BLOGGER TEMPLATES AND TWITTER BACKGROUNDS »

الاثنين، 10 مايو 2010

زغروته حلوه رنت فى بيتنا .


اعلنت ساعات ضبط الوقت انه تقرر فى يوم 3/6


ان يكون يوم زفاف المدعوه سكره او سها زي ما تحبوا


وعليه فيجب على كل المدونين والمدونات اللي هنا واللي هناك الحضور الى بيت العروسة حتى يقوموا بزفها لعريسها


يمكن تروح وموش ترجع تزعجكم تاني بكئبتها وحزنها


وعليه برده تاني على كل الساده والسيدات اللي سيحضروا انهم يجيبوا معاهم جراكن من البطاس الحامي لان العروسة قررت تتخلص من العريس يوم الصبحيه كما تفعل انثى العنكبوت


ههههههههههههههههههههههههههههههههههههههههههه


طيب والنعمه والنعمه اللي موش هييجى لاوريه شغله ويبقى يشوف الملكه ساسو هتعمل فيه ايه


وقد اعذر من انذر


وانا بحذر واندد بشده واشجب

كلام بسمعه فى النشره بتاعه الساعة كام موش فاكره


وكمان اوعوا تفكروا ان هيبقى فيه تورتات وجاتوهات وكلام من بتاع الذوات دا


عشان احنا والنعمه الشريفة موش من الذوات


وياريت كل واحد يجيب معاه شيكولاتة وانا هاحدد انواعها كمان


ايوه طبعا


سامعه حد بيقول ايه البنت التنكه دى (ملحوظه بقالي فتره بسمعها كتير وموش عارفه ليه والنبي دا انا غلبانه والنبي)


ايوه هتجيبوا شيكولاتات بالعافيه ان كان عاجبكم


Galaxy


milka


Toplerone


ايوه كفايه كدا
حاجه كمان مهمه جدا احب اقولكم ان العنوان لايمت للواقع بأى صله لامن هنا ولامن هناك
لان لاتوجد زغاريد
بلاش الضمير السيء دا مفيش زغاريد عشان جدتي متوفيه من 20 يوم بس
يعنى جوازه منيله ومهببه بهباب الفرن الطين بتاع جدتي الله يرحمها
هههههههههههههههههه
بهزر بهزر
يوه ياختى الواحدة ماتعرفش تتفك معاكم بكلمتين كدهون دايما كابسين على مراوحها

27 التعليقات:

لــــ زهــــــراء ــــولا يقول...

سكره
الف مليون مبروك
ربنا يتتم لكى على خير
ويجعل كل ايامك بنقاء سكر الاسره مش اى اسره
ربنا يرزقك بالذريه الصالحه
ربنا يهب لكى الخير والسعاده

خواطر شابة يقول...

في النهاية انا مفهمتش انت بتكلمي جد ولا بتهزري بس عموما ياستي ربي يتمم لك بخير لو كنت بتتكلمي جد
تحياتي وودي

Darsh Basha يقول...

احججججججججججججججججز اول تعليق
واول كرسى جنب الشباك فى الفرح


الف الف الف مبروووووووووك يا سكرة
بس عارفة لو انتى اتجوزتى وخلعتى من التدوين

انا هجيب المأزون .. واجى افشكل الموضوع دة .. اة هى سيبة ولا اية
ههههههههههههههههههههههههه


ودى زغروطة علشان الحبايب
لو لى لى لى لى لى لى لى

NeVeN يقول...

اجدع زغروطة فى بر مصر كلتها
لولولولولولولولولولولولى

الف الف الف مبروك يا اجمل عروسة انتى

وربنا يتمملك بالف خير يارب
ويرزقك بالزرية الصالحة
والله فرحتينى اوى
بس اللى عاوز ييجى وميجيبش شيكولا يعمل ايه ؟؟؟

ههههههههههه
انتى تؤمورى ياقمر شيكولاتات وتورتات كمان


صباحك افراح

سواحة يقول...

سكرة
الف مبروك و ربنا يباركلك الحياة المشتركة الجاية :-)

و بعدين حبدائها شكولاتات من ليلة الفرح :-)) و بعدين نلاقى بوستين ثلاثة بعد الجواز عن الرجيم و انواعه :-))

غير معرف يقول...

أنا بئا فاهمك كويس أوي

ألف مليون مبروك


عليه أنتي


تصدقي بئا

هاجي

Remas يقول...

