BLOGGER TEMPLATES AND TWITTER BACKGROUNDS »

الاثنين، 31 مايو 2010

تحديث ++الجواز وسنينه.

فى الاول لازم ابلغكم خبر تأجيل الجواز
ومحدش يسأل اتأجل لامتى؟
لانه اتأجل لاجل غير مسمى
وبس
كانت معكم تلك العروسه المتأجل زفافها
هههههههههههههههههههههههههه
الايميل دا جالى من شخص عزيز جدا جدا على قلبى وبما انه مناسب للمرحله اللى انا داخله عليها فقلت لازم امرره ليكم كمان عشان تضحكوا معايا




ملحوسه ننوسه جدا جدا




انا ياجماعه موش مختفيه عشان عروسه وكدا يعنى ابدا ولايكن ولايكون




كل مافى الموضوع ان جهازى اللعين الله يحرقه باظ بوظان منيل بستين نيله


وكمان المهندس اللى بيصلحهولى موش راضى يصلحه غير لما ادفع تمن التصليح وانا طبعا عروسه وبجهز والميزانيه منيله



فقلتله صلحهولى على النوته ولكنه رفض رفضا شديدا



ومن هنا انا بطلب منكم كلكم كدا بربطه المدونات تعملوا حمله تبرعات جامدات عشان تساهموا فى حل تلك المشكلات التى امر بها وتصلحولى كمبيوترى ابن اللذين دا

ههههههههههههههههههه



والله والله كلكم وحشتونى جدا جدا



وادى الصور










22 التعليقات:

فاتيما يقول...

يا خرااااااااشى
على آخر صورة دى

هلكتنى م الضوحك

بس بغض النظر عن انهم بلابيص كدا
و هنعديها عشان الدنيا حر
بس ايه يا بت يا سكرة الناس اللى بعتالك ايميلات تحض على الهروب من الجواز دى ؟؟

لااااااا يا ماما
ميحاولووووش

ان شاء الله ربنا يتمملك بخير

و ايه نظام لمولى
و صلحولى الجهاز

هوه احنا كل مرة
نيجى هنا
هنتقلب بقى ؟؟

مرة نصايح
و مرة دعوات
و مرة معرفش ايه ...ينفع كدا ؟؟


ربنا يتمملك بألف خير يا سمرتى
و يسعدك يااااااااااارب

كان نفسى آجى أقولهالك بنفسى لكن الظروف للأسف مش هتسمحلى ..
انا بعتذرلك بشدة يا سكرتى
و ربنا يا حبيبتى يتمملك بالخير و الفرح و الهنا كله يا رب

بوسات و حضونات
يا ست العروسات
و حتة سكر تحلى المحيطات

VÖltaa يقول...

سكرة
والله ليكى وحشة كبيييييييرة

والف سلامة عالجهاز

الصور مسخرة الحقيقة ههههههه

خصوصا بتاع كل واحد يحط للتانى نك نيم
ههههههههههههه

ومبروك ياعروسة
وبإذن الله احاول اجى فرحك ده لو عرفت ازوغ من الامتحانات

بس لو جيت ليا عشة جنيه اجرة رقصى وتعبى
D:
ربنا يتمم بخير ان شاء الله

أنا - الريس يقول...

نقول أولا مبروك
ثانيا . . يا ريت صندوق التبرعات يكون معايا .. وابقي أمييييييييييين الصندوق
ثالثا : بقي الصور دي للمتجوزين ولا المقبلين علي الجواز .. ولا البشمهنز اللي كان بيصلح الجهاز ..

تحياتي

momken يقول...

ههههههههه

حلو الميل والبوست

وانا من مكانى هذا بادعى ليها ربنا يوفقها فى الموضوعين


الجواز والجهاز


تحياتى

غير معرف يقول...

ربنا معاكى
ويتم لك على خير ويسعد قلبك يارب
اما عن التصليح ياستى انا متبرعه بيه
هديه الفرح
الصور دى عندى نفس الميل بالظبط
بس موتتنى من الضحك
تخياتى

الزهرة البرية (Joudy) يقول...

ربنا يسعدك يا سكرة يارب ويتم لك على خير ومتقلقيش من ناحية موضوع الجهاز احنا ولا نعرفك ههههههههههههه انتى بس أمرى وهنجيب لك من كل جهاز حته هو احنا عندنا أغلى منك

دمتى بكل الخير والحب والسعادة

beautiful mind يقول...

ههههههههههههه
لالالالا
اكيد طبعا الجواز عكس الصور دي خالص
اوعي تصدقي الميل
وخليكي مسالمه
ههههههههه
ربنا يستر عليكي ياسها

Tears يقول...

