BLOGGER TEMPLATES AND TWITTER BACKGROUNDS »

السبت، 28 نوفمبر، 2009

كما انا .


كما انا وحيده سأظل هكذا
منتظره .
================
تقول : المره دى هانفذ قرارى
يرد: وهو ايه قرارك دا
هى: هابعد عن الناس
هو :يضحك بسخريه ويقول كل مره بتقولى نفس الكلام
كل مره بتقولى هتبعدى والغريب انك بتقربى اكتر من الناس
هى :انا هابعد عنهم بطريقه انا بس اللى افهمها
هابعد عنهم انسانيا
هو : ازاى
هى: انا بتجرحنى اسرارهم واوجاعهم اوى
وانا بوجعهم باسرارى واوهامى وسذاجتى
هو: موش فاهم
هى: ولاعمرك هتفهم
هو :يتغاظ
هى: معلش اسمعنى المره دى
انا كل شويه احاول ابعد عنهم لانى انا لما بقرب منهم بتجرح
كل مره اتجرح
بلاش نقول هما السبب
خلينا نقول ان انا اللى بضيق براحهم
بحتل space
بتاعهم وبدخل فى حياتهم
بس والله موش فضول لكن لانى لما بحب حد بحبه اوى وبتجرح اوى
عارف لما تقرب من حد اوى وتهتم بيه وبكل اللى حواليه وهو يشوف انك بتخنقه
انا نفسى حد يقرب منى كدا يهتم بيا
يحضن قلبى بجد
عشان قلبى بينزف اوى
انا وحيده اوى
هو:يضحك ساخرا
هى :ايوه وحيده اوى
لكن انت متخيل غير كدا


سيبكم بقى من الحوار دا
اسفه بجد لكل اللى يعرفونى
انا موش هابعد عن التدوين
ولا عن مدونتى دى المكان اللى بتكلم فيه براحتى
اعتذار واجب لاى حد بيحبنى بجد
انا هابعد عن نطاقكم الانسانى
كفايه اعرفكم مدونين وبس
انا خلاص غيرت رقمى

=======================

انا ياجماعه عنصر كيميائى نشط اوى
كل مايحاول يتفاعل مع عناصر تانيه دايما لازم يحصله انفجار
وخلاص بجد تعبت من الانفجارات


=============================
اللى تاعبنى اوى كمان انى موش قادره اتقبل الواقع وارضى بيه
لانه عمره الواقع اللى انا عايشاه دا ماكان حلمى ولااملى
وكمان موش قادره احقق احلامى
فيه مليون قيد واساور من دهب وحديد
ادمت ايديا اوى ويمكن كمان تكون قطعت ايديا وجعلتنى عاجزه

=========================
حاسه انى على مرجيحه بتتهز اوى وبتعملى دوخه وموش قادره لااوقفها ولااتحملها
كل حاجه كل حاجه فى حياتى وجعانى اوى
=======================
جوزى وانا واصحابى واهلى وانا وانا وانا
لما بكون لوحدى موش ببقى سعيده ولما اكون مع حد بحاول على اد ماقدر انى ابقى سعيده لانهم ببساطه مالهمش ذنب فى طموحى العالى دا
==============
هو انا موش من حقى احلم ويكون طموحى بعيد اوى
انا بجد موش بحلم باى حاجه ابعد من امكانياتى لكن السلاسل بتمنعنى
====================
تنبيه كدا على جنب
ياريت ماحدش يدخل يقولى صلى وقربى من ربنا لانى موش محتاجه حد يقولى كدا
وكمان ياريت ماحدش يقولى انتى بتقولى موش عاوزه حد يقرب منك عشان الكل يحاول
ياريت كلامى يوصلكم زى ماهو كدا من غير ماتفكروا فى اى خبايا وراه
===================

30 التعليقات:

Mo7ammed يقول...

ياااه ياساسو
من زمان وانا مجيتش هنا ايام الاستايل القديم بس كنت متابعك من بعيد انتى عارفة المشاغل بقى
بس ياعم بقى لينا ناس بتدخل وتعلق عندنا اهه وكبرنا بقى ونسينا هاى فولتا
ماشى ماشى

عموما احنا بنحبك زى مانتى
وانا مش فارقة معايا تغيرى رقمك او لا
انا اصلا مش معايا رقمك ^_^

فى اى وقت شاورى على اى حد من صحابك المدونين واعتبريه ودن وارغى باللى مضايقك
وانا اولهم
بس بحزرك ان نصايحى لولبية وبتودى فى داهية

عموما كفاية رغى بقى

كل سنة وانتى طيبة ياسها ويارب تكونى كلتى لحمة وتخنتى وبقيتى كعبورة كده

يلا سلااااموءا

Mo7ammed يقول...

