BLOGGER TEMPLATES AND TWITTER BACKGROUNDS »

الأربعاء، 3 مارس، 2010

ماما دراعها مكسور وحماتى جايالى بكره.


حماتى العسل السكر دى

طيب انا والله مفتريه

عارفانى انا مفتريه جدا

بعد موقف الستاير والسجاد دا

عملت بنصايحكم قبل ماتقولوها فى البوست اللى فات

بعدما تم تنفيذ مااريد

جيت بقى كده بشويه سهوكه ودلع وكلمتين حلوين كده

ومعلش ياماما بس اصل انا عاوزاكى تستنى لما تعرفى لون الجهاز وبعد كده تبقى تروحى تجيبى السجاد والستاير

طبعا الست هديت كده وتخيلت انى موافقه انها تروح تجيبه لوحدها وعلى زوقها

بس على مين

انا وراها وقدامها والزمن طويل

وبقول كل اللى طلبوا منى انى اهدى اللعب معاها واعتبرها ماما

والله انتوا كده بتطلبوا منى انى اعمل فيها البدع لانى مغلبه ماما وخليتها حطت صوابعها

العشره فى الشق منى

يعنى اللى يقول خليها مامتك التانيه يبقى بيكره الست دى من غير مايشوفها

ههههههههههههههههههههه



سبتكم فى الكلام وموش قلتلكم هى جايه بكره تشوف ماما

وتجس نبضى كده فى موضوع التلاجه

ااه صحيح انتوا ماتعرفوش

اصل زوج المستقبل قرر انه يجيب التلاجه

اهو يلا كتر خيره عمل اللى عليه وزياده

هههههههههههههههه

والله الراجل دا امه بتكرهه موووووت

قالتله روح يابنى ربنا يوعدك بمصيبه وكانت المصيبه انا

هههههههههههههههههههه

ضحكنا كتير اسمعوا بجد بقى

هى الست حماتى قالت لمحمد نجيب تلاجه 10 قدم

ومحمد بيسألنى فقلتله مانجيبها 14 وخلاص ودا اللى كنت ناويه عليه

جات حماتى قالتلى 10 قدم

دا انتى وهو وانا بس يعنى موش عيله

وانا؟؟؟؟؟؟؟؟؟؟

بم بم بم بم بم

دا قلبى بيدق هو انتى ياحماتى العزيزه هتعيشى معانا

اووووووووم ايه عرفت انها قررت اخيرا ومنها لنفسووووها انها تغير اقامتها وتبقى معايا فى شقتى

هو انا شقتى فى الدور التالت وهى عايشه مع ابنها الكبير واللى مراته تبقى بنت اختها

وطبعا اولاده عندها فرخه بعشرين كشك

عمرها ماتجيلى غير وسحباهم وراها

ايوووووووووه

وعيال غلسين غلاسه

على فكره انا طبيعتى بحب الاطفال بس الاطفال الهاديه المؤدبه لكن دول عيال غلسه جدا

ببقى عاوزه اشيلهم وارميهم م البلكونه لما بييجوا عندنا بس بستحمل واضحك وكده

واقول ياخراثى على العثل وانا جوايا بقولهم غوروا بقى يخرب بيت كده

ههههههههههههههههه

حماتى قررت تعيش معايا

فى الشقه فى الدور التالت

حماتى مليانه جدا وعندها غضروف فى دهرها وبتحب تخرج كتييييير

هتتحمل تطلع وتنزل كل شويه ازاى

المهم قلتلها دا لو ماشلتكيش الارض اشيلك فوق راسى

وبعدها على طول اروح اجبس رقبتى

هههههههههههههههه

المهم قعدت تقولى اجيبها 10 قلتلها 14 احسن ياماما

فقالت اجيبها كريازى قلتلها توشيبا احسن ياماما

وفى الاخر قلتلها والله ياماما اللى انتى عاوزه تجبيه هاتيه

اهو كله فى بيتكم ولما تبقى صغيره علينا يبقى محمد يغيرهالى

هههههههههههههه

عبيطه طيب ماتجيبى تلاجه كويسه وكبيره احسن من انك بعد سنتين تلاته تغيريها وتجيبى واحده اكبر

