BLOGGER TEMPLATES AND TWITTER BACKGROUNDS »

الأربعاء، 16 ديسمبر، 2009

ازيكم ازيكم ياللى احنا جينا عندكم.

نظرات وقحه.

اولا من هنا فى البلوج بتاعى احب ابعت برقيه لحبيبه قلب خالتها
البنوته كنزى واقولها الف سلامه عليكى ياقمر
واقول لمامتها ريم صاحبه مدونه
رسائل بلا بريد
الف سلامه على بنوتك العسوله وربنا يخليهالك وموش يحرمك منها ولايحرمها منك
بوسات كتير لكنزى ومامتها
===============================
اعلان هام
يرجى من الساده الزائرين واصحاب البلوجر انهم يدخلو يشاركوا معانا
فى الاستفتاء اللى البسكوته المحشيه شيكولاته عملاه
هنا اهو
http://pinkysequins.blogspot.com/
ماشى
اوعوا تتاخروا
وطبعا بما انها صاحبتى فانا هافرز معاها الاصوات وكمان ممكن اقبل الهدايا الماديه عشان اخد بالى منكم
هههههههههههههههه
======================
تانى اعلان
شيما اللى هتشكم الحكومه عاوزه تعمل لقاء فى المنصوره
وبتفكر انه يبقى لقاء حوائى
ادخلوا وصوتوا
يالهوووووووووووووووووووووووووى
هههههههههههههههه

هل تعرضتى يوما
لتلك النظرات التى تعريكى وتجردك من كل ملابسك؟!!
هل اغتصبك احدا بنظراته ؟؟
هل احسستى انك عاريه امام شخص سفيه ؟؟
انا تعرضت لذلك
استنوا افهمونى صح اوعوا حد يفهمني غلط
اللي حصل ان انا كنت فى اسكندريه بقالي كام يوم
والنهار ده وانا راجعه
جلست فى العربية خلف السائق
الذى منذ اللحظه الاولى التي سألت فيها عن من عليه الدور
وهو يرمقني بنظرات فى منتهى السفالة ولاادري لماذا
فكما يعرف معظمكن فانا مرتديه النقاب وكنت مرتديه عبايه كحلى طويله وواسعه
وليس هناك ما يشير الى انني بنت خليعه او حتى امرأه خليعه
ولكن هذا ماحدث
جلست فى السيارة وعندما اكتمل عدد الركاب اتى السائق ومنذ اللحظه الاولى وهو قد ثبت المرآة على وجهي واذا جائت عينى الى المرآه اجده ينظر الي نظرات وقحه
كما لو كنت عاريه
وهنا احسست بمنتهى الاشمئزاز والقرف
احسست انى عاريه بسبب تلك النظرات
وكرهته واصبح هواء السيارة خانق لدرجه لاتحتمل
احسست بالقرف كما لو كانت تلك النظرات لعاب يسيل على جسدي من كلب يحاول ان يمزقني بشده
وجلست وانا العنه والعن ذلك التوقيت الذى جعلني فريسه لنظراته يعمل بي ما يشاء
وكانني اصبحت ملك خاص له
تمنيت لو نزلت من تلك السيارة
وعندما وصلت
واستوقفته لانزل سبقني ونزل يفتح لي باب السيارة ويحاول ان يأخذ يدى فنهرته بشده وكنت اتمنى لو اصفعه على وجهه وهو رجل عجوز ولايصح ان يفعل ما يفعل
========================
سوري انا كنت بس جايه اسلم عليكم
على كل اللي سألوا عنى واللي موش سألوا
عادى يعنى
وانغاظت اوى من الموقف ولقيتني بكتبه
اما اسكندريه وماحدث بها فهذا لن اشغل بالكم به
فقد قابلت هناك ذلك الفارس النبيل
الذى طالما استوقفني كلما مررت بشده وكلما احستت بذلك الالم الذى ليس له مثيل
ذلك الفارس الذى تمنيت ان اقضى عمري بجانبه ولكنه رفض بكل زوق وادب
ولم يرد ان يزعجني بذلك الرفض الصريح
احببته طفله وعشقته شابه
والان اشتاق اليه وانا امرأه
ذلك الفارس الذى يغنيني عن كل الدنيا ويجعلني اتشبث بكل امنياتي واحلامي حتى ولو كانت مجرد اشباح احلام
ذلك الفارس الذى اذا مااخذنى فى حضنه ارتحت من كل التعب الذى اشعر به
بالامس وفى عز الليل
تسللت هاربه من بيت خالتي وذهبت الى حضنه وقبلته واخذني فى حضنه
ورجعت بعدما القيت عليه تحيه الوداع التي دائما ما تنتهى بدموعي وامنياته ان اعود لاحضانه مره ثانيه
نعم احبه جدا ولا اخجل عندما اقول انني احبه
واستطيع اذا ماكنت بجواره ان انسى الدنيا كلها وانسى حتى نفسي
نعم انه البحر.............
............................
................................

