BLOGGER TEMPLATES AND TWITTER BACKGROUNDS »

السبت، 12 ديسمبر، 2009

فراغ.


ماحدش يقول دا يأس
لا دا فراغ
الذى احيا به واشعر به هو فراغ
فراغ يحيطني من كل الجهات
فراغ لا استطيع ملئه باي شيء
فراغ فراغ
هنا وهناك
دخلت غرفتي اغلقتها على نظرت فى المرآة
نظرت حولي
لم اجد سوى فراغ
نظرت بالداخل
رايت انقاض وتدمير ورايت اشباح احلام تريد ان تطير
رايت حلم بين الانقاض
حاولت ان اتمسك به لكنه ابى ورفض بشده الانتظار
وقال لم يعد لي فى حياتك مكان
فهذا الفراغ يملأ كل الارجاء
ماذا؟!!
لا ..لا تذهب ايها الحلم
قال لا انتي تركتي حياتك للفراغ
قلت كيف اخرج منه
قال انتي فقط من تستطيع
ذهب وتركني فى فراغي الكبير
انظر لكم وانظر لهم وانظر لي
انظر له ولها ولكل شيء
فراغ
اغلق بابي ارى فراغ
افتحه يدخل فراغ جديد
اين انا من ذلك الفراغ
ساكلم الفراغ
ايها الفراغ لماذا تمكنت منى
لا يجيب يتركني ويذهب
اتصور انه سيرحل لكنه يدخل الى اعماق اعماق روحي
تلك الروح التي تعذبني
لماذا لاتستسلمى
لماذا ؟!!!!!!!!!!!!!
استسلمى للفراغ
عيشي بداخله اجعليه صديقك الصدوق
اتركيه ياسيدتى يتفاعل معك وتتفاعلي معه
لالالالالالالالا
لا استطيع
فانا لااحب الفراغ
انا لا اهواه ولا استطيع ان اتحمله او اترك له نفسي
لالالالالالالالالالالالالالا
استسلمى
لالالالالالالالالالالالالالا
استسلمى
لالالالالالالالالالالالالالا
لااستطيع
لا استطيع ان اكون كغيرى
انا لست كغيرى
نعم لست مثلهم
لن استسلم
ساقاوم
ربما قابلت فى يوم من الايام
تلك الاحلام التي ذهبت وتركتني مع الفراغ لحالي
ايتها الاحلام ارجعى
ارجوكى ارجعى الى فانا فى احتياج لكي
ذهب صوتي هباء لن ترجع مادام هذا الفراغ يعيش هنا
فهي لا تستطيع ان تحيا معه
=============================
ساذهب الى اسكندريه من غدا
وربما اغيب شويتين
فلا تكلكوا
ههههههههههههه


28 التعليقات:

mimi يقول...

نعمتان مغبون فيهما الإنسان الصحة والفراغ

mimi يقول...

سكرتي .. حطي في بالك إن في بداية فصل الشتا ، زي ما بندخل ملابس وبنطلع ملابس ، بتكون نفسياتنا برده محتاجة للتأقلم ..
معلش ساحي نفسك ، وإديها فرصة تتمتع بالفراغ ده علي إنه استراحة المحارب

تحياتي ، وحشتيني جداااااا

Tamer Nabil يقول...

الفراغ يأتى عندما لانجد ما نملى بة حياتنا والاحلام لاتذهب الا اذا استغنى الانسان عنها

مساكى زهور وشيكولاتة


ربنا يوفقك ويكرمك

مع خالص تحياتى

Angel يقول...


مساء الخير ..

سكرة ..
تصدقي مش عارفه اقولك ايه ؟

عشان حاسه أن كل كلمة كتبتيها أنا اللي بقولها وحساها
بالظبط وربنا

بس نفسي اعرف سبب الفراغ ده ايه رغم أنك بتلاقي أحيانا ناس في حياتك
بس معتقدتش أن وجود أناس في حياتنا هو سبب وجود الفراغ أو عدمه

بس بجد هو شيء مألم جدا وممل وقاتل

):

أنا آسفة مش قادرة اقول حاجة المرة دي

Angel love

مستخلص افندى يقول...

