BLOGGER TEMPLATES AND TWITTER BACKGROUNDS »

الخميس، 31 ديسمبر 2009

2010



الثلاثاء، 29 ديسمبر 2009

clean up.



احيانا كدا نيجى نداونلوود فايل من النت
او تيجى تعمل كوبى من فلاشه ولاحاجه
تقوم تلاقى الكمبوتر(زى حنون مابتقول اسمه)
يقول ديسك كلين أب
ولازم طبعا تعمل الكلين أب دا عشان تداونلود
الفايلز الجديده
اوووووووم ايه
كنت قاعده كدا وبداونلود حلقات مسلسلى المفضل والاقى
الكمبوتر يقولى كدا
فطقت فى دماغى فكره بعملها بقالى كام يوم من غير مااكون
واخده بالى
الفكره هى ايه
السنه الجديده جايه
فقلت لازم اودع 2009 كانت بصراحه سنه غلسه اوى
طبعا هى مالهاش ذنب
بس حصل فيها حاجات حلوه كتيره
فيها طبعا فى شهر فبراير كملت 14 سنه
ايوه 14 واللى هيعترض هافتحله نافوخه بما انى بلون حياتى بالوان فرايحى فلون الدم الاحمر لون فرايحى
لا وايه جاى اللون دا من نافوخكم
هههههههههههههههه
هو انا كنت بقول ايه مممممممممممممم
ايون
قلت لازم اعمل كلين أب للهارد بتاعى
واعمل دليت لفايلز كدا كانت مالياه بحزن والم
وانضف الهارد بقى
يمكن نرتاح فى 2010
وطبعا انا قدها وقدود وبما ان انا من مؤسسى جبهه الجدعان الشعبيه
وان انا كمان الملكه ساسو
وسكره هانم
وكل العك دا
ماعلينا تانى
طولت عليكم
يوه اطول براحتى مدونتى وانا حره ولاحد عنده اعتراض
وربنا اقتله
المفيد والجد بقى
السنه اللى جايه دى هاعمل دليت لفايلز كتير ومشاعر سلبيه اكتر
عشان اسيب سبيس لمشاعر وفايلز جديده وافضل من اللى عملتلها دليت
هااداونلود فايلز جديده ومشاعر ايجابيه
صحيح مافيش حاجه اتغيرت بس زى ماعرفت وقالولى
(قالولى؟!! وانا ايش درانى)
ههههههههههههه
ان التغيير بيبقى من جوانا موش من الحاجات اللى بره
فيه فايلز كتير عملتلها داونلود من اول ماجيت هنا وناس كتيره بصراحه حبيتهم واعتقد انهم حبونى برغم كئابتى
فيه ناس طبعا موش طايقانى
ايوه بلئح عليك
هههههههههههههههههه
هاعمل فورمات للهارد بتاعى
واداونلود اللى على مزاجي
واعمل دليت للى مايعجبنيش
وانا حره بقى
وكمان عشان لما ابله نظيفه تيجى بالقطنه بتاعتها وتشوف نضافه الهارد بتاعى
تقول هو دا الكلام والقطنه مابتكدبش
ههههههههههههههههههه



الاثنين، 28 ديسمبر 2009

خمس ثوااانى وبس.



اولا ربنا يجعلها سنه خضره علينا كلنا
وزى مااتفقت مع منامينو
انى هاابطل اكتئاب وهكتب بوستات فرايحى كده
احمر واصفر واخضر وبلاش الاسود برغم عشقى ليه
قررت اخلى الاسود ليا انا وبس
هاحكيلكم عن احساس رائع
=======================
الصدااااع
ايوه الصداع اللى بنحس بيه فى نافوخنا دا
ويبقى هيجننا وممكن نخبط راسنا فى الحيط
ايوه هو دا
عليكم نور
انا من وانا لسه طفله وانا بيجيلى صداع نصفى
ودخت على الدكاتره وربنا (صرفت دم قلب اهلى )
المهم
اخدت واستعملت كل انواع المسكنات اللى تخطر على بالكم
وبرده ابن الذين الصداع موش بيروح
فيوم من زمان سمعت حد وموش فاكره مين ولافين ولاامتى
(زهايمر بقى الظاهر منامينو عدانى)
قال ركز اوى لما تبقى عندك الم فى جزء من جسمك
ركز فى اللحظه اللى عندها بينتهى الالم وساعتها كل الامك هتزول
المهم قلتلهم الله يخرب بيت كدا
معقول اللى بتقولوه دا
واوووم ايه زى الشاطره كدا قلت لنفسى
طيب جربى ياسكره انتى ياسكر وشوفى
هتوصلى لفين
اول مره مانفعتش
تانى مره
اخدت نفسى(ايوه نفسى وانا احنا حريين مع بعض حد شريكنا)
اخدتها وطلعت فوق على سطح البيت وكنا بالليل
وفرشت على الارض ونمت على دهرى وبصيت للنجوم وحددت نجمه
وغمضت عنيه وبدات احضر(موش عفاريت ياغلسين)
بدات احضر اللحظه اللى بينتهى فيها الالم
ركزت كدا لمده ثوانى
خمس ثوانى او خمسين ثانيه
وراااااااااااح الصداع
انتهى
كان احساس يجنن
خمس ثوانى اوخمسين ثانيه ياناس
نركز فيهم ونرتاح مده اطول
ليه بندور على الصعب وبندور على السهل فى نفس الوقت
السهل انى اخد مسكنات والصعب هو اثارها الجانبيه بعد كدا
هما خمس ثوانى وتنتهى مشكله
ليه بقى فى كل مشكله مهما كانت موش بنهدى كدا ونركز ثوانى بس
ثوانى هتفرق معانا كتير
هنرتاح ونريح اللى حوالينا
انا اعترف ان انا متسرعه جدا
وعصبيه اوى ودايما بفترض سوء النيه فى افعال اللى حواليه ومع ذلك موش اعاملهم بسوء نيه
لا
بفترض سوء النيه واخد فى نفسى وازعل على نفسى
طيب ايه اللى هيجرى لو رد فعل كان غامض عليا شويه واستنيت خمس ثوانى افكر
فيه وبعدين لو موش فهمت استنى خمس ثوانى تانيه اسال الشخص عن قصده
متسرعه ليه ياسكره
وليه بتفترضى سوء النيه
ولما بتفترضى سوء النيه ليه موش بترحلى وخلاص
ياتتحملى خمس ثوانى تفكرى او خمسه تانيين تستوضحى
يااما ترحلى موش تشيلى نفسك هم فوق همك
هو انتى ناقصه يابنت الناس(بتقولى عليا انا ناقصه ماشى وحياتك لازم اربيكى ياساسو)
سكره:بطلى ياساسو
ساسو:لا موش هاابطل واعملى اللى انتى عاوزاه

حد فاهم حاجه
طيب اللى فاهم يفهمنى

السبت، 26 ديسمبر 2009

كنت وسأبقى وحيده.





