BLOGGER TEMPLATES AND TWITTER BACKGROUNDS »

الجمعة، 27 نوفمبر، 2009

من يهتم حقا؟!!


على مايبدوا كدا والله اعلم
ان انا عنصر كيميائى غريب ولاحاجه
كل مايحاول انه يتفاعل مع عنصر كيميائى تانى
تطلع فى الاخر معادله مايعلم بيها الا ربنا
ما الاقيش دكتور يعرف كيميا كويس كدا يشوف ايه حكايتى او يشوف حكايه العناصر التانيه
اهو موش حارماكم من حاجه
بهزر اهو
عاوزين ايه تانى بس
عيد؟
عيد مين ياعم
هو جه عندكم ؟!!
اصله لسه موصلش عندى
يوم عادى جدا زى كل الايام التانيه
ممل وخنقه
اوف حاجه تغيظ
الروتين اليومى
اظبط البيت الصبح
اجهز الفطار
انا موش بفطر غير الدهر
يعنى بجهزله للى فى البيت
اجهز الغدا
حماتى تيجى تعيد عليا
تتغدى معانا
ويقعدوا الحريم
يلوك لوك
فى حاجات موش تهمنى ومعرفش اندمج فى حوارهم
الجهاز والعيال والجواز
يخرب بيت كدا
تمشى حماتى
ماما تهزئنى عشان ماكنتش طول الوقت مندمجه معاهم
وانا اعملكم ايه ياولاد التيت انتوا
اتكلموا فى حاجه افهمها وانا هارغى مع امكم كمان
اشطب المطبخ
تغلس حنون عليا شويه
ادخل اوضتى واقعد قدام الكمبيوتر
تيجى ماما
انتى مالكيش شغله غير اللى يتحرق دا
ارد ببجاحه وانتى عاوزه ايه؟
تقولى انتى قليله الادب
اقولها قديمه
تتغاظ اكتر وانا اتبسط اوى لما احاول ابقى بارده وانجح فى كدا وماما تتغاظ
تقولى انتى ماعندكيش دم
اقولها اتبرعت بيه
تخرج وهى بتشد فى شعرها طبعا بعد محاضره طويله عن الكمبيوتر وعنيه اللى هتبوظ منه
اكبر ولايهمنى
تيجى نرمين وتدخل تقولى تعالى سكتى اسامه اصل موش عارفه اسكته
طبعا لانى خلاص الكيل طفح من انها بتتكل عليا فى تربيه عيالها ولانى بجد ماعدش عندى اعصاب ولابال انى ادادى واهنن
ارد واقولها اخرجى وسكتيه انتى
ترد انتى مابتحسيش الواد بيعيط وهيموت من العياط
ارد ماليش دعوه ماخلفتوش ونسيته
ييجى بابا هو انتى ايه الافترا دا
الواد بيعيط وانتى ولاعلى بالك
ايه
ارد بقى بصوت عالى ولايهمنى هو انا امه
انا ماحدش يقولى عيال
اللى عاوز عيال يتحمل مسئوليتهم
انا مايلزمنيش عيال
وماليش دعوه برده
ماما عاوزانى اقعد ارغى معاها فى المسلسل اللى شافته عشرين مره وانا موش لازمنى اشوفه للمره التلاتين
حفظته خلاص
فى النهايه
اقفل الكمبيوتر واروح اقعد جنبها
واقولها كدا ارتحتى ؟
ترد الهى ماترتاحى يابعيده
البعيده دى اللى هى انا وعلى فكره ببقى جنبها
موش عارفه ليه تقول يابعيده
اقولها انا موش بعيده
انا جنبك هنا اهو
ويسلام بقى لو مامسكتش اعصابى ودا بقى بيحصل كتير
اعلى صوتى واصرخ وممكن اشد فى شعرى
واكسر اى حاجه قدامى كدا
ولايهمنى
وانتوا كمان طبعا ولايهمكم
سلام

30 التعليقات:

الأحــــــ إيناس ــــــزان يقول...

مممممممممممم


من يهتم

انا هنا ياقمر ممكن اهتم

الأحــــــ إيناس ــــــزان يقول...

مبروك اللوك الجديد

دايمآ فى تقدم
ربنا يسعدك يارب ويكرمك خير

الأحــــــ إيناس ــــــزان يقول...

كل سنة وانتى طيبه عيد سعيد عليكى وعلى الامة الاسلامية جمعاء واسرتك الكريمة يارب

الأحــــــ إيناس ــــــزان يقول...

