قال يعنى مش بقف بس هقف

دمتى بكل الخير والسعادة

reem يقول...

الله اول مره اسمع المثل دا

بس عاجبنى جدا

وعجبنى اكتر ازاى فكرتى فيه انك تجمعى اصدقائك تحت المطر

وانا موافقة تيجى نجربها يمكن المطر فعلا مش يفرقنا خالص ان شاء الله

وحشتينى يا سكرتى

مسدس صغير يقول...

طب واللى ميجيش فى التجمع ده العته هتاكله؟؟
ويدوووووب؟؟؟
ههههههههههه
خلاص انا جى
انا خايف من العته بتشديد التاءالمفتوحة مش بفتحها بس
هههههههه
كيفك يا خالتو
داليا وانا لأ؟

همس الاحباب يقول...

هههههههه
انتى قولتليلى جاية اشتغلى ايه
هههههههههههه
فكرتينى بستى الله يرحمها
كانت بتقولنا امثال غريبة على الشهور القبطية وخصوصا طوبة وامشير
تحياتى

شربات يقول...

بجد فكرة حلوة حبيتى سكرة

بس صحيح انا اعرف طوبة وبس من غير طوبتى دى ههههه

بس كلة حلو منك

تحياتى