22 التعليقات:

حرروف يقول...

كنت متوقعه انه البحر
بس رحتيه من غيري

؟؟؟؟؟؟؟؟؟؟

اسلوبك في وصف البحر كان حلو اوي

Baskouta يقول...

سكرتي السكرة
وحشتيني
حمدالله على سلامتك
عودا حميدا يا قمر
البحر ده حبيب الكل
وخصوصا بحر اسكندرية
ده انا ياما كتبتله في قصايد
يلا بقا كان بينا عشرة

مش عاوزة اعلق على موضوع النظرات الوقحة... هقول ايه بس حسبي الله ونعم الوكيل في الاشكال دي

ربنا يحفظك يا سكرتي

خواطر شابة يقول...

بداية حمد الله على السلامة رجوعك من السفر
تانيا عزيزتي مادمت تقولين انك منقبة فأي نظرات هاته التي ستنظر ولم ستنظر مادمت لايرى منك شئ قد تكونين فقط فسرت الامر خطأ وانت قلتها بنفسك هو رجل عجوز فلا تسيئي الظن والعلم لله
البحر انه حبيبي انا ايضا لكني اخاف منه بالليل غامض وموحش لكن بالنهار يامحلاه
تحياتي لك

micheal يقول...

شيء مقزز جدا وده يثبت أن الناس دي مرضى نفسيين انحدروا لأسفل السافلين والموضوع مالوش علاقة باللبس
تحياتي

Angel يقول...


سكرة ..
يا مساء السكر والكراميل
حمد الله ع السلامة
حرقتي دمي وربنا ... بصي يا سكرة انا والله بشوف اللي اكتر من كده بصراحة أنا مش منقبة بس قاعدة في السعودية من كام سنة وبلبس النقاب زيهم بس والله اللي بشوفوا من معاكسات اقول امال لو مش لابسه النقاب هيعملوا ايييييييييييه
متعرفيش يا بنتي هو الممنوع مرغوب والمرغوب ممنوع ولا ايه
أعوذ بالله عليهم بجد الواحد مش سالم من اي حد .. ربنا يحفظك يارب ويحفظ كل نساء العالم مش بس المسلمين اسكتي يا سها والله حتى اللي مش مسلمين بيصعب عليكي انتهاش لحمهم كده أعوذ بالله ...

..............

وماشي يا سكرة انا كان قلبي حاسس انه حبيبك بس مردتش اقول ... بس خلاص بقى انتي قلبك كبير وقلتي لنا ع السر ... كلنا بنحب البحر بس أنا بقى بحبه بس بخااااف أوي منه لما بفضل ابصله كده بس بحس أني ضعيفة اوي وكأني بغرق في مكاني (: حتى لو في الTV ما علينا

يارب تكوني بخير يا حبيبتي يارب

Angel love

donya يقول...

مساء الخير
حمد الله علي السلامه
طبعا موقف بايخ

مره كان في ست منقبه في مكان ما وواحد ضايقها لحد مامشيت

اخي سأله ليه كده مايصحش الست عملت اللي عليها ولابسه نقاب بتضايقها ليه اعتبرها امك اختك اي حاجه وبعدين مافيش حاجه باينه منها علشان تعاكسها كده
وكانت هتقوم خناقه
الشاب رد عليه لما هي منقبه كده واخلاق ايه اللي مخرجها من بيتها الساعه دي(كانت الساعه 11باليل)
وكمان ايه اللي مخرجها اصلا من بيتها
شوف انت اللي معاك اخوات ومحجبات وعلشان الدنيا متأخر انت معاهم طيب دي منقبه ولوحدها وكمان باليل وبتشتري اكل تيكااوي ليه
اتنقبت تلم نفسها
وكان هتقوم خناقه جامده بين اخويا وبينه علشان طبعا هو كان بيقول الكلام ده بزعيق مع بعض الالفاظ الغريبه

عرفتي هو ده منطقهم مش هيرحموا لا منقبه والا محجبه والا شبه محجبه والا سافره
خلاااااااااص بقي لكل حاله منطق اغرب من المنطق بتاع الحاله التانيه
المهم انهم يقلوا ادبهم وخلاص ويدوروا علي منطق اعوج زيهم

معلش ماتزعليش يكفيكي انه ماشفش منك حاجه وحشه تخليه يعمل كده
ونزلتي مرفوعة الراس

تحياتي

كيكى عوووووو يقول...

