BLOGGER TEMPLATES AND TWITTER BACKGROUNDS »

الثلاثاء، 10 نوفمبر 2009

الحزن...؟



عاوزين نعرف تعريف الحزن فى القاموس(لا دي موش حصه عربي)
الحزن:
معاناه عقليه شديده او محنه تحدث بعد مرض اوخساره شديده,ندم شديد.
اما فى الحياه
الحقيقيه:
فالحزن قد يبدوا بمختلف المظاهر
التي لاتمت للحزن بأي صله فمثلا ممكن ان يكون بالاهتمام بشيء لا يستحق الاهتمام او زي حالاتي كدا انى ممكن انام 48 ساعة متواصل اصحى وانام واصحى وانام على طول.
كما قالت اليزابيث كوبر روس
اننا حينما نمر بمرحله خساره فادحه او نمر بحاله موت فاننا نمر بخمس مراحل للحزن.
1-الانكار:
وذلك لاننا نعجز عن التفكير فى خسارتنا ونكذب حدوثها
ولا نستطيع تخيلها ولكن الافضل لو اننا نعبر عنه عندما نشعر به ونعبر عنه على قدر استطاعتنا وهكذا ننتقل للمرحلة الثانية وهى:
2-الغضب:
اننا نغضب من الجميع ونغضب حتى من انفسنا ونلوم انفسنا دائما فى تلك
المرحله
ثم
تاتي المرحلة الثالثة وهى:
3-المساومة:
نتوسل ..نحتج..نقدم كل
مانملك حتى ارواحنا واسوا ما فى الحزن اننا لا نستطيع ان نتحكم به وحينما تفشل المساومة ويصعب علينا التعبير عن غضبنا فاننا ننتقل لمرحله اخرى وهى:
4-الاكتئاب:
نكتئب ونيأس الى ان نقتنع اننا بذلنا كل
ما بوسعنا ونفذت مننا كل الحيل هنا وهنا فقط نصل للمرحلة الاخيرة وهى:
5-القبول:
هنا يجب علينا ان نتقبل حزننا ونتعايش معه وهنا تواصل حياتك برغم عدم قدرتك على التنفس فانه دائما
ما يخطف انفاسك والاسوا عندما تعتقد انك قد تخطيته ولكنه يبدا من جديد مره اخرى .

ان وقت الحزن يختلف من شخص لاخر ولكل منا طريقته.
حينما تتذكر انك فى يوم من الايام وبطريقه ما..يستحيل..ان تشعر بهذا الاحساس ..فانه لن يؤلمك بهذا الشكل.



29 التعليقات:

~PakKaramu~ يقول...

Pak Karamu visiting your blog

احلام جوليا يقول...

حكون اول المعلقين عندك وده بجد يشرفني يا سكرة السكرة

احلام جوليا يقول...

حجزت اول تعليق علشان ارجع اكلمك
سكرة يا حبيبتي كلام بجد مسني قوي وفكرني موقف كان من اكتر من سنة كان والدي مريض جدا ومريت بالمراحل دي كلها ولما كنت في مرحلة الغضب قالت لي صديقة ان اختبار الايمان الحقيقي هو في ردالفعل الاولي تجاه المصيبة لكن انا ايامها كنت رافضه وغاضبة من الاحساس بان لاحل لابي كنت حسة برفض تام وغضب شديد وحسيت ان لا ابدا انا مؤمنة بس اثناء المصيبة رغم عنا بنغضب احنا بشر وده مش قله ايمان بس ضعف انساني مريت بالمراحل دي كلها وتعبت قوي ولما قريت البوست بتاعك بجد حسيته وحسيتك وقلت البت سكرة السكرة شاطرة عرفت تشرح الحكاية صح وتفهم الناس صح يعني ايه حزن
يا ه يا سكرة فكرتيني والله بالحزن الذي لا ينسى

فكرة من الزمن ده يقول...

سكرة ايه حصة النحو اللي على الصبح دي
هههههههههه
لا بجد كلامك صح وتحليلك منطقي لكن احنا لما بنكون في المشكلة اكيد مش بنحس بالتسلسل ده
ومش بنشعر الا بالالم

تحياتي
وبحبك في الله

'' حطام (ك) بقايا '' يقول...

