BLOGGER TEMPLATES AND TWITTER BACKGROUNDS »

الجمعة، 16 أكتوبر، 2009

هو احنا ليه خايفين؟!!!!!!!


عجيب اوى احساس الخوف دا ..
من يومين كنت رايحه اسكندريه وبما انني من الارياف فكان لازم على مامى تحذرني اشد التحذيرات
من المدينه وسكانها واهلها وسواقينها كل حاجه فيها.
لكن بما انني موش بخاف فانا بسمع كلامها من ناحيه واطلعه من الناحيه التانيه.
موش عدم احترام ولكن عدم خوف.
بتحسسنى انى بنوته صغيره اوى وممكن ينضحك عليها بمصاصه وباكو لبان كلوريتس ولاشيكولاته .
هههههههههههههههه
بتصعب عليا اوى ماما دي وربنا اصل انا بعيد عنكم بنت كدا مطلعه عنيها ومخلياها يعيني تشد فى شعرها .
المهم ..........
ماما زي كل الامهات بتعلم ولادها من نعومه اظافرهم ازاى يخافوا من الاخر
مهما كان هذا الاخر
شاب ...رجل....بنت ....
طيب هتقولولوا شاب وراجل دي فاهمينها عشان هي بنت فلازم تخاف منهم
طيب والبنت تخاف من البنت ليه ؟
اقولكم "بلاش زعيق انت وهو:"
ماما بتقول مايفسدش البنت غير بنت زيها .
اصحاب سوء يعنى اصلها موش واخده بالها ان اسباب الفساد بقت كثيره اوى حوالينا .
اوعى تعلى صوتك قدام حد اكبر منك .
حاضر هاحترمه لكن موش هاقدر الغى شخصيتي قدامه عشان هو اكبر منى.
اوعى تركبي تاكسي لوحدك .
حاضر يامامتى.
وطبعا اخرج جرى واول ما اوصل لازم اوقف تاكسي واركب لوحدي وموش حصل حاجه لغايه دلوقتى
اصله هو هيعمل ايه مع بنت زيى كدا مسترجله فيها
اقولكم موضوع الخوف دا كبير اوى وكنت عاوزه اتكلم فيه اكتر لكن ماعنديش نفس دلوقتى .
اهم حاجه عاوزه اقو لهالكم انى بعلم حنين بنت اختي انها موش تخاف من حد ولامن اي حاجه غير ربنا وبس
سلا موز

3 التعليقات:

***.سماء.*** يقول...

كل الامهات كدة بتخاف على ولادها

بس مش بدرجة كبيرة تنقل الخوف لولادها


تقبلى مرورى

Saso يقول...

هاقولك زى منى زكى ماقالت لشريف منير"تقبلناه"
بس هاقولك حاجه كمان دا يسعدنى انك تمرى عليا
لكن انك تعلقى
دا كتير اوووووووووى زى مشهوووووور اووووووووى
ههههههههههه
تحياتى

winner يقول...

ده مش خوف ..
ده حرص ..
مش لازم عشان اكون مابخافش اطلع في نص الليل امشي في حتة مقطوعة .. دي مش شجاعة يعني ..

انا اتعلمت من طول السنسن اني اسمع كلام الناس اللي اكبر مني و بثق فيهم خصوما امي و ابويا .. برضه هم شافوا حاجات اكتر .. و اكيد ليهم وجهة نظر ..