BLOGGER TEMPLATES AND TWITTER BACKGROUNDS »

الاثنين، 1 مارس، 2010

ياانى ياغلبى.


طيب


ماشى وحياه امى وغلاوتها لازم اوريكى انجوم فى عز الدهر


انا تعملى فيا كده


دا ايه الافترا دا كله


استنى عليا


دا انا بقى اللى كنت بهدد واتوعد كده


تسألونى بتهددى مين ياسكره


دا انتى حتى طيوبه كده وسكره خالص


اقولك بهدد المفتريه حماتى


ماهو انا لازم احرقلكم دمكم معايا


موش اصحاب وكده يعنى يبقى لازم تتحملوا بقى


شوفوا ياجماعه طبعا احنا عندنا الجهاز متوزع على العريس والعروسه كالاتى


العروسه

لبسها -مفروشات-حلل -صينى -ادوات المطبخ كلها يعنى والنيش كمان

الاجهزه الكهربيه كلها


سى الاستاذ العريس


يجيب الشبكه -ومفيش مهر بيبقى ربع جنيه-يجهز شقته-يفرشها بالاثاث

ويجيب السجاد والستاير والنجف


ايوه بقى ماهو يكفى بس انى بجيب انا اجهزه كهربيه تعدى 10000 جنيه


وادوات مطبخ تعدى 10000 زيهم


وملابس ومفروشات


طيب والله انا عندى فواتير كل الحاجات اللى اشترتها ولما حسبتها تعدت ال40000


يعنى ابويا يبيع البيت ويبيع نفسه وكده والعيال عشان يجهزنى


انتوا معايا ولانمتوا ولاايه


المهم لما العريس اتقدم واهلى قالوا بنشتروا راجل والكلام الحمصى دا(سارقاها من عادل ابن فاتيما)


ماعليكم انتوا المهم


خالتكم حماتى ام زوج المستقبل


ذهبت كده منها لنفسها ولا كأنها خاطبه جاموسه او بقره من الزريبه


وراحت اشترت الستاير وقماش التنجيد واشترت السجاد


هتقولولى وفيها ايه


هاولع فيكم واقولكم هى الحاجات دى هتبقى فى شقه حد تانى ولافى شقتى انا


موش المفروض ومن الزوق يعنى ان الحاجات دى تبقى على زوقى انا


سيبكم من دى كمان هى الحاجات دى موش المفروض انها تيجى بعد الاثاث


ولاتجيب سجاد وستاير وبعد كده تنقى الوان الاثاث اللى تناسبه


طولت عليكم


موش مهم


المهم انها جايه قال تفرحنى ومستنيانى ازغرتلها


دا انا هاولع فيها وفى اللى جابوها


قال رضينا بالهم والهم موش راضى بينا


طيب وحياه ربنا لطلعه عليكى بط بط


اسكت انا بقى واتكتم


لا طبعا ازاى مابقاش سكره ام دماغ ناشف واللى صوتها من دماغها زى ماما مابتقولى دايما


قمت بعد مامشيت وبعد ماتناقشت معاها بالحسنى انها ترجع الحاجات دى


وهى ابدا وراسها والف جزمه


اتصلت بالعريس المنتظر


وقلتله قالى معلش ياسوسو عديها ياحبيبتى


كلمه من هنا وكلمه من هنا


اتخنقت وقمت قايلاله طيب وربنا لو رحت يوم الدخله ولقيهم فارشين الحاجات دى وموش اتغيرت


