BLOGGER TEMPLATES AND TWITTER BACKGROUNDS »

الخميس، 17 ديسمبر، 2009

قفشونى يابا وضحكوا عليا.


قفشونى يابابا
وقالولى جايبيلك تاج يزغللوا بيه عنيه وفى الاخر طلع تدبيسه وموش فيه اى جوايز
لاعينيه ولاماديه
طيب هاتولى نص جنيه احسن من التاج.
=====================
انا جالى كام تاج قبل كدا
واحد من اميره على كوكب مهجور واتنين من عند شيما اللى هتشكم الشعب والحكومه برده
ودا بقى من انجل الجميله
فقلت خلاص يابت مابدهاش لازم تجاوبى بقى وربنا يستر
وطبعا هتجيبولى عيش وفراخ عشان الاعترافات المنيله اللى الشعب كله مستنيها
نيهاااااااااااااااااااااااااا

س1: أنتِ مين بقى؟

أنا موش عارفه انا مين
لكن اسمى
سهير
سها
سكره
ساسو
كل واحد يختار اللى يعجبه بقى

س2: هل أنتِ متزوجة ؟ وهل عندكِ أولاد؟
متجوزه مع ايقاف التنفيذ وجايز حصل تنفيذ وانا معرفش
هههههههههههههه
مكتوب كتابى يعنى
انتى عبيطه اولاد ازاى وانا بقول ايقاف تنفيذ

س3: ماذا تفعلين بوقت فراغك ؟
اما على النت او بكون بقرأ او طبعا مقضياها مع حنون بنتى حبيبتى او بكلم اصحابى فى التليفون

س4: هل لديكِ هوايات؟ وهل تمارسينها ؟
كتير
سبع صنايع وحياتك
بحب الخياطه جدا واحيانا بستخدمها مهنه كدا على الماشى
وبحب القرايه زى ماقلت وشغل البيت والعيال الصغيرين بحب اعضهم اوى هوايه جميله دى؟
هههههههههه
بحب التطريز والاشغال اليدويه وبعمل حاجات جميله ماتيجوا تتفرجوا
وكمان بحب الافلام اوى
الاجنبيه طبعا
ههههههههههههه

س5: هل تحبي؟ومن بقلبك الآن؟
بحب ايون بحب
اللى فى قلبى كتير
دا انا قلبى مساكن شعبيه
هههههههههههههههههههههههههه
س6: لو لم تجدي من تحبي فماذا ستفعلين ؟
هاعمل محشى
هههههههههههههههه
تيجى تاكلى؟
س7: عندما تكونين في موقف اتخاذ القرار..تخالفين الجماعة.. أم تشركين معك الآخرين ؟
انا اصلا صوتى من دماغى ومجنونه جدا وعاقله اوى
بس احيانا كدا باخد رايهم اصل انا
المستبده
اللى كاظم غنالها
س8: هل تتعاملين بواقعيه؟
واقعيه دى مين؟!
حد يعرفها؟
انا معرفهاش
س9: ما هو الشيء الذي فعلته وندمت عليه طول عمرك ؟
حاجات كتير بصراحة
س10: هل تصارحين غيرك بالحقيقة ؟ أم تقولين له ما يريد سماعه؟
أيون لدرجه انهم بيقولوا عليا مدب وبحدف طوب
حتى مره حد قالى عيبك انك صريحه
هههههههههههههههههه
س11: صفِ إنسان يمكن أن تحبيه عمرك كله ؟
انا
هههههههههههههههههه
اصل بيقولولى انتى انانيه
يبقى انا هاحب انا طول عمرى على افتراض ان رايهم فيا صح
س12: متى يقسو قلبك ؟
انا قلبى قاسى اصلا اوى
ماما بتقولى انتى قلبى جمد من فتره قريبه
من كام سنه كدا
اسيه انا
افريقيا انا
س13: هل يمكن أن تحبي أحد من المدونين؟
ياغلبى ياانجل بحبهم كلهم
اما اخواتى الصغيرين او اخواتى الكبار
كلهم اخواتى.
س14: وهل يمكن أن يكون شريك حياتك؟
ماقلنا خلاص اتنيلت واتلطشت فى عقلى واتجوزت.
وهاعزمكم على الفرح فى شهر 5
دا لو العريس جه وموش فلسع منى
ههههههههههههههههههههه.

