BLOGGER TEMPLATES AND TWITTER BACKGROUNDS »

الثلاثاء، 20 أكتوبر، 2009

الدموع والالم..!!!!!


عندما نتألم بشده فاننا نبكى بحرقه .
نبكى بحرقه وكأن دموعنا نار تحرقنا ولاتطفأ الامنا
نبكى حتى تجف دموعنا ولكن لايهدأ الالم .
وعندما تجف الدموع نبكى بدون دموع ومااصعب البكاء بدون دموع .
ثم بعدما لانستطيع ان نبكى نشعر بأننا غير متوازنيين ,نشعر وكأننا على مرجيحه ولانستطيع الثبات تتحرك بشده ولانستطيع ان نوقفها . بعد كده ممكن نتحول لمرحله تانيه فى التعايش مع الالم وتكون بأن ننام .نعم ننام وننام كثيرا حتى لانشعر بهذا الالم ونكون كمن يهرب من النار بالرمداء ولكن هيهات ان نستريح فمازلنا نتألم .
بعد ذلك من الممكن ان نصل الى مرحله اللامبالاه ولكن صدقونى فانها وعلى مااعتقد ستكون مريحه جدا تلك المرحله ,سنتعايش مع الالم ونحيا معه ونحبه ويتحول الى صديق مخلص دائم الوجود لاينفر منا ولايتخلى عن مسئوليته تجاهنا .انا اريد ان احيا فى مرحله اللامبالاه حتى استريح مما انا فيه.


ملحوظه من البنت ساسو الحلوه,انا هاشرب بق مايه وانام واكيد اصحى كدا وكدا وكدا

29 التعليقات:

Sweet Violet يقول...

لالالالالالالالالالا
و كمان
لالالالالالالالالالالا
مرحلة لامبالاه اييييييه اللى عايزة تدخلى فيها دى هه هه
ده كلام يعنى علشان مش تتألمى تعيشى مصاحبه الالم و ياريت فعلا تكونوا اصدقاء لا انتى بس بتعطى بنج لحضرتك و لما المفعول يروح هتكونى اسوأ من الاول

الحل الوحيد انك تقبلى الالم اعطى لنفسك حقها فى انها تتألم لكن بحدود
و زى ماانتى بتعيشى السعاده عيشى الحزن لكن مش تدفنى نفسك فيه

هاتى بقى شوية ميه علشان عايزة اشرب انا كمان
ايه البخل ده
^_^

Saso يقول...

sweet Violet
ياصباح الناس اللى بتقف جنب الناس التانيه
صباحك عسل عثل ابيض والنبى
بس صدقينى انا محتاجه اوى انى اتعايش معاه موش اعيشه
موش هاقدر انى اتألم بشكل ظاهر لازم اكتم المى جوايا
شكرا على تأييدك ياقمر

Saso يقول...

يانهار عثل ياولاد ست هنيه المتهنيه عندنا يامرحبا يامرحبا
نورك غطى ع الكهربا
شوفتى نسيت ان بتألم اهو وقلت انا معرفتش احييكى فى التعليق اللى فات وقولت اعمل واجب الضيافه بقى
هههههههههه
ودى كمان بوسه من هنا وبوسه من هنا
امووووووووووووووه اموووووووووووووووووووه

Sweet Violet يقول...

ههههههههههه
ماشى ماشى نعدى التعليق الاول و نقول اخدنا فى التانى
^_^

بس فين الميه هه ولا هو تفتكرى الشوكولاته بتاعتك بس
تؤتؤتؤتؤتؤتؤتؤتؤ
خدى ياستى بوسك اهو امممممممممممموة امممممممممممموة
بدل ماتضحكى عليا و افضل عطشانه كده بسبب البوسه هههههههههه

جد بقى شوية
ماهو لو فعلا هتقدرى تتعايشة معاه كنت وافقتك ومافيش اعتراض .. لكن انتى بالحالة دى بتعطى نفسك بنج فقط و هتفوقى بعدها على ألم اجمد
حاولى تداوى الجرح نهائى بدل مايكون كتم مؤقت

هاتى الميه بقى
^_^

Saso يقول...

