BLOGGER TEMPLATES AND TWITTER BACKGROUNDS »

الثلاثاء، 27 أكتوبر، 2009

الحقيقه.


عشان نعرف الحقيقة ونشخص مرضنا صح.
يجب علينا ان نغير من رؤيتنا للامور بشكل مستمر.


نبدأ بمعرفه وجهه نظر الاخر والذى غالبا لا يعرف ما يحدث داخلنا.


لذا نحاول ان نفهم الامور من جميع النواحي ,ونستبعد كل الاحتمالات.


نكشف عن معلومات جديده
لنعرف اين يكمن الخطأ الحقيقي.


ونأخذ آراء اخرى,
املا فى ملاحظه ما اغفلناه
وهذا يعتبر سببا للحياه او الموت.


وحين نصل الى
الحقيقة,

تلك الحقيقة التي يصعب علينا مواجهتها او تقبلها .

هنا فقط نبحث عن رأى أخر.

واحيانا :يؤكد الرأي الاخر اسوأ مخاوفنا.

ولكن احيانا ايضا:

قد يلقى بالضوء على جانب اخر من المشكلة
ويجعلك تراها من زاوية مختلفه .


وبعد عرض جميع الاراء ووضعها فى الحسبان,
نكتشف اخيرا بان ماكنا نسعى اليه كان

(الحقيقة).

ولكنها ليست النهاية

بل هي بدايه نقطه جديده

تحمل معها اسئله جديده
؟؟؟؟؟؟؟؟؟؟؟؟؟؟؟؟؟؟؟؟؟؟
اسئله لانتهى.


مقتبس ومحرف من مسلسلي المفضل(Grey's Anatomy )

51 التعليقات:

Sweet Violet يقول...

ايه ده بقى
ده انا لسه كنت برد على البوست اللى فات
طيب انا هروح اشوف و اجى تانى
وبردو منتظرة البوسة بتاعتى هناك
وواحدة كمان هنا يبقى اتنين
يلا هروح اقرا و ارجع

donya يقول...

عارفه كل واحد فينا بيكون عارف الحقيقه
وحدوده وقدراته
والطرف الاخر كمان بيكون عارف
لكن بتكون في حاله من الاستعباط المتبادل

وكل واحد عايز يفرض حقيقته اللي عادتا بتكون مش كامله

*تحياتي

الأحــــــ إيناس ــــــزان يقول...

والله بوست جميل قووى

وانا معاكى لاذم كلنا نبص من جميع الجوانب عشان نعرف الحقيقه ونبطل استعباط بقا
وعدم لا مبالاة

مودتى
ايناس

صيدلانيه طالعه نازله يقول...

ياريت كلنا ربنا يقدرنا و نقدر نشوف حقيقه نفسنا
اللى انا متأكده ان كل واحد فينا عارفه و فاهمها بس بتكون حاله من المكابره بلا معنى لمجرد تقويه موقفنا قصاد الطرف الاخر
مع ان الطريقه دى بتكون سبب اننا نخسر كتير و نضيع وقت اكتر

Sweet Violet يقول...

و للأسف الشديد فى ناس رغم كل ده بترفض تشوف الحقيقة و مصممه انها تعيش الوهم و فى الاخر بتخسر كل حاجة و اهم حاجة بتخسر نفسها
و غصب عنها بتعيش الحقيقة لكن جوا سجن الوهم لان بيكون فات الاوان انها تخرج منه
v_v

mimi يقول...

يا دماغك العالية يا ساسو

هههههههههههههههههه

طب إيه؟

asadma7bos يقول...

الحقيقة هى الواقع وهى الركيز الذى نرتكز علية فى الشدائد والحقيقة هى مبدأ لا يتجزأ ومن مميزات الحقيقه انها واضحة وجلية لا تحتاج لشرح ولا فهامة لكى نفهمها بل هى تنوب عن نفسها فى تلك الأمور
وإن جيتى للحقيقة انا فى الحقيقة مش فاهم ايه الموضوع لكن بنحب نوجب مع الجدعان
هذا وبالله التوفيق

فكرة من الزمن ده يقول...