س15: ماذا تعنى لكِ المرأة أو الرجل؟
المرأة هي الزهره والرجل من المريخ
لانى انا كمان قريته ياانجل
ماتيجى نرفعهولهم احنا الاتنين
اصل الكتاب هيبقى تقيل عليكى انك ترفعيه لوحدك
وممكن نجيب برده جرار يساعدنا فى الرفع
ههههههههههههههههه
س16: في زمن البحث عن المادة ..عن ماذا تبحثِ أنتِ ؟
ببحث عن حاجه ضايعه منى وموش لقياها
بدور على قلبى الفاضى.
س17: متى تعرفي أنكِ تحبي ؟
لما قلبى يدق يدق
وانا موش ارضى افتح له
اصل انا بؤمن ان الباب اللى يجيلك منه الريح سده واستريح.
18: ما هي الشخصية التي أثرت بحياتك ؟
كتيييييييييييييير
انا بتأثر بناس كتير ودايما بحاول اخد افضل مافيهم واتجنب الاسوأ.

س19: هل يوجد من ترينه سعيدا في الدنيا ولماذا ؟
سعيد؟!!
مين دا انا معرفش غير
احمد ومحمد وعلى وحسين وتامر وكريم ومها ونها وسها وسلوى
اما سعيد دا موش قابلته لسه.
س20: ما هي درجة صراحتك ؟
درجه صراحتى هى اخر درجه فى السلم وانتى طالعه الدور العاشر.

س21: وما هي المواقف التي يمكن أن تكذبي فيها ؟
اكذب انتى بتقولى اكذب يبقى انتى اللى قتلتى بابايا
آآآآآه يابابايا
س22: هل يتغير الحب بعد الزواج؟
والله يااختشى لما اجرب هاقولك
بس دا لو فيه حب قبل الجواز اصلا
هههههههههههههههههههههههه.
س23: فيما تفكري الآن ؟
بفكر فى البحر.
س24: لو لم تعيشي بمدينتك؟ فأي مدينة أخرى تفضليها ؟
مين قالك انى عايشه فى مدينه
انا عايشه فى قريه بنت تيت
هههههههههههههه
احب اوى يااختشى مااحبش ليه
اعيش فى اليكس وطبعا انتوا هتتبرعولى بشقه سلف هناك.
س25: أول من يأتي ببالك لتحكي له أسرارك ؟
والله انا من الناس الرغايه موش عندى اسرار
وفيه ناس كتير تعرف عنى حاجات كتير.
س26: من هو ألد أعدائك ؟
موش عارفه اصل بعتقد انى ماليش اعداء وانا طبعا عبيطه لو صدقت بس بجد مابحبش اعمل اعداء
بعمل كشرى مصرى يجنن.
س27: من هو صديقك ؟
ديكى ديكى انت صديقى.
س28: لو ربنا خلق الدنيا كلها زيك .. لمن تقولِ هذه العبارة ؟
زيى انا ولا زيى مين
ماعلينا مافيش حد زى حد
كل واحد له مايميزه.
س29: ماذا تكرهِ في الحياة ؟
الفراق.
س30: و ماذا تحبِ فيها ؟
الحب .
س31: كيف تواجهي ما يضايقك وماذا تفعلِ عند المفاجآت ؟
حسب المفاجعه
يافاجعه حلوه يافاجعه وحشه
بفرح او بزعل
بس انا بحب المفاجعات
ماتجبيلى هديه وتعمليهالى فاجعه.
س32: لو معكِ فلوس أكثر مما تتخيلِ ... فماذا ستفعلين بها ؟
هشترى بيت فى اسكندريه على البحر
وهاعيش فيه واشترى مكتبه الاسكندريه وانقلها فى بيتى
وابنى مسجد ماهو اعمل حاجه تنفعنى فى اخرتى
ربنا يستر
شكلى رايحه النار على صاروخ ارض جو.
س33: هل الفقر يصنع حباً ؟
ودا ايه علاقته بالحب؟!!
س34: ماذا لو وجد الحب في زمن الفقر المادي؟
الحب موجود فى كل وقت
فى زمن الفقر الناس موش هتفكر غير فى ازاى يعيشوا مستورين يعنى موش هيفكروا فى الحب دا
س35: ما هي أقسى صدمه تعرضتِ لها حتى وقتنا هذا ؟
اتعرضت لصدمه من سنه وشويه تقريبا
وموش اعتقد ان اى صدمه فى الدنيا ممكن تساويها تانى.
س36: هل تعلمتِ منها شيء ؟
ايوه ...عرفت انى قويه جدا والحمد لله واقدر اتحمل اى صدمات مهما كانت.
س37: هل أنت على استعداد لتلقى صدمات أخرى ؟
ايوه بس ادعى ان ربنا موش يبعتلى اى صدمات تانى.
س38: كيف ترد على من لا تصدقه ؟
بقوله انت كداب
وماما تقعد تقولى ياضنايا هو انتى هتخسرى ايه لو سكتى وموش اتناقشتى معاه
وانا ابدا راسى والف شوز انه كداب.
س39: إذا أحببت إنسان ما ...هل تصرح له بحبك ؟
يالهوى عليا
ايون بقول ورزقى على الله
س40: ماذا تفعل لو لم يتجاوب معك ؟
بسكت وخلاص.
س41: هل تؤمن بالمثل القائل: أنا أحب فأنا أعيش ؟
هو ايه بقى
انا بؤمن بالمثل اللى بيقول
انا اشك اذا
انا دبوس.
س42: ما هي القضايا التي تشغل بالك ؟
هو فيه قضايا اكتر من الغلب اللى احنا عايشينه دا؟!!!