هبل هبل

طبعا لما تيجى بكره

اول ماهتشوفنى هتقولى

جرى ايه ياسها الحبايه اللى فى وشك دى سايبه اثر زى البشله كده ليه

اصل انا بلعب فى وشى كتير وبصراحه ببهدله خالص

ههههههههههههه

بس دمى بيتحرق لما بتقولى كده لا وايه تكمل وتقولى انها كانت بتخطبله واحده فى وشها وحمه وهو رفض

امال لما يشوف وشك كده هيعمل ايه

ببقى ساعتها عاوزه اقولها

بصى ياماما انا لو فيا السبعه وسبعين برده انا اجمل من ابنك

هههههههههههههههه

بصراحه ببقى عاوزه اقولها قومى روحى ياوليه انتى وماتجيش تانى

بس الحق هى برده لسه الفلاحه الطيبه والخبيثه يعنى فيها حاجات حلوه برده

بس انا لسه موش شفت الحاجات الحلوه دى

نطلع من اللى فات دا بايه


ياحماتى بكره نقعد ع الحيطه ونسمع الزيطه

وان حماتى من الحموات الفاتنات

وانهم هيجيبوا تلاجه 14 كريازى

هههههههههههه

تتمسوا بخير

====================

ملحوظه

انا كل البوستات اللى جايه خلال الشهرين موش هاكتب نكد خالص

وهاحط صورتى انا وعريسى وخلاص

21 التعليقات:

star in the sky يقول...

ههههههههههههههههههه

على راى صبحتى

شكلك هتشوفى ايام سوده منقطة باسود

P A S H A يقول...

هههههههههههههههههههههههههه

يا خبر أبيض يا جدعان

طب والله العظيم نسيت كنت هاقول لك إيه

بس ضحكتني جملة إنك تشيليها فوق راسك وبعد كده تجبسي رقبتك هههههههه

ربنا يا بنتي يتمم لك على خير إن شاء الله .. وييسر لك أمورك ويصلح لك الأحوال .. ويجمعكوا على ألف خير إن شاء الله . اللهم آمين

وبعدين انتي عاوزه تجيبي تلاجه اربعتاشر قدم وانتوا في التالت ؟؟ ليه هو الدور على كام شقة هع هع هع


مساكي فل وورد وياسمين

تحياااااااااتي
:))
سلام

شفـقــة و إحســــان يقول...

ربنا يستر يا سكرة شكل حماتك من الحموات والفاتنات
بس انا لو منك ادبحلها القطة من اول يوم والا استلقى وعدك بقى
ربنا يتملك على خير يارب
تحياتى شفقة

Tears يقول...

مهما كان الموقف بس دايما دمك خفيف و بتقدرى تكتبى بشكل شيق يشد القارىء للنهاية



تحياتى
:)

emymony يقول...

هههههههههههههههههه يخرب عقلك ياسكرة
والله انتى سكره فعلا
دى حماتك دى ايامها هتبقى مش هههههههه
هدى شويه بقا يابنتى انتى محسسانى انك داخله حرب
يعنى الرجاله زمان كانت هى اللى بتشتكى من الحموات سبحان الله الوضع دلوقتى اتغير
ههههههههههههه هتخوفينى من الارتباط ولا ايه لاءءءءءءءء
ربنا يوفقك ياسكرة يارب

adel يقول...

ههههههههههههههههه
اهي النكت بجد في حكاية الصورة دي :)

واللي يخدم فعلا زي كده
يدي لحماتك لينك المدونة :):)
هههههههههه

إبتسامة ملاك يقول...

وحشتينى ياقلبى
يارب تكونى بخير
ومليوووووووووووووووووون مبروك ربنا يتمم ليكى على الف خير يارب ويسعدك ويحفظك
وصدقينى السعاده مش بالعفش بس هى مظهار كلنا اتعودنا عليها
ربنا يكرمك يارب ويكملك على الف خير حبيبتى
دمتى بكل ود
ايناس

بـسـمـــة صـــــلاح يقول...

هههههههههههههههههههههههه
بوست تحفه
دمك عسل ياخراشي عليكي
الا قوليلي انتي مستحمله الهم دا كله ازاي
ربنا يعينك بجد ويسعدك يارب
تحيــ سفيرة السعادةــاتي(:
بسومة النعومة

أسمعنى شكرا يقول...

