BLOGGER TEMPLATES AND TWITTER BACKGROUNDS »

الأربعاء، 18 نوفمبر، 2009

اعتذار..


هو انا ليه كل مقرب من حد يبعد عنى
هو انا وحشه اوى للدرجادى
بجد نفسي اموت
حد قالي
بقيتي منتشره اوى على النت وكمان بقى ليكي اصحاب كتير
بس يارب يكون ليهم لازمه
على ما يبدوا من كل اللي بيجرالى ان
انا اللي ماليش لازمه فى حياه اي حد
انا تعبت اوى بجد
نفسي ابعد عن الناس وكل ما اقول كدا واحاول انفذه
الاقينى بقرب منهم اكتر وارجع اتجرح واتوجع تاني
هو انا خلاص جسمي نحس موش بقى بيفرق معايا كل الوجع دا ولاايه
ليه يبقى فيه حد فى حياتنا نتخدع بيه ونقرب منه ونحبه كمان وفى الاخر
يطلع انه كان بس من وجهه نظره انه قرب مننا عشان عنده امل فينا انه يساعدنا اننا نبقى احسن
هي ليه الناس بقت كدا
ولاانا اللي كدا وموش واخده بالى
هو ليه الوجع بيوجع اوى كدا
ااااااااااااااااه
ياحرقه قلبى
تعرفوا نفسي فى ايه وتمنيته كتير
الموت والحياه
يعنى ابقى ميته بس حيه فى الوقت نفسه
عارفين وضع الرجوع الى وضع الجنين
اللي فيها نبقى عايشين لكن منفصلين اوى عن الواقع والدنيا
كدا موش نغضب ربنا ولابنزعل حد ولابنزعل من حد
كدا احسن
قالوا ان لو اخدت حقنه انسولين وانا موش عندي سكر هتخلينى ابقى فى حاله كدا لاهى حياه ولاهى موت
بس دا تعذيب واعتقد انى موش استحق عذاب اكتر من اللي انا فيه
انا فيه اللي مكفينى وزياده
بحاول هنا انسى همي لكن غصب عنى بيطغى عليا
اسفه بجد لاى حد زعلته او اي حد جرحته من غير قصد
والله والله والله عمري ما فكرت انى اجرح حد او اغدر بحد او ان استغل حد باي شكل من الاشكال
اسفففففففففففففففففففففففففففففففففففففففففففففففففه لكل الناس
اسفه اصلا انى موجوده
اسفه انى عايشه
اسفه انى بتنفس
اسفه لانى موش عارفه ارتاح
اسفه لسها ولكل الناس

7 التعليقات:

حـــلـــم كــــان يقول...

مالك ياساسو

فيك ايه

دانا كنت جايه اقولك وحشتنى

Heba Gamal Emara يقول...

سكرة حبيبتى
ليه بتقوللى كده بس
هو فى ايه
وايه اللى حصل علشان ده كله
بصى من واقع الجرح اللى اتجرحته والتجارب اللى مريت بيها رغم صغر سنى وبعد فترة جرح طويله اقوللك مفيش اى حاجه فى الدنيا تستاهل زعلك ده
ومتسمعيش كلام اى حد يقوللك اى حاجه
لان مش اى حد بيقوللك حاجه بيبقى عايز مصلحتك
وربنا يصلح احوالنا كلها

Lyssandra يقول...

ليه كده يا سها ؟؟

يا حبيبتي كلنا بنتضايق وكلنا بنزعل وكلنا بنمر بمواقف بنتمني لو اننا نكون ابعد مانكون عنها
وكلنا ممكن نتمني زي ما قلتي

لكن يا حبيبتي .. لا تمنّوا الموت

يا سها انتي حد طيب وجميل ونقي
وحرام تقولي آسفه اني عايشه
احنا كنا اشتكينا منك يا بنتي ؟؟

وبعدين اللي مش عاجبه هو اللي يبعد

انتي بس استهدي بالله
وشيلي أفكار الحقن والحاجات دي من دماغك
ربنا يرضي عنك

بصي
الحاجة الوحيدة اللي المفروض تعتذري عنها هو البوست ده وكم اليأس اللي فيه

استهدي بالله
وبلاش تفكري كده مرة تانيه

يارب لما اجي المرة الجاية ألاقيكي بخير

...

Lyssa

blue-wave يقول...

ليه يا بنتى جلد الذات دا؟؟؟
اهدى بس وانتى هاتعرفى ان ليكى قيمه كبيرة ف حياتنا كلنا

عاشقه وغلبانه يقول...

مالك ياضنايا
ايه اللي مزعلك
شايله طاجن تيتا فوق دماغك ليه يابت
الظاهر والله اعلم ان كل اللي بيضحكوا من بره مولعين من جوه
هههههههههههههههه

ايه الكأبه اللي انتي فيها دي
واسفه ووضع جنين وانسولين فاطر وصايم انتي ناويه تحللي ولا ايه

يخربيت دماغك دي
شويه جاز بقي وعود كبريت واخلصي

ده انتي حتي ماتصلتيش بيا تقوليلي ازيك وحشتنيني اي كلمه حلوه من بتوع العشاق دي من يوم اللقاء

وبعدين انتي مش شايفه المنتخب خسران والناس علي اخرها جايه تزودي همهم

من الاخر
انتي في الدنيا
ان لم يسعدك الاخرين حاول اسعاد نفسك
لو مش مهمه لاي حد كوني مهمه لروحك
اللي مش عاجبه يخبط دماغه في الحيط

تيجي ابقي مهمه ليكي وتبقي مهمه ليا ونحط خيبتنا علي بعض
وممكن نجيب رحيل معانا

روحي بقي يابت انا اساسا زعلانه ع المنتخب ومقهوره ومش هاخرج من بيتنا 3 ايام حداد

دقيقه حداد
علي قلبي دقيقه حداد
علي روحي دقيقه حداد
عارفه انتي ام الاغنيه الكئيبه دي والمطرب العاطفي ده
اصلي ماعرفهوش


تعاليلي ع الميل

sookra يقول...

حلم كان

ولايهمك ياقمر دى حاله وراحت لحالها
وانتى كمان وحشانى
==================================
هبه جمال

ربنا يصلح احوالنا ياقمر
بس الصوبه لما اللى يقولك كلام يبقى بالنسبالك موش اى حد
صح؟؟
وربنا يعوضك خير بجروحك اللى فاتت
===================================
اليساندرا

تسلميلى ياجميله يلوردشان ياسكر انتى
اخجلتينى بكلامك الحلو عنى دا
==================================
بلو وييف

تسلم يارب ويارب اكون عند حسن ظنكم
==================================
عاشقه وغلبانه

تيته الطاجن بتاعها اتحرق
وانتى السبب
انا ياختى بتصل انتى اللى عاملالى فيها مهمه وموش بتردى
هههههههههه
سيبك انا طلعت من الحاله دى
خلاص موش عاوزه تحاليل ولاانسولين ولاحاجه
هههههههههههههههههه

ahmedmisry يقول...

عفواً
أول مرة دخول لي عندك لكن رغم أني لم أعرف هُوية شخصيتك بعد .. إلا أن أمنياتك مهما كانت صحة مبرراتها مخطئة تماماً

تفائلي بالخير تجديه وقومي ذاتك إن وجدتي بها الخلل وصدقيني إن كان بعد الناس خاصة من هم من العوام عنك لمبدأ تريه أنه صواب ومبدأ فدع عنك لوم الناس .. وتوكلي على الله فهو حسبك