المشكلة انه احنا ايماننا ضعيييف
المؤمن القوي هو من يصبر على ما ابتلاه الله لانه متاكد انها اختبار من ربنا ليه
بس احنا بنستسلم و نياس و نسيب الحزن يعمل عمايله فينا

الموت البطيئ هو اصعب مرحلة قد نمر بها ضمن هده المراحل
عندما تحس انك تعيش بدون روح و بدون قلب فتاكد ساعتها انك لست بانسان بل بقايا وشبح لدكرى انسان
لما تحس بان الحزن روح ثانية ساكنة جواك
و تحس بحب ابدي و خالد و قدييم بينك و بين الحزن و تمسك كل الطرفين ببعضهما
تعمل ايه ساعتها
لما تحس انك كلك على بعض رموز و طلاسم مفتاحك هو كلمة الحزن و ده اضعف الايمان
فدي تبى كااااارثة

عجبني تحليلك لمفهوم الحزن بطريقة منطقية
تقلي خالص تقديري و احترامي

مسدس صغير يقول...

انا اول مدخلت المدونة ولقيت مش عارف سكره وبحر الحياة
مين سكره دى؟؟
هههههههه
فين الحمامة؟؟
مش سامع صوتها يعنى
ههههههه
ماشى يا خالتو سها
بجد بوست جميل اوى
خمس مراحل واقعيين للحزن
بس اللى يخرج من حالة الحزن دى بسرعة هوه اللى بيقدر يواصل الحياة
لأن الحياة لو استسلما لاحزانها مش هنخلص
ربنا يسعدك ويسعدنا
عملتى ايه يا خالتو؟؟
هههههههه

رحــــيـل يقول...

اممممممم
مش عارفه تعرفى مافكرتش ادور على تعريف للحزن قبل كده
جايز لانه لما بيتمكن مننا من بنقدر نفكر وفجأه بتلاقى نفسنا وصلنا لاخر مرحلة ةنتقبل اى وضع من غير محاولة للتغير او الخروج عنه

حقيقى اوقات كتير بتمر علينا بنحس فيها قد ايه احنا تعبانين بس مع الوقت كله بيعدى ولما نفكر نستغرب ده غير ان اصلا كل مادا بيعدى علينا مواقف اكتر بتخلينا اكثر قوة امام الاحزان
او بيحصل حالة لا مبالاه
انا حاسه انى قربت افقد الاحساس باى حاجه
حزن حب فرح سعاده صعب قوى بيموت فينا حاجات واحنا لسه عايشين

حلم بيعافر يقول...

اوحش حاجة فى الدنيا الحزن
واللى بيغيظنى محاولة البعض تمثيله
واللى بيغيظنى اكتر الصاق لفظ الحزن باسماء بعض الناس
تقبلى مرورى ياسكرة

المسلم الصغير يقول...

السلام عليكم ورحمه الله...
حضرتك فعلاً صنفتية صح
وربنا ما يجيب حزن أبداً
عايزه اقولك ان مدونتك بجد جميلة والأغنية بتفكرني بايام زمان حلوة قوي
ويا رب أكون ضيفة خفيفة
دومتي بخير

------ يقول...

صباح اللغة العربية

ازيك ياساسو

------ يقول...

الحزن
هو أن ألتقيك في زحمة العمر,,,, وأنسج معك أجمل حكاية حب ,,,, نعيش تفاصيلها وطقوسها ,,,, ونحلم بغد أفضل ,,,, ثم تنتهي الحكاية بمأساه ,,,,


الحزن
هو أن أفتح لك مدن أحلامي ,,, وأسكن معك في قصر من الخيال ,,,, ثم ينهار القصر على رأسي ,,,,

الحزن
هو أن أخبئ عمري في قلبك ,,,, وأملأ حقائبك بأيامي ,,,, وأضع سعادتي في عينيك ,,,, ثم ألوح لك مودعه لاحول لي ولا قوه ,,,,


الحزن
هو أن تصبح مع الأيام عيني التي أرى بهما ,,,, وهوائي الذي أتنفسه ,,,, ودمي الذي أعيش به ,,,, ثم أنزفك عند الرحيل دفعه واحده ,,,,


الحزن
أن أدمن حبك ,,,, وأدمن صوتك ,,,, وأدمن عطرك ,,,, وأدمن وجودي معك ,,,, ثم أفتح عيني على غيابك ,,,,

الحزن
أن تتحق بعد حلم ,,,, وألتقيك بعد أمنيه ,,,, وأن تأتي بعد إنتظار,,,, وأن أجدك بعد بحث ,,,, وأن أستيقظ على زلزال رحيلك ,,,,