س43: هل تستطيع تحقيق كل أحلامك ؟
والله موش عارفه
بس لغايه دلوقتى انا موش حققت اى حاجه .
س44: ماذا ترى في نفسك مميزا عن الآخرين ؟
الاخرين
دول كلهم وحشين
انا بس الجميله القمرايه السكره
هههههههههههه
عمرى ماشفت فيا اى مميزات على فكره.
س45: من إذا اقترب منك ...هربت منه بعيدا ؟

موش عارفه لان ماحدش قرب منى
العادى ان انا اللى بقرب وبعد كدا
باخد على دماغى
وفين يوجعك ياسوسو
هههههههههههههههههههههه.
س46: من تقول له : قرب منى قرب ...يا قلبي يا متغرب ؟
لكل الناس
اصلى انا عشريه اوى
هههههههههههههه
موش عارفه ايه كم الضحك اللى ضحكته فى البوست دا
لمن تهدى التاج؟
لكل اللى عاوزه
بصراحه دا تدبيسه ياانجل ربنا يجازيكى
كل دى اسئله؟
بس ماشى مردودالك
وش بيغمز.


19 التعليقات:

Angel يقول...

ههههههههههههه
ايه يا سكرة ده

غيري الإجابات يا حلولييييييييي

مستخلص افندى يقول...

سكرا ايه الجمال ده ؟:D


هو انتى اسمك عبير برضه :D وشهرتك Angel برضه
هههههههههههههههههههههه

sookra يقول...

ياولاد استنوا
النت عمل الدنيئه معايا
ونشر البوست وانا لسه بجاوبه
تعالوا بقى تانى يلا

خواطر شابة يقول...

46 سؤال يا صبر أيوب ده ولا امتحان الثانوية
سعيدة بتعرفي عليك اكثر من خلال هذا التاج
تحياتي لك

donya يقول...