انا كتبت تعليق مش عارف وصلك ولا لأ
واضح انى حطيته فى حتة تانية

عموما هدور عليه واجيبه

كل سنة وانتى طيبة

Mo7ammed يقول...

ازيك ياساااسو

الأحــــــ إيناس ــــــزان يقول...

ازيك ياساسو
اخبارك اية يارب تكونى بخير

الأحــــــ إيناس ــــــزان يقول...

ممممممممممممم


التعليق رقم كام ياترى

الأحــــــ إيناس ــــــزان يقول...

ربنا معاكى

ودى حياتك ولاذم تاخدى قرارك من نفسك

كونى كما تحبى

خلى بالك من نفسك يا حبيبتى وربنا يطمنى عليكى
بحبك اووووووووووووووووووووووووووووى
سلام

الأحــــــ إيناس ــــــزان يقول...

تعرفى بجد

انا حاسة بيكى وبكلامك ويمكن انا لسة من شوية عملة بوست لما بجد يأسئت من حياتى
حاسة انى ضايعه ومش لاقيه بر للاماااااان تعبت من كل شىء

بجد نفسى ارتاح

ريتاج يقول...

يسعد مساك

عيد سعيد عليكى وينعاد عليكى بالخير يارب

ربنا معاكى

كونى قوووية

تحياتى
ريتاج

أميرة علي كوكب مهجور يقول...

:(
مش عارفه اقول ايه :(
ربنا موجود

blackshwak يقول...

إزيك ياسكره
مش ملاحظه إن العيد جاي السنه دي غير سعيد
وعلي ناس كتيير
هو ليه حياتنا بقت كده
وحشه أوي

لو تتقبلي النصيحه عايز أقول لك حاجه :
الستايل ده طبعا أحسن من الأول بس برده مش مظبط كده
حاولي تشوفي حاجه تانيه

ممكن من هنا

تقبلي مروري

وبالتوفيق دائما

مجرد حلم... صغنتوت يقول...

ساسو
كلامك بيوجع اوي
بس ساعات كتير احنا اللي بنسيب نفسنا كده
ساعات بيبقى كل اللي حوالينا ضدنا بس انا اللي اكتشفته ان مفيش حد بيعرف يخرج من الحالة دي غير لو هو كان عايز يخرج منها... مهما كانت حجم القيود دي ففيها جزء ممكن نهرب منه
انا مقتنعة بكده مع اني مش بعمل كده مع نفسي.. اه عارفة اني انا بس اللي هعرف اخرج من ده لكن برده محتاجة حد يزقني شوية بس لسه مش لاقية اللي يعمل كده
لحد ما ألاقي الحد ده لازم انا احاول اطلع نفسي من ده بأي طريقة علشان انا كده بخسر نفسي يوم بعد يوم اكتر

amirelhob يقول...

بوست جميل اوى وبجد تحفه مش عاديه ابدا وعاجبنى اوى وانتى بتقولى انك عنصر كيميائى نشط عشان الصوره دى معبره اوى


عاجبنى كمان انك عملتى حوار غير عادى صورتيه اوى قبل ما تحكيه ودا جميل جدا لما
بيتعمل بالاخراج الجامد دا والتصوير اللى اكتر من رائع دا

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

مي يقول...

ساسوووووو
مش عايزاكىىىىىىىىى سلبية انتى طول عمرك قوية وياما اتحملتى ودقت عالراس طبول
هى الحياة كده انتى او غيرك كلنا ساعات بتيجى عايزين نبعد مش نشوف اى ناس خدى وقتك ولاقى نفسك بس اوعى تنهزمى ادخلى تحدى مع نفسك انك هتكونى قوية برغم الكل
وانتى اكيد عارفة ايه الصح واعمليه وصممى عليه
واحب اشوفك دايما قوية ومهما تعملى بنحبك وجنبك احنا يابنتى بقينا عاملين زى العقد يارب ماتنفرط حباته ابدا
كل سنة وانتى بالف خير

Baskouta يقول...

كلامك وجعني
كلامك لمسني
يمكن لاني انا كمان نفسي حد يحضن قلبي ويطبطب عليه
يمكن لاني انا كمان حاسة اني زي ورقة شجر في يوم خريف والريح بتوديها وتجيبها من غير اي ارادة ليها
يمكن لاني حاسة ان قسوة الدنيا فاقت كل طاقتي
بس عاوزة اقولك رغم كل شيء لسة ممكن نتقبل الواقع حتى بالامه علشان نعيش في شوية سلام مع نفسنا ومع واقعنا

يارب الواقع بتاعك يبقا زي ما بتتمني يا سكرة كل السكر.

beautiful mind يقول...