الحزن


أن تفارق ولا تفارق,,,, فتصمت ويبقى صوتك في أذني ,,,, وتغيب وتبقى صورتك في عيني ,,,, وترحل وتبقى أنفاسك في قلبي ,,,, وتختفي ويبقى طيفك خلفي يمزقني ,,,,

الحزن
أن اغمض عيني فأراك ,,,, وأن أخلو بنفسي فأراك ,,,, وأن اقف أمام المرأه فأراك ,,,, وأن ألمح هداياك فأراك ,,,, وان أقرأ رسائلك فأراك ,,, وعندما أعود لواقعي ,,, لا أراك ,,,


الحزن
أن أجمع البقايا خلفك ,,,, وأن أرسم وجهك في سقف غرفتي ,,,, وأن أحاورك كل ليله كالمجانين ,,,, وأن أشد الرحال إليك عند الحنين ,,,, وأن أعود إلى سريري آخر الليل فأبكيك وأبكيك ,,,,


الحزن
أن ياتي العيد وأنا وحدي ,,,, وأن يأتي الربيع وأنا وحدي ,,,, وأن تهطل الأمطار وأنا وحدي ,,,, وأن يطرق الحنين بابي وأنا وحدي ,,,, وأن يمضي بي أجل العمر وانا وحدي ,,,,

الحزن
أن أراك صدفه,,,, وأن يجمعني بك الطريق ذات يوم ,,,, فأراك بصحبه غيري ,,,, يدك في يدها تنظر إلي فلا تعرفني ,,,, وعمري خلفك يناديك فلا تسمعه ,,,,


الحزن


أن أكتب فلا يصلك صوتي ,,,, وأن أصرخ فلا يصلك صوتي ,,,, وأن ألفظ أنفاسي فلا أراك ,,,, وأن أموت فيصلك النبأ كالغرباء ,,,,

الشعب لابد له من حكومه تشكمه يقول...

هو انتى مين؟ انا جيت هنا ازى؟ استنى بس مش انتى ساسو ؟
انتى غيرتى الدنيا ولا انا اللى بتهيألى؟؟؟؟
طايب اروح اقرا باه واجى..

الشعب لابد له من حكومه تشكمه يقول...

اعتقد مفيش حد ممرش بالمراحل دى..
بس الفرق فى فى طريقة معاجة الحزن والتغلب عليه.

Tamer Nabil Moussa يقول...

ديما الانسان لما يكون فى مشكلة وحزين مش عارف يتصرف ازى وممكن يجى لية اكتئاب وفقدان حب الحياة

مع ان الواحد لو فكر كويس وقرب من ربنا كل حاجة هتتحل

ربنا يوفقك ويكرمك

مع خالص تحياتى

اسماء واحلام فى وجدانى يقول...

اول ما سمعت الاغنية بتاعتك رجعتينى لايام جميلة اوى فى حياتى بجد كانت ايام جميلة بكل ما فيها بس مستغرب ازاى حد جميل كده زيك ويشرب معسل وتفاح كمان
يلا ماليش دعوة كل واحد مسئول عن صحته




بالنسبة للحزن اسالينى انا عليه انا وهو اصحاب من زمان اوى بيقولى الحصان وفى والقلم وفى والكلب وفى
انا باقولك ان الحزن اوفى من كل دول
وعن تجربة طويلة جدا

♥نبع الغرام♥♪≈ يقول...

ازيك ياقلبى

عامله اية وحشتينى قوووووووووووى
ربنا ما يحرمنيش منك يا احن ساسو بالدنيا كلها ويكرمك خير ويعوضك خير يارب

♥نبع الغرام♥♪≈ يقول...

ربنا يبعد عننا اى حزن تعبنا قووى يا ساسو من الاحزان نفسنا نفرح بقا
امته الفرح هيجيلنا
بوست جميله
بس قلبتى علينا المواجع قوووووووووى

خلى بالك من نفسك ربنا يهنيكى يارب

بحبك قوووووووى
ايناس

البروفيسير يقول...

السلام عليكم ورحمة الله وبركاته

فعلا عرفتى الحزن بطريقه رائعه
ومسستى ما فى داخلنا

تحياتى
احمد سمير
ان شاء الله يستمر التواصل بيننا

فاتيما يقول...

إيه القلق دا
مش دا بيت ساسو بؤضو و لا أنا نظرى دغشش يا عياااال
أيون هوه
طيييييييب
رغم كل التغييرات دى
هنقول برضو
رغم كل المراحل و متفقة فيها طبعا
بس عاوزة أطمن عليكى يا حبيبتى
يا ترى التغيير دا معناه إن ساسو بقت حتة السكرة اللى هتحلى بحر الحياة المر
و ربنا خلاص هونها ؟!!
طمنينى يا حبيبتى عليكى
خالص حبى و البوسة و الحضونة الكبيرة معاهم

Aиgel يقول...