اولا بسكوته المبسكته اللى محشيه فراوله وشيكولاته
قالتلى لازمن ولابد وحتما واقتدار انى اكتب بوست عنها
طيب قولولى والنبى اكتب اقول ايه
اقول دمها شربات
طيب ماهو دا انتوا حاسينه اواقول انسانه حلوه وروحها احلى طيب برده
دا انتوا عارفينه
اقول انها بنت الكار بتاعى
طبعا ماهو انا وهى درسنا عنجليزى يامرسى
ايون احقد عليها وانق عليها واقول انها بتشتغل وانا لا
طيب دا برده انتوا عارفينه
ههههههههههههههه
بصراحه هى حد حلو اوى
وكمان اول واحده عرفت انى خلاص هافصل النت من اول السنه الجديده
ههههههههههههههههه
===============================


اوعوا بس من غير ضرب ولاحدف طوب ولاحدف بحر
هههههههههههه
معلش غصب عنى لازم افصل النت وموش عارفه هارجع تانى ولا لا
اصل الحكايه اننا كلنا كنساء من اول مابنتولد واحنا حكمنا فى ايد راجل سواء قبلنا او رفضنا
وحريه بقى ومساواه وكلام من دا
كله شعارات
صدقونى
ايون سمحولى اخرج واتعلم
لكن بشروط وقواعد وقوانين وممنوع ومحظور وماتعمليش
ولو عملتى هنعمل ونخلى
منتهى القهر
وربنا ياناس انا بتكلم من واقع لامساه وحساه
يرفضوا انك تسافرى مثلا تشتغلى بالرغم ان نفس الحق مكفول للراجل
بعيدا بقى عن الحلال والحرام عشان موش بتكلم فى دا
ماعلينا المهم خلاص انا جايه اودعكم ولو حصل فى الامور امور يبقى موش هافصل النت
والدنيا هتبقى تمام
بس عاااااااااااااااااااااااااااادى
زى ماقلت المره اللى فاتت
=================
معلش يافاتيما
معلش يابسكوته
معلش ياشيما
معلش يافقرى
معلش يامنونه
معلش ياحرووف
معلش يااسكندرانيا
معلش ياقوس قزح
معلش يامنامينو
معلش ياانجل
معلش ياريما
معلش ياكل الحلوين وكل اللى حاولوا معايا
حاولوا يطلعونى من حياتى الكئيبه
معلش الظاهر ان انا خلاص ادمنت الوحده وبقيت بحبها برغم انها بتقهر قلبى وبتوجعلى قلبى موووت
معلش عشان قرفتكم وزهقتكم
معلش ليكم كلكم
انا كنت وحيده
وشكلى هاكمل برده وحيده
اصل انا حياتى بتمشى من سىء لاسوأ
الحمد لله
على المر وعلى الحلو
اللى موش لاقياه
كنت ومازلت وحيده رغم كل محاولاتكم
سامحونى
===================

افتكرت اغنيه كنت بحبها اوى
ولسه بصراحه بحبها عشان يمكن موش قادره اعمل زى مابتقول
الاغنيه لنعيمه عاكف
السعاده السعاده السعاده
نتحرم ليه م السعاده
دى الحياه سكر زياده
ليه بقى تخلوها ساده
؟؟؟؟؟؟؟؟؟؟؟
...................................
................................................................
......................................................................................
كلام كتير موش عارفه اقوله وفيه كلام اكتر موش هاقدر اقوله
==============================


لما اخاف على اخويا ولاابنى من بنت بتتكلم معاه وبيتكلم معاها
وانا عارفه ابنى كويس اوى وعارفه انها لاالتيب بتاعه ولاممكن يفكر انه يرتبط بيها
وهى كمان مخطوبه واقابلها واسألها هتتجوزى امتى
ياترى هتحس بيه وهى عارفه انى خايفه منها بشكل او بأخر
اعتقد ان سؤالى موش هيفرحها بالعكس هيخليها تحس انها بنت ساقطه
وبنت بتاعه كلام كدا وكدا
هاجرحها؟
صح
انا عارفه انى هااجرحها
اويمكن هى تاخد الكلام ببساطه وموش تضايق مع انى ماكنتش بسألها قبل كدا هتتجوزى امتى
وسألتها بعد ماعرفتها شكوكى فيها وفى تصرفاتها
طيب موش جايز هى طيبه وبتتصرف بطبيعه وبالفطره كدا من غير
ماتحسب لتصرفاتها حساب
موش يمكن هى عفويه وبس
موش هيمكن هى بتحب ابنى بجد
لكن هى كمان متأكده انه حب بلا امل ولاعمر ولااى حد
موش يمكن ...........
موش يمكن..........
موش يمكن.............
احتمالات
كتيرررررررررررر
حياتنا ماهى الا شويه احتمالات فوق بعض
وشويه اكتئبات فوق بعض
وشويه احباطات فوق بعض.
========================


واهى ماشيه وبتعدى
وف وسط الموج عدى
هتعدى ولاهتستنى الاتوبيس
ههههههههههه
طيب خلاص انا هعدى الطريق
يمكن ربنا يكرمنى بعربيه تقصف عمرى عشان ترتاح منى
يارب ياشيخه
انا خلاص اتخنقت منك ومن اكتئابك دا
يلا روحى لصاحب نصيبك
ههههههههههههههه
بهيس بهيس
عادى يعنى ولاتفرق ولايهمنى
ايوووووووووووه
دوشتكم زى عادتى الزفت دى
نفسى ابطل رغى واقول المختصر المفيد
اقولكم المختصر المفيد
الدنيا سودا جدا فى عنيا
ودا برده بقى عادى
مخنوقه وقرفانه وكارهه نفسى والدنيا
برده عادى
هافصل النت
دا بقى الجديد وكمان موش عادى بالنسبالى كنت بهرب من دنيتى واجى
اطلع عنيكم وابخ عليكم اكتئابى هنا
يلا معلش
هاسيب الاكتئاب وامشى انا
ولااقولكم يمكن اصلا هو جه معايا ولما امشى هيمشى بعيد عنكم
الظاهر ان انا اوس الاكتئاب
كل الناس كانت عايشه حلوه وبيس
ولما جيت برياح الاكتئاب بتاعتى بهت عليهم
معلش سامحونى
ماكانش قصدى
============================

شكرا لكل الناس اللى عرفتهم هنا
شكرا ليكم كلكم
شكرا لكل حد حاول يبعدنى عن اكتئابى
معلش اكيد بخيت عليك من اكتئابى وعشان كدا اعذرونى
شكرااااااااااااااااااااااااا
شكرااااااااااااااااااااااااااااااااا

الجمعة، 25 ديسمبر 2009

راضيه.


قابلتها بعد مرور زمن على زواجها
وانا اعلم جيدا انها لاتحب زوجها
وانجبت منه 3 بنات
واعلم ايضا انها تحب شخص اخر
سألتها :
انتي سعيده؟
قالتلى
الحمد لله
قلتلها سعيده ازاى؟
قالتلى :عشان دول
واشارت الى بناتها
سألتها يعنى ايه
قالتلى
انا راضيه.......
قلتلها
هل انتي راضيه الرضا اللي يوصلك للسعاده؟
اجابت:
لا................
تركت الحوار حتى ذلك وانا احمل كثير من الكلام وهى ايضا تحمل اكثر منى
..........................
..............................................
اما عنى انا
فانا اشعر بعدم لامبالاه غريبه
كل شىء بقى عادى
عادى
عاااااااااااااااااااااااااااااااااااادى
جدا
مافيش حب
عادى
مافيش امان
عادى
مافيش حاجه فى اى حاجه
عااااااااااااادى
فيه حد بيحتقرك
عادى
فيه حد بتسأل عليه ومطنشك
عادى
فيه ناس بتحبك
فيه ناس موش بتحبك
عااااااااااادى
كل حاجه بقت بالنسبالى
عاااااااااااااااادى
عاااااااااااااادى كبيره اوى
وطظ كبيررررررررررررررررررررررررررره جدا
ناس تيجى وناس تروح
ازعل اتقهر
وفى الاخر طظ
احزن افرح
ابقى لوحدى ابقى مع ناس
عادى وطظ
.................................
................................








