BLOGGER TEMPLATES AND TWITTER BACKGROUNDS »

الاثنين، 29 مارس 2010

................................يااااااااااااا


اذا كنت تعتقد انك لست المسئول عن حزنك فدعني اخبرك انك على حق

ولكن ايضا دعني اخبرك انك الان اصبحت المسئول على الاستمرار فى ذلك الحزن

واذا كنت تعتقد انك لست المسئول عن فشلك فدعني اؤيدك ولكنى دعني اخبرك انك

الان اصبحت المسئول الاول والاخير فى ان تستمر فى هذا الفشل

اذا كنت تعتقد انك لست المسئول عن المعاملة الغير لائقه من اي شخص فى حياتك

فدعني اخبرك انك وحدك المسئول عن ان تجعل هذا الشخص يستمر فى معاملتك بنفس الطريقة

واذا كنت تعتقد انك لست المسئول عن حياتك السابقه فتذكر جيدا انك ومن هذه اللحظه انت المسئول الوحيد عن حياتك القادمة

====================
تكلمت مع نفسي واخبرتها كل ذلك وحاولت معها ان اغير ماهو سيء الى ماهو جيد

فكانت النتيجة انني لم استطيع وعلمت جيدا انني انسانه اضعف مما كنت اتخيل وانني لااملك
من امري لاكبيرا ولاصغير
احاول ان اقوينى انا بدون اي مساعدات خارجيه وبدون طلب مساعده من احد

فكل منا له مشاكله وكل منا عنده حياته وبها ما يكفيه من عقبات وعثرات

=============
كل الدنيا تحتفل بالربيع
وانا وحدي احيا فى خريف دائم
خريف العمر ام خريف القلب ام خريف العقل
ام خريف الاحساس

لا اعرف لماذا احيا فى فصل واحد وهو الخريف
ولكنى اعلم جيدا ان لا احد يستطيع جعل حياتي ربيعا

اعرف جيدا انى كسرت كل الحدود بيني وبين الناس
ادخلتهم عالمي وفتحت بابي على مصراعيه ولم احصد سوى التعب والارهاق

ولهذا فقد قررت ان ابنى بيني وبين الناس اسوار كثيره
وابنى حصون على قلبي فقد ارهقته كثيرا
سأغلق بابي على نفسي فلااحد يستطيع ان يخرجني مما انا فيه سوى انا فقط

وقد علمت جيدا انني عندما فتحت كل الابواب
تعرضت لعواصف واعاصير
لهذا اقول اهلا بالابواب مره تانيه واهلا بكل انواع الحصون والحراسات.

14 التعليقات:

فشكووول يقول...

سكره يا سكره
اشتقت لك يا سكره

مشيناها خطا كتبت علينا
ومن كتبت عليه خطا مشاها
تحياتى

سمع هوص (Abo 3li) يقول...

انا بقي عندي مشكلة كمان... لون الخط عندك مع لون الخلفية بيعملي مشكلة بصراحة... منغير ترريقة علي عمي الالوان العندي لو سمحتي...ههههه...

فرفشي كده.. وبلاش احباط... خير الامور الوسط.. في كل حاجة... يعني متفتحيش ابواب علي اخرها.. ولا تقفليها وتبني قدمها سور...
تحياتي

صمت المشاعر يقول...

ادخلتهم عالمي وفتحت بابي على مصراعيه ولم احصد سوى التعب والارهاق

ولهذا فقد قررت ان ابنى بيني وبين الناس اسوار كثيره
وابنى حصون على قلبي فقد ارهقته كثيرا
سأغلق بابي على نفسي فلااحد يستطيع ان يخرجني مما انا فيه سوى انا فقط

مش لازم نفتح الباب لكا الناس علي مصراعيه علشان منتئذاش منهم في النهايه

ربنا يارب يسعدك وتبقي حياتك كلها حب وفرح

دمتي بالف خير

صيدلانيه طالعه نازله يقول...

اول مره احس انك صح
و اول مره مبقاش قلقانه عليكى
و لا قلقانه منك
خدى بالك من نفسك
و طمنينى عليكى

Tears يقول...

يا حبيبتى...ايه كل ده....هو ده بجد و لا خيال؟

اكيد كل واحد فينا جواه الام و تعرض لمشاكل بس مش بالاحباط ده

مش معاكى فى انك تقفلى على نفسك

انتى مش بتدخلى الناس فى امورك لان اصلا هنا عالم افتراضى ماحدش عارفك بجد فيه و لا انتى عارفه الناس بجد و ده بيرفع الحرج و عشان كده نصيحتى ليكى انك تفضفضى سواء على المدونة او مع من تختارى من شخصيات افتراضية ترتاحى مع عقلها لان مجرد الفضفضة ح يريحك و لما حد برة المشكلة يفكر فيها معاكى يمكن يشوف بشكل افضل لان اصلا الطبيب النفسى اهم وظيفة له انه بيسمعنا

ربنا معاكى و يقويكى

الزهرة البرية (Joudy) يقول...

سكرة معاكى فى كل الكلام اللى قولتيه فى الأول كلام هايل جدا ومعاكى فإنك مش قدرتى تحققيه بس تفتكرى إننا لما نقع مش لازم نرجع نقف

بتقولى هتقفلى ببان حوالكى وتشيدى جدران لو كان ده الحل مكتنش يبقى فى الدنيا حد بيبان كله هيبقى مستخبى ورا الحيطان هى أه صعبة الحياة وصعب الجرح من الناس كل شوية بس مش هى دى أخر المطاف ما إحنا لازم نقع علشان نقف ولا لإنتى إيه رأيك أتمنى ترجع لنا سكرة ببسمتها وتحديها

دمتى بكل الخير والسعادة

P A S H A يقول...

سكره

صباحك سكر :))

ربنا يفرج كربتك ويزيح عنك همك ويفرح قلبك . اللهم آمين

روقي وسيبيها على الله

"إن بعد العسر يسرا .. إن بعد العسر يسرا"
صدق الله العظيم

تحياتي
:))
سلام

سواحة يقول...

لما البنى يخلص بناء السور ابعتهولى :-) عايزة

ربنا يقوينا كلنا على الدنيا ديه

غير معرف يقول...

انت من يصنع حياتك

الرسول قال : " الذى يخالط الناس ويصبر على اذائهم خير من الذى لا يخالطهم ولا ياذونه "
واجهى كل حاجة وكل الناس ومتخليش حاجة تخوفك

تعرفى فكرتينى بحاجة قريتها قبل كده واحد قاعد فى جزيرة وبانى حواليه السوار و حصون وحاجات كتيرة اووى بس فى حاجة مهما الناس هتعدى الحصون والاسوار هيبقى فاصل بينه وبين الشخص ده المياه لانه قاعد فى جزيرة وبعيد عن الكل

بقووووولك

انتى اخبارك ايييييييه ؟؟؟؟؟
طمنينى عليكى
ياااااااااارب تكونى بخير وامورك تمام
وتكون دى حاجة وهتعدى كده وهتبقى ميت فل وتمام

فاتيما يقول...

زى علا هقولك

احيانا بتكونى محتاجة المسافة دى
بينك و بين الآخرين
عشان مصلحتك انتى اولاً

ربنا يسعدك و يوفقك

قربنا ع الجواز اهو
و الأكتئاب شادد حيله

يا بت افرحى

مستخسرة ف نفسك الفرحة


آه يا قلبى

мαησηα يقول...

سكرة حبيبتى بجد انا زعلانة علشانك اوى

ليه يا حبيبتى بس كده حاولى

ما تستسلميش للحزن واليأس ده

ابداااااااا

علشان خاطرى قاوحى انتى قوية

والله وقوية جداااااااااا

بس انتى محتاجة تجمدى على نفسك

ميرا ( وومن ) يقول...

سكره أزيك

مش عارفة اقولك ايه انا حاولت كتير اقفل بباني واقوي حسوري وحصوني وفشلت

خير الأمور الوسط ( أحب حبيبك هونا ما عسى أن يكون بغيضك يوما ما وأبغض بغيضك هون ما عسى أن يكون حبيبك يوم ما )

ربنا يفرج عنك كربك

غير معرف يقول...

خريف ايه بس

بلاش التشاؤم ده

فشلتي لانك ما حاولتيش كفايه حاولي تاني ومليون

النجاح والسعاده تنتزع

واخده بالك

micheal يقول...

سأغلق بابي على نفسي فلااحد يستطيع ان يخرجني مما انا فيه سوى انا فقط

قلتي المفيد هنا يا سكرة
:)
تحياتي