الحقيقة انتي نشيطة ماشاء الله
شوفن بوست قصةمن الواقع بالليل وقلت الصبح ارد عليكي اجي الاقي فاتني بوستين
لكن الحقيقة بوست رائع وفعلا دائما هناك شيء صادم اسمه الحقيقة قليل من يبدا من عنده
تحياتي

اسماء واحلام فى وجدانى يقول...

يكفى اوى ان كل واحد عارف نفسه من جواه
لانه لو ضحك على الدنيا كلها
مش هيقدر يضحك على نفسه

وبعد اذنك يا ميمى

ساسو

دماغك عالية النهاردة اوى

بنت قلبى يقول...

عارفه

اى بوست بتكتبه بحس ان وراه الغاز كتيييييير
وغامض لدرجه مااااا
وهسبنى من الاحساس الا بشوفه فى كلامك دا
انما هرد على البوست دا
الحقيقه مافيش احسن منها
ودا اول خيط الامان ليكى بدال ماشيه بمى يرضا الله
الخوف مش هيتزرع جواكى
ياريت بجد بنمشى بضميرنا ونقول الحقيقه حتى لو هتخسرنا حياتنا بس نحس اننا ما بنغلطشى واننا صح
عيشت يا قمرىا على البوست دا
تحياتى ليكى
وعلى غموضك

romansy يقول...

وفين هنلاقى الحقيقه بس
وكل حاجه بقت تايهه فى بعضها

donya يقول...

اناجيت اطمن عليكي
ياريب تكوني احسن النهارده
ماتحوليش تدوري علي حقيقة اللي قصادك كتير
علشان ساعات لما بنلاقيها بتكون صادمه

ماتدوريش الا لو اللي قصادك ده هيكون في ارتباط
غير كده ماتحوليش

*تحياتي

سماء يقول...

اذيك يا ساسو

اية البوستات الجامدة دية

الحقيقة هى الواقع اللى ممكن نقبلة او منقبلهوش

بكل ما فية من ميزات وعيوب

ساعات بنفضل ندور على الحقيقة وهى موجودة قصادنا

وساعات بنحتاج حد يرشدنا ليها


دمتى بكل ود

Mona يقول...

حلوة ياساسو ولو أنى بحب ER أكتر من Grey's Anatomy بس طبعا البنات الحلوة الى زيك بيحبوه علشان الممثل الحيليوة الى فيه :))))

الشعب لابد له من حكومه تشكمه يقول...

داخله كده منشكحه ولا بيا ولا عليا لقيت شيرين فى وشى:(
كأبتنى ومش هرد على البوست كمان:(
بحب الاغنيه دى جدااا ومن كتر مبحبها مش بحب اسمعها:)

مي يقول...

فعلا كلامك صح لازم نبقى محيطين بكل الجوانب عشان نعرف الحقيقة بس للاسف بندور كتيررر اوى الزيف بقى اسهل

بس برضه لو عرفنا كل الحدود اكيد هنوصلها
تحياتى ياقمراية

فراشة يقول...

تحياتي لكلماتك المعبرة واللى طبعا صح جدا
وبعدين انا عماله اقول قريت الكلام دا فين ههههههههه
فعلا انا سمعت الحلقه دي ف جرايز وبموووووووت ف المسلسل دا

مدونة جميلة ياساسو

فارس عبدالفتاح يقول...

هناك فارقاً كبيراً جداً بين الحق والحقيقة ، فالحق هو ما ينبغي أن يكون بمنطق أو بداعي أو بحكم الأخلاق أو القانون إلى آخره


أما الحقيقة فهي ما وقع على الأرض فعلاً متأثراً بالطبائع الإنسانية متأثرا بالظروف التي يجد فيها أي شخص نفسه بالظروف التي يمارس فيها أي صراع بالحقائق وبالتضاريس الواقعة على أرض معينة بالمناخ السائد في لحظة معينة


وعليه فانه هناك فرق كبير جداً بين الحق وبين الحقيقة

eldalosmypain يقول...