الأربعاء، 23 ديسمبر 2009

غرق.+بوست هام لشاب فقرى


ملحوظه هامه:
شاب فقرى اللى هو موش فقرى
كاتب بوست هام روحوا اقروه ودا المكان:
http://shab-f2ry.blogspot.com/2009/12/blog-post_23.html

حتى لو غرقت فى بحر من الفشل
حتى لو كان عدم التوفيق يلازمنى فى كل حياتى
حتى لو كانت كل قطع البازل الخاصه بى متلخبطه
وليست اي منها فى مكانها المناسب
فأنا مادام بداخلى روح ومادمت اؤمن ان لن يصيبنى الا ماكتب الله عليا او لي.
فأنا لن اياس ويكفينى شرف المحاوله
واننى عندما فشلت لم اموت ولم انهار ولم استسلم لاى فشل
برغم من كثره تلك الوقعات وكثره الفشل الا اننى متأكده ان الله يحمل لي فى
الغيب شيئا ما سيعوضنى عما فات
حتى لو جاء علي وقت وتخيلت ان الدنيا انتهت
فأرجع تانى اجمد واقوى على احزانى وفشلى
لن اوقف حياتى
ساكمل لعل فى يوم من الايام اجد كل الخير
وانا اؤمن ان الله لن يضيعنى
انا لم احتمل عدم الكتابه حتى ارجع الى البيت
فبداخلى مشاعر كثيره متضاربه
فقد خرجت من امتحان الباوربوينت وقد سقطت فيه
برغم ان كل الاسئله اعرفها جيدا واعرف حلها الا ان هناك حلقه مفقوده وهى ان
هذه اراده الله
حتى لو كنت قد حفظت الاسئله فكنت سافشل لان هذه اراده الله وقضاءه
الدنيا لم تنتهى
سأحيا برغم كل شىء
انا لن اترك نفسى لذلك الشعور الذى يشدنى وبقوه الى الاعماق
سأقاوم الامواج وبشده حتى احقق مااريد
لن استسلم
ابدا
لن اقول كما تقول لى ماما واختى وكل نساء العيله
ماذا ستفعلى بالشغل
او لماذا تريدين ان تدرسى وتكملى دراسات حره
بيقولوا ان البنات بتكمل دراستها حجه فقط حتى يأتى العريس وانت تفعلى العكس
فقد اتى العريس وانت مصره على ان تكملى تلك الدراسات التى تحبينها
لن اسمع كلامهم فانا متأكده اننى انا الصح وليس تلك المعتقدات الباليه
انا صح
انا صححححححححححححححححححححححححححححح
............................
...........................................
مازال هناك الكثير اريد ان اقوله ولكن يجب ان اسافر الى البلد مره ثانيه
so,goodbye for now
I will see you soon,take care.


الثلاثاء، 22 ديسمبر 2009

رساله هامه.+بوست هام لشاب فقرى



الى كل اهالى البلوجرز
وكل اهالى مصر وضواحيها
واسكندريه وضواحيها
بما انى فشلت فى اخر امتحان فى الICDL
وزعلت اوى اوى
فاانا لسه رايحه بكره بعد هذه المره الفاشله
عندى امتحان بوربوينت بكره
واللى موش هيدعيلى موش عارفه هاعمل فيه ايه
انا بقولكم اهو عشان وربنا انا متوتره خالص جدا اوى.
اه صحيح طبعا كل الناس الاسكندرانيه
هيستنونى ويقابلونى ويعملولى احلى واجب
..................
انا بقى لو نجحت بكره انشاءالله
هاعمل حاجتين
اولا:هاعملكم حفله
هههههههههههههه
اوعوا تصدقوا انا بضحك عليكم
ثانيا:
هاروح المنصوره يوم الجمعه
اما بقى لو حصل العكس
هافتحلكم دماغكم كلكم
وانا حذرت اهو وقد اعذر من انذر
ههههههههههههههههه.

شاب فقرى كاتب بوست من الاخر ومتأثر باللى بيحصل اوى
روحوا هناك


http://shab-f2ry.blogspot.com/2009/12/blog-post_23.html

الاثنين، 21 ديسمبر 2009

شششش..........


انا ايامى واقفه مكانها.
وانا واقفه معاها كمان
تيجى تمشى تقع من تانى
وانا اقع من تانى معاها
!!!!!!!!!!!!
هو بابا نويل موش بيجيى على شباكى ليه
انتظرته كل عام مضى ولكن لم يأتى
ذهبت انا اليه فقال ان كل الامنيات قد نفذت معه
قال لى تعالى السنه الجايه
وجات سنه وراها سنه وراها سنه
لغايه اما بقوا 28 سنه
وهو برده موش بيجى
ولما اروحله الاقينى اتاخرت كتير
طيب حد منكم يقولى
اعمل ايه
استناه ولااروحله السنادى؟!!

الأحد، 20 ديسمبر 2009

انا وانا؟!!



حلمت به يكون ذلك الفارس الذى تجرى لتختفى داخل اضلعه
من خوفها من الحياه والبشر
ولكن للاسف......
.....................
تخيلت انها ستربط قلبها بطرف حبل وترميه فى الدنيا ثم تترك له الطرف الاخر
لكن هيهات!!!............
..................................
..................................
غرق قلبها
فى بحر الحياه


سؤال بسألك
ايه اخره الترحال
وسهر الليالي
وكل يوم بحال؟
سؤال بسألك
ايه اخره الاحزان
ودمعتي موالى
والحنين قتال؟!
سؤال بسألك
ايه اخره الاحلام
ليلاتي وخداني
فى بحر م الاوهام
سؤال بسألك
ايه اخره العذاب
تعبني سؤالي
ياريت الاقى جواب
=============محمد منير

قويه ومفتريه


اولا صباح الخيرات
او بنسوار الخيرات
او مورننج الخيرات
المهم صباح ولامسا
اهو اى حاجه للناس الكويسه اللى هنا وموش بيروحوا هناك
انا قلت اجى اقولكم على حاجه غريبه
او يمكن حاجه طبيعيه
بس انا اللى مكبراها
طبعا كما هى عادتشى الرقيقه وإن انا بنوته بسكوته وموش بتزعق خالص وصوتها يجيب لاخر البلد
الا اننى النهارده كنت ركيكه خالص مع الست ام خالد
الست دى امى
هههههههههههههههه
طيب والنبى على عنيكم تقولولى انا صح ولاهى
انا عاوزه اشتغل ودورت على شغل فى اى مدرسه
تعاقد يعنى لكن كل المحاولات باءت بالفشل الزريع
المهبب
عاوزين واسطه
وابويا راسه والف سيف انو موش يتصل بخاله البيه لانه هيبقى وسطه فصيعه خالص
(خلوا بالكم من فصيعه دى)
ههههههههههههههه
انا فى بالى فكره مشروعين
والاتنين عاوزين رأس مال
الاول عاوز رأس مال لايقل عن نص مليون
هاف اميليون باوند والصلاه على النبى
انا لااملك هاف امليون مليم
هههههههههههههههههه
التانى عاوزله كدا حدود عشه الاف كدا
وبرده لااملك منهم شىء
اعمل ايه اطق واكبت نفسى واحرق فى دمى
واقعد فى البيت اكل واشرب وانام (مع ان النوم دا موش بيحصل)
ولا اكون ايجابيه وابحث عن عمل شريف
جالى النهارده عرض عمل فى جمعيه رجال الاعمال
المهم طبعا المرتب ليس مغرى ولانيله
بس انا اؤمن انى لازم احب مااعمل حتى اعمل مااحب
قلت لدادى موش اعترض
قالى قولى لخطيبك
هو قالى انتى حره لغايه اما تبقى فى بيتى
قلت اشطات
وخلاص هااروح بكره الشغل
الاقيلك ماما تقول ابدا
على جستى
قلتلى انا هاروح كدا كدا هااروح
يابنتى دى مرتبها هتحطى عليه عشان اجره السكه
قلتلها هااروح
قالتلى انا اعرف ان اللى تبقى هتتجنن وتموت وتشتغل دى
اللى هتستفاد بمرتبها
لكن انتى والحمد لله مبذره خلقه يعنى موش هتستفادى بيه ولاحاجه
انا ياناس بخيط اوقات
وبيبقى معايا مالى الخاص وانا مستقله ماديا عن اهلى
ولما بوفر فلوس باخد بيها كورسات حره وادرس الحاجه اللى بحبها
هى شايفه بقى ان دراستى دى والكتب اللى بشتريها مجرد بعزقه على الفاضى
(بصلى لعيال عمك معاهم فلوس اد ايه وانتى ولا معاكى ولامليم للزمن)
اوووووووووووووووووف
قمت طبعا متنرفزه اما وصلت معاها للاخر ودبدبت برجلى على الارض وزعقت وقلتلها
بابا وخطيبى موافقين
مالكيش دعوه
هاروح يعنى هااروح
هههههههههههههههه
دوشتكم عادى يعنى انى ادوشكم
بس اصل يعنى لامؤاخذه دى مدونتى واكتب وادوش نفسى براحتى
عاوزين تندوشوا تعالوا
موش عاوزين انتوا حريين
باى باى

الجمعة، 18 ديسمبر 2009

السقوط.