سكره
القرار اللي انتي اخدتيه يمكن يكون صواب في حالتك دي
لان فعلا احيانا بنتخنق بمشاكل غيرنا وبمشاكلنا معاها
اعملي لنفسك هدنه وياريت تسترخي وتبعدي عن اي هموم او اوجاع ممكن تاثر عليكي
وان شاء الله كل شىء هيكون تماما
بس رجاء
لو انتي مش عايزه حد يضايقك بمشاكله
فاحنا عايزينك تحكيلنا كل حاجه عنك
عايزين نضايق ياستي
كل سنه وانتي طيبه
ودومتي بخير يارب

فاتيما يقول...

انتى بتحلمى يا ماما
مين دول اللى يسيبوكى
تاخدى قرارت
و مساحتك تتعارض مع مساحتهم
مين قال كدا أصلاً
اكمن سعادتك زهقانة
من العيش و العيشة و اللى عايشنها شوية شويتين تلاتة
يبقى خلاص زهقتينا
إحنا كمان
يا بنتى كلنا غرقى
فى بحر الملل و الوحدة
مش انتى لوحدك
يعنى يهون عليكى
ابقى على مقربة كام متر منك
و اميرة بعدنا بشوية
و إيناس قبلنا و غيرنا كتير
و كل شوية ننده على بعض
عشان نتونس ببعض لحد
ما تعدى سفينة إنقاذ
تاخدنا من وسط الهم ....
ننده مترديش؟!!
متخيلة حالة القلق و الرعب
اللى هنبقى فيها ؟
خلاص وصلتى لمرحلة الصمت يعنى..
طيب
بغض النظر عن الصمت الرهيبى
انا كنت لسه جاية اقولك
إنى حطيت قصيدة لعلى سلامة
و حسيت انها مكتوبة عشانك ....
و كمان كنت عاوزة ابعتلك لينك
لغنوة بسمعها كتير اليومين دول
و كل ما أسمعها بحس إنها إنتى بالمللى
لينكها أهو
http://www.mawaly.com/music/Latifa/track/18187
تقومى تقولى مساحة
و سباس
و ابصر إيه؟؟
يا سكرتى احنا بنحبك
بغض النظر عن أى شىء
و الحالة دى شوية و هتروح لحالها
و هترجعى تفتحى الخط تانى لما نفسك تجيبك تكلمى اللى بيحبوكى
انا مش متضررة لأنى معيشش الرقم
و انتى عارفة العقدة بشنيطة بتاعتى فبالتالى مش زعلانة
و مش هدخل أقولك قربى من ربنا
و لا حاجة دى امور
بين كل واحد و ربه ...
الملخص عشان مطولش عليكى
و أزهقك اكتر منتى زهقانة
كلنا بنحبك يا سكرتى
و دا كفاية علينا
بغض النظر عن أى شىء
انتى بتمرى بيه
بس خلاص

romansy يقول...

كل سنه وانتى طيبه
انتى فاكره ان بعدك عن الناس دا الحل الوحيد
انا مش معاكى
والله اكيد هتلاقى فيه حد خايف عليكى ونفسه يقتحم حياتك
بس ممكن خايف احسن تكون فعلا عنصر كيمائى
خايف احسن تصديه
ممكن

دى فتره وتعدى

حـــلـــم كــــان يقول...

ساسو

مالك يابنتى

بلاش المود ده

خليك قويه ومتخليش

حد يكسرك ولا يزعك حتى

⊰Ĥ!bØ11⊱ يقول...

الوحدة تفيد احيانا

عيدك مبارك سعيد

سلام

micheal يقول...

صدقيني ولا أنا كمان عارف أتعامل مع الواقع ولا حتى أضيق الفجوة ما بين أحلامي وواقعي
:((
كل سنة وأنتي طيبة
أتمنالك عيد سعيد
تحياتي

blue-wave يقول...

حاسس انك فى صراع داخلى عنيف
ربنا يارب ينجيكى منه

عاشق الجنة من الإخوان صلى على النبى يقول...

بجد احساس رائع وشعور جميل يدل علي الصفاء والنقاء
بجد ربنا يوفقك
كل عام وانتم الي الله أقرب وعلي طاعته أدوم
كل عام وانتم بخير
صلي علي النبي

اسماء واحلام فى وجدانى يقول...

ازيك يا سكرة
كل سنة وانتى طيبة
انا جيت اطمن على تعليقى اللى كتبته من يومين لانه من رعايا فلاقيته لسة محبوس ممكن شوية هوا التعليق هيموت م الحبسة

اسماء واحلام فى وجدانى يقول...