مساء الخير يا ساسو ..
الكل هيجي هنا وهو مستغربك
ومين سكرة مين سكرة (:

الحزن ..
حلو أوي البوست وحلو بجد عرضك لأعراضه ومراحله دي
شيء مفيد وعن تجربة (:

والنوم المتواصل والله أنا هههههههه

بس اهم شيء ترابطنا النقسي الإيماني
طول ما احنا قريبين من ربنا .. هنقدر نخفف على الاقل من الحزن والاكتئاب والتوحد اللي بنحسه مش هيتمحي لأننا بطبيعتنا بشر بردو

اممممم كفاية كده لحسن مش هسكت (:

حلو أوي اسم سكرة ده

Angel love

بنت قلبى يقول...

نفشى اشوفك مبسوكه فى مره يا سوسو بجد
نفسى احس انك مسوطه زى اى بنت او اى واحده مرت عليها اى ظروف
انا مش حباكى فى الحزن ولا المشاكل دى
يارب يا حيبتى الايام الا جايه تكون احسن واعوووووووض كل الا فات يارب يارب

هتوحشنى يا اس النكد كله

Cute Kitty **sookra يقول...

احلام جوليا

مبروك عليكى الاول اللى هو التانى
هههههههه
اولا بعتذر بشده انى قلبت عليكى المواجع وربنا ياحبيبتى يجعلها اخر الاحزان
ثانيا انتى منورانى بجد وتعليقك انتى اللى يشرفنى اوى
وثالثا احنا بشر وربنا وضع فينا غريزه الخطأ وعشان كدا فان"خير الخطائيين التوابيين"وربنا يجعلنا من التوابين دايما
نورتينى حبيبتى
================================
فكره من الزمن ده

هو انتوا لسه شفتوا نحو
دا التقيل لسه جاى
ههههههههههه
وسلامتك من الالم والحزن
وانا كمان احبك فى الله
واحبك من احببتنى فيه
=================================
حطام(ك) بقايا

وعجبنى تحليلك انتى اكتر
ربنا يجعلنا من اصحاب الايمان القوى
انا وانت وكل المسلمين
خالص تقديرى لكى وشكرا لزيارتك
==================================
مسدس صغير
صاصا
خالتك ساسو خلاص طردت الحمامه لانها بطلت نواح
وناويه تحب الحياه
هههههههههههههههه
خليك داليا وانت تبقى اه
=================================
رحيل

ليه كدا يابنتى
دا انا قلت اخيرا لقيت حد موش ميت
الله يخرب بيت كدا
كدا دا واد وحش اوى وانا خلاص هااخاصمه
=================================
حلم بيعافر

نورتنى وكمان انا بكره الحزن اوى وبكره الممثلين للحزن
=================================
المسلم الصغير

طبعا ضيفه خفيفه وكمان اتمنى انك تكونى صاحبه بيت موش ضيفه وبس
وشكرا ياقمرايه على مرورك
==================================
همسات على ضوء القمر

مساء اللغه العربيه والاتوبيسيه كمان
بصراحه موش لاقيه رد على الكومنت بتاعك غير انى استأذنك انى اعمله بوست
وحشانى
==================================
شيما الشعب

الشعب ينادى ياريس
مين جابك هنا
اه صحيح انتى جيتى موتورجل
اه والنبى ياختى دى انا ودا بيتى بس دهنته جديد
قلت اهو تغيير اصل اختك مزجانجيه
ههههههههههههههههه
===============================
tamer nabil

ربنا يبعد عننا الاكتئاب ويارب نقرب كلنا من ربنا
نورتنى
=================================
اسماء واحلام فى وجدانى

حرام عليك مين قالك على المعسل دى
انت هتسيحلى ولاايه
انا كنت بهزر
وبعدين الشاعر الجميل دا متاكده انه مليان اشجان واحزان
بس حاول كدا انك تقطع صلتك بالصديق الوفى دا
================================
الاحزان ايناس

حبيبه قلبى
سلامتك من الحزن ويارب الفرح يدق بابك ويعشش فى حياتك ويكمل حياته معاكى يارب يانوسه
=================================
البروفسير

متشكره اوى على الزياره والكومنت كمان
واكيد هنتواصل انشاءالله
ويارب البوست الجاى امس مابداخلكم ولكن من افراح
تحياتى
==============================
فاتيما فاتومه(ام يوسف)

