BLOGGER TEMPLATES AND TWITTER BACKGROUNDS »

الأحد، 28 فبراير، 2010

عروسه انا.


انا عروسه


خلاص باقى شهرين وابقى عروسه


ومحتاسه حوسه مايعلم بيها الا ربنا


ياانى

انا لسه موش اخترت التصميم بتاع الفستان


ولااشتريت ميك اب ولا برفانات


ولاعملت اى استعدادات


ماما ربنا يكرمها هى المتحمله تجهزنى


المطبخ والصينى والمفروشات


و....و......و...و.........و


يوووووووه

طيب من النهارده وانا هااشارككم معايا فى الحوسه بتاعتى


وهااكتب يوميات عروسه محتاسه


ساعدونى


مساعده قليله تمنع بلاوى كتيره وهنيالك يافاعل الخير والثواب
ايه دا بقى موش سامعه زغاريد مليه البلوج سبوت
وربنا اللى هيدخل وموش يزغرد هازعل منه
يلا بقى اسيبكم على خير
لولللللللللىىىىىىىىىىىىىىىىىىىى


الجمعة، 26 فبراير، 2010

من وحى فاتيما الكبيره


فاتيما دايما تقولى انتى فاتيما الصغيره

موش عارفه هى شايفانى قويه ازاى

وانا اضعف من اضعف زبابه

حاسانى زى

موش عارفه زى ايه

بس حاسانى موش حاسانى

هو انا انا ولاانا موش انا



الحمد لله نامت دلوقتى بعد ماعطيتها الابر

لكنها بتتالم وانا بتألم جنبها

يارب تشفيها


افتكرت النهارده لما ماما وقعت واتكسرت

افتكرت احمد حلمى فى الف مبروك وهو بيقول لباباه

النهارده تتعب النهارده

بس الفرق انه كان زعلان عشان نفسه وفرحه

انا بقى تخيلتنى بقولها كده

وتخيلتها بترد عليا وتقولى انتى مايهمكيش غير نفسك


هو انتى انانيه ولاانتى ايه بالظبط

مضايقه عشان مامتك ولاعشانك

بالعكس انا فرحانه ان ماما تعبت

انا شيطانه

اصلها كانت دايما تقول لو جرالى حاجه موش هتحسى بيا ولاهتتحملينى

اعتقد كده ممكن اعرف ابينلها مشاعرى

انا بحبها جدا بس كتير بتغيظنى وتنرفزنى

وكمان انا قليله الادب لما بتقولى حاجه ولاتتنرفز عليا انا برد عليها

ايوه انا قليله الادب

انا كرهانى جدا

طيب شفتوش ياناس دكتور نفسى تبعتونى له



بيكيا

روبابيكيا

للبيع تحف قديمه

عقول قديمه قديمه للبيع

ناس خرده للبيع

هو انا خرده

ايه يابت اللى بتقوليه دا

هو انا شايفانى ولاانا اصلا موش باينه

محطوطه فى حته ضلمه كده


هو انا ابقى عبيطه لو ضيعت جوزى من ايدى

ولاابقى شاطره

طيب اسامحه ولااديله فرصه تانيه


طيب ماهو انا موش ملاك نازل بجناحات من السما

انا شيطان فى شكل انسان

هو كلنا مالنا كده

ايه رياح الاكتئاب والهم دا كله

انا قلت اطلع همى هنا

انا برده زى فاتيما مابتقول موش عاوزه بجد اشيل حد همى

بس والله نفسى اشيل حد واحد همى ويشاركنى همى

هو موجود بكلمه واحكيله واحكى معاه

برتاح لما بتكلم معاه حتى لو موش قلت ايه سبب ضيقتى دى

لكن انا محتاجه احس ان هو كمان بيشيلنى همه

انا اه شيطانه صغيره بس انا بجد بحب اسمع الناس

بس المشكه انى بعيش فى حكاياتهم

بتألم زيهم وببكى معاهم



شفتى بقى ياسكره انك ممكن تكونى فيكى حاجه كويسه