الفراغ يأتى فى عدم وجود حبيب :S

ربنا يوفقك ان شاء الله فى حياتك ويملى عليكى حياتك

مستخلص افندى

حسن ارابيسك يقول...

سكره
أتمنى أن تكوني بخير واللهي وأن يشرح الله صدرك ويزيل عنكي كل الهموم ..أمين
الحقيقة بعد قرائتي الفراغ تعمدت قراءة يعض التدوينات الأخرى ووجدت معظمها لايختلف كثيرا فمعظم التدوينات لاتخلو من نبرة الحزن والهم والضيق
اللهم بوست جميل لقراحتى إختيارك لبعض الأغاني منها إغنية لفرانك سنترا
Strangers in the night
وهي من الأغاني الجميلة جدا لهذا المطرب الراحل ووقد عرفتها عن طريق والدي رحمه الله فكان من عشاق فرانك سنترا كذلك أحببته أنا وهي إغنية رقيقة ودافئة جداً
وأغنية منير
مين ياخد قلبي المليان ويديني قلبي الفاضي

العزيزة سكره
تدوينة الفراغ تتكلم بصوت كل تدويناتك التي تفيض كما ذكرت حزناً وهماً
المهم لاأريد أن أبدو واعظاً ولكنه واجبنا تجاه بعض في عالم التدوين
الفراغ بالفعل شئ قاتل في حياة أي شخص يستسلم له والفراغ خطره في مراحل أخرى أكثر خطوره ويفعل الكثير بالنفس ويحطمها ويجرف كل جميل فيها من طباع وقدرات خاصة إى خراب
ثقي أن لكل إنسان قدرات خاصة وموهبة ربما لايعرفها وربما يعرفها ولايهتم بها ولايستفيد منها فعليكي أيها الأخت العزيزة أن تبحثي في داخلك وحتى حولك عن مواهبك الخاصة التي تكمن داخلك ولاتخبريني انه لا يوجد بل يوجد صدقيني جربي وشوفي انتي ميولك لأي إتجاه وتعمقي في هذا الإتجاه نميه شويه بشوية وكوني عمليه مع نفسك تعرفي حتى التدوين ده في ناس دخلته واكنتش تعرف ان عندها ملكة الكتابة سبحان الله وأبدعت شويه بشوية ونشرت لهم بعض دور النشر كتب خاصة لهم
حتى التدوين كما ذكرتي انتي يريحك عن
عندما تكتبين وبالطبع في هذا فضفضة تريح النفس من عناء الحمول والهموم التي لو إستسلم لها الإنسان تطحنه وتهلكه أعرف ناس كتير كاد الفراغ أن يحطمهم لكن الله نور بصيرتهم ودلهم على الطريق بعد إجتهادهم طبعاً ووقوفهم على الأسباب والبحث داخلهم عن أي موهبة أو شئ يميزهم عن الأخرين فمنهم من نمى موهبة لديه ودرس دراسات حره له ومنهم من إبتدأ بمشاريع صغيرة جداً حتى في صناعة يديوية بسيطة ونجح في تجربته وكبرت مشاريعهم مع أحلامهم المهم ان تصري أمام نفسك أنك لست أقل قدرة من غيرك من الناجحين في دروبهم وأعمالهم ضعي دائماً الثقة في نفسك وبأنك شكلاً وموضوعاً ستكونين بحال أفضل لو تحركتي منذ الأن ولم تستسلمي لشبح الفراغ الذي يضعف من يستسلم له ويوهمه أنه إنسان لاطاقة له بشئ ولا قدره له على فعل شئ وأنه شئ زائد في المجتمع الفراغ ثم يستسلمون له البعض ورحم الله من استسلم له
ثقي في الله ثم في نفسك بأنه يوجد لديكي شئ جميل قد قد يراه البعض فيكي ولا تريه انتي للأسف بل قد تقتلي الشئ الجميل داخلك دون ان تدري
ابدئ بأي شئ تجدي نفسك فيه تعليم الخياطة مثلا والتصميم هناك بعض الورش الفنية التي تعلم الكثير من الأشياء الجميلة كالرسم والفخار والخزف وصناعة السجاد الجميل أنا أضرب لكي على سبيل المثال وهناك الكمبيوتر مجالاته كثيرة
المهم أختى العزيزة ألف باء هذا الموضوع وصلبه هو الثقة بالنفس فبناء الثقة بالنفس هي الأساس لكل خطواتك القادمة إن شاء الله واستعيني بالله على كل شئ وهو الموفق إن شاء الله وإن شاء الله نسمع منك وعنك كل خير وتوفيق ونجاح وأنكي طردتي الفراغ من حياتك شر طرده وقهرتيه ولم يقهرك وأنتصرتي عليه ولم ينتصر عليكي وضحتكي منه ولم يضحك عليكي
إبدأي وتوكلي على الله
تحياتي
حسن ارابيسك