ايه يا سكرة من الواضح ان مزاجك اليومين دول عايز ظبط زوايا ،، لا بجد انا دخلت هنا وخرجت تانى قلت اكيد دخلت او دوست على رابط غلط من عندى ، التغير فى حد ذاته حلو انما باستمرار ،، ممكن نعمل حزب عليكى ونقيم عليكى الحد انا بحذر اهو وفكرة معايا طبعا

الشعب لابد له من حكومه تشكمه يقول...

اسمحيلى اطبطب عليكى واقولك معلش,,,

صدقينى احاسيس هتعدى وهتاخد وقتها,,اوعى تسيبى نفسك ليها هتغرقك..
انا عارفه انك هتقولى ان ده بيكون غصب عنك بس صدقينى حاولى على اد متقدرى متعشيش فيها.

اقولك فى مفاوضات جامده جداا اليومين دول علشان نعمل لقاء بنات فى بعضينا نعمله مخصوص علشانك بس اوعى تقولى انك مش هتيجى ونقعد نرغى براحتنا لان المره اللى فاتت معرفتش ارغى معاكى الدنيا..
عاوزه اشوفك على الميل اوك...

سمسم يقول...

عيد سعيد

Mona يقول...

أنا لن أكتب لك سوى أن تكونى أنت كما تردين ولاتتخذى أبدا قرارات فى لحظات أنفعال\حزن أو ضعف - وزى ما قلت لك أنا أراكى بنوتة صغيرة رغم أنك متزوجة ولا أعرف لماذا هذا الشعور عموما لو أحتاجتى أى شىء يمكنك ترك تعليق عندى فلن يراه أحد غيرى وطلعى كل الى جواكى فى الكتابة أى كان ما ستكتبين هذا مكانك ولاتجعلى أحباطات الزمن تلقى بك بعيدا -

شاب فقرى يقول...

خلاص وصلتى لمرحلة الصمت يعنى..
طيب
بغض النظر عن الصمت الرهيبى
انا كنت لسه جاية اقولك
إنى حطيت قصيدة لعلى سلامة
و حسيت انها مكتوبة عشانك ....
و كمان كنت عاوزة ابعتلك لينك
لغنوة بسمعها كتير اليومين دول
و كل ما أسمعها بحس إنها إنتى بالمللى
لينكها أهو
http://www.mawaly.com/music/Latifa/track/18187
تقومى تقولى مساحة
و سباس
و ابصر إيه؟؟
يا سكرتى احنا بنحبك
بغض النظر عن أى شىء
و الحالة دى شوية و هتروح لحالها
و هترجعى تفتحى الخط تانى لما نفسك تجيبك تكلمى اللى بيحبوكى
انا مش متضررة لأنى معيشش الرقم
و انتى عارفة العقدة بشنيطة بتاعتى فبالتالى مش زعلانة
و مش هدخل أقولك قربى من ربنا
و لا حاجة دى امور
بين كل واحد و ربه ...
الملخص عشان مطولش عليكى
و أزهقك اكتر منتى زهقانة
كلنا بنحبك يا سكرتى
و دا كفاية علينا
بغض النظر عن أى شىء
انتى بتمرى بيه
بس خلاص

'' حطام (ك) بقايا '' يقول...

مش عارفة اقولك ايه يا حبيبتي
غير اني كنت فعلا اتخدت القرار ده قبل من شهرين او شهرين و نص كده
و كانت عندي عزيمة قويةةة قوييي
بي في الاخر لقيت نفسي بقرب منهم اكثر و بخسر حاجات اكثثر

الصراع اللي بيتولد جوانا هو الحاجز


ربنا يوفقك للي فيه الخير ليكي يا حبيبتي ياااااارب
وانا هدعيلك من كل قلبي بجد

اسماء واحلام فى وجدانى يقول...

سكرة
كل اللى عايز اقوله كلمتين وبس

ليه كده










بالنسبة لتعليقك عندى كل اللى عليكى تغمضى عينك وتحلمى هتلاقى الحلم قرب منك اوى وبقى حقيقة تعرفى بجد وهتلاقى كمان الامل معاه وبعد ما تفوقى هيروح الحلم بس هيفضل معاكى الامل وده دورك اللى المفروض تعمليه لان الحلم اللى شوفتيه من شوية مش بقى حلم ده بقى جنين فى خيالك المفروض تعيشه علشانه والامل اهو موجود
كلامى ممكن يكون بالنسبة لك كلام خيالى بس انا فعلا باكلمك جد طيب جربى حاولى تجربى وشفى ايه اللى هيحصل ممكن تقابلك عواقب لكن الامل بجد يا سكرة جميل اوى وهو اللى بيقوينا
وهاستنا رايك