والله هاولعلك فيهم وانتى عارفنى مجنونه جدا


وطبعا لانه عارفنى جدا فخاف


وقال الطيب احسن بدال ما ممكن اعملها واولعه فى الشقه كلها وتبقى جنازه موش جوازه


راح مكلم الست دى حماتى


وعليه تم ارجاع الحاجات دى للبايع


نطلع من دا بايه بقى


ان سكره موش سكره

دى مفتريه وقويه ومحدش يقدر يكسر شوكتها

كلام حمصى برده

ههههههههههههه

ان حماتى هتورينى هى النجوم فى عز الدهر وساعتها هاطفش منها ومن البيت

وكمان انى خايفه جدا وموش عارفه اذا كنت هاقدر اتعامل مع الناس دى ولا ايه

==========================

ملحوظه كبيره اوى كده على جنب


انا فى الفتره اجايه دى هاستنزف افكاركم وطبعا استشاراتكم

هاسمع منكم واتعلم كده بس معلش موش هارد على التعليقات برده لانى بسمعها كلها

وحشتونى


اوعوا حماتى تشوفكم

25 التعليقات:

Wanda يقول...

مرات عمى عملتها فى عروسة ابنها :-))
و مرات عمى ديه دمياطية ؟ حماتك دمياطية؟؟

سكرة بالهداوة بس
حتبقى كراميلاية قبل ما نفرح فيكى قصدى بيكى :-)))))))))))))))

و براحة على الديناصور اكيد واخذ من الست الوالدة موشحات برضه
يعنى زى مما تشدى ارخى ساعات :-))

و ياستى انت مشوفتيهمش ليه قبل ما ترجعهم ، خذى فكرة برضه
فى زوقها و فى الاسعار و الخامات و الكلام ده

موناليزا يقول...

بصى انتِ وحماتك لازم تتابعوا برنامجى"حماتى فى بيتى" على هذا الرابط
http://www.motalakatradio.com/
يوم السبت والاعادة الاربعاء الساعة 10

e_emy يقول...

مبروووك يا جميل

وان شاء الله تفرحى بالشقة وتبقى اجمل شقه ف الدنيا ...

فاتيما يقول...

يا سكرة يا حبيبتى

ازيك الاول

هديتى و لا لسه؟؟؟

طب عدى من واحد لألف
و اقرى كام سورة كدا و قولى يا رب
و بعدين شغلى فيروز
و روقى خالث


هاه هدينا ؟؟


اتكلم بقى


لمى التعابين يا سوسو و خليكى الكبيرة العاقلة

يا ستى قولى شكرا و منحررمشى منك يا حماتى و لا من مجايبك

و خلاص


روحى انتى اشترى اللى يعجبك يا بنتى
و افرشيه

براحة و خديها بالهداوة يا بنتى

لحد ما تبقى فى بيتك

هتيجى تخليكى وقتها تحطى الحاجة على مزاجها برضو
و لا هيكون خلاص بيتك
و محدش هيهوب ناحيته تانى
و لا آجى انا اللى اولعلكوا فى البوست دا

آه يا نى يا غلبى
انا منك

هدى الجو يا ماما
عاوزين نفرح بيكى
و بلاش كل شوية
تحطى الغلبان دا وسطكم

اسخف حاجة على الراجل انه يتحط فى النص حكم بين مراته و مامته
اصلا الوضع غريب و بايخ
و يا ريت يا حبيبتى تحاولى متزنقهوش كتير فى الموقف دا
عشان يبقى موقفك اقوى
و عشان خاطرك لما يلاقيكى
كدا بتيجى على نفسك و بتتنازلى مؤقتا
يشيلك على راسه

و أشوفك يا رب لما تبقى حماة هتعملى ايه فى مرات ابنك يا هااااااااااانم

ربنا يتمم بخير يا حبيبتى

يا رب

سبايدرمان spiderman يقول...

اولا الف مبرووك
بتبقي احلي ايام و الله ايام تجهيز الجواز
بتبقي حوسه هههههههههههههه

...

و خليكي حنينه عليها عشان تبقي حنينه هي عليكي
و متبدأيش انتي المشاكل
لأنك في الاول و الاخر انتي الى هتبقي خسرانه للأسف يعني

حاولي تكبري دماغك دايما و صديقني هي هتعاملك زي بنتها وا كثر ^_^

صمت المشاعر يقول...

