BLOGGER TEMPLATES AND TWITTER BACKGROUNDS »

الاثنين، 10 أغسطس، 2009

ومازال البحث جارى

طبعا كلنا بنسمع الكلمه دى كتير
آ آ آ آ آ آ آ ه نسيت اقول مساء الخير وكدا يعنى وعاملين ايه والحاجات الخنقه دى كلها
المهم ومازال البحث جاري
ياترى ياهل ترى البحث دا جارى عن ايه بالظبط؟!!
انا هاتكلم بالنسبالى انا
انا ياجماعه الخير طول عمرى كد والصلاه على النبى بدور
ببحث وببحث وببحث عن حاجات كتير
ببحث عن ناس فيهم حب زمان واصاله زمان .......
ناس موش يكون كل همهم مصلحتهم الشخصيه وبس
عارفين انا بعمل ايه بدور على صديق
ايوه هتقولولى كل الناس اللى حواليكى دول وموش لاقيه صديق
ايوه كل اللى حواليه انا اللى بهتم بيهم
انا اللى بسأل عليهم
ماحدش بيسأل عليا
ولو بقى كبرت فى دماغى كدا وقلت تولع الدنيا فى دماغ الكل واخد بعضى مع بعضى وابعد عن كل الناس
عارفين ايه اللى يحصل ؟
يزعلوا وانتى ازاى موش تسألى علينا
والاقى مليون ازاى طلعت فى وشى كدا زى مدفع رمضان
اه صحيح بما اننا داخلين على رمضان فاقول لكم كل سنه وانتوا هنا فى مصر
وادعى ربنا انى انا موش ابقى هنا فى مصر
انا بكره مصر
بكرهها اوى
وبالعن اسلاف اللى جايبينها
اصلى كل ماحد يكلمنى يقولى البلد دى احسن من غيرها
طيب والنبى على زمه ودين وطبعا انا عارفه ان زمتكم استك مطاطى اوى من بتاع زمان
دى احسن من غيرها فى ايه
لاتعليم نافع
ولاحب نافع
ولاحقد نافع
المشكله ان الشعب ابن التيت دا موش نافع فى اى حاجه غير انه يقول احنا كنا
وكنا وكنا وكنا
كله ماضى وبس
عمركم سمعتوا واحد بيقول هنكون
انا موش بعملكم احباط ولاحاجه انا بس بأرغى مع نفسى
انا عارفه ان مفيش حد هيقرأ اللى انا بكتبه دا بس موش مهم

2 التعليقات:

شاب فقرى يقول...

الخل الوفى

حاجة كدا من المستحيلات

ومش هتلاقيه برده

انا عملت زيك

لحد ما لقيت صحابى الحاليين والله اعلم هنستمر ولا لاء

تحياتى

شاب فقرى

winner يقول...

ربنا يوفقك في البحث
بس ما تتوقعيش ان الاصدقاء يبقوا بالكوم
هم واحد و لا اتنين بالكتير
الاصدقاء الحقيقيين قليلين جدا
و بيحتاجوا وقت طويل عشان يثبتوا صداقتهم

................................
بالنسبة لمصر
بلاش تشتميها ارجوكي
هي ملهاش ذنب
احنا السبب في اللي بيحصل
و صدقيني هنبقى احسن ان شاء الله
و بدل ما نشتم فيها نبدأ بنفسنا و نشتغل عشانها
................................
انا هاخد جولة في المدونة بتاعتك و ربنا يقدم اللي فيه الخير