BLOGGER TEMPLATES AND TWITTER BACKGROUNDS »

الأربعاء، 24 فبراير، 2010

رماد.


يأتي المساء ويملآ الكون ظلام

تضيء لمبه من الجاز

تجلس الى ماكينة الخياطة

تمسك بيديها قماش ابيض رائع

تبدأ فى قص القماش

تخيطه مع بعضه

لتصنع فستان كابدع مايكون

فستان جميل

تنظر الى الفستان باعجاب

تكتشف ان هناك ما ينقصه

تقوم وتجلس على السرير وتضع اللمبة بجوارها

تمسك الفستان بيديها وتبدأ فى التطريز

تكتمل اللوحة الفنية البديعة التي صنعتها يديها

تفرح بانجازها وتنظر للفستان بمنتهى الحب والفخر

تدق الساعة فى الراديو معلنه قرب الفجر

تضع الفستان بجوارها وتنام

تصحو بعد ان علت الشمس السماء

تنظر بجوارها فتجد ان الفستان

اللوحة البديعة اصبحت رماد اسود

انحنت ومسكت بعض من الرماد

ونظرت من الشباك

وبكت وبكت
.........................

21 التعليقات:

صوت من مصر يقول...

اظن انها مستنية ابن الحلال

adel يقول...

التعليق الوحيد
انها لسه عايشة و تعمل بدل الفستان ميت فستان

انها متحرقتش دي الميزة الوحيدة

Ms Venus يقول...

الفستان الابيض

الأمل اللى فى خيالها

اى كان هذا الامل


لكن للأسف تغمض عينيها على وجوده بجانبها

وتستيقظ وتبحث عنه تجده وقد اختفى


ولم يتبقى منه غير رماد او ذكريات


حيت بكلماتك اوى يا سكرة

عبرتى عن المعنى ببراعة


شوفت الحروف صورة بتتحرك قدامى

تحياتى ليكى يا قمر

emymony يقول...

حاسه ان فرحتها مش هتكمل وفى يأس اوى
فى ان الفستان الابيض يظل موجود وحلت مكانه الرماد الاسود تعبير عن مفارقه الحياة تقريبا يعنى صورة سيئه لمفارقه الحياة
واحساس انها نفسها تفرح بس مش عارفه
بوست جميل بس فى تعابير تخوف
تحياتى ياسكره

Lady E يقول...

قلبت بغم ليه يا سكرة

البونيه عملت الفستان وطرزته قبل الفجر برافو عليها

وصحيت لقت حد مولع فيه يلا خد الشر وراح

عجبني تعليق عادل

Lady E يقول...

وحشااااني ولو مسألتش مش بتسألي يا سكرة

Baskouta يقول...

الفستان بقا رماد
لكن على راي اخويا عادل
اللى عملت الفستان لسة موجودة وقادرة تعمل غيره واحسن منه
يمكن هتزعل شوية وهتبكي كتير بس الايد اللى عملت اللى فات هتعمل اللى جاي
بوست رقيق زيك يا سكرتي
تحياتي البسكوتية

WINNER يقول...



ليه بس كدة!
ما كانت الحكاية ماشية كويس
لازم تقلب برماد و عياط
فكيها شوية يا سكرة ربنا يخليكي

" و صحيت الصبح لقيت الفستان جنبه جذمة شيك و سمعت الباب بيخبط. فتحت الباب لقيت ابن الحلال واقف و معاه الحصان و مستني يخطفها و يروحوا يتجوزوا عند العمدة و يكون شيخ البلد شاهد على عقد الجواز. لبست الفتان اللي طلعت عينها في تفصيله و اتجوزت و عاشت في تبات و نبات و خلفوا صبيان و بنات و كل عام و انتم بخير ".

Mona يقول...

وليه النكد ده يابنتى؟؟؟!!!التفاؤل سلاح الحياة وليس التشاؤم - التشاؤم لا يجلب سوى الخيبة والحسرة -

صيدلانيه طالعه نازله يقول...

يخرب بيت النكد
حرقتى الفستان يا باتعه
الرحمه يا سكره شويه

ليه يا ماما بتموتى الفرحه و الامل
اللون الابيض فرحه سيبيها تملا حياتك و شوفى حتقدر تنسيكى همومك و لا لا

افرحى شويه عشان خاطرى و مش حتندمى

سجود يقول...

السلام عليكم
يا عيييييييني عليها
بس تعيط شويه
وتقوم تعمل غيره وتعينه في مكان امين
هههههههههه
تحياتي

Tamer Nabil يقول...

احلام

واجمل حاجة نفضل نحلم ولو بالمستحيل

مع خالص تحياتى

wella يقول...

الامل والحلم اللى تمثل فى الفستان الابيض
الامل اللى راح ولقتة اختفى مرة واحدة
تحمد ربنا انها مش اتحرقت واختفت زى الامل
لا دى تعيش وتعمل واحد وتانى وتالت

قدام هية عايشة تحلم ميت حلم حتى لو اختفى تحلم تانى

beautiful mind يقول...

اها
دا ايه النكد اللي ف الاخر دا
اكيد اللمبه الجاز هي السبب
يلا
ان شاء الله هتعمل فستان تاني
الا ضحيح
هو كان ليها؟ ولا لحد تاني
تسلم ايدك ياسوسو

خواطر شابة يقول...

القصة كانت مبهجة ومبشرة وبدون انذار قلبت بغم
بطلة قصتك عليها مادامت حية ان لاتفقد الامل الموت وحده الذي يشكل نقطة النهاية

sabry abo-omar يقول...

سكرة: توقعت النهاية مش عارف ليه وحسيتها من بداية كلماتك..هذا هو الحال لحلم جميل تعبنا وقضينا الليالى نحلم ونتعب به وتكون النهاية السراب .. اسلوبك متميز وسهل وممتع ويصل بنا لحكمة ماذا نفعل لو كنا هذه المرأة بعد التعب وقرب الوصول للهدف ..هنا يجد كل منا شخصيته فى مواجهة الحياة.. أشكرك وانتظر منك المزيد

Wanda يقول...

عارفة فكرتنى بمشهد فى قصة جين اير
لما الزوجة المجنونة قطعت فستان الفرح
و حرقت سرير جوزها

موقف قاسى بس
كان نذير ان لسه مش ده اوان الفرح
لسه شوية

لازم نصبر لسه شوية
هانت
المرة الجاية
حيكون الفستان حلو و مش ناقصه حاجة
و مش حيحتاج تطريز
كفاية عليه حلاوة العروسة :-))

star in the sky يقول...

الحمد لله انها صحيت وشافت الشمس وبكت

الحمد لله على كل حاجة

إبتسامة ملاك يقول...

وحشتنى

اووووووووووووووى
اسفه على غيابى لظروف ما
يارب تكونى بخير
وكل سنه وانتى طيبه بمناسبة المولد النبوى الشريف

ويارب يجعل ايامك كلها افراح
ويطمنى عليكى يا حبيبتى يارب

TWEETY يقول...

ازيك ياطانت
انا مبسوطة خالص انى زرت المدونة
انا جيت اسلم على حضرتك
واقولك انى عاملة حفلة ابقى تعالى زوريها ماشى
انا همشى عايزة حاجة
مع السلامة

مصري جدا يقول...

الاسود يرجع ابيض

شوية مجهود واصرار وتحمل

يبئا ابيض وفل كمان

بلاش كسل

أديها غسيل
والبائي على اللة