يادى الميه
تعالى يابنتى وانا اديكى زير ميه بحاله
ههههههههه
الجد
انا بتألم من سنين ولما حاولت انى اخفف الألم دا واعيشه زاد فكان لازم انى ادفنه تانى

Tamer Nabil يقول...

الدموع الى حد ما مؤلمة بس بتغسل العيون من الاتربة وما يعلق بين جوانبها يعنى لها فوائد

وبعدين دة اخرة اللى بياكل شوكولاتة وجبنة رومى ههههه

مع خالص تحياتى

راجى يقول...

وحش جدا شعور اللامبالاة ، التعامل مع الالم افضل

Saso يقول...

ياجماعه كلكم بتقولوا نتعامل مع الألم
صدقونى الكلام غير الفعل



راجى
شكرا للزياره

شاب فقرى يقول...

حاولى تبصى للكوبايه من اكتر من اتجاه

وشوفى الالم والمواقف الحياتيه من اكتر من اتجاه

وردى عليه شفتى ايه وانا هاجى اقولك وجهة نظرى

شاب فقرى

نورينا يقول...

ازيك يا ساسو عامله ايه يا عسل الشيكولاته السويسريه وصلت ولا لسه ههههههههه

بصي يا ستي اللامبالاه دي يعني انعدام الاحساس والشعور حاله كدا من الهدوء القاتل يعني مش هتحسي بالالام وممكن دا يريحك ومش هتحسي بالفرح والسعاده من اي حاجه حلوه يعني تكوني جماد لايشعر بشيءودا طبعا شيء مش طبيعي ربنا خلقنا وخلق معانا الاحساس والشعور عشان نتعلم ونكتسب خبرات وكمان لما نتألم نحس بقيمه الراحه والصحه والسعاده

ربنا يبعد عنك الالام والاحزان والدموع
سلام يا قمر

mimi يقول...

أد إيه الكلمات حزينة وجميلة ومن القلب فعلا

( مش فهمت يعني ايه بق مية وكدا وكدا؟؟؟؟)

سيم ده ولا إيه؟

هاه إيه هاه!!!!

طوبه فضه وطوبه دهب يقول...

الله عليكى كلام خارج من صميم القلب فوصل حقا الى القلب بس اللامبالاه دى مش بتاعت انسانه حساسه ورقيقه ذيك ياقمر ربنا يهون عليكى يارب وتبقى فى احسن حال يارب

Saso يقول...

تامر نبيل
بتاع القطط
دا انت ياعم بتاع الجبنه الرومى والشيكولاته كلها
موش عندك قطتين
نونولى عليهم
هههههههههه
وبعدين ايه تغسل دى والله شكلكم كدا ماعندكمش غساله

تحياتى لمرورك

Saso يقول...

شاب فقرى
انت عارف ن البنى ءادم لما يكون فى المرحله اللى بحكى عليها دى موش بيقدر يبص للكوبايه من اى اتجاه

مستنيه وجهه نظرك

Saso يقول...

نورينا
والله دايما منورانى ياقمر

بس ايه رأيك لو حاولنا اننا نخلى نفسنا فى لامبالاه من ناحيه الالم بس
لكن باقى المشاعر نحسها
بزمتك موش يبقى حلو اننا نقسم قلبنا كدا

Saso يقول...

ميمايا العسل وصلت يابلد
يامرحب ياالفين اهلا وسهلا
ايه رأيك نخليه سيم بينا
لما نبقى حاسين بحزن اوى ناخد بق مايه وننام
اموووووووووووه

Saso يقول...

طوبه فضه وطوبه دهب
شهادتك انى انسانه حساسه ورقيقه دى هاابروزها واعلقها على جدران المدونه
بس خلى بالك البرواز على حسابك
هههههههههههه
شكرا على دعائك ربنا يستجيبه

سماء يقول...