الف الف مبروك يا حبيبة قلبي يا احلى سكرة

ربنا يتمم لك على خير يارب

ويارب حياتك تكون كلها سعادة وحب

ياتوتة شيكولاتة وتورتة وكل الحاجات الحلوة اللى في الدنيا احنا عندنا كم سكرة

انا بجد نفسي اوى اقعد معاكى كتييييييييير مش بس اسمع صوتك

بس اوعى بعد الجواز تسيبى التدوين مش ينفع نعيش من غير السكرة الامورة بتاعتنا

مبرووووووووك يا احلى عروسة

мαησηα يقول...

لووووووووووووووووووووووولوووووووووووووووولوووووووووووووووووووووووووووولوووووووووووووى

انا اول واحدة اعرف ايموشن بيغيظكوا هههههه

واول واحدة كلمتها باركتلها ايموشن بردو بيغيظكوا ههههههههههه

الف مليوووووووووووووووون مليووووووووووون مبروك يا سكرة حياتى

هتوحشينى لحد ماتخلصى موضوع الفرح ده وترجعيلنا تانى ايوووووووون

والا هنروح نطربقوا الدونيا عليهم ايوووووووون

وافتحى بقه باب يوميات سكرة ف الزواج هههههههههه

ربنا يتمم لك بخير يا حبيبة قلبى وتتهنى وتفرحى وتسعدى يارب اللهم اميييييين

جارة القمر يقول...

مبرووووووووووووووووك
عقبالك

فاتيما يقول...

ألف مليون مبروك يا سكرة

و ايوه احنا عاوزينك تنكشحى على بيت عريسك بقى زهقتينا

عاوزين بدل ما نسمع صوتك
نسمع صوت النونو بقى

إنشالله يا رب

انا اوعدك انى هحاول على قد ما أقدر آجى ...بجد هحاول

ابعتيلى العنوان لو سمحتى على ميل مخصوص و هتعمليه فين و الساعة كام
و عنوان البيت احتياطى عشان التوهان يعنى


ربنا يا سكرتى يتمملك بألف خير
و يسعد قلبك الحزين دا
و من جهة الشكولاتة متقلقيش
اتجوزى انتى بس و ملكيش دعوة متتلككيش بالجلاكسى و أخواتها

الف مبروك يا حبيبتى

مبعرفش أزغرط للأسف غير أفتراضى
بس اللى حدانا بقى نعمل ايه

وسع انتا و هوه و هيا


لوووووووووووووووووولى
لووووووووووووووووووووووووولى

قولنا مبنعرفشى نزغرط بأأأه
الله

sony2000 يقول...

يااااااااااااااااااه
اخيراااااا
الف الف مليوووووووووووووووون مبروك ياسكرتييييييييي
انبي فرحنالك وهسيحلك فبوستي القادم بأذن الله
ومليوووووووووون مبروك وعقبال الحبايب بأذن الله
اللهم امين
ومن هنا ليوم فرحك اجمد ذغروووووطه منييييي
لوةلولولولولولولولولولولولولولولولولولولوللوولولويييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي:)

هي وظروفها يقول...

الف مليون ميروووووووووووك

وربناا يهنيكي وتلاقي وتحققي كل احلامك

مع اللي ربنا اختاره ليكي تكملي معاه

وتاكدي ان اختيار ربنا هو الافضضل

ربنا يتم عليكم بخير

وربنا يجعلكم لبعض ودودين محبين مخلصين

سكره الله يباركلك
اسعدي نفسك بالحلال
وركزي كل اهتمامك انك تكوني اسعد زوجه في الدنيا
ربنا يباركلكم في بعض

saragebaly يقول...

هههههههههههههههههههههههه

ايه دة بجد مش قادرة من الضحك؟؟

هي دي دعوة الفرح ؟؟

أنـا أول مرة آجي هنا وسعيدة جدا ان اول تعليق ليا يكون تهنئة لاجمل حدث

الف الف مليوووووووون مبروك

ربنا يتمم بألف خير يارب

وتكوني الزوجة الصالحة للزوج الصالح

ربنا يوفقك ويتمملك على مليون ألف خير

مبرووووووووك

Kiara يقول...

الف الف الف مبروووك ياقمر ربنا يتمم بالف خيييييير

غير معرف يقول...

ربنا يتمم لك على خير إن شاء الله
وتكونين قُرة عين زوجك ويكون هو قُرة عينك بإذنه تعالى

سمع هوص (Abo 3li) يقول...

الف مبروووك ياعروسة.. ربنا يتمملك علي خير..

همس الاحباب يقول...

الف مليون مبروك
وربنا يتمم بخير
وربنا يكون فى عونه العريس بصراحة
قلبى معاه ههههههههههه
تحياتى

Ms Venus يقول...

الف الف مبروووووووك يا سكراية


ربنا يسعدك ويووفقك ياارب

SHAPE YOUR LIFE (ABOALI) يقول...

ههههههههههههههههههههههه
الف مبروووووووك ويارب يتم بخير وتتمتعى بحياه سعيده ان شاء الله ..

بس اوعى يكون ده هزار
وعلى العموم ربنا يجعل كل ايامك سكر وسعاااااده وافراح .

sabry abo-omar يقول...

ألف مبروك وربنا يوفقك..بس أيه الأنواع الغريبة من الشيكولاتة دى ..أنا أخرى كورونا من كام قرن كدة..وبعدين أنا كل ماشوف حد هايتجوز أقعد أضحك أوى أوى مش عارف ليه ..يجوز علشان لسة شايف الدنيا بشكل مختلف ..المهم أهو كام يوم وتبقى متجوزة وتفهمى لغة جديدة مابيفهمهاش غير المتجوزين...سيبك من اللى فات كله وخليها على الله..ربنا يوفقك ويسعدك انشاء الله

beautiful mind يقول...

الف الف مبروك يا سها
ويارب يجمع بينكم في خير
وعقبال يارب اللي لسه عزاب زي حالاتي كدا
عقبالنا كلنا
تحياتي

مي يقول...

الف الف مبرووووووووك ياسكرتى وعقبالى يارب نيهااااااااااااااااااااااااااااااا
لولىىىىىىىىىىىىىىى انا هجيب الشيكولاتة اكيد بس انتى عليكى الباقى
هتبقى احلى عروسة بجد
مبروك ياقمر

الزهرة البرية (Joudy) يقول...

أخيرا هتتجوزى وتريحينا بقى هههههههههه ده انتى عذبتينا معاكى ودوختينا ههههههه لا طبعا القمر بتاعنا ميعاده قرب ألف ألف ألف ألف كام ألف لحد دلوقتى ههههههههههه مليون مبروك ليكى يا حبيبتى وربنا يجعل أيامك فرح وهنا وربنا يبارك لكم يارب ويحفظكم دوما من كل سواء أنا بعلن حضورى أهو

Joudy

دمتى بكل الخير والحب والفرح والسعادة والهنا

e_emy يقول...

الــ مبروووووووك ـــــف

ربنا يتمم بخير ويبقى احسن يوم وتفرحى
ياااااااااااارب

P A S H A يقول...

ألف ألف ألف مليون مبروك يا سكره

:)))))))))))))))

ربنا يا رب يتمم لك على ألف خير إن شاء الله .. ربنا يا رب يفرحكم ببعض ويبارك لكم في بعض ويهنيكم ويسعدكم ويهدي سركم ويرزقكم الذرية الصالحة إن شاء الله . اللهم آمين

بارك الله لكما وبارك عليكما وجمع بينكما في خير

مليون وردة بيضاء
وشيكولاتات وبونبونات وبالونات كمان
:))))

سلام

شوكولاتة يقول...

ألف مليوووووووووووووووون مبروووووووووووووووووووووووووووووك لأجمد سكرة في بحر الحياة وبقولك ايه من تاني يوم ترجعي تكتبي تاني في المدونة اه ومتقعديش تقوليلي شهر عسل وكلام فاضي

ربنا يسعدك ياحبيبتي بس انتي مقولتيش الفرح فين علشان اجرلك ميكروباص واجي ومعايا الشوكولاتة ده انتي جيتيلي في منطقتي كده
ههههههههه

فكرة من الزمن ده يقول...

سكرورتي الف مبروك ياجميل يارب يتمم لك بالف خير ويسعد قلبك ويبارك لكم في بعض
ويملا حياتكم سعادة ورضا
كلمة على جمب --ممكن ركبتك من سوكات ومن غير دوشة-- بلاش فضايح ولا اقولك بوكية الورد احسن
ايوة كده خلي العقدة تتفك