ههههههههههههههههه ياخبر ابيض ياعيني علي حماتك دي هتشوف ايام بيضا وزي الفل وكمان هي هتوريكي ايام بيضا وزي الفل بردوه ههههههههههه

معاكي هي حاجه تغيظ انها تروح تجيب الحاجات دي منها لنفسها بردوه بس انتي طلعتي بمية راجل وخلتيها ترجعهم ههههههه لا دا انتي علمتيني ازاي اتعامل مع حماتي قال انتي عاوزه استشارتنا قال دا انا بعد كدا انا اللي هسالك اعمل ايه


ربنا يوفقك ياااااااااااارب يا سكره

star in the sky يقول...

هههههههههههههههه
لا جامدة بجد
عملتى اللى انتى عاوزاها بس بيتهيالى المرة الجاية بالراحة شوية على حماة المستقبل العزيزة عشان متشيلش منك من قبل الجواز

adel يقول...

سيبك من كل ده

تخدي حاجة مش بتاعتك ليه ؟؟
تقتبسي كلام حمصي مني ليه ؟؟؟

اولع فيكي انا دلوقتي !!!

emymony يقول...

ههههههههههههههه يالهووى ياسكرة
هتوريها النجوم ف الظهر وهطلعيه عليها بط بط
اشطه ههههههههههه ربنا يقويكى ياحبيتى انا لما اجى اتخطب لازم تكون حماتى ربنا افتكرها ههههههههههههه اصلى مش ههش ولا هنش
هههههههههههههه ياوليك ياسواد ليللك ياحماه المستقبل من عصبيه سكرة
انتى ياقمر مش محتاجه نصايح بس عديها علشان المركب تمشى
مع خالص حبى وحبى

صوت من مصر يقول...

لا عمرى خسرت فى البورصه ولا نصاب سرق مالى
وفين المال بلا وكسه وانا صرفه على عيالى
نورتى

أسمعنى شكراَ يقول...

أعزميها على شاى وحطيلها فية سم فران ولو ماأسرش عليها وهى ماشية من عندكوا أرمى عليها جردل مية نار من البلاكونة
___________________

أية للى أنتى بتحكى فية دة بطلى دلع بقى
امال لما تيجى تقعد معاكى فى البيت على طول وتقولك أصل أا بحب أقعد عندكوا هاتعلى أية

Tears يقول...

معاكى حق جدااااااا و برافوا عليكى

ده انا ماليش دعوة بالموضوع اصلا و دمى اتحرق لما قريت حماتك عملت ايه لان اكتر شىء بيستفزنى فى حياتي التسلط اى ان كان نوعه لدرجة انى كاتبه ده فى يافطة فى مدونتى

التصرف بتاعك ممتاز و ماكانش ينفع غيره و الا كان ح يبقى مبدا و انتى لازم تعوديهم على اللى يريحك انتى و جوزك مش اللى يريحك الباقيين لان دى حياتكوا انتو

мαησηα يقول...

هههههههههه

مسائك ورد وفل وياسمين ياسكرتى المسكرة اوى

ضحكتينى وربنا معلش اينعم الموقف مستفز بس بقه خلينى هنا مؤدبة وهاقولك استحملى وبجد بجد رغم انها مواقف تغيظ بس بتضحك لما تفتكريها بعدين ان شاء الله

وربنا يارب يسعدك ويتمملك بخير يارب

كان نفسى اساعدك باى حاجة بس بجد قدام خبر جوازك ولما طلبتى مننا مساعدتك حسيت انى مش عارفة اى حاجة ف الدنيا ياربى بجد انا خيبة اوى

ربنا يارب يسعدك ويهنيكى ويكرمك يارب اللهم اميييييييييييييين

صيدلانيه طالعه نازله يقول...

هههههههههههههه
و ليه طالعه علينا احنا و عماله تتكلمى ما تقومى عليها هيه يا حاجه
امال بس الشطاره ترغى فى وداننا احناو بس

هههههههههههههههههههه
الف مبروك يا قمره و ربنا يتمم بخير

youma يقول...