مسدس صغير يقول...

استهدى بالله يا خالة
الحكاية مش مستاهله
هههههههه
ربنا يملا فراغك بما يرضى وترضين
روقى كده واغسلى الهدوم واكويهم وانتى هتبقى كويسة

اقصوصه يقول...

الفراغ

يكون احيانا كالوحش

الذي يتلذذ في التهام فريسته

فيأكلنا ببطئ

الى ان يصل لقلوبنا

لتعتصر من الالم

ابعد الله عنا وعنك

شبح الفراغ المقيت!

أميرة علي كوكب مهجور يقول...

بشوف الفراغ احنا اللي بنعمله حوالين نفسنا لا هو مش بيحاصرنا غير لو احنا استسلمنا ليه

يارب تكوني بخير يا سكره
اجمدي كده :)

sookra يقول...

mimi

ميمايتى
ربنا يسعدك
وانتى كمان وحشانى
بس انا الشتا بحبه جدا
========================
تامر نبيل

الفراغ يملا ارواحنا غصبا عنا
والاحلام تتركنا عندما نختقها
نورتنى
========================
انجل
حبيبتى انا اللى اسفه انى وجعتلك قلبك
موش لاقيه كلام غير اللى قلته
منورانى دايما
========================
مستخلص افندى

يارب يسمع منك يافندم
منور

خواطر شابة يقول...

تروحي وترجعي بالف سلامة ونفس وروح جديدة فللسفر فوائد من أهمها تفريج الهم
تحياتي لك لكن لاتغيبي طويلا

إبتسامة ملاك يقول...

حبيبتى سكرتى

انا كويسه مش تقلقى عليا حبيبتى

ربنا يخليكى ليا ولا اتحرم منك ابدآ

إبتسامة ملاك يقول...

ربنا يبعد عنك اى حزن او شر
وربنا يكرمك خير ما ضاقت الا لما فرجت

خلى بالك من نفسك حبيبتى
وغيرى جو واكيد هترجعى احسن بكتير

ربنا معاكى

احبك فى الله
لا اله الا الله

Somaya Kamal El Din يقول...

كلمة واحدة


لازم نكون اقوى من اى حاجة بتحاول تضعفنا ومنستسلش مهمها يحصل نقاوم للنهاية

شفتى كل دى كلمة هههههههههههههه


يلا سلاموز

وطمنينى عليكى

فى امان الله

شقيقة القلب يقول...

مؤكد طالما رايحة اسكندرية تبقى الأحزان ها تغسل نفسها
ما تاخديني معاكي في الشنطة :)
تحياتي وتقبلي مروري

'' حطام (ك) بقايا '' يقول...

ازيك يا حبيبتي
وحشاني قوي قوي قوييي و الله
اخبارك ايه
طمنيني عليكي اول ما ترجعي

الف
الفراغ كالسهم القاتل ال\ي يقتل الارواح
و يمزق الاحلام و يدم الاماني
ربنا معاكي يا حبيبتي
و كوني قوية

blue-wave يقول...