انتي عارفة الفكرة في كلمة واحدة مبيفهموش اية اللي جوانا وبيبدا في اصدار الاحكام
مبيحاولش يبصوا من اكتر من جانب
دة شيء متعب بنسبالي ومضايقني لانهم فاكرين اني مش بسمع غير لنفسي


دمتي بخير خدي باللك من نفسك

مـجـنـووون يقول...

يا ريت الناس تفكر بالطريقة دي

كانت ارتاحت وريحت ناس كتير

بس المشكله أن كل واحد شايف نفسه هو الصح وكل الناس غلط

تقبلي مروري
مجنووون

شاب فقرى يقول...

الله الله الله

مش عارف دى فلسفة ولا محاولة لفهم الواقع وتشخيص مشكلة ما وحل ما يقع فى حياتنا من مشكلات وعلاجها

ولكن

عشان تعرفى الحقيقة

تخليلى أنكى كيانا آخر

وأنك تنظرين لهذا الكيان وتقيمى ما تريه وأنتى عالمة بكافة نواحى المشكلة والظروف القائمة عليها وكل شىء

حينها فقط سترين الحقيقة

تحياتى
شاب فقرى

شاب فقرى يقول...

الاغنيه بتاعت اسف عالإزعاج

لما بشوف الفيلم دا بشوف نفسى بالظبط

الحالة دى كانت عندى بنسبة 100 %

وأجمل جملة فى الفيلم


تخيلى إيه ؟؟؟

وأنا هقولك رأيى بعدين

شاب فقرى

yasmina يقول...

هااااااااااى
بجد ما اجمل البوست دة حقيقى
كلماته كتير بسيطة ولكنها كتييييير جميلة اوى
بجد رائع
وواقعى كمان فعلا

تحياتى سلام
وبجد نورتيييينى

Saso يقول...

sweet violet
او ضد
حبيبتى وحشتينى
عامله ايه اتاخرت عليكى
ماشى ياستى ادى 5 بوسات موش اتنين بس عشان بس الحسد


عندك حق ومليون حق
بيسجن نفسه مع الحقيقه جوه الاوهام
نورتينى

Saso يقول...

دنيا
ميرسى على سؤالك عنى ياقمر
وخلاص انا موش هتعب نفسى انى اعرف اى حاجه عن اى حد
كدا هيكون احسن للكل
تحياتى ونورتينى وسؤالك عنى فرحنى اوى

Saso يقول...

الاحزان ايناس
ازيك يانوسه عامله ايه
نورتينى

Saso يقول...

صيدلانيه طالعه نازله
نورتينى يادكتوره ويارب كلنا نعرف حقيقتنا يارب
ونقدر نقبلها لو ماكانتش زى مااحنا عاوزينها
نورتينى

Saso يقول...

mimi
بزمتك دماغى اعلى من دماغك انتى يابنبونايه
ههههههههههههههههههههه

Saso يقول...

asadma7bos
واجبك وصل يااسد
وفى الحقيقه انا كمان موش فاهمه الحقيقه
هههههههههههههه
نورتنى

Saso يقول...

فكره من الزمن دا
حد قالى قبل كدا عنك طاقه زياده فقلت اطلعها فى الكتابه ودا ياقمر سر النشاط بتاعى
ههههههههههههههههههههه
نورتينى

Saso يقول...

اسماء واحلام فى وجدانى
ايه ياعم احمد
هو كلكم عليا ولاايه
والله هى كانت عاليه كدا من غير اى وسائل مساعده
هههههههههههه
وطبعا اصعب حاجه اننا نضحك على نفسنا ونخدعها
نورتنى

Saso يقول...

بنت قلبى
تحياتى على قوه ملاحظتك دى
صحيح كل كلامى بيبقى بسبب حاجه جوايا موش بقدر اصرح بيها لكن موش معنى كدا انى متعمده الغموض
تحياتى ياقمر ياصغنونه انتى
نورتينى

Saso يقول...

romansy
صحيح فين هنلاقيها؟
ماتيجى ندور يمكن مداريه مننا هنا ولاهناك
نورتنى

Saso يقول...

سما
ندور ندور ندور
بجناح حزين مكسور
ساعات نشوف فى الضلمه وساعات نتوه فى النور
نورتينى

Saso يقول...

mona
تسلمى ياقلبى على المجامله الرقيقه دى
وكمان انا بحب er لكن جرايز اناتومى بحبه اكتر وهو المفضل عندى
نورتينى

Saso يقول...

الشعب لابد له من حكومه تشكمه
هههههههههه
سورى انى كأبتك ياشعبنا العظيم
بس برده مستنيه ردك على البوست
تحياتى
نورتينى

Saso يقول...

ميويه
منوره ياقمر
ليه الزيف بقى اكتر ؟




فراشه
نورتى البلوج يافراشه
انا بحب الفراشات اوى
تحياتى

Saso يقول...

فارس عبدالفتاح
رائع ماقلت فى الفرق بين الحق والحقيقه
نورتنى

Saso يقول...

eldalosmypain
حبيبتى حروووف
كنت هاتصل بيكى لكن خفت عشان موش عاوزه اتعبك بتعبى
عندك حق متخيليين انهم فاهمينا اكتر من نفسنا
بنحاول نوصل لهم وموش بنقدر وبيتخيلونا انانيين او مابنسمعش غير صوتنا احنا وبس
منوره ياحرووفى

Saso يقول...

مجنون
كلامك بيدل على عقل مجنون
نورتنى

Saso يقول...

شاب فقرى
دى موش فلسفه
دى محاوله لفهم الواقع واللى شكلى كدا هافشل فى انى افهمه


اما الفيلم فهم اكثر من رائع
والجمله هى "موش هاعرف موش هاعرف عشان هابقى لوحدى وانا موش عاوز ابقى لوحدى عشان انا على طول لوحدى موش عاوز اكتأب انا اسف انا اسف."

Saso يقول...

yasmina
انتى اللى نورتينى ياقمرايه
مساكى سكر ياسكر
ميرسى على كلامك الحلو دا

يوميات الحارة يقول...

صورتى المعرفة بابسط انواعها
فاجدتى فى تعبيرك لكن ما اعجبنى اكثر انه كلما توصلتى للحقيقة زادت مقدمات التفكير وبديهيات التنوع لمعرفة ما بعد الحقيقة


تقبلى مرورى

فشكووول يقول...

ازيك يا ساسو

تحياتى

اشكرك على التعليق فى فشكول

الحقيقه يا ساسو ان احنا بنستعجل فى الحكم على الآخرين ولو حطينا نفسنا فى مكانهم وحسينا باحاسيسهم قد نفهم الاشياء من وجهتى النظر .. هنا قد يكون حكمنا على الاشياء حكما صحيحا .. او على الاقل اقرب الى الصحيح .. لكن ان نحكم من وجهة نظرنا فقط فهذا ما يضعنا فى المشاكل

تحياتى

Saso يقول...

يوميات الحاره
اتمنى انا اكون اجدت كما قلت ونورتنى
تحياتى

Saso يقول...

فشكووول
عم فشكوول نورتنى
بس هو فيه حد فى دنيتنا دى بيحط نفسه مكان حد تانى ؟
اشك بشده واعتقد كلنا بنحكم بظواهر الامور
انا نفسى بغلط كتير وبحكم بظواهر الامور بس الفرق بينى وبين الاخرين انى موش بصرح بحكمى دا
بحتفظ بيه لنفسى يمكن اكون غلط ويمكن اجرح من غير قصد
.

ميمي وأحمد يقول...

ساسوو

برجاء قراءة هذا الموضوع
شكرا

اسماء واحلام فى وجدانى يقول...
أزال المؤلف هذا التعليق.
ميمي وأحمد يقول...

فعل الخير بلا استذان
ربنا يجعله فى ميزان حسناتك اللهم امين

ميمي وأحمد يقول...

طبعا يا ساسو

انشريه وياريت تنشريه

ميمي

إسكندرانية يقول...

مودك مش حلو من البوست اللي قبل اللي فااات
يارب يكون خير