خاينه

هو انتى خاينه

ليه طيب بتخونى

نفسك فى ايه



انا واقفه تحت المطر

السما بتمطر سيول وبتشدنى لتحت

مستمتعه انا باحساس الزحلقه

هههههههههههه

طيب انا هاازحلق الهم هاديله صابونه دووف زى مابيقولوا

شوفتوا كريمه انا ازاى ماقلتش صابونه غسيل


فاتيما دا ردى على البوست بتاعك

ياريت اللى يشوفها يقولها انى علقت عندى على بوستها
وكمان قولولها انى هاقعد كده وامسك لمبتين منورين
واحده ليها وواحده لحد هى عارفاه كويس يمكن لما يحبوا ييجوا يطلوا عليا يعرفوا يوصلولى
لما يشوفوا اللمبات منوره

الخميس، 25 فبراير، 2010

بيرفكت


احساسك امتي بيبقى بيرفكت


امتي بتحس انك راضى عن نفسك


ياترى بتفرح لما تحس انك بيرفكت برغم عيوبك الكتير


ولابتفرح لما تلاقى نفسك حزين وموش بيرفكت ومع ذلك معندكش عيوب كتير


ياترى لما تحس انك ملاك وحزين بتوصل لحاله البيرفكت


ولا لما تحس انك شيطان بس حاسس بالسعاده


معلش حاساكم موش فاهمين بس استحملونى


يمكن اعرف اوصلكم احساسى او هبلى


ماعلينا


مره كنت ماشيه حزينه وبعدين قابلنى حد كان خانقنى ومضايقنى جدا وكان عامل معايا موقف زباله وكنت ساعتها موش قادره اردله الصاع صاعين زى مابيقولوا


وجه الوقت اللى قدرت ارد ورديت بالفعل الصاع صاعين


كنت مضايقه قبل كده لانى معرفتش ادافع عن نفسى


ولما عرفت حسيت لشويه صغيرين باحساس بيرفكت كده


وبعد ثوانى كده اضايقت تانى


وبقيت موش فى احساس بيرفكت خالص


طيب اعرف اوصل باحساسى للبيرفكت ازاى


واوصل بمشاعرى للبيرفكت ازاى


واوصل بنفسى للبيرفكت ازاى


امتى ابقى انسانه بيرفكت


فى كل حاجه


وياترى لما هابقى بيرفكت هاافرح ولاهااحزن


يوووووووووووووووووه يانى


ياغلبى


كتير بقى بكتم رغبات جوايا عشان لما بفكر فيها بحس انى موش بيرفكت


ومع ذلك برده لما بكتمها جوايا موش برتاح وبفضل افكر انى موش بيرفكت


ياترى لو كتمنا رغباتنا جوانا هنرتاح ولالما نطلعها هنرتاح


كده بنكدب وكده بنكدب




ياانى ياغلبى




الأربعاء، 24 فبراير، 2010

رماد.


يأتي المساء ويملآ الكون ظلام

تضيء لمبه من الجاز

تجلس الى ماكينة الخياطة

تمسك بيديها قماش ابيض رائع

تبدأ فى قص القماش

تخيطه مع بعضه

لتصنع فستان كابدع مايكون

فستان جميل

تنظر الى الفستان باعجاب

تكتشف ان هناك ما ينقصه

تقوم وتجلس على السرير وتضع اللمبة بجوارها

تمسك الفستان بيديها وتبدأ فى التطريز

تكتمل اللوحة الفنية البديعة التي صنعتها يديها

تفرح بانجازها وتنظر للفستان بمنتهى الحب والفخر

تدق الساعة فى الراديو معلنه قرب الفجر

تضع الفستان بجوارها وتنام

تصحو بعد ان علت الشمس السماء

تنظر بجوارها فتجد ان الفستان

اللوحة البديعة اصبحت رماد اسود

انحنت ومسكت بعض من الرماد

ونظرت من الشباك

وبكت وبكت
.........................

السبت، 20 فبراير، 2010

الفجر.