مبررررررررررررررروك

لولولولولولوىىىىىىىىىىىى


انا اول تعليق يا جرررعان

هههههههههههههههههههه

الأحــــــ إيناس ــــــزان يقول...

ربنا يسعدك يارب
حساكى كده مش طبعية بقا ليكى فترة ياترى مالك حبيبتى
ربنا يعوض صبرك خير يارب ويكرمك
واللى جاى اكيد هيكون احسن
بحبك
اووووووووووووووووووووووووى
موووووووووووووووواة

الأحــــــ إيناس ــــــزان يقول...

مش لوحدك بيحصل معاه كده
انا كمان ضاق بيا اووووووووى والله بضحك وبهظر وجوايا هموم ما يعلم بيها االا ربنا
ربنا يفك كربك وكربى

معلهش هى دى حال الدنيا ربنا معانا يارب

متزعليش نفسك
بحبك اوووووووى

sookra يقول...

الاحزان ايناس

هيييييييييه نوسه احتلت البلوج بتاعى ياجدعان
لولللللللللللىىىىىىىىىىىىىى
ياخراشى دا يشرفنى يانوسه انك تهتمى
بس خايفه عليكى لان اللى بيقرب منى بيتوجع وانا خايفه عليكى
كل سنه وانتى بالف خير يارب واسرتك كمان يارب
وهابى خرووووووف

فاتيما يقول...

إيه دا
دى إتهامات خطيرة اللى بتلقى جزافا دى و متسالنيش يعنى إيه جزافاً دى ..عشان مش موضوعنا ..
إحنا موضوعنا دلوقتى
إن سى عيد مجاش و لا شكله جاى الأيام دى خالص
قوم إحنا روحنا تبقى فى مناخيرنا و منبقاش طايقين حد و قطتنا تبقى جمل
ليه بقى ؟؟
أقوووولك
عشان فيه شعور إنسانى مهم قوى بييجى للواحد إسمه الإحباط
تعرفيه!!!
طبعاااااااااا
و الاحباط يا عزيزتى فى أبسط تعريفاته هوه الشعور بالحزن الممزوج بالغضب الشديد من جراء توقع شىء بشدة ثم عدم حدوثه ....
و دا اللى حاصل حاليا معاكى و معايا و مع أميرة على كوكب مهجور و كمان إيناس و مع ناس كتير حاسة إن العيد مجرد أيام فى نتيجة و خبر مكتوب فى الجريدة الرسمية و الفضائيات عملاله فواصل بتنطط فيها الخرفان ....
انتى توقعتى تصرفات معينة
لم تحدث
طبيعى تبقى مش طايقة لا روحك و لا الارواح اللى حوالين روحك
بس هقولك إيه؟؟
هما برضو ملهمش دعوة بحاجة قوى
مش هما المسئولين عن إسعادك او إتعاسك
هما اعتبروا نفسهم إنتهوا من اداء هذه المهمة من زمن ....فمعلش
نرجع بقى لموضوع جزافااااا
و احب من موقعى هذا أقولك
إنى مهتمة و جدا يا ست سكرة
و انا زى سعادتك مقضياها قصاد الكمبيوتر و بقول الحمدلله
لولا المدونة و المدونات و المدونين كان زمانى نازلة عياط طول اليوم بدل مانا دلوقتى بعيط عياط متقطع كل ما اتفرج على حاجة فى التلفزيون و تفكرنى بيوسف
قوم إكتئب و اقعد أسكت فى روحى ...
روقى يا سكرتى
بكرة الهم يروح
إن شاء الله
مكعرفش نحارب الغحباط بإيه؟؟
كنت عالجت روحى
بس هقولك أيام و تعدى
لازم هتعدى
النيولوك محاولة كويسة ..عملت كدا فى مدونة يوسف من باب الزهق
مش بقولك نعمة
التدوين دا نعمة
و الحمدلله على كل شىء
سلام يا حبيبتى
هبقى اجى أشوف اخبار الجزافا إيه تانى
بوسة و حضونات مؤكتااااا

حلم بيعافر يقول...

اللوك الجديد ده ملخبط المدونة

انا طبيعة زكيميا ممكن اخدمك

بس كله بحسابه انا معنديش ياما ارحمينى

عاشقه وغلبانه يقول...