والله عارفة مبقتش تفرق الواحدة تبقى منقبة او غير!!!!
الى يضايقك اكتر لو حد عمل كدة مع حد قريبه يعمل شهم اوى قمة التناقد
ربنا يرحمنا
***ايوة ياعم يابتاع البحر..انا ساعات ببقى بجد نفسى ارمى نفسى فى النيل مش انتحر لا بس عايزا يحضنى اوى وخلاص

!! a7mad sala7 !! يقول...

اللى بيحصل فى المواصلات دا مش بايدك ولا بايد اى حد

دا امر واقع
ابتلاء من ربنا واحنا اتحطينا فيه

يبقي احنا الحل فى ايدينا
نحاول نتجنب الابتلاء باكبر قدر ممكن
اصل طالما طلعت من بيتها تبقي معرضة لحاجات زى كده كتير

يعنى المفروض البنت متخرج الا للحاجة
او تخرج بقي بس متركبش مواصلات :D

ربنا يحميكي ويحمى بنات المسلمين :)


اما البحر دا بقي فيا بخته انه بيتقال فيه الكلام الحلو ده :)

مستخلص افندى يقول...

ذلك الفارس النبيل انه انه انه البحر

:D

طريقتك فى التدوين جميله اوى

والسواق ده يلا حسبى الله ونعم الوكيل فيه

اقصوصه يقول...

طلع البحر اخر شي :)

أحمد شريف يقول...

أتمنى لك التوفيق

فاتيما يقول...

حلوة البعتة دى
بقى يطلع ف الآخر البحر
بصراحة !!
يستاهل
حمدلله ع السلامة
و متاخديش ف بالك
على فكرة الواحد لما يكون حزين و مخنوق
بيكون حساس قوى قوى لأى تصرف
و الموقف دا لو كان حاصل فى أى ايام تانية كنتى خديته بشكل عابر و فوتيه
بس انتى اللى مش مستحملة الهوا الطاير يعدى جنب منك
و انا طبعا عارفة و فاهمة
و يا ريت مكونش من الناس
اللى انتى زعلانة منهم قوى دول
اصلى بقيت بزعل ناس كتير قوى الأيام دى مش عارفة ليه
بوسة و حضونات يا حبيبتى
و حمدلله ع السلامة

Tamer Nabil يقول...

حمد الله على السلامة سكرة


الموضوع على فكرة بقى مش حكاية لبس واغراء فى ناس مرضى ينظرون الى الجنس الاخر بشهوانية حتى لو اللبس محتشم


اما البحر حاجة لاتوصف خصوصا مع الغروب ررروعة

مع خالص تحياتى

فراشة يقول...

خياليه جامدة جدا يا سكره
البحر اه منه البحر
اسألينى انا يا سكره
نورتى اسكندرية ونتمنى تكرار الزيارة

اما بالنسبة لما تعرضتى له فهو غير مقصور على الاسكندرية فقط بل تجديه فى كل مكان وفى جميع محافظات مصر
ربنا يحفظك ويحفظنا جميعا
ولا نملك سوى ان نقول حسبى الله ونعم الوكيل

!!! عارفة ... مش عارف ليه يقول...

نسأل الله العفو والعافية

ويحفظ نساءنا جميعاً من أمثال هؤلاء

-------------

أما عن اسكندرية


فكلنا بنحب البحر

والبحر بيحب مين ؟؟ :)


تحياتي
وليد

سجود يقول...

السلام عليكم
انا من حقي التعليق الاول او التاني عشان جيت ومش كانت المدونه راضيه تفتح التعليقات
ههههههههههههههه
عموما خير
ومش تزعلي من الموقف هي البلد كده نعمل اي بقي
الحاجه التانيه انا بحب البحر اوي انا كمان ابقي استنيني المره الجايه وانتي راحه عشان تاخديني معاكي
اتفقنا ؟؟
ههههههههههههه
تحياتي

Angel يقول...

مساءك سكر زيادة يا كرة

اه صحيحي انا مدبساكي في تاج ابقي عدي ع المدونة خديه بقى

صيدلانيه طالعه نازله يقول...