احساس رائع أشعر به...

وهو السقوط....

تلك اللحظه التي تشعر بها ان روحك بتتاخد منك بسلاسه.

ولهذا اعشق النزول فى الاسانسيرات فهذا يعطيني احساس رائع
ولهذا ايضا احب لعبه الصاروخ فى دريم بارك.

هل جربتوا هذا الاحساس.
عندما لاتفكر فى اي شيء
فى تلك اللحظه انا لايشغلنى اي شيء على الاطلاق
يصبح ذهني صافى جدا
واشعر انني سأبدا من جديد.
======================
بانو بانووووووووووووو


دلوقتى بقى بما اننا
داخلين على سنه جديده
فها انذا اناشد كل الناس
ان يعملوا بنصيحه صلاح جاهين
حينما قال
بانو بانو
يعنى كل واحد يصارح كل اللي حواليه بما يشعر ناحيتهم
-----
دوروا وشكوا عنى شويه
كفايانى وشوش
بقى كام من وش غدر بيا ولاينكسفوش
وعصير العنب العنابي
نقطه ورا نقطه ياعذابى
يكشفلى حبايبى واصحابي
يوحدني وانا ابعد بشبابي
القلب على الحب يشابى
والحب بعيد عن اوطانه
بانووووووووووووووووو

الخميس، 17 ديسمبر 2009

قفشونى يابا وضحكوا عليا.


قفشونى يابابا
وقالولى جايبيلك تاج يزغللوا بيه عنيه وفى الاخر طلع تدبيسه وموش فيه اى جوايز
لاعينيه ولاماديه
طيب هاتولى نص جنيه احسن من التاج.
=====================
انا جالى كام تاج قبل كدا
واحد من اميره على كوكب مهجور واتنين من عند شيما اللى هتشكم الشعب والحكومه برده
ودا بقى من انجل الجميله
فقلت خلاص يابت مابدهاش لازم تجاوبى بقى وربنا يستر
وطبعا هتجيبولى عيش وفراخ عشان الاعترافات المنيله اللى الشعب كله مستنيها
نيهاااااااااااااااااااااااااا

س1: أنتِ مين بقى؟

أنا موش عارفه انا مين
لكن اسمى
سهير
سها
سكره
ساسو
كل واحد يختار اللى يعجبه بقى

س2: هل أنتِ متزوجة ؟ وهل عندكِ أولاد؟
متجوزه مع ايقاف التنفيذ وجايز حصل تنفيذ وانا معرفش
هههههههههههههه
مكتوب كتابى يعنى
انتى عبيطه اولاد ازاى وانا بقول ايقاف تنفيذ

س3: ماذا تفعلين بوقت فراغك ؟
اما على النت او بكون بقرأ او طبعا مقضياها مع حنون بنتى حبيبتى او بكلم اصحابى فى التليفون

س4: هل لديكِ هوايات؟ وهل تمارسينها ؟
كتير
سبع صنايع وحياتك
بحب الخياطه جدا واحيانا بستخدمها مهنه كدا على الماشى
وبحب القرايه زى ماقلت وشغل البيت والعيال الصغيرين بحب اعضهم اوى هوايه جميله دى؟
هههههههههه
بحب التطريز والاشغال اليدويه وبعمل حاجات جميله ماتيجوا تتفرجوا
وكمان بحب الافلام اوى
الاجنبيه طبعا
ههههههههههههه

س5: هل تحبي؟ومن بقلبك الآن؟
بحب ايون بحب
اللى فى قلبى كتير
دا انا قلبى مساكن شعبيه
هههههههههههههههههههههههههه
س6: لو لم تجدي من تحبي فماذا ستفعلين ؟
هاعمل محشى
هههههههههههههههه
تيجى تاكلى؟
س7: عندما تكونين في موقف اتخاذ القرار..تخالفين الجماعة.. أم تشركين معك الآخرين ؟
انا اصلا صوتى من دماغى ومجنونه جدا وعاقله اوى
بس احيانا كدا باخد رايهم اصل انا
المستبده
اللى كاظم غنالها
س8: هل تتعاملين بواقعيه؟
واقعيه دى مين؟!
حد يعرفها؟
انا معرفهاش
س9: ما هو الشيء الذي فعلته وندمت عليه طول عمرك ؟
حاجات كتير بصراحة
س10: هل تصارحين غيرك بالحقيقة ؟ أم تقولين له ما يريد سماعه؟
أيون لدرجه انهم بيقولوا عليا مدب وبحدف طوب
حتى مره حد قالى عيبك انك صريحه
هههههههههههههههههه
س11: صفِ إنسان يمكن أن تحبيه عمرك كله ؟
انا
هههههههههههههههههه
اصل بيقولولى انتى انانيه
يبقى انا هاحب انا طول عمرى على افتراض ان رايهم فيا صح
س12: متى يقسو قلبك ؟
انا قلبى قاسى اصلا اوى
ماما بتقولى انتى قلبى جمد من فتره قريبه
من كام سنه كدا
اسيه انا
افريقيا انا
س13: هل يمكن أن تحبي أحد من المدونين؟
ياغلبى ياانجل بحبهم كلهم
اما اخواتى الصغيرين او اخواتى الكبار
كلهم اخواتى.
س14: وهل يمكن أن يكون شريك حياتك؟
ماقلنا خلاص اتنيلت واتلطشت فى عقلى واتجوزت.
وهاعزمكم على الفرح فى شهر 5
دا لو العريس جه وموش فلسع منى
ههههههههههههههههههههه.

س15: ماذا تعنى لكِ المرأة أو الرجل؟
المرأة هي الزهره والرجل من المريخ
لانى انا كمان قريته ياانجل
ماتيجى نرفعهولهم احنا الاتنين
اصل الكتاب هيبقى تقيل عليكى انك ترفعيه لوحدك
وممكن نجيب برده جرار يساعدنا فى الرفع
ههههههههههههههههه
س16: في زمن البحث عن المادة ..عن ماذا تبحثِ أنتِ ؟
ببحث عن حاجه ضايعه منى وموش لقياها
بدور على قلبى الفاضى.
س17: متى تعرفي أنكِ تحبي ؟
لما قلبى يدق يدق
وانا موش ارضى افتح له
اصل انا بؤمن ان الباب اللى يجيلك منه الريح سده واستريح.
18: ما هي الشخصية التي أثرت بحياتك ؟
كتيييييييييييييير
انا بتأثر بناس كتير ودايما بحاول اخد افضل مافيهم واتجنب الاسوأ.

س19: هل يوجد من ترينه سعيدا في الدنيا ولماذا ؟
سعيد؟!!
مين دا انا معرفش غير
احمد ومحمد وعلى وحسين وتامر وكريم ومها ونها وسها وسلوى
اما سعيد دا موش قابلته لسه.
س20: ما هي درجة صراحتك ؟
درجه صراحتى هى اخر درجه فى السلم وانتى طالعه الدور العاشر.