اذيك يا ساسو

اللامبالاة معناها فقدان الوعى وان غيرى هو اللى بيحركنى

مش عارفة افك شفرة الكلمة الاخيرة قصدك التعليقات

ولا اية ؟

على العموم تصحى بالسلامة

ربنا يروق بالك دايما

همســات عــلى ضــوء الــقمر يقول...

سعيدة بزيارتك ليا

كلامك جميل ومظبوط
مااصعب ان نبكى بغير دموع
وما اصعب ان يكون القلب موجوع

بس حاولى تتغلبى على الالم تحياتى لكى

إسكندرانية يقول...

انا جييييييييييييييييت عارفه بيعجبني بوستاتك انها بتقول المفيد
انا بنسبالي تخطيت المراحل التلاتة وبقيت في الرابعه

حبقا اقولك اية نظامها دية
بس نصيحة لا سمك ولا بيض اسبوع

دمتي منوراني اوعي تكوني نمتي

Saso يقول...

سماء
ياقمر السما اخبارك ايه
وبالنسبه للكلمه الاخيره دى كانت تهييس بس
فقدان الوعى لو طال يبقى غيبوبه ودى تبقى حاجه حلوه اوى
شكرا لمرورك

Saso يقول...

همسات على ضوء القمر
بحاول على اد مااقدر
ادعيلى

Saso يقول...

اسكندرانيه
ميرسى على النيصيحه بس قالوا
ممنوع اى اكل خالص .
هتلخبطونى ليه اكل ايه بالظبط قولولى
تسلميلى ياقمر ياسكندرى
انا ياناس موش عارفه انا بحب اسكندريه بشكل غريب اوى

غروب يقول...

وعندما تجف الدموع نبكى بدون دموع ومااصعب البكاء بدون دموع

ياااااااااااااه

صعب اووووووى
كلامك عاجبنى اوى يا ساسو لكنه صعب

تحياتى لقلمك

!! a7mad sala7 !! يقول...

لا يتعلم من لا يتألم

والدموع مريحة بعض الوقت
وليس كل الوقت

التعايش مع اى موقف مطلوب
ان كان فى الصالح

ايه حقل اللغة العربية اللى وقت فيه ده :D

القصد
بوست محسوس اوى :(

تسلم الايادى

اسماء واحلام فى وجدانى يقول...

صباح الحزن

ايوة يا افندم انا احمد بتاع الكتاب
بس للاسف انا مش جندى مجند انا برىء يا بيه



اجمل احساس هو احساس الحزن لانه بيرقى صاحبه لاعلى درجات الاحساس بغيره ومن غير كلام بيقدر يعرف اللى قصاده عايز ايه وممكن كمان يحس باللى جواه

اسماء واحلام فى وجدانى يقول...

يلا بقى عاوزه التعليقات تنزل زى المطر عليا


انتى متاكدة من الجملة دى

انت تسال والكمبيوتر يجيب يقول...

سررنا بالمرور ...فهنا عقل يفكر ونفس حساسه لما يدور حولها...ايه رايك لم اشركنا اكبر عدد ممكن من الناس لمناقشة تساؤلاتك ؟التفاصيل فى هذه الدعوه
فنحن اول برنامج أذاعى عن النت والمدونات منأذاعة مصر الرئيسيهمن ماسبيرو-أذاعة البرنامج العام...يومياعذا الجمعه تسعه وعشره صباحا...وكافة التفاصيل فى مدونة برنامجنا
http://netonradio.blogspot.com

Saso يقول...

غروب
ميرسى ياقمر على مرورك
نورتينى



احمد صلاح
حلو اوى لايتعلم من لايتألم دى
هاسرقها منك
ههههههه نورتنى


اسماء واحلام فى وجدانى
نورت ياجندى مجند احمد
خلى بالك هنا فى البلوج دا مافيش حد بياخد تأجيل ولااعفا من التجنيد
والتجنيد هنا مؤبد
ههههههههههههه