مساء الخير
كل سنه وانتي طيبه

التاج التاج التاج موعوده ياللي علي راسك التاج

ماانا برضه متدبسه فيه
ربنا يسعدها بقي انجيل وعندي تاج قبله من فتاة من الصعيد
يعني همشيها تاجات لأخر السنه

اجاباتك لذيذه وصريحه
ودمها خفيف
واستغربت من ردك انك مستعده تاخدي صدمات تاني
ربنا يبعد عنك الصدمات

تحياتي

إبتسامة ملاك يقول...

هههههههههههههههههه


كأس وداير

التاج دا جايلى يا جودعااااااااااااااااااان

حد يقرصنى

إبتسامة ملاك يقول...

بجد انتى جميله اوووووووووووووووووووى

واجاباتك اجمل شخصية حلوة وسعيده بمعرفتك يا ساسو اووووووووووووووووى


وكمان قبلتك دى احلى حاجه حصلت

ربنا يكتب ليكى السعاده حبيبتى

مووووووووووووووووواة

فراشة يقول...

اجاباتك سكر زيك يا سكرة

انتى بجد عسولة قوي

بس كل ما آي افتح مدونتك الكمبيوتر يهنج .. ينفع كدا يعنى ههههههههه

بس هاجي تاني ان شاء الله

مستخلص افندى يقول...

اجباتك زى الفل

بس حسيت منك انك مش بتحبى جوزك ليه :D

او بقى عادى بالنسبالك ده احساس بس :$

lostlove يقول...

ههههههههههههههههههههههههههه
اول حاجه ضحه بما انك ضحكتي كتير يعني

بس بجد دمك زي العسل وفعلا انتي سكره ومسكره

اتمني التوفيق
وبجد اجبات تجنن

Baskouta يقول...

ماذا تتوقع من سكرة لما تجاوب على تاج
اكيد هيبقا تاج بالسكر
ايه الاجابات المتغمسة بالعسل دي
انتى حقيقي سكرة يا سكرة
وحشتيني

ريمان يقول...

السلام عليكم

والله برافو عليكى عرفتى تجاوبى على كل الاسئله دى

انا المفروض اجاوب ع التاج ده بس انا عامله نفسى مش واخده بالى


هههههههههههههههه


تحياتى ليكى يا قمر

وكويس اننا اتعرفنا عليكى اكتر

سجود يقول...

السلام عليكم
ههههههههههههههه
اجاباتك عسل وفيه اجابات ضيعتي فيها مش قولتلها ها انا متابعه
هههههههههه
تحياتي

فكرة من الزمن ده يقول...

ايه الغلاسة دي
لا بقى البنت سكرورةالامورة دي فالسةوغلسةوعقابا ليها هتعيد التاج لانها طالعة بيه اشيلاه يعني لم ينجح احد
ولازمتجاوبه تاني
فين الاجابات
ومن دلوقتي انا بارفض التاج ده جملة وتفصيلا لاني جاوبته زمان خلاص

ولن افجاوبه ابدا تاني
ده مفرمة مش تاج
واللي الف التاج ده في الاصل حد سكر وزي العسل

تحياتي سكرورة

Tamer Nabil يقول...

كل دة تاج وكل دة اجابات

كل تاج وانتى طيبة

مع خالص تحياتى

أحمد شريف يقول...

أتمنى لك بالطبع التوفيق لكن لي عتب كبير وكبير للغاية

كنت أظن أن ثقافة ( التيت لم تصلك ) فرجاء انبذي هذا اللفظ البغيض

لنرقى في الحوار أفضل

sookra يقول...

حبايبى
انا قلت اخليكم تعرفونى شويه
يلا انشالله ماحد حوش
منورنى كلكم
والله
يلا روحوا على التانى

أحمد شريف يقول...

كنت أنتظر منك رداً على سؤالي ؟

تــسنيـم يقول...

هو إنتي اسمك سهيــر يا سكررة

الله عليكي :))

ده سبب تاني يا بنتي يخليني أحبك

ده اسم أعز الحبايب.. اسم مامتي , و أنا هسمي بنوتي إن شاء الله "سهــر" على اسمهــا


دمك شرباات على فكرة