س21: وما هي المواقف التي يمكن أن تكذبي فيها ؟
اكذب انتى بتقولى اكذب يبقى انتى اللى قتلتى بابايا
آآآآآه يابابايا
س22: هل يتغير الحب بعد الزواج؟
والله يااختشى لما اجرب هاقولك
بس دا لو فيه حب قبل الجواز اصلا
هههههههههههههههههههههههه.
س23: فيما تفكري الآن ؟
بفكر فى البحر.
س24: لو لم تعيشي بمدينتك؟ فأي مدينة أخرى تفضليها ؟
مين قالك انى عايشه فى مدينه
انا عايشه فى قريه بنت تيت
هههههههههههههه
احب اوى يااختشى مااحبش ليه
اعيش فى اليكس وطبعا انتوا هتتبرعولى بشقه سلف هناك.
س25: أول من يأتي ببالك لتحكي له أسرارك ؟
والله انا من الناس الرغايه موش عندى اسرار
وفيه ناس كتير تعرف عنى حاجات كتير.
س26: من هو ألد أعدائك ؟
موش عارفه اصل بعتقد انى ماليش اعداء وانا طبعا عبيطه لو صدقت بس بجد مابحبش اعمل اعداء
بعمل كشرى مصرى يجنن.
س27: من هو صديقك ؟
ديكى ديكى انت صديقى.
س28: لو ربنا خلق الدنيا كلها زيك .. لمن تقولِ هذه العبارة ؟
زيى انا ولا زيى مين
ماعلينا مافيش حد زى حد
كل واحد له مايميزه.
س29: ماذا تكرهِ في الحياة ؟
الفراق.
س30: و ماذا تحبِ فيها ؟
الحب .
س31: كيف تواجهي ما يضايقك وماذا تفعلِ عند المفاجآت ؟
حسب المفاجعه
يافاجعه حلوه يافاجعه وحشه
بفرح او بزعل
بس انا بحب المفاجعات
ماتجبيلى هديه وتعمليهالى فاجعه.
س32: لو معكِ فلوس أكثر مما تتخيلِ ... فماذا ستفعلين بها ؟
هشترى بيت فى اسكندريه على البحر
وهاعيش فيه واشترى مكتبه الاسكندريه وانقلها فى بيتى
وابنى مسجد ماهو اعمل حاجه تنفعنى فى اخرتى
ربنا يستر
شكلى رايحه النار على صاروخ ارض جو.
س33: هل الفقر يصنع حباً ؟
ودا ايه علاقته بالحب؟!!
س34: ماذا لو وجد الحب في زمن الفقر المادي؟
الحب موجود فى كل وقت
فى زمن الفقر الناس موش هتفكر غير فى ازاى يعيشوا مستورين يعنى موش هيفكروا فى الحب دا
س35: ما هي أقسى صدمه تعرضتِ لها حتى وقتنا هذا ؟
اتعرضت لصدمه من سنه وشويه تقريبا
وموش اعتقد ان اى صدمه فى الدنيا ممكن تساويها تانى.
س36: هل تعلمتِ منها شيء ؟
ايوه ...عرفت انى قويه جدا والحمد لله واقدر اتحمل اى صدمات مهما كانت.
س37: هل أنت على استعداد لتلقى صدمات أخرى ؟
ايوه بس ادعى ان ربنا موش يبعتلى اى صدمات تانى.
س38: كيف ترد على من لا تصدقه ؟
بقوله انت كداب
وماما تقعد تقولى ياضنايا هو انتى هتخسرى ايه لو سكتى وموش اتناقشتى معاه
وانا ابدا راسى والف شوز انه كداب.
س39: إذا أحببت إنسان ما ...هل تصرح له بحبك ؟
يالهوى عليا
ايون بقول ورزقى على الله
س40: ماذا تفعل لو لم يتجاوب معك ؟
بسكت وخلاص.
س41: هل تؤمن بالمثل القائل: أنا أحب فأنا أعيش ؟
هو ايه بقى
انا بؤمن بالمثل اللى بيقول
انا اشك اذا
انا دبوس.
س42: ما هي القضايا التي تشغل بالك ؟
هو فيه قضايا اكتر من الغلب اللى احنا عايشينه دا؟!!!

س43: هل تستطيع تحقيق كل أحلامك ؟
والله موش عارفه
بس لغايه دلوقتى انا موش حققت اى حاجه .
س44: ماذا ترى في نفسك مميزا عن الآخرين ؟
الاخرين
دول كلهم وحشين
انا بس الجميله القمرايه السكره
هههههههههههه
عمرى ماشفت فيا اى مميزات على فكره.
س45: من إذا اقترب منك ...هربت منه بعيدا ؟

موش عارفه لان ماحدش قرب منى
العادى ان انا اللى بقرب وبعد كدا
باخد على دماغى
وفين يوجعك ياسوسو
هههههههههههههههههههههه.
س46: من تقول له : قرب منى قرب ...يا قلبي يا متغرب ؟
لكل الناس
اصلى انا عشريه اوى
هههههههههههههه
موش عارفه ايه كم الضحك اللى ضحكته فى البوست دا
لمن تهدى التاج؟
لكل اللى عاوزه
بصراحه دا تدبيسه ياانجل ربنا يجازيكى
كل دى اسئله؟
بس ماشى مردودالك
وش بيغمز.


الأربعاء، 16 ديسمبر 2009

ازيكم ازيكم ياللى احنا جينا عندكم.

نظرات وقحه.

اولا من هنا فى البلوج بتاعى احب ابعت برقيه لحبيبه قلب خالتها
البنوته كنزى واقولها الف سلامه عليكى ياقمر
واقول لمامتها ريم صاحبه مدونه
رسائل بلا بريد
الف سلامه على بنوتك العسوله وربنا يخليهالك وموش يحرمك منها ولايحرمها منك
بوسات كتير لكنزى ومامتها
===============================
اعلان هام
يرجى من الساده الزائرين واصحاب البلوجر انهم يدخلو يشاركوا معانا
فى الاستفتاء اللى البسكوته المحشيه شيكولاته عملاه
هنا اهو
http://pinkysequins.blogspot.com/
ماشى
اوعوا تتاخروا
وطبعا بما انها صاحبتى فانا هافرز معاها الاصوات وكمان ممكن اقبل الهدايا الماديه عشان اخد بالى منكم
هههههههههههههههه
======================
تانى اعلان
شيما اللى هتشكم الحكومه عاوزه تعمل لقاء فى المنصوره
وبتفكر انه يبقى لقاء حوائى
ادخلوا وصوتوا
يالهوووووووووووووووووووووووووى
هههههههههههههههه

هل تعرضتى يوما
لتلك النظرات التى تعريكى وتجردك من كل ملابسك؟!!
هل اغتصبك احدا بنظراته ؟؟
هل احسستى انك عاريه امام شخص سفيه ؟؟
انا تعرضت لذلك
استنوا افهمونى صح اوعوا حد يفهمني غلط
اللي حصل ان انا كنت فى اسكندريه بقالي كام يوم
والنهار ده وانا راجعه
جلست فى العربية خلف السائق
الذى منذ اللحظه الاولى التي سألت فيها عن من عليه الدور
وهو يرمقني بنظرات فى منتهى السفالة ولاادري لماذا
فكما يعرف معظمكن فانا مرتديه النقاب وكنت مرتديه عبايه كحلى طويله وواسعه
وليس هناك ما يشير الى انني بنت خليعه او حتى امرأه خليعه
ولكن هذا ماحدث
جلست فى السيارة وعندما اكتمل عدد الركاب اتى السائق ومنذ اللحظه الاولى وهو قد ثبت المرآة على وجهي واذا جائت عينى الى المرآه اجده ينظر الي نظرات وقحه
كما لو كنت عاريه
وهنا احسست بمنتهى الاشمئزاز والقرف
احسست انى عاريه بسبب تلك النظرات
وكرهته واصبح هواء السيارة خانق لدرجه لاتحتمل
احسست بالقرف كما لو كانت تلك النظرات لعاب يسيل على جسدي من كلب يحاول ان يمزقني بشده
وجلست وانا العنه والعن ذلك التوقيت الذى جعلني فريسه لنظراته يعمل بي ما يشاء
وكانني اصبحت ملك خاص له
تمنيت لو نزلت من تلك السيارة
وعندما وصلت
واستوقفته لانزل سبقني ونزل يفتح لي باب السيارة ويحاول ان يأخذ يدى فنهرته بشده وكنت اتمنى لو اصفعه على وجهه وهو رجل عجوز ولايصح ان يفعل ما يفعل
========================
سوري انا كنت بس جايه اسلم عليكم
على كل اللي سألوا عنى واللي موش سألوا
عادى يعنى
وانغاظت اوى من الموقف ولقيتني بكتبه
اما اسكندريه وماحدث بها فهذا لن اشغل بالكم به
فقد قابلت هناك ذلك الفارس النبيل
الذى طالما استوقفني كلما مررت بشده وكلما احستت بذلك الالم الذى ليس له مثيل
ذلك الفارس الذى تمنيت ان اقضى عمري بجانبه ولكنه رفض بكل زوق وادب
ولم يرد ان يزعجني بذلك الرفض الصريح
احببته طفله وعشقته شابه
والان اشتاق اليه وانا امرأه
ذلك الفارس الذى يغنيني عن كل الدنيا ويجعلني اتشبث بكل امنياتي واحلامي حتى ولو كانت مجرد اشباح احلام
ذلك الفارس الذى اذا مااخذنى فى حضنه ارتحت من كل التعب الذى اشعر به
بالامس وفى عز الليل
تسللت هاربه من بيت خالتي وذهبت الى حضنه وقبلته واخذني فى حضنه
ورجعت بعدما القيت عليه تحيه الوداع التي دائما ما تنتهى بدموعي وامنياته ان اعود لاحضانه مره ثانيه
نعم احبه جدا ولا اخجل عندما اقول انني احبه
واستطيع اذا ماكنت بجواره ان انسى الدنيا كلها وانسى حتى نفسي
نعم انه البحر.............
............................
................................

