نحيا الكثير من الانكسارات
وأغلبها لايميتنا
ونجد اننا دائما نقف اقوى من ذي قبل
ولكن يأتي انكسار بالعمر كله
تأتى تلك اللحظه التي لاتمل ذاكرتك من عرضها كشريط سينما متصل
لا تستطيع ايقافها ولا تستطيع الرجوع لاصلاحها
فهل يأتي اليوم الذى نستطيع فيه اصلاح ذلك الانكسار
؟؟؟؟؟؟؟؟؟؟؟؟؟؟؟؟؟؟؟؟؟
.jfif)
.jpg)
.jpg)
17 التعليقات:
ازيك ياسكرة ياجميله
بوست حلو فعلا وبيوقفنا قدام نفسنا نشوف غلطنا ف ايه نصلحه
احيانا الندم على الخطأ الى سببناه
دا ف حد ذاته خطوة ف اصلاح اللى انكسر
مفيش شىء مستحيل وممكن نصلح اللى انكسر او حتى مجرد المحاوله
يمكن لاى بنى ادم
ان يصلخ اخطائه
والعمر به الكثير من الاخطاء
مش حنعرف نرجع نصلحها لكن حنعرف نتجاوزها عاجلا أم أجلا وحنتعلم منها هى ديه الحياة لا تقف عند الانكسار - أيامك سكر وشيكولاتة :))
اتمني انه يجيي بسرعة اليوم ده...
بس سيبك من البوست انا فرحان من حاجة تانية خااااااااااالص...
بالاصالة عن نفسي وبالنيابة عن كل ال عندهم عمي الوان وعشي ليلي زي حلاتي بشكرك عن تغيير لون الخط... هههههههههههه...
دمتي بكل خير
تحياتي
سهااااااااااا
ازيك يا معلم
هي المشكله بتبقي ان الواحد ساعه لحظه الانكسار اي انكسار
بيكون شايف انها اسودت وغمّقت ومش هتفتح تاني
بس طبقا لنظريه دوام الحال من المحال
وانطلاقا من قاعده كله بيعدي
والله والله مفيش شيء بيفضل علي حاله
بس الاصح مننا هو اللي بجد مش كلام وخلاص يتعلم من انكساره ويقوم يقف ويقاوم ويكمل
هيتعب اه
هيقوم ويقع اه
هيشوف في عين الناس شماته عادي
بس المهم يقوم ويكمل
لان اللي بيقف محله الدنيا بتفرمه
مفيش كسر الزمن ميقدرش يداويه.. بس على اد الوجع بيكون الوقت اللي بتحتاجه قلوبنا علشان ترجع تاني تعرف تبتسم للحياة.. وفي الاخر الانسان بيقوم من الوجع زي العنقاء الاسطورية اللي بيقولوا انها لما بتموت بتتحول لرماد وتقوم حية تاني من بين الرماد
ربنا يكفيكي شر الانكسار يا سكورة
وليه لا يا سكرة نقدر نصلحه بإننا نعمل أحلى حاجات فى الحاضر ونأمل بالأحسن فى المستقبل ومش نفتكر بالانكسار ده إلا علشان نقول لنفسنا خلاص صلحناه هو فى أكتر من إن العبد يتوب لربه ويغفر له يعد ما انكسرت صلته بربه مدة أظن مهما حصل ومهما هيحصل مفيش أكبر من كده وربنا قال إن ده بيتصلح يبقى مش معقول إن اللى أقل من كده مش يتصلح
زعلانة جدا للى انتى فيه ياسكرة وحشتنا ابتسامتك يارب ترجعلنا بيها وقريب جدا ابتسامة من قلبك بجد مش بس مرسوم على الشفة
دمتى بكل الخير والحب والسعادة وراحة البال
اه يا سكرتي
في يوم هتقدري فيه على الانكسار ده
في يوم هتتغلبي على الالم ده
يمكن مش هتنسي خالص
بس هتبقا الذكرى اقل ايلاما
عارفة انا بعتبر الانكسارات دي
حاجة اساسية في حياتنا
علشان لما تيجي لينا الاوقات الحلوة نعرف قيمتها كويس ونقدرها
لو ما مريناش بالوحش هنعرف قيمة الحلو ازاي؟؟؟؟؟؟
ويااااااارب يا سكرتي متحسيش بأي انكسارات... وحياتك تبقا كلها فرحة
تحياتي البسكوتية
مفيش حاجه بتنككسر تنفع تتصلح
اللى نقدر نعمله اننا نقوم بعد ما نقع
و نحاول نخلى الانكسار ده نقطه قوه لينا مش ضعف
صعب
صعب نصلح اللى انكسر
يكاد يكون مستحيل
سكره
حلوه الصوره تحفه بجد محتاجه الكثير والكثير من الصفحات لكى يتم تحليلها
المهم شدنى العنوان انسكار بالعمر
على فكره كل ضربه الانسان يتعرض لها تزيد من قوته حتى الضربه التى يعتبرها البعض انكسار ما هى غير ضربه قويه سوف تمر الايام لتثبت لنا انا هذه الضربه لم تكسرنا ولكنها زدات من قوتنا
الموضوع حلو اوى والبوست رغم انه يحمل كلمات قليله لكنها عميقه بشكل غير طبيعى
اتمنى لكى الحب والصحه وكل الخير
اكييييييد طبعا سياتى اليوم الذى نستطيع ان نتغلب على تحدى قوى من تحديات الحياه طالما قلوبنا ممتلئه بالايمان والعزيمه لان مع العسر يسر ...وكل ما يمر بنا من المؤكد ان له حكمه قد نعلمها الان او لا حقا ولكن فى النهايه اى ازمه تمر علينا تضيف لشخصيتنا ودور الانسان ان يجعل كل شىء لصالحه وفى النطاق الايجابى ولا يستسلم لاحزانه او ياسه لانه حينئذ يكون قد ضل الطريق وفقد الحكمه .
ادعو الله ان يجعلنا واياكى من السعداء فى الدنيا والاخره ومن هؤلاء الصابرون الشاكرون العاقلون.
حتي لو مقدرناش نصل اللي انكسر يا سكرة
مش لازم الكسر يخلينا نموت
مش لازم نضل ننزف من روحنا واحساسنا
الدنيا مش بتقف علي حد ولا لحد
بالطبع يأتى اولا لان النسيان نعمه من الخالق فكل شىء يولد صغير و يكبر ما عدا الحزن
و ثانيا لو امتلكنا ارادة حقيقية نستطيع حتى و ان كان بمساعدة من اخصائى نفسى
ان شاء الله سيأتي يا سها
لكن علينا اننا نعمل كل شىء بوسعنا
ولا نيأس
وان غدا لناظره قريب
تحياتي
شوية لزاق و نلم المتكسر
اه هيتصلح
بس بشوية تعب وشوية مجهود وشوية وجع
مش شغلانه يعني
سيدتى كما قلتى ان هناك الكثير من الانكسارات
ودائماً ما نتوهم ان اخر انكسار هو اكبر الانكسارات
ودائماً نتوهم ان اخر الانكسارات هى بالفعل النهايه
لكننا نكتشف بعد ان تمر الازمه بانها كغيرها...
ثم تاتى صدمه جديده اكبر او اصغر نشعر معها انها الاكبر
وننسى بها الانكسار السابق
الذى لم يترك بداخلنا الا مناعه ضد هذا النوع من الانكسار
سيدتى داعى الالم ياخذ وقته وليملائك ايمان بانها ليست النهايه
وبان تك المحنه يوماً سنسخر منها وننظر لها بمنتهى العزة...ويردد لسان حالنا باننا موجودون وماتت المحنه
تحياتى
إرسال تعليق