حبيبه قلبى انا
اقولك حاجه وربنا وربنا حضنك وحشنى اوى
يخرب بيت كدا
اما البيت فقلت يعنى ادهنه كدا واجيب جهاز جديد وارمى القديم الغلس دا
عايزه اطمنك عليا بس موش على الملء كدا
دى تبقى فضايح بس المهم اقولك اطمنى
كل حاجه بتتعمل زى ماانا عاوزه
وكمان انا استخرت ربنا وسايباه يعمل اللى فيه خير دنيتى واخرتى وربنا المستعان
بس فيه حكاوى ورا حكايتى وانتى ماتعرفهاش كلها ولو اتقابلنا تانى هااقعد على قلبك كدا وموش اخلى حد يقرب منك واستفرد بيكى لوحدك وارسيكى على الدور كله
ههههههههههههههههههه
وحشانى اوى ياام يوسف ياعسل وشربات مكرر
والنعمه دى على عنيا وحشتينى
ههههههههههههه
بحبك
اموووووووووووووووه
=================================
angle

اولا يلا تعالوا كلكم عشان اعملكم بارتى
واجيبلكم بالونات وتعلقوها معايا فى البلوج عشان هاعمل فيه احتفال دائم
احتفال بالفرح او بالحزن
ههههههههههههههههه
انجل العسل
انا ليا صديقه بس مسافره مسمياها انجل لانها شبه الملايكه كدا
وعشان كدا انا بحبك
وبعدين اسم سكره دا قديم وكانت جدتى هى اللى بتنادينى بيه ولما توفت ماخلتش حد ينادينى بيه
بس انا خلاص حاسه انى طفله اوى وموش عاوزه ابقى لاساسو ولاسها ولاسوسو
عاوزه ابقى سكره
ههههههههههههه
مبسوطه ان البوست عاجبك
نورتى ياقمرايه
==================================
بنت قلبى

هتوحشينى يابنوته
ومن هنا ورايح هااحاول بجد انى ابقى سعيده مهما حصل انشاءالله
امووووووووووووووووووه

أميرة علي كوكب مهجور يقول...

ولا حزن ولا اكتئاب ولا حاجة
ربنا موجود وهيفرحنا لو النهاردة يبقا بكره:)
يارب تكوني بخير

حـــــروف متــبعترة " عــمرو الشــايب يقول...

دى دراسة كويسة جدا

فادتني و اللهي

شاب فقرى يقول...

امممممممممممممممم

ربنا يكفيكى شره

يا ساتر يارب

حزن ايه بس

هى ناقصة يا سكره ولا ايه ؟؟؟؟


فوقى كدا

من الآخر

طز فى أى حاجو تزعلنا

كاربى ديم

اعملى سيرش على اخر سطر فى جوجل لو مش عرفتى يعنى ايه

هقولهولك انا

شاب فقرى

Cute Kitty **sookra يقول...

اميره اللى عايشه على كوكب مهجور لحالها كدا

ههههههههههههههههه
نورتى ياقمرايه وانشاءالله لاهنحزن ولانكتئب تانى اكيد
وحشانى
==================================
3mr wael

مبسوطه انها افادتك ونورتنى

Cute Kitty **sookra يقول...

شاب فقرى

ياصباح اللى بتغنى
منور يافقرى والنبى
ههههههههههههههههههه
شفت قلت والنبى تانى اهو
ايون طز فى اى حاجه تزعلنا
كاربى ديم ياجميل
وطبعا انت عارف سكره الاروبه مسكتش وعملت سيرش والدنيا هنا
يديك هنا
ههههههههههههههههههه

طوبه فضه وطوبه دهب يقول...

على فكره خمس مرات اعلق عندك امبارح والنت يقطع حظك بقى وفعلا رائعه فى وصف الحزن ولكن كل ما ارجوه من الله الاتطيل عليكى تلك الحاله فالحياه مراحل شقاء وسعاده حزن وفرح فازيحى الهم حتى تجدى مكان لاستقبال الفرح ويارب ديما يسعدك ويفرح قلبك

اسماء واحلام فى وجدانى يقول...

اللى حسيته هنا امبارح خلانى ارجع عشان اعيشه تانى لاقيت حضرتك مغيرة الجو القديم بتاع توت توت بدل عبدالمنعم وهدى والاطفال لاقيت حاجة تانية
ادينى خارج وماشى ينفع كده بردوا
طيب خرويش