السبت، 12 ديسمبر 2009

فراغ.


ماحدش يقول دا يأس
لا دا فراغ
الذى احيا به واشعر به هو فراغ
فراغ يحيطني من كل الجهات
فراغ لا استطيع ملئه باي شيء
فراغ فراغ
هنا وهناك
دخلت غرفتي اغلقتها على نظرت فى المرآة
نظرت حولي
لم اجد سوى فراغ
نظرت بالداخل
رايت انقاض وتدمير ورايت اشباح احلام تريد ان تطير
رايت حلم بين الانقاض
حاولت ان اتمسك به لكنه ابى ورفض بشده الانتظار
وقال لم يعد لي فى حياتك مكان
فهذا الفراغ يملأ كل الارجاء
ماذا؟!!
لا ..لا تذهب ايها الحلم
قال لا انتي تركتي حياتك للفراغ
قلت كيف اخرج منه
قال انتي فقط من تستطيع
ذهب وتركني فى فراغي الكبير
انظر لكم وانظر لهم وانظر لي
انظر له ولها ولكل شيء
فراغ
اغلق بابي ارى فراغ
افتحه يدخل فراغ جديد
اين انا من ذلك الفراغ
ساكلم الفراغ
ايها الفراغ لماذا تمكنت منى
لا يجيب يتركني ويذهب
اتصور انه سيرحل لكنه يدخل الى اعماق اعماق روحي
تلك الروح التي تعذبني
لماذا لاتستسلمى
لماذا ؟!!!!!!!!!!!!!
استسلمى للفراغ
عيشي بداخله اجعليه صديقك الصدوق
اتركيه ياسيدتى يتفاعل معك وتتفاعلي معه
لالالالالالالالا
لا استطيع
فانا لااحب الفراغ
انا لا اهواه ولا استطيع ان اتحمله او اترك له نفسي
لالالالالالالالالالالالالالا
استسلمى
لالالالالالالالالالالالالالا
استسلمى
لالالالالالالالالالالالالالا
لااستطيع
لا استطيع ان اكون كغيرى
انا لست كغيرى
نعم لست مثلهم
لن استسلم
ساقاوم
ربما قابلت فى يوم من الايام
تلك الاحلام التي ذهبت وتركتني مع الفراغ لحالي
ايتها الاحلام ارجعى
ارجوكى ارجعى الى فانا فى احتياج لكي
ذهب صوتي هباء لن ترجع مادام هذا الفراغ يعيش هنا
فهي لا تستطيع ان تحيا معه
=============================
ساذهب الى اسكندريه من غدا
وربما اغيب شويتين
فلا تكلكوا
ههههههههههههه


الخميس، 10 ديسمبر 2009

طوبتك فى طوبى.


طوبتك فى طوبى
لاجل لاتعتى ولاتدوبى.
تعرفوها دي ؟!!
اقولكم عليها
دي كلمه بتقولها الستات عندنا فى بلدنا
هاحكيلكم قصتها.
الاول تعرفوا شهر طوبه
من الشهورالقبطيه اللي موش احفظ منها غير بعضها من سمعي حكايات جدتي عنها
اقولكم عليها
ايييييييه
استنوا
لا موش رايحه البؤجه
بالكمش دعوه وماتحرقوش دمى
موش رايحه لظروف خارجه عن ارادتي
نيجى بقى لشهر طوبه
الناس الطيبه فى بلدنا هنا بيعتقدوا ان
لو غسلوا اي لبس فى شهر طوبه ونقعوه فى الميه شويه وبعد كدا نشروه والمطره نزلت عليه
فلن تمسه العته(حاجه كدا بتخلي اللبس يتقطع)
ولا الدوبان
موش هيتقطع باي شكل
فانا بقى قلت ايه
ايه رأيك يابت يسكره
لما تلمي اصحابك اللي بتحبيهم وتتجمعوا كدا تحت المطره فى شهر طوبه
دا كدا بقى موش هتبعدوا عن بعض خالص
هتفضلوا اصحاب طول العمر
اووم ايه رجعت وقلت يابت بطلي عبط
دا قالوا فى الامثال
عاشر يا ابن ادم على اد ماتعاشر مسيرك مفارق
هنفارق هنفارق


الثلاثاء، 8 ديسمبر 2009

عقارب الساعه بتلف لقدام.


ايون طبعا عمرها مالفت للخلف
دائما للامام سر
وعشان كدا انا كمان هاعمل كدا
حد بحبه جدا وبحترمه جدا قالى الفرق بينى وبينك
ان انا معاركى بتبقى ليا لوحدى
محدش بيحس بيها
لكن انتى
ومكملش طبعا عرفت انا الباقى
اه والله عنده حق
انا معاركى دايما بتبقى باينه للكل
كل الناس شايفه اد ايه الصراع اللى جوايا
مدى التناقضات التى اشعر بها واحيا فيها
طيب ليه
ليه موش اقفل بيبانى على معاركى
وعشان كدا
لو حبيت فى يوم اكتب عن معاركى هاكتب على انها معارك حد تانى
يعنى محدش هيعرف غير انها خواطر وبس
كفايه عليكم معارككم التى تحيونها داخلكم
عارفه انكم بتوهوا منى بس ولايهمكم
===============================
نيجى بقى لموضوع عقارب الساعه اللى مجننانى دى
كل واحد فينا نفسه عقارب الساعه تلف للوراء
طيب ليه ماتحاول انت تلف معاها للامام
ليه دايما بترجع لورا
طيب لف معاها لقدام كدا وانت اكيد هتقابلك ناس اجمل وافضل او حتى على نفس مستوى الناس اللى كانوا موجودين ورا
طيب لف معاها كدا لقدام وهتلاقى فرح فى السكه
هتلاقى امل مستنيك تحت شجره بس المشكله انك كنت على طول بترجع لورا
وهو ياقلبى عليه مستنيك تحت الشجره عشان تشوفه بس انت ماكنتش بتعدى عليه
طيب لف لقدام كدا وانت هتلاقى الرئيس اتغير
ههههههههههههه
ابقى قابلنى طبعا لو دا حصل
ماعلينا
لف معاها لقدام وانت تلاقى زوجه جميله بتحبك
هتلاقى بنوته بتجرى عليك وتقول بابا
وانتى كمان هتلاقى زوج ولهان محتار يعينى ازاى يوصلك حبه
هتلاقى بيبى بينمو جواكى وهتتجننى وتشوفيه وتلمسيه
هتلاقى بنوته سكر بتلعب معاكى وتيجى تقفلك الكمبيوتر وتجرى عشان تقومى تجرى وراها
لف معاها لقدام هتلاقى شغلك اللى اخلصت فيه مع انه موش عاجبك بقى اجمل واترقيت كمان
هتلاقى حياه احلى من القديمه بس احنا دايما بنحن للقديم
لف معاها وانت تلاقى بكره مليان حنان
وامل
وهتلاقى عمرو وتامر واحمد
ههههههههههه
كل دول
لف ياعم معاها وماتحاولش ترجعها للوراء عشان هتتعب واكيد هتقع فى بحور حيره والم وحزن
انسى اللى فات
ولو انت عاوزه خلى الزمن يرجعه لو تقدر
حب الدنيا
غير مهنتك لو موش عاجباك
خاطر وماتخافش مايصيبك غير نصيبك
عمرك واحد يعنى لاحد هياخده منك ولاحد هيدهولك
قوم واجمد ونفض هدومك على رأى العيال اللى بحبهم
ادى نفسك فرصه تانيه
تغير فيها كل اللى موش عاجبك او تحب اللى موش هتقدر تغيره
يلا بقى كفايه عليكم كدا النهارده
===================
اعترف انى فقدت الامل فى وقت من الاوقات
لكن سافتح بابى للامل وساذهب اليه ان رفض هو ان يدخل
نعم ساظل على مرجيحه الحياه ولكن معى امال كثيره واحلام سيحققهالى رب العالمين انشاءالله
=======================
واياكم اياكم حد يقولى انتى عبيطه يوم مضايقه ويائسه ويوم متفائله
لانى بجد عندى كتير يخلينى متفائله.
يكفينى بنوتى حنون
واقولكم مفاجأه انا رايحه البؤجه انشاءالله
هههههههههههههههه
هتوحشونى