طبعا قبل ماكتب البوست بتاع الليله لازم
انى اشكر كل اللى هنونى بعيد ميلادى
ميرسى ليكم كلكم ويارب اردوهالكم فى اعياد ميلادكم كدا.
=====================================
تستيقظ على صوت اذان الفجر

تخرج الى البلكونه وهى ترتدى قميص نوم شفاف

تقابلها نسمه رقيقه تجعل شعرها يتطاير

تمسك بسور البلكونه وترجع بظهرها للوراء

وتستنشق الهواء بمنتهى الاستمتاع

دائما ماكانت تعشق هواء الفجر

دائما ماكانت تستيقظ فى ذلك الوقت كل يوم لتستمتع بهذه النسمات

تظل واقفه الى ان تشعر بالبروده تسرى فى جسدها

فتدخل الى غرفتها الغارقه فى الظلام

تجلس وحيده على سريرها

تتذكر حياتها

فهى من داخلها تحمل ضوء ونسمات الفجر

اما بالخارج فهى تحمل ظلمه الغرفه وهواها المكتوم

ترتدى روب فوق القميص وتقرر ان تنزل الى الشارع

لتمشى حافيه القدمين على العشب الندى

تعشق لمسه قدمها للعشب

تدور وتدور فى دوائر

تشعر بالحنين للماضى

فتأخذ نفسها فى حضنها وتغلق عينها

وتتذكر
.........................
==============================

الجمعة، 19 فبراير، 2010

هابى بيرث داى تو مى+تحديث


فى يوم الاثنين الموافق
18/02/1982
الساعه العاشره صباحا
وعندما كان الزوج فى العراق
وكانت الزوجه فى بيت ابيها
جاءت طنط بشاير الى هذا البيت
الذى كان ينتظرها بفارغ الصبر
ودخلت الى الغرفه الغارقه فى ظلام
كأن ماسيحدث عيب وحرام ان يتم فى النور
ولم تطلب مياه ساخنه
ودخلت معها الجده الى نفس الغرفه واضاءت النور
وبعد مايقرب من ساعه
وفجأه
سمع الجيران صوت بكاء وصراخ طفل
وزغردت الخاله الصبيه الصغيره وفرح الجميع وخرجت طنط بشاير
بالبشاير الحلوه
ان المولود الذى حضر للدنيا
نووووووووووو
موش ولد
دى بنت زى القمر
شبه مامتها الخالق الناطق
طيب هتسموها ايه(لالالالالالا انا ماحدش يقتلنى ابدا)
هنسموها سهير
الله يسامحكم ايه سهير دا(دى المولوده اللى بتقول)
هندلعها بسها او سكره
(الله عليكم طيب ماتكتبوها سها وخلاص-دى المولوده برده)
اجرى يااعتماد بشرى خالتك ام محمد ان مرات ابنها جابت بنوته زى السكر
يييييييه يااما ااااا
انا عاوزه اشيلها الاول
طيب بس لما ترجعى اجرى روحى يلا
حاضر
لولىىىىىىىىىىىىىىىىىىىىى
مبروك ياام سها
تتربى فى عز ابوها وعزك
فاااااصل
السبوع النهارده
بيدقوا الهون
البيبى (حرام عليكم كدا بدأتوا تربولى صداع)
ياعينى عليا لسه لغايه دلوقتى عندى صداااااااع
واهى خلاص القطه الجميله السكره كبرت وبقى عندها 28 سنه
وياحوستى وياغلبى وياداهوتى
ولاعملت اى حاجه ووجودها او عدمه مابيفرقش
--------------
بعد الرغى دا كله انا النهارده عيد ميلادى
كل سنه وانت طيبه ياسها
كل سنه وانتى طيبه ياسكره
كل سنه وانتى طيبه ياسهير(لا بلاش سهير)
كل سنه وانتى طيبه ياقطه
كل سنه وانا طيبه
وخلاص كدا وصلت لخريف العمر
وياالله حسن الختام
يااااااااااارب
=================
ياجماعه كان لازم اقول ان حرووف عيد ميلادها يوم 17/2
بس غصب عنى نسيت اقولكم بس
انا بعتلها رسايل وموش عارفه وصلتها ولا لا
المهم كل سنه وهى طيبه لانها تليفونها مقفول وموش عارفه اكلمها
كل سنه وانتى طيبه يارووفى


الخميس، 11 فبراير، 2010

مواجهه.