هيية أنا هعلق أول واحد هييييية
______________________________

أولا أنا قلتلك فى التعليق أللى فات أن حماتك هاتيجى تقعد معاكوا
ثانيا عريسك الغلبان دة شكله هيقضى شهر العسل فى مستشفى الأمراض العصبية لو ماهدتيش أنتى وحماتك والله يكون فى عونة!!!!!!!!!!

صيدلانيه طالعه نازله يقول...

هو انا باحلم و لا ايه؟

سها بتضحك فى البلوج
لاااااااااااااااا
دى حاجه غريبه و عجيبه
و لازم نبحث وراها
ههههههههههههههههههه

حماتك شكلها هيا اللى غلبانه و انتى اللى قادره و مفتريه

و بكره فعلا حنقعد جنب الحيطه و نسمع الظيطه

مي يقول...

ههههههههههههههههه ضحكتينى ياسكرة انتى
ربنا يكون فى عونك بس هقولك كريازى احلى نوفروست
ههههههههههههههه ربنا معاكى والف مبروووك ياقمر والف سلامة على ماما
اموواه

خواطر شابة يقول...

استني انا محتاجة توضيح الكلام اللي بتحكيه حقيقي ولا شطحات خيال لان التعليق يفرق في الحالتين
مستنية توضيحك
دمت بكل المحبة

همس الاحباب يقول...

ههههههههههه
بثراحة كده انا مشفق على حماتك بصراحة
بس هى اللى بتجيبه لنفسها
هههههههههههه
ربنا يسعدك ويتمم بخير ان شاء الله
تحياتى

مستخلص افندى. يقول...

ههههههههههههههههههه

الظاهر انك بتحبى حماتك اوى

ربنا يوفقك ويكرمك وتجيبى التلاجه ال 14:D

اكيد حماتك خافت من التلاجه تكون كبيره لحسن تحطيها جواها :D

Lyssandra يقول...

ههههههههههههه
والله انتي سكر يا سها بجد :))

ربنا يسعدك يابنتي
بس بجد انتي محتاجة طولة بال عشان تقدري تتعاملي مع حماتك :)


Lyssa

طوبه فضه وطوبه دهب يقول...

يانهارلوووووووووووووو يا دماغى يا بنتى ربنا يكون فى عونك دى حمه مش حمى ربنا يصبرك عليها وعلى ابنها بقى حاكم دا لو طلع ذيها يبقى عليه العوض ومنه العوض هههههههههههه ربنا يتمم لك على الف خير ياقمر

shemo يقول...

السلام عليكم........
بقالى شوية غيبة
بس بجد وحشانى يا قمر
وايه اللوك الجامد دا حلو روش ورقيق فى نفس الوقت القالب ........
وبجد الله يكون فى عونك دا انا لو اعوذ بالله حماتى بقيت كدا ع اعتبرا يعنى ما سوف يكون فى المستقبل باذن الله دا انا اخنقها هى وابنها بلا ارف هى نقصة متتنزليش ع ال14 كريازى ههههههههههه




دومتى بخير
فى رعاية الله.
shemo

MeGltNa يقول...

اوعي توري المدونة دي لاى حد من قلرايبينك و خوصا قرايبين جوزك لحسن تبقى حماتك مش قاعدة معاكي ف الشقة لا و كمان عاوزة لاب توب ليها برضة امال اية ما الحموات ناققصين كل واحد مش عاجبة اهل التاني ولا هو عاجبة اهل مراتة و لا هي عاجبها اهلة جزها المهم اتجوزوا و سافروا هههههههههههههههههههههههههههههههههههههه

Cute Kitty **sookra يقول...