ههههههههههههههه معلش افرسك اكثر مانتي مفقوعة؟
احنى فليبيا العريس هو لي بيجيب كل حاجة وكمان كوافير العروسة وفستان الفرح والذي منه عليه اصل احنى بندي عروسة مش بنشتري رجالة ابدا هههههههههههههههه ونبقى مفضلين على راسهم من فوق كمان اومال ايه؟

سجود يقول...

السلام عليكم
لا طبعا هي غلطانه ومش ينفع انها تجيب الحاجات الا بذوقك وباستشاراتك
وكمان بعد ماتجيبوا الاثاث كله
عموما معلش
واستعيني بربنا
وممكن لما تلاقيكي شديتي في الموضوع ده ممكن تتجنبك
اصل الناس بتبقي عايزه اللي يشكمها
هههههههههههههههههههه
انا ماقولتش حاجه يا جماعه ده الكيبورد

ستيته حسب الله الحمش يقول...

انا سيبتك تفرغي مكمومات صدرك كلها

آه استغلي المدونة في افراغ اي كبت

لكن انتي انصح كتير من انك تعملي اي ذرة من اللي قلتيها دي

فين السياسة
فين الكياسة
فين لف الناس في بوك الفلوس بتاعنا :)

الحماة لا نتوعدها يا أمي
الحماة نسايسها ونبوسها ونقول لها يا ماما ونستحمل منها اللي بنستحمله من امنا

طب تصدقي بالله
انا حماتي احن من امي
ده انا وماما بنناقر في بعض نقار يشيب له الولدان

ليه اتقبل من ماما كلمة صاروخ موجه ولو جيت على سوسو افتري

سوسو دي اللي جابت وربت وكبرت سي الدكتور حسبو بيه اللي طفح الكوتة علشان يجيب لي بيت ويخطبني ويتجوزني وشعره شاب في اكرامي واكرام ولادي

اي نعم سوسو بتخاف مني علشان انا شرانية
يعني بزغر زي توفيق الدقن
لكن برضه حتى لو سوسو عملت شيء مش ها اعمل اي رد فعل ولا ها احكم ابنها بيننا


اي عراك يكون طرفيه الأم والزوجة
الراجل الصح المتربي صح ابن الحلال المصفي لازم يقف مع امه ظالمة او مظلومة

الراجل اللي لسه بيحب على نفسه ها يقف مع الزوجة حبة نونو ثم سيثور مثل الديناصور ويرجع يقف مع ماما ظالمة او مظلومة

الراجل "السيس" وعاوزة اقول كلمة قبيحة بس بلاش اللي اصلا اسمه ابن حرام هو بس اللي يكسر قلب ماما علشان الزوجة

ام الزوج لازم تكون سنة كده ديكتاتورية
لازم تفهمك انها مخرجتش من حياته
لازم تقول لك ابني حبيبي ومش ربي يا خايبة للغايبة

ارحمي انتي احاسيسها المتلخبطة دلوقت
ومتشعلليش خوفها الهستيري منك
يعني اديها شيء من الأمان وان ابنك عندك يا اختي اشبعي بيه
كل ما حست انك مش عاوزة تتحكمي فيه ولا ها تسرقيه ولا اصلا يلزمك :) كل ما بقت اهدأ نفسا وتطلع منها طبيعة الأم اكتر من طبيعة الحماه

اهدي يا ابو موتة يا اختي
دي الحماة قدر رباني لتكفير الذنوب :)

lostlove يقول...

سكره سكره
مبروووووووووووك كبيره اوي ع البوست الي بقيتي فيه عروسه

وخالي بالك من حماتك
ههههههه حبه نصايح بقي
اسمعي كلمها بس اعمالي في دماغك
خليها تحس انك بتاخدي رئيها في كل حاجه
هههههههه بس بردو انتي الي ممشيه الي انتي عاوزه
وصلي ليها انها الحاكم في كل حاجه
بس انتي الي تكوني ممشيه امورك
ومش تعقديها او يمع حماتك
لانها هتبقي مامتك التانيه
وربنا يوفقك ويسعدك يا رب
تحياتي
اتمني التوفيق

همس الاحباب يقول...