ازيك يا سكره يا قمر
طول عمره البحر حبيب الكل طبعا ماهو مفيش غيره اللى يقدر يحفظ اسرار الكل من غير ما نقول عليه فتان
حمد الله على السلامه
على فكره انتى اول واحده سألت عليها يوم البؤجه اما كلمت فاتيما بس انتى مش جيتى
ياريت نبقى نتواصل مع بعض
ابقى خدى الايميل بتاعى من المدونه و لو عندك مسينجر ابقى ضيفينى

sookra يقول...

حررووف

معلش بقى انتى مشغوله
ربنا معاكى موش حبيت اعطلك
المره الجايه اكيد نبقى سوا
ربنا يخليكى ياقمر
======================
بسكوته المبسكته والمحشيه شيكولاته
تيجى نعمل لقاء ع البحر
ايه رايك
ويحفظك انتى كمان يابسكوتى ياعسل
============================
خواطر شابه

حبيبتى المرأه دايما لديها ردار يرصد لها حركات كل من حولها وانا تكلمت عما شعرت به وصدقينى لم تكن نظرات بريئه اطلاقا
تسلمى
========================
مايكل

منورنى طبعا زى عادتك
ربنا يخرجنا من الدنيا دى على خير
==========================
انجل

حبيبتى ربنا يرحمنا من عيونهم الوقحه ومن كلماتهم الاوقح(حلوه الاوقح دى فصحى موش كدا)
وبعدين على مايبوا ان الممنوع مرغوب ولاايه
--------------
معلش بقى طلع البحر موش الحبيب
وطبعا السعوديه كلها منوره بيكى
وبعدين انا كنت عندك وشفت التدبيسه حرام عليكى
هههههههههههههههه

sookra يقول...

دنيا مساء الشيكولاته
موقف يغيظ والله
طيب تعرفى مره كنت ماشيه وكان معايا اكياس فى ايديا الاتنين وكان الهوا جامد لدرجه انه كان بيخلى اللبس يمسك على جسمى
يرد واحد مقابلنى ويقولى انتى لابسه النقاب على ايه
طيب انا اعمل ايه
قلت حسبى الله ونعم الوكيل
وسكت
منورانى دايما ياجميله
===========================
كيى عوووو
تعرفى المثل اللى بيقول حاميها حراميها
يعنى اللى المفروض يبقى الحامى لانه قريب يكون هو الجانى
ربنا يحفظنا
البحر دا حبيبى
منورانى
===========================
احمد صلاح

يعنى نتحبس عشان الناس الوحشه دى
ولانقول حسبنا الله ونعم الوكيل

البحر
آآآآآآآآآآآآآآآآآآآآه من حبى ليه واحساس الامان وانا جنبه
===========================
مستخلص افندى
ربنا يخليك يافندم يارب
نعم انه البحر
منورنى
===========================
اقصوصه
معلش كنتوا عاوزينه حد تانى غير البحر
لالالالالالالالالالالالالالالا
والف لالالا انه البحر
منورانى

sookra يقول...

احمد شريف

منور يافندم
واحنا ولاد بلد واحده

===========================
طمطم
حبيبتى معلش البعته دى
بس اعمل ايه دا حبيبى ياطمطم
وبعدين انا موش اقدر ازعل منك اكتر من ثانيتين زى ماقولتلك
هاتيلى شيكولاته وانا موش ازعل منك
ههههههههههههههه
طبعا منورانى وبستنى تعليقك ياقمر
ياام يوسف
===========================
تامر نبيل

اه والله عندك حق
دول ناس مرضى نفسيين
ربنا يكفينا شرهم يارب
منورنى انت والبحر بيسلم عليك
=======================
فراشه
خياليه ايه دا احنا كدا على ادنا بس
انا اعلم جيدا انه فى كل الاماكن ولم اقصد الاسكندريه فقط
انا بعشق اسكندريه وبحر اسكندريه
منورانى
==========================
عارفه...موش عارف ليه

اول زياره
منور طبعا
البحر طبعا بيحبنى انااااااااااااااا
ايون انااااااااااااااا
يارب يحفظنا نساء ورجال
مساك شيكولاته
==========================
سجود

حبيبتى هاستناكى المره الجايه طبعا
وبعدين اعتبرى نفسك اول تعليق ولايهممك ياسكر
هههههههههههههه
منوره طبعا

(Joudy) يقول...

بصراحة يا سكرة الحكاية اللى حكتيها مش مستغرباها فى وقتنا ده ودى فى حد ذاتها مصيبه ربنا يبعدها عننا

* * * * * *

أما بقى حكاية البحر مقولكيش دى حياة لوحدها حتى لو بتتخيليه من بعيد

حمد الله على السلامة

دمتى بكل الخير والسعادة