بجد ربنا معاكى

shaimaa samir يقول...

ان شاء الله رحلة الاسكندرية تعمللك انتعش
وترجعى وراكى حاجات ااااااد كدة

مودتى

Angel يقول...


رحلة سعيدة
D:

فراشة يقول...

سكره احساساك جميل جدا وخيالك حلو قوى
والحاله اللى عندك عندنا كلنا مش لوحدك
هونى على نفسك
احنا فعلا محتاجين بجد ناخد بأييد بعض لأن الفراغ ده قاتل وبيودى لسكه ربنا يبعدها عننا مهما قلنا ومهما تحصنا
الفراغ سكه مميته
الغريبة انه مش فراغ فى الوقت لكنه فراغ فى الفكر والعمل
احيانا كثيرة نجد انفسنا لا نملك وقتا ورغم هذا نشعر بالفراغ

واضح اننا محتاجين عودة مع النفس ومصارحه وقرب من الله لأن اكيد فى تقصير على الاقل من شخصى
سعيدة بجد يا سكرة انى عندك فى مدونتك الجميلة
وعلى فكرة اللوك بتاعها حلو قوى

Hager Za3bal يقول...

اخدتي قرار السفر في الوقت الصح .. روحي غيري جو ..
وارجعي ابدأي من جديد بعد ما تكوني عرفتي ازاي تموتي الفراغ نهائي من حياتك ..

يارب ترجعي بالسلامه :)



معلش مقصره في حقك يا سكره
غصب عني والله :$

اسماء واحلام فى وجدانى يقول...

رغم انى مقصر معاكى آسف جدا
بس انا جاى اطمن عليكى واعرف ايه اخبار الكورس ولا بطلتى تنفذيه بجد بجد نفسى تحاولى مرة واتنين وتلاتة واربعة لحد ما توصلى لاول نقطة اللى هى بنفسها هتخليكى تكملى وتوصلى لكل اللى بتتمنيه يا اغلى اخت سكرة
طمنينى عليكى دايما وبلاش كسل واى عقبة تقابلك باذن الله نلاقى لها حل بس انتى حاولى

๓คภ๏ภค يقول...

سكرتى .. روقى حبيبتى والله الدنيا مش مستاهلة حزنك ده كله

اقولك ع حاجة انزلى اشتغلى يمكن يملى وقتك الشغل شوية

العبى مع حنون بجد مش عارفة اقولك ايه الواحد لما بيبقى ف الحالة دى مابيبقاش عارف اصلا يفكر

ربنا يرزقك بحاجة جميلة اوى تملى حياتك هنا وفرحة يارب اللهم اميييييييييييين

نورألآيمان يقول...

السلام عليكم

بوست وصفى زو معنى كبير

والفراغ دائما ممكن التغلب علية بالقرب من ربنا

الست فرويد يقول...

مش عارفه اقولك ايه
كلامك صادق لحد الوجع

ربنا يزيح عنك يارب ويصلح لك الاحوال

وان شاء الله تكونى مبسوطة فى الاسكندرية
وترجعى بالسلامة

مع كل حبى وخالص مودتى

موناليزا يقول...

من الجميل الا نستسلم للفراغ
---
تروحى وتيجى بالسلامة يا سكراية

beautiful mind يقول...

سكره
الفراغ شىء وحش اوي بجد
لما بيتملك مننا بيخلي نفسيتنا في الارض
وبتخلي الشخص معرض انه يعمل اي حاجه غلط
ربنا يبعد عننا كلنا الشعور بالفراغ
يارب ترجعي بالسلامه
اسكندرية جميلة في الشتا
استمتعي بكل لحظه
والسلام ختام

سجود يقول...

السلام عليكم
لا تستسلمي للفراغ وابحثي عن الامل سياتي لكي ان شاء الله
تحياتي