جميلة اوى الصور و مضحكة

لو الجواز مبنى على العقل و التفاهم و الود مش مجرد سد خانة او جواز ضغط مجتمع أكيد مش ح يكون كده و ح يكون سكن و مودة و رحمة

دمتى بخير

سمع هوص (Abo 3li) يقول...

ههههههههههههههههههههه

Remas يقول...

هههههههههههههه

ايه ياتوتة الميل دا

اصلا اللى يتجوز سكرة اكيد هاتكون حياته كلها حلوة

انا مقصرة معاكى انا عارفه بس ايامى بجد ملخبطة خالص والبنات خلصو امتحانات طبعا
وفاضيين طول الوقت ومش لاقين حد غيري يتعبوه طول اليوم


وان شاء الله الفرح يتعمل ويبئا احلى فرح يا قمر لا حل عروسة

غير معرف يقول...

ثقافة الهزيمة .. حلوة يا بلدى

فى كتاب داخل مصر"Inside Egypt": أرض الفراعنة على شفا الثورة الذى صدر عام 2008 يقول كاتبه الصحفي الأنجليزي جون برادلي عن مستقبل مصر أنه على رغم من بعض النجاحات الاقتصادية ألا أن توزيعها تم على من أرتبطوا بالنظام فقط دون أن يصل ذلك لباقي الشعب مما أدى"زيادة الحنق" بين المصريين. ويشير الكاتب إلى رؤيته في زياراته المتكررة لمصر كيف مثلا أن عدة ملايين من الثروة المصرية تنفق لأنشاء المصارف وتقديم المياه للقرى السياحية والفنادق الفاخرة التي يستخدمها السياح الأجانب والأغنياء المصريون فقط "في حين يموت الألاف المصريين كل عام نتيجة تلوث المياه التي تصل لهم"...

باقى المقال ضمن مقالات ثقافة الهزيمة بالرابط التالى www.ouregypt.us

و لايفوتك زيارة صفحة من الشرق و الغرب فى نفس الرابط و به الكثير من المقالات الجيدة.

سواحة يقول...

مبرووووووووووك يا سكر
ربنا يتمملك على خير
و يباركلك فى حياتك الزوجية

غير معرف يقول...

:D :D

كومديين اوي :))

---

ربنا يتملك علي خير ويفرح قلبك :)

همسات وبحــ الحياه ــر يقول...

ساسو
ازيك ياقمراية
اييييييه دا انت هتكونى عروسة من ورايا
تصدقى انا كمان فرحى اتأجل لاجل غير مسمى :):)

انا رجعت تاااااانى
فاكرانى يابت ولا اييييييه

وبعدين هما العرايس بقفلوا موبايلاتهم كدا ولا حس ولا خبر اخص :)
هستناااااكى
(همسات )

حسن ارابيسك يقول...

كل تأخيرة وفيها خيرة كما تقول جدتي رحمها الله
المهم ربنا يتمم بخير
تحياتي

شاب فقرى يقول...

انتى فين يا سكوكرة :((

P A S H A يقول...

كل سنة وحضرتك طيبة وبألف خير وصحة وسلامة إن شاء الله

:)

رمضان كريم

мαησηα يقول...

وحشتينى اوى

يارب تكونى بخير وف احسن حال

وتكونى سعيدة ومبسوطة يارب اللهم امين

جاية اقولك كل سنة وانتى طيبة رمضان كريم

ويارب يكون شهر مبارك كله خير وفرح وهنا وبركة عليكى يا حبيبتى

يارب اللهم امين

اقصوصه يقول...

رمضان كريم :)

lostlove يقول...

اولا يعني الف الف الف مليون مبروك اكيد متاخره بس احسن من مفيش
وثانيا يعني الصور ديه ايه تشيجع ولا ترهيب وتخويف
اتكلي علي الله محدش يحوال يخوفنا ولا يهزنا
انتي ادها اوي اوي يعني
ده زي شكت الدبوس
ههههههههههههههههههه من غير ما تاخدي بالك هتلاقي نفسك احلي عروسه والله يا سكره
وبجد الف الف مبروك
ومع اني مش بعلق ديما هنا واختفيت كتير وكان نفسي نكون اصحاب
بس وحشتني جدا وي وحشتني مدونتك اوووى والله وانتي شخصيا
وتاني يا قمر الف مليووووووون مبروك
اه صح ملحوظه
الجهاز لو متصلحش بقترح نعمل جمعيه وانا امسكها
ههههههههههههه عشان اكمل حق الاب توب بتاعي وانصب عليكي ماشي
تحياتي واتمني التوفيق والف مبروك تاني

мαησηα يقول...

كل سنة وانتى طيوبة وبخير يا سكرتى يا حبيبتى
ويارب تكونى مبسوطة حبيبتى يارب وف احسن حال

طمنينى عليكى

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين