BLOGGER TEMPLATES AND TWITTER BACKGROUNDS »

الأربعاء، 24 مارس 2010

من وحى الصوره.

تصحو من نومها مبكرا
لا تستطيع النوم
تجلس هكذا تنظر الى اللامكان
تنتظر ان يتغير مزاجها
ذلك المزاج الذى طالما كان يحمل نفس الاحاسيس
تتمنى ان تظل نائمه فى سريرها
تتمنى ان لا يطلب منها احد شيئا
تتمنى ان تظل وحيده
تغلق تليفوناتها وتغلق عينيها وتغلق اذنيها
تغلق كل ما يربطها بالعالم الخارجي بعيدا عنها وعن سريرها
تعود لذلك الاحساس دائما
تتمناه دائما
ودائما لاتحصل على مبتغاها
ما اصعب تلك الامنية وما اسهلها
.......................

15 التعليقات:

فكرة من الزمن ده يقول...

خليتيني عايزة انام
ههههههههه
وحشتيني ياسكرورتي

Remas يقول...

طيب وهاتقعد كدا في سريرها ولوحدها وبعيدا عن العالم الخارجى كتير ؟

وحشتينى يا سكرتى اوى اوى اوى

فينك ياقمر من فترة ؟

Tears يقول...

جميلة اوى التدوينة دى و لمستنى اوى و مع انها مش حزينة بس دمعت
!

دمتى بسعادة دائما

بنت قلبى يقول...

يا ناااااااااااااااس صح كده
الله يسامحك يا سكره
او ياسو
فى تلاته بعلق عندهم على اساس انهم انتى
ومحتاره مابين التلاته ولما شفت
المدونه دى قلت بس هييييييييييا دى الا بدور عليها
وعاوزه اقلك كلمه واحده بس
وحشتينى جدااااااااا

الزهرة البرية (Joudy) يقول...

ايه الغيبة دى إوعى تغيبى تانى بقولك أهو علشان بتوحشينا جدا جدا

أما بقى للبوست بصراحة الوصف حلو بجد تسلم اديكى

دمتى بكل الخير والحب والسعادة

سمع هوص (Abo 3li) يقول...

نفسي اعمل كده... اقفل كل الاجهزة... واقعد في الضلمة لوحدي... يوم كامل بس...
بتهيألي الواحد هيفوق ساعتها من ضغوطات كتير...

معلش بقول اي كلام ملوش دعوة بالبوست..

بس البوست حلو.. وخلاني افكر في كده..

تحياتي

غير معرف يقول...

سكررررررررررررررررة

ليه غيرتى القالب دى تانى حاجة

اوووووووووول حاجة

اخباااااااارك ايه ؟؟؟ يارب تكونى تمام وبخير وزى الفل

طالما مش بتتحرك ولا بتعمل اى حاجة جديدة مش هيتغير اى حاجة فى حياتها ولا حتى مزاجها
يعنى لو يوم نزلت الصبح فى الهوا تتمشى وترجع تانى اكيد مزاجها هيكون غير لما تصحى وتنام تانى فى نفس المكان ومش بتعمل اى جديد

صيدلانيه طالعه نازله يقول...

و بعد ما تبقى وحدها
يا ترى حترتاح لا اظن

اللى بتعمله ده هروووووووووب مش حل
لازم تواجه و تقاوم

الانسحاب نوووووووووووووووو

Ahmed Fayez يقول...

أنا برضه لما بصحى من النوم بقعد شوية لحد ما استوعب فكرة اني صحيت فعلا و يكتمل ادراكي بالمكان و الزمان

سَارةٌ يقول...

احساس جميـل ..

الوحده بتبقى صعبه فعلا .. بس مع كمية الهدووء اللي ف البوست ده

تحسي بالراحه كده ..

تصبحي على خير ياسكره ^_^

Ms Venus يقول...

انا كمان نفسى اعمل زيها اوى يا سكرة

نفسى ابعد خالص عن العالم الخارجى


فينك يا سكرة مش باينة ليه

عجبنى احساس البوست لانى كتير بحس بيه


وعجبتنى كمان الجملة اللى حطاها فى عنوان المدونة

تألم ولكن لاتجعل غيرك يتألم بألمك

جميلة جدااااااا

تحية ليكى يا احلى سكرة

Sad Angel يقول...

نفس احساسى اللى نفسى اعمله
بس صعب على فكرة


تحياتى

إيمان يقول...

عارفه ياسكرة
انا اوقات بابقى كده
بس مش دايما
يعنى بيكون احساس ناتج عن زهق وملل
او انى اول ماهاصحى هقابل مشاكل
او انى اهرب من نقاش مع اى حد بالنوم
هو نوع من الهروب مش اكتر
بس وصفتى حاله اوقات بنمر بيها
حلو البوست والصورة اوى
مع خالص حبى وحبى

momken يقول...

اه والله ياريت

كتير نفسى ابقى مع نفسى كده وعامل دماغ هوا

ومش عاوز حد يجى نحيتى ولا يقولى اى حاجه
مع انى اصلا مش بكون بفكر فى اى حاجه مسهم كده

بوست جامد


تحياتى

beautiful mind يقول...

فعلا ما اجمل ذلك الاحساس
راحة البال
بس هو صعب اوي
نلاقيه في وقت زي دا
تحياتي