هل ستستطيع المواجهه
ام انها ستترك نفسها للدنيا تصنع بها ماتشاء
تركت نفسها قبل ذلك وهى الان تحيا حزينه
سيأتى يوم عليها ان تقرر هل ستكمل كما هى
ام انها ستواجه الدنيا وتقف فى وجه القدر
وتغير المستقبل
لانه ملكها وحدها
وان لم تفعل وتركت الدنيا تجرفها فهل ستكون سعيده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ملايين الاسئله التى تدور بعقلها ولاتعرف لها اجابات
او انها تخاف من تنفيذ تلك الاجابات
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الأربعاء، 10 فبراير، 2010

هى.


بين الزحام دائما مشرقه وضاحكه
وايضا مقبله على الحياه
ولكنها ليست هكذا بداخل صدفتها.
تملك عيون خاصه جدا لاتسمح لاحد برؤيه تلك العيون دامعه.

الاثنين، 8 فبراير، 2010

enough


I had enough of realistic
enough of waiting
enough of sadness
I only want love,romantic moments
Is this too much
I want happiness
love,love,love
romantic,romantic,romantic
No more waiting
No more realistic
No more bad life
No more cheats
No more need
No more choices
No more anything
No more tears
No more pain
love must come to me
happiness also must come
many things must be mine
No more darkness


السبت، 6 فبراير، 2010

سامحونى ماكانش قصدى.



فيه حاجات كتير جوايا
حاجات كتير متلخبطه
وحاجات تانيه مترتبه
حاجات حاساها من زمان
حاجات لسه بحسها
انا نفسى اشرب من ايديك
نفسى اتغطى بعنيك
نفسى انا الاقى نفسى بين ايديك
اد ايه وحشتنى واد ايه مشتاقه ليك
انا نفسى تاخدنى بعيد
نجرى ونهرب م الزمن ومن السنين
نفسى انا ابقى معاك
افكر فيك والاقينى جنبك
الاقى حبك كبر وحوط على قلبى وعلى حياتى
نفسى حبك يبقى شجره كبيره طارحه خير وحب
نفسى حضنك المسه ويضمنى من غير قلق
نفسى
فى حاجات كتير وحاجات شويه صغننين
بس ياترى كل احلامنا بتتحقق ولابنفضل كدا عايشين
نحلم ونحلم ونحلم
وفين الحقيقه واللى بيحصل
==================
ملحوظه
سورى لو كان العك اللى فوق دا موش فاهمين منه حاجه
دا مجرد هذيان واحلام مالهاش حق تشوف النور
وبما انى خلاص قربت اكمل السن القانونى للكف عن الاحلام
خلاص بعد كام يوم
هاكمل كااااااااااااااام وعشرين سنه
28
وبما ان كل احلامى راحت فى الهوا
وضاعت مع كل سنه خلصت
حاسه انى خلاص ماعدش ليا حق فى الاحلام
كتير بحس انى قويه وكتير ناس حواليه بيقولوا انى قويه وقلبى جامد
وبرغم من كدا حاسه بمنتهى الضعف
منتهى قله الحيله
منتهى الالم واليأس
سامحونى
سامحونى ماكانش قصدى انى اغلس عليكم
او انى اشيلكم همى
تعرفوا
سمعت جملتين من كام يوم وموش عارفه انساهم ولاقادره انساهم ولاكمان عاوزه انساهم
عاوزه افضل فاكراهم دايما
you don't need anyone
you mustn't need anyone
this is because you have yourself
دول الكلمتين عاوزه اطبقهم بقى فى حياتى
ومعلش موش قصدى
بس بجد احساس الاحتياج لشخص اولحضن شخص
او لحد يطبطب وموش تلاقيه
احساس بيوجع اوى
احساس الاحتياج دا بيتعب جدا
وعشان كدا هااحاول اطبقه
اسمعوا معايا