استني كده يمكن ازغرط
لوووووووووووووووولي
اخيرا غيرتي الخلفيه اللي كانت بتخلي المدونه تهنج عندي
ياااااااااااااه


وبعدين يابت انتي مش لازم تسيحلنا وتقول دماتره نفسويين وكده
انا كده مش هاتجوز
كده المجتمع هايرفضني
عااااااااااااااااا

منك لله

sookra يقول...

حلم بيعافر

شكلى كدا هاجى اعافر انا كمان
هههههههه
بعدين ايه البلد دى اللى كل حاجه بحسابها
ماحدش يخدم كدا لوجه الله
هههههههههههه

sookra يقول...

غلبانه ومغلبانى

هههههههههه
زغرتى ياللى مانتيش معانا
هههههههههههههه
لوللللللللللللللللللللللللللللللىىىىىىىىىىىىىىىىىىىىىىىىىىىىىىىىىىىىىىىىى
ومين دا اللى يقدر يرفضك
انتى هنا فى مملكه سها ماحدش يقدر يكلمك غيرى انا طبعا
ههههههههههههه

sookra يقول...

فاتيما

حبيبه قلبى
تصدقى بالله
انا زعلانه جدا لانى موش قادره اسمع صوتك
والله حرام عليكى كدا
وبعدين ايه جزافا دى جبتيها منين
ههههههههههه
وحشانى اوى ياطمطم وربنا
المشكله ان النهارده المفروض عيد
والمفروض انى ابقى سعيده زى سعيد
بس اليوم كان زى اى يوم تانى يبقى فين الاختلاف
انا اقدر اصنع الاختلاف دا ياطمطم انا متاكده لكن فيه قيود كتير حواليه
العيب والعادات والتقاليد
كل دا مقيدنى بسلاسل حديد
وانا اديا بتدمى منها وقلبى كمان
قلبى بيوجعنى اوى ياطمطم
انتى بتقولى كنتى عيطى طول الوقت
انا كل مااختلى بنفسى ببكى ياطمطم
انا تعبانه
اعذرينى عارفه ان عندك مايكفيكى
اعذرينى حبيبتى

romansy يقول...

كل عام والمسلمين فى مصر والعالم الاسلامى بكل خير ومحبة وسلام لكل الانام

عيد اضحى سعيد

اعاده الله على الجميع بالامن والاستقرار

والسرور والتسامح

romansy يقول...

مظلومين مظلومين بجد
بس بقى بزمتك انا عارف انك اوقات كتير بتتخنقى من شغل البيت زى اى بنت
بس اكيد بيت الزوجيه هيكون مختلف بتاتا

blackshwak يقول...

نفس الرد اللي رديته في كل المدونات الليلادي
أنا متابع - بس سامحيني في اللفظ - النفسيه زفت
فهبقي أعلق بعدين

أميرة علي كوكب مهجور يقول...

حلو النيولوك وحلوة اغنيه منير دي اوي
هو احنا مالنا بجد:(وايه اللي حصل وليه كده:( اسئله كتير مملله سخفيه وملهاش رد

يارب

فراشة يقول...

بجد اخيييييييييرا المدونة بتاعتك رضيت تفتح شكلها كان زعلان من حاجة هههههه

المهم يعنى فعلا زي ما فاتيما قالت احنا كنا مستنيين اجة تفرنا بما انه عيد بقة ومصلش اجة جديدة
فأبطنا ......

وبلاش تفكرينى بموضوع العيال دا
انا اختى بتصحينى الساعه 8 عشان اطلع انام جنب بنتها عشان هي تروح الشغل
ههههههههه وانا اللى ااكلها وانيمها
هي متعه بس مش كل يوم بنزهق برضه
عيد سعيد وع فكرة العيد لسه جاش عندي

اسماء واحلام فى وجدانى يقول...

يعنى بقى مش لازم كل سنة وانتى طيبة لانه يوم عادى يعنى طيب
كل سنة وانتى طيبة
اصلها عادة وربنا ما يقطعلك عادة
ويرزقك برزق الصالحين ويبارك فيكى اللهم امين ويحميكى من نظرة العين ويخليكى محروسة دايما من الحاسدين
ويبعد عنك الوحشين يارب العالمين
وكل سنة وانتى وكل اللى فى قلبك طيبين
يا سكرة يا مؤمنة
بكرة ربنا يرزقك بطفل يردلك اللى بتعمليه فى اسامة وشوفى بقى مين هينقذك منه ومن عياطه

شاب فقرى يقول...

فعلا يوم ممل

دا انا حسيت بالملل وانا قاعد ف بيتنا

ربنا يصبرك ويقدرك تكونى احسن وزى الفل

اه صحيح

وكل سنة وانتى طيبة

شاب فقرى

Hager Za3bal يقول...