PASHA

ههههههههههههههه
نسيت يعنى قصدك كده تقول انى توهتك

طيب انا هاشكيك لحماتى

ميرسى على دعواتك وربنا يوعدك يابنى

==================
STAR IN THE SKY


ياست ستار منوره البلوج سبوت كله
لالالالالالالا ياحبيبتى شكلها هى اللى هتشوف الايام دى

والله الست دى صعبانه عليا

======================
شفقه واحسان

شفشوقه فينك من زمان
منور ياريس
وحياتك انا خلاص دبحتلها القطه من قبل مااروح عندها
هههههههههههههه

========================
Tears

ميرسى على الكومبيليمو دى ياجميله

تسلمى ياحبيبتى

========================
Emymony

لالالا احنا ماعندناش بنات تخاف من الارتباط
دا الرجاله هما اللى يخافوا مننا
هههههههههههه
وحماتى ربنا يقويها عليا
منوره
========================
Adel

ايه ياسى دولا انت معايا ولامع الناس التانيين

طيب اعملها كده واديها اللينك وشوف انا هاعمل فيك ايه
ولاعلى ايه انا هاروح اشتكيك لامك
وبعدين الحمد لله لو عاوز تدهولها ادهوها لانها اصلا موش بتعرف تقرا ولاتكتب
هىءهىءهىءهىءهىء
وش مطلع لسانه
========================
ابتسامه ملاك

انوووووووووس منور ياباشا
وانتى كمان ربنا يكرمك يارب

اهى بقى عادات زفت بس تعملى ايه

================
بسمه صلاح
سفيره السعادات
بسومه الدلوعه

ايه يابنتى كل دى اسامى كنتى سمى نفسك اسماء وخلاص
ههههههههههه
قولى هى اللى هتتحملنى ازاى

====================
اسمعنى شكرا

هيييييييييه موش اول واحد هيييييييييه
شكلك كنت بتقولها بضمير اوى
ادعي بقى لحماتى ان ربنا يسترها معاها ومايوقعها فى ايدى
ههههههههههههههههههه
وبصراحه الله يكون فى عونه

========================
صيدلانيه طالعه ونازله

الهى رجلك توجعك م الطلوع والنزول زى مافرحتى فيا انها جايه تقعد معايا

ماشى يالولو لنا تليفون يلمنا ونتحاسب
وبعدين خليكى كده فى احلام اليقظه لما تفوقى تلاقى سها كاتبه بوست غم وتبطل تضحك تانى
انتى بتنقى عليا ياست انتى ولاايه
ربنا ياخد كل الحموات
وكما قال الشاعر

انا يااهاسمها ياهاقتلها
تختار هى بقى
======================
مى

كويس انى ضحكتك

يلا اى خودعه انا تحت الطلب اطلبى انتى ضحك وانتى تلاقى بالهبل

ربنا يخليكى يارب

=========================
خواطر شابه

لا ياستى مواقف حقيقيه موش شحطات خيال ولاحاجه
اهو يافندم علم وتم تنفيذ طلبكم
منوره
============================
همس الاحباب

ابوشابى
موش انا قلت انها هى اللى بتجيبه لنفسها
ههههههههههههه
ربنا يقويها عليا
منور البلوج كله

========================
مستخلص افندى

دا انا بحبها مووووووت

هى شكلها خافت بس على مين هتيجى 14 يعنى 14
هو انا حد يقدر عليا ولاايه

=======================
lyssandra

انا قلت كده برده انا محتاجه حاجات كتير منها طوه البال دى بس اجيبها منين

تقويلى اشتريها منين ربنا يكرمك
منوره ياجميله
==========================
طوبه فضه وطوبه دهب

ههههههههههههههه
ربنا يصبرنى عليها ولو ماصبرتش ممكن تبعتيلى حضرتك طوبتين تلاته كده افشفشهم عليها بس بلاش فضه ولادهب
ههههههههههههه
منوره ياجميله
==========================
Shemo

منوره ياجميه

ليكى وحشه يابنوته
ولايهمك اخنقى وانا اتاوى ياريس
هههههههههههههههه
ومين دى اللى تتنازل عن تلاجه 14
انا؟؟؟؟
لاممكن ابدن ولاهيكون

Cute Kitty **sookra يقول...

MeGltNa
منور سيادتك

مين دا اللى توريهم البلوج
عبيطه انا ولاايه
دا بعنيهم
ههههههههههههههه
ولاب توب قال
ماشى شكلك طيب والله

قيس بن الملووووح يقول...

نحن في حاجه الي رايكم في مشاكل القراء علي مدونة "دقات قلب بعد الحمسين"