الاثنين، 7 ديسمبر 2009

مين


مين ياخد قلبى المليان
ويدينى قلبى الفاضى
مين ياخد عمرى القلقان
ويدينى عمرى الماضى
ماشى بدون قدم
مسنود على العدم
اضحك فى الضحكه شوكه بتضحك من الالم
الم يطول
واصرخ واقول
مييييييييييييييييييييين
مين ياخد قلبى المليان
ويدينى قلبى الفاضى
مين ياخد عمرى القلقان
ويدينى عمرى الماضى
مين مين مين؟!!!
!!!!!!
طبعا كلكم عارفين ان دى اغنيه الكنج منير
مافيش كلامى اقوله اكتر من اللى هو قاله
-------------------------------------



بلياتشو قال ايه فايده فنونى؟
وتلات وقق مساحيق بيلونونى
والطبل والزمامير وكتر الجعير
اذا كان جنون زبونى زاد عن جنونى
عجبى!!

عجبى عليا وانا عامله زى البلياتشو
اى حد بيعرفنى فى الحياه بيقول
يااه دمها شربات وعسوله
بعرف اخليهم يضحكوا كويس
وبضحك انا كمان معاهم على نفسى
ايوه بضحك عليا لانى بجد ماحدش بيقدر يضحكنى من قلبى
تعرفوا انا قعدت افكر كدا انا من امتى ضحكت من قلبى لقيتنى بقالى
كتيرررررررررررر
اوى ماضحكتش من قلبى
نفسى اضحك بقى
ااااااااااااااااااااااه
نفسى اضحك من قلبى نفسى قلبى يبقى سعيد
نفسى افرح واجرى والعب
نفسى انزل البحر
افرد شعرى وانزل الميه واغسل قلبى فى قلب الميه
نفسى فى حاجات كتيره اوى
حاجات صغيره اوى وبسيطه اوى
بس هتفرحنى اوى
الناس اللى حواليه بيحاولوا يضحكونى بضحك واجاملهم واخبى فى قلبى
ماهو لازم اخبى
ولازم يكون فيه صندوق مقفول موش يفتح لاى حد
واحيانا لازم موش يتفتح نهائى
هناك فى مكان ما احساس
احساس جوايا فى حته بعيده لايصلها نور ولايصلها صوت
تحيا فى صمت وظلام دائم ولااستطيع ان احكيها
نفسى اصرخ
اصرررررررررررررررررخ
واقول
ايه؟
هاقول كتير
شيما بتقولى بطلى اكتئاب
والله يابنتى بحاول بس غصب عنى
يعنى كدا على بلاطه انا انسانه مكتئبه ومريضه نفسيا


تعرفوا انا بأجى هنا
واكتب واكتب يمكن ارتاح
ومع كل كلمه بتنزل دمعه تكوينى وتجرحنى وكمان تعلم اوى على خدى
امسحها واقولها ارجوكى بلاش تسيبى اثر
ماما هتقلق لو شافتنى كدا
وهى ابدا تفضل تحفر وتحفر وتحفر
جوه روحى
وانا اقاوم واقاوم وفى الاخر استسلم لها
اسيبها تنزل وتتحرك وتجرى وتلسعنى اوى
انا عامله زى البلياتشو
بضحك الناس لكن من جوايا فيه
اطنان واطنان من الحزن
اااااااااااااااااااااااه
ياانى

سيبكم طبعا موش فاهمين بس عادى هو مين قبلكم فهم
!!!!!!!!!!!!!!




غرباء


Strangers in the night, exchanging glances,
wondering in the night what were the chances
we'd be sharing love before the night was through.

Something in your eyes was so inviting
Something in your smile was so exciting
Something In my heart told me I must have you.

Strangers in the night, two lonely people we were
Strangers in the night up to the moment
when we said our first hello. Little did we know
Love was just a glance away, a warm embracing dance away.
And ever since that night, we've been together
Lovers at first sight, in love forever
It turned out so right for strangers in the night

Love was just a glance away, a warm embracing dance away.
Ever since that night, we've been together
Lovers at first sight, in love forever
It turned out so right for strangers in the night

Doo-be-doo-be-doo. Doo-be-doo-be-doo.

Doo-be-doo-be-doo

----------------------------------------------------------------

اغنيه لفرانك سيناترا


غريبان.


انا وانت غريبان.
نعم غريبان رغم كل هذا القرب
فلا انت تفهمنى ولاانا
نحن زوجان غريبان
مخطئان
نعم اخطئنا عندما تزوجنا
اخطأنا عندما ...

---------------------------------------------
حوار دار بينهم بالامس القريب.
هى:فيه تجمع خيرى بعد كام يوم
وانا عاوزه اروح
هو:هو ايه وفين؟
هى:فى القاهره وهو فكرته ان كل حد عنده ملابس موش تلزمه هيجمعها
ونتبرع بيها للمحتاجين.
هو:وانتى عاوزه ايه دلوقتى؟
هى:عاوزه اروح
هو:لا
هى: لا ليه
هو:لاوخلاص لو فى بلدنا اوك اما بره البلد لا
هى:طيب عشان ايه؟
هو:انا تفكيرى موصلنيش غير لكدا
هى:تحكم وخلاص
هو:ايوه
هى:موش بقولك موش قادرين نوصل لنقطه اتفاق بينا
مااحنا لازم نتفق عشان اللى بينا هيكون عشره عمر والمركب لازم تسير
هو:هتسير
بس زى ماانا عاوز موش زى ماانتى عاوزه
هى:هو الموضوع انا وانت؟
هو:ايوه انا موش هتنازل عن رايى وانتى عارفه انى عمرى ماهاعمل كدا
هى:صمت
هو :اسكتى لان الحوار شكله هيقفل بخناقه
هى:موش واخد بالك ان اى حوار بينا بينتهى بخناقه
واننا موش بنتفق غير فى السرير وبس
هو:صمت
لاهو استطاع ان يفهمها ويكسبها زوجه وانسانه
ولاهى استطاعت ان تتحمل ذلك (سى السيد)
وبقيا هكذا


لخبطه..


