BLOGGER TEMPLATES AND TWITTER BACKGROUNDS »

الأحد، 6 ديسمبر، 2009

زحمه.


انا مش فارس ولافتى احلام
انا زحمه وربكه وشغل جنان
نص بيضحك والتاني زعلان

انا شيخ فلتان
طيب شرير وجريء وجبان

اوقات مشرق واوقات بهتان
وساعات سلم وساعات تعبان
ومفتري جدا وكمان غلبان

شبابيك وبيبان
توهه عنوان
انا م الاخر عفريت لابس بدله انسان

انااااااا
----------------
دى اغنيه لفريق بلاك تيما
حسيت بيها اوى بجد
اصل انا كمان جوايا زحمه كتيره
جوايا امل والم واحلام واوهام
جوايا جنان وعقل
جوايا حزن وجوايا فرح
انا جوايا مليون سها
مليون سها بيدورا على بعض
نفسهم يتلموا على بعض
نفسى حد يلملم كل الحاجات اللى جوايا دى
كلكم هتردوا وتقولوا
مافيش اى حد يقدر يلملمك غيرك انتى
لكن ادينى بحلم
سيبونى احلم انى الاقى حد يلملمنى
يصلح كل الشروخ والانكسارات اللى جوايا دى







14 التعليقات:

الأحــــــ إيناس ــــــزان يقول...

اذيك يا قمر اخبارك اية يارب تكونى بخير
بجد وحشتينى اوووووووووووووووووى

وحساكى اووووووووووووى اوىىىىىىىىى

الأحــــــ إيناس ــــــزان يقول...

ربنا كريم ومعاكى وقادر على كل شىء

ويارب اشوفك سعيدة وبعيدة عن اى الم وحزن يا حبيبتى لان كلامك كله بصراحه بيوجعنى وجاى على اكبر الجروح فيا
حساة انننا متشابهين بحجات كتير اوووووووووووووى

بحبك
خليكى قوية وخلى بالك من نفسك

الشعب لابد له من حكومه تشكمه يقول...

اديله فرصه يلملمك ياساسو..:)

الأحــــــ إيناس ــــــزان يقول...

حبيتى بقولك الصفحة تقيلة اووى لما بدخل عليها ياريت تحاولى تظهرى جزء بسيط من المدونات اللى بتزوريها وبلاش جزء من الموضوع لانها هى بتقل الحمل على الصفحة


ربنا معاكى

خواطر شابة يقول...

الحلم من حق كل واحد فينا ومش من حقنا نصادر حلمك
اللي نقدر عليه اننا ندعي معاك ربنا انه يحققه لك
تحياتي

اقصوصه يقول...

حلوه وايد :)

winner يقول...

مافيش اى حد يقدر يلملمك غيرك انتى
:)

فخفخينا يقول...

السلام عليكم
ايه بس القمر زعلان ليه ؟ صدقيني يا بنتي ما فيش حاجه مستاهله ، ارمي ورا ضهرك وبعدين حاولي تخرجي من موود اليأس والكآبة دي والأغاني النكد دي .
أقول لك اسمعي بمبي .. أو سكر حلوة الدنيا سكر - مع غني باتخنق منها مووووت ههههههههههه

اتشرفت بجد بزيارتك وبعدين بلاك تيما ليهم اغنية حلوة اسمها كون سعيد ممكن تخليها كون سها :))

نتمنى تشفينا بإذن الله قريب في مدونتنا " شيش وإزاز" بعد التشطيب ههههههه

والمره الجايه اجي الاقيكي منعنشه كده وفرفوشه .

باي

blackshwak يقول...

سلااامووا عليكم ياسكره
يارب تكوني بخير
أقولك
إحلمي يراحتك
من نعمة ربنا علينا إنه ميزنا عن كل الكائنات - مش زي ما الناس بتقول بنعمة العقل لا - بنعمة القدرة علي التخيل والحلم والهروب من مآسي الواقع ولو للحظات إلي حلم جميل يرفع معنوياتنا
بس هقولك إن فعلا مفيش حد يلملمك إلا إنتي

( إذا أردت أن يفهمك الناس فإفهم نفسك أولا )
لازم إنت اللي تنقذ نفسك
بس إوعي تبطلي حلم

بالتوفيق دائما
تقبلي مروري

Baskouta يقول...

ياااااااااااه يا سكرة
ده انا الزحمة اللي جوايا
عاوزة خمسين عسكري مرور ينظمها

ولو اني معتقدش انها ممكن تتنظم

زحمتك انتي بقا اخبارها ايه
صباحك سكرة يا احلى سكر

فاتيما يقول...

تصدقى بالله
انا دمى محروقلك سلف
و قلبى موجوعلك وجع ملوش آخر
الغنوة و كلامها وراه معانى كتيييير
الله يخربيت الحنين و الإفتقاد و الوحدة و الدنيا اللى كلها بقت فراغ شاسع مفيش اللى يملاه و لو إنه موجود مكانيا و رسمياً و كل حاجة
لكن مش متشاف بالقلب و الروح
أقول إيه بس ؟؟
ربنا يهدى القلوب
و يحننها على بعضها
و الغنوة دى متتغناش تانى
بحبك و بوسة و حضوناااااات ع الصبح
يا سكرتى الحلوة

beautiful mind يقول...

سكره
كل واحد فينا جواه حاجات كتيره ساعات بيكون معظمها متنافض
فرح وجزن امل وياس اتساع وضيق
هو دا الانسان
انتي بقي وشطارتك انك تخرجي من كل الحاجات دي وتبقي نفسك
تقبلي مني كل تحيه

Tamer Nabil يقول...

الانسان جواة زحمة بجد وكبيرة افكار على احلام على اهداف.

المهم ان يحاول يعيش ويكون نفسة وبس والاهم يكون عارف قدراتة قد اية

وادينا بنعيش ونحلم وهنفضل نحلم لان دة عين العقل

مع خالص تحياتى

قوس قزح يقول...

ان شاء الله هتلاقى اللى يلمم سهات كلهم فى سها واحدة

بس عايزة اقولك على حاجة
كلنا كده
فينا الابيض و الاسود
صعب اوى تلاقى لون واحد جوانا
لاننا مش ملايكة و لا شياطين

الاغنية حلوة علشان هى احنا :)