ههههههههههه
يا خوفى على حماتك
هى اللى جابته لنفسها
ههههههههههه
ربنا يتمم بخير والعاقبة عندكم فى الحموات
تحياتى

sony2000 يقول...

بصي بقي ياسكره
حولي تهدي الامور علشان المركب تمشي
شويه شويه وبالهداوه هتخدي اللي انتي عوذاه
فين دهاء ومكر البناتي
لاااااااا عوذاكي لما تعملي حاجه اعمليها بس بدماغ شويه يعني كلام حلو واطلبي وهتاخدي اللي انتي عوذاه
فهماني
ربنا يتمملك علي خير
تفبلي مروري وتحياتي

Tamer Nabil يقول...

هدى اللعب سكرة

خلى حبة عليكى وحبة عليهم

لااحسن لما تروحى عندى حماتك مش هقول ليكى ممكن تعمل اية هههههه

ربنا يوفقك ويكرمك

مع خالص تحياتى

NeVeN يقول...

سكرة
ايه الشطارة دى كلها؟
قوليلى بتعرفى تعملى كدة ازاى ؟؟

بس ارجع واقولك متحاوليش تخسريها
حاولى تعتبريها زى مامتك
صدقينى لو خدت منك موقف هتبقا بداية مش ظريفة خالص
اتمنى منك على الاقل تكونى كلمتيها بعد اللى حصل وتفهميها رايك بس باسلوب هادى اصل اللى حصل معناه ان زوقها او رايها ميعجبكيش و دة هتعتبره اهانة ليها ويا ويلك لو حطتك فى دماغها هتشوفى شغل الحموات على حق

نصيحة خبيثة شوية كلى بعقلها حلاوة هتلاقيها بتموت فيكى

متزعليش منى لو حسيتى انى اتدخلت شويتين

ربنا يتمم بخير ياقمر

sabry abo-omar يقول...

خناقة خناقة وكله عايز يعمل اللى عاوزه وناسيين أهم واحد اللى مستحملكم أنتم الأتنين والاموأخذة .. العريس المقهور طبعا .. ربنا معاه بينكم انتم التنين أنتى وحماتك قصدى.. شكرا للجنس الناعم على النعومة الزيادة..عادى طبعا نصيحتى أوعى تتنازلى ابدا وربنا معاك ياصاحبى

الشعب لابد له من حكومه تشكمه يقول...

روستوخ روستوخ يازكى ياروستوخ برااااااااااحه انتى داخله حرب يا امى هههههههه...

بس عجبنى اوىىىىىىىى انك مشيتى كلامك هههههههههههههههه جامده يابت...

Ana keda يقول...

ههههههههههههههه
هههههههههههههههه
موقف ولا اروع بس ع فكرة ده العاتى والطبيعى يعنى عند الناس الكبيرة دى وفعلا الجواز وتجهيزاته مملة يالهوى انا لما جيت اتجوز برضه ماما يعينى كانت بتقع منى واحنا كل يوم نازلين ودافعين كزا و كزا
بس برضه هقولك ع نصيحة من اختك الى جربت وبقولك انا اه معنديش حماة بس عندى اخته الكبيرة قايمة بالواجب وعاوزانى تحت ايدها علطول وكده بس لما عملت وقفة وحركات وكله بالادب ومن غير ما ادخله بينا لان فعلا حاجة رخمة جدا وهو ساعتها بيحس احاسيس مش لطيفة خالص بس فى احتمال من الاتنين
1 حماتك تطلع عاقلة كده وحلوة وامورة وتمشى معاكى كويس وده برضو هيخليكى تتعبى اوى عشان ترضيها باى حاجة واعتبريها والدتك بقى والجو ده عشان جوزك يشيل فى عنيه دى امه برضو
2- حماتك تكون من النوع الى بيرمى كلام وحركات وساعتها انتى هتضطرى تتعالمى بذكاوة عشان مفيش كلمة تطلع فى عصبية
اهتى اهتى خالص كده وعدى الليلة