طيب انتوا معايا
وحاسه بغربه
اومال لو بعدتوا هيحصلى ايه؟
اوعوا تزعلو منى
انا جيت تعبانه ومخنوقه وحزينه
تعبت اكتر واتخنقت اكتر وحزنت اكتر
يمكن عشان قلبى ضعيف
بس ازاى
انا قلبى جامد قوى جدا خالص اخر حاجه
على فكره انا كدابه
انا اضعف من اضعف ضعيف
انا بيتهيألى ان انا نمله سهل ينداس عليها ومحدش حتى يحس
انا اسفه
انا اسفه
ايوه بقولك اتعودت وعرفت اقول انا اسفه
بس ياترى انت عرفت تقدر انى ماكنتش بحب ازعلك ولابرتاح لما بتزعل منى
ياترى فكرت انى كنت كل ثانيه بفكر اعمل حاجه تفرحك
او افكر ايه الحاجه البسيطه اللى لو جبتهالك هتفرحك وممكن اشوف بس فى عنيك نظره رضا
نظره!!
انت عارف انا اد ايه مشتاقه لنظره عنيك
انت عارف انا اد ايه مشتاقه انى اسمع صوتك
صوتك!!
عارف اد ايه مسكت موبايلى واتصلت برقمك عشان بس اسمع صوتك
وماكنتش بقدر اكمل
عارف ليه لانك ببساطه وجعتنى وجرحتنى وحسستنى ان انا صرصار مقلوب على دهره
انا بجد زعلانه منك اوى
بس لما اتصلت بيا وشفت بس رقمك عارف قلبى دق ازاى
عارف كل اعصابى كانت متوتره ازاى
عارف حاولت اد ايه موش اقولك وحشتنى وبحبك من اول مارديت
عارف مسكت نفسى ازاى عشان ابان عاديه اوى وموش فارق معايا اتصالك
عارف ليه كل دا
لانك الوحيد اللى كان بيقدر ينسينى حتى نفسى
واحشنى اوى اوى
اسكت
اسكت ماتتكلمش ماتقولش اى حاجه ولاتعمل اى حاجه زى مااتعودت منك
اتعودت على كدا بس بيجرح اوى انك تحس انك زباله وموش فارق وجودك فى حياه حد وجوده فى حياتك بيخليك اسعد انسان فى الدنيا
انا فاكره مره قلتلى
ان لازم وجودى فى حياتك يبقى بنفس اهميه وجودك فى حياتى
يعنى ماتستناش وجودك يبقى مهم فى حياه حد وجوده مهم فى حياتك



معلش دوشتكم بس جوايا لخبطه كتيره اوى وبحاول اهدى اللعب معايا
لانى انا تعبانه اوى من انا
اصل انا دى بنت موش لذيذه خالص
بنت كدا عايشه وخلاص
ماطرح ماترسى دوقلها
لا
انا موش كدا
انا حزينه وتعبانه وحاسه بالوحده اوى
اوعوا حد يزعل ولايفهمنى غلط
انا بس بحاول افهم لخبطتى دى
عاوزه الم انا بقى عشان تحترم قلبها شويه
نفسى انا تحترم قلبها ومشاعرها
نفسى انا تحس انها مهمه وتحس انها سعيده
نفسى انا تحبنى
قالولى حبى نفسك ياسكره عشان هى تستاهل تتحب
بس انا شايفه ان انا موش تستاهل تتحب
دى تستاهل تاخد بالشوز القديمه يمكن تفوق من جنانها دا اللى مالوش نهايه
ازاى انا قادره تكمل من غير قلبها
اصل انا دى واحده كدا تيت خالص
انا محتاره
انا مخنوقه
انا حزينه
انا وحيده انا زهقانه
انا بتحبكم والله
وبتحزن عشانكم
وبتفرح ليكم
بس هى موش قادره انها تفرح لنفسها لانها بجد بجد حزينه
شيما تقول نفضى هدومك واقفى
فقرى يقول انسى كل حاجه
فاتيما تقول ابداى صفحه جديده
لكن انا موش عارفه تسكت انا
ااااااااااااااااه
انا تعبت والله من انا
ماحدش ياخد انا ويرجعهالى بعد مايظبط صواميل مخها ويقفل قلبها بمفتاح ويرميه
انا دى
ييييييييييييييييييييييييييييييييييييييييييييييييييي


الأحد، 6 ديسمبر 2009

مكعب سكر




ضايع منىازة الميّه
و مش راضية الطيّارة تطي إزر
راح الصبر و رجع الصبر
و تعب القلب و لسّه كتير!
آه يا تى شيرت العمر يا أبيض
لفيت بيك مشاوير مشاوير





أملك صورة انا فيها صغيّر
شكلى اتغير ما عرفتوش
كان فى جيوبى مكعّب سكّر
داب السكّر ما لقيتهوش !!
و اما اتقطعت منى الساعة
وقع الوقت لاقيتنى كبير !



أعرف واحد قال لواحد
اهمل صاحبك و اقسى عليه
واحد قال للواحد نفسه
انت مزعّل صاحبك ليه ؟
واحد حاول يعرف واحد
طلع الواحد صفر كبير !

ملحوظه
الكلام دا اغنيه لبلاك تيما موش كلامى دا للعلم




الحضانه.


اولا انا هارد على تعليقاتكم على البوست اللى فات
بس بالليل
--------------------------
ليه بقى كتبت البوست السريع دا
اصل انا بأختبر مشاعر جديده عليا اوى
موش متخيله اد ايه
انا بحب البنت حنونه
طبعا اغلبكم يعرفها
واللى مايعرفهاش
حنون دى بنت اختى اسما بس
لكن الام الفعليه هى انا ماما سها
اد ايه الكلمه دى بتجننى
وقال اقول موش عاوزه اولاد قال
دا وربنا انا بتجنن لما بسمعها بتقول كدا واجرى عليها واخدها فى حضنى
انا بحبها بجد بشكل موش ممكن اى حد يتخيله
المهم
صحيت حبيبه مامتها من جنبى الصبح
واللى فى بالها انها تروح الحضانه
انا اخدتها ورحت زرت الحضانه اكتر من مره
لانى كنت بشتغل هناك وكلهم حبايبى
الست حنين بقى كل شويه تقول ماما عاوزه اروح الحضانه
والنهارده وقفت وخبطت رجلها فى الارض عشان انا كنت كل شويه اقولها حاضر هاوديكى وموش اوديها
النهارده صممت
انا كنت بأجل مرواحها الحضانه لانى بصراحه بخاف عليها من الهوا الطاير
انا بخاف عليها اى حد يقربلها
حتى مامتها
وانا مالى موش هما اللى سابوهالى خالص عشان اربيها واتعلقت بيها
قمت اتصلت على سواق العربيه وجه اخدها وبصراحه انا ماكنتش مصدقه ان لما العربيه تيجى هى هتمشى معاهم كدا ببساطه وكنت متخيله انها تتعلق برقبتى وتقولى موش عاوزه اروح ياماما
قلب الام بقى
المهم مشيت وبعد نص ساعه كنت انا لابسه وخارجه رايحالها الحضانه
ماما تقولى يابت اقعدى
وبابا يقولى بطلى عبط
وامها تقولى سبيها عشان تتعود
وانا راسى والف جزمه قديمه
هاروح اطمن على بنتى ياناس
قلبى واكلنى عليها
المهم اخدت تك تك ورحت
وهناك مس مى اللى هى صاحبتى وقفت فى وشى وانا داخله الفصل وقالتلى لا ابدا
انتى موش داخله عندها
وانا اقولها وحياتى يامى عشان خاطرى
قالتلى طيب هافتح وبص عليها من غير ماهى تشوفك
فتحتلى وبصيت عليها لقيتها واقفه جنب المدرسه وماسكه الساندوتش بتاكل فيه
قلبى طار وكنت هاتجنن واخدها فى حضنى
لكن مى منعتنى الله يسامحها
خرجت وقعدت اقولهم وربنا اللى هيزعلها هاشرحه
وانا هاخد كورس تشريح عشانكم وعشان لو اى حد عملها حاجه والله من اول نها صاحبه الحضانه لغايه الداده هااكلكم واقطعكم بسنانى
ضحكوا اوى
وادينى كل شويه عماله اتصل بيهم اطمن عليها
وبصراحه البنت جدعه وفاقت كل تخيلاتى
طلعت اجمد منى انا
ياحبيبتى ياروحى
وانا دلوقتى قلبى متشحتف عليها ومستنياها
هنا