ليه بس الموود ده .. وليه الهرووب بالشكل ده

اقولك
العيد هيجي عندك وهتتبسطي اوي .. قومي انتي بس كده صلي ركعتين :)

donya يقول...

صباح الخير

كل سنه وانتي طيبه

في مقوله بتقول خاللي العيد لصحابه

اكيد ان شاء الله هنكون في يوم من الايام اصحابه

وبالنووووسبه للوجع طبعا اتوجعت مش كتير وبس لا اتوجعت اوووووي


تحياتي

فاتيما يقول...

يا حبيبتى انا عذراكى
و عارفة و حاسة كل كلمة بتقوليها
و كمان كل كلمة مش عارفة تقوليها
عشان كرامتك ناقحة عليكى
و بريستيجك العاطفى و الإنسانى معذبك بسببها ..
بس هقولك إيه؟؟
انا لقيت حل مؤقت فى البوست الجديد اللى كتبته النهاردة
تعالى و ادلى بدلوك يا ست هانم
و بلاش تدخلى بإسمك حتى
خليكى إنونيمس
بس انا برضو هعرفك
عارفة ازاى؟؟
هلاقى تعليقك ريحته حلوة سكر فانيليا
و طعمه حلو و مسكر
يا حتة سكرة تحلى الخمس محيطات
روقى و عاوزة كمان اقولك
إن سعيد المنتسب إليه العيد
أصلاً اللى يتكلم معاه
يلاقيه
مش عارف يعنى إيه سعادة من اساسا
ربنا يهونها عليكى
و علينا يا حبيبتى
بوسة و حضونة يا سكرتى

Manamino يقول...

كل سنة وانت طيبة ويارب عيد اضحي سعيد
عليكي وعلي كل الناس اللي بتحبيهم وبتتمني ليهم الخير
ههههههههههههههههههههههههههههههههه
بلاش برود في العيد كمان
لايميها شوية وجاري الناس في الكلام
حتي لو كلام مالكيش فيه
الكلمة الحلوة حسنة
ربنا يكرمك ويسعدك

حرروف يقول...

كل سنه وانتي طيبة يا سها نفس الاحساس بجد
بس انتهي
باني قصيت شعري واتغابيت عليهه اوي

خواطر شابة يقول...

جميل اعتبار الشخصية مادة كيميائية قابلة للتفاعل طرح مختلف ويعطي تفسير لعلاقات ناجحة وعلاقات تؤدي لانفجارات رهيبة ههه
بالنسبة لفرحة العيد طبيعي احنا كبرنا أكيد الفرحة اللي كنا بنحسها واحنا أطفال راحت خلاص على رأي الست "وعايزنا نرجع زي زمان قول للزمان ارجع يا زمان"
هجبني كثير الوصف التفصيلي ليوم العيد وللخناقة مزيج رائع من كوميديا وتراجيديا يعني تعاطفت معاك وضحكت معاك في نفس الوقت
عذرا على الاطالة مرة تانية عيد بتمناه لك سعيد ان شاء الله
مع تحياتي

صوت فيروز يقول...

ازيك يا بعيده ااااااقصد يا سكره ...عامله ايه كلنا كده يا اوختشي و لا يهمك سيبك انت العيد جوانا و احنا اللي بنعمله....اعمليلك عيد جواكي ...كل سنة و انت طيبه

beautiful mind يقول...

سكره
ماشاء الله دمك خفيف اوي
فعلا حسستيني بجو البيت والخناق هههههه
كل سنه وانتي طيبه
وعيد سعيد عليكي وعلي جميع الاسره
وعلي فكره احنا زمايل مهنه واحده
تقبلي مني كل تحيه

wella يقول...

ههههههههههههههههه
هههههههههههههههه
هههههههههههههه

عارفة اية اللى يضحك فى الموضوع واول حاجة اقرئها ليكى انك عوزة تبعدى عن الناس
انا فهمت قصدك

بس انا امشى يعنى ماجيش تانى ولا اية هههههههههههه


ربنا يسعيدك يارب ويشرح صدرك

حاولى تخرجى لوحدك تتمشى يمكن تستريحى شوية

يوميات الحارة يقول...

جميل شكل المدونة لكن المواضيع المكتوبة اصبحت فى اسف الصفحة كنت هشك انى الموضوعات محذوفة
عيد سعيد وجميل الحوار جدا