BLOGGER TEMPLATES AND TWITTER BACKGROUNDS »

الأحد، 28 فبراير 2010

عروسه انا.


انا عروسه


خلاص باقى شهرين وابقى عروسه


ومحتاسه حوسه مايعلم بيها الا ربنا


ياانى

انا لسه موش اخترت التصميم بتاع الفستان


ولااشتريت ميك اب ولا برفانات


ولاعملت اى استعدادات


ماما ربنا يكرمها هى المتحمله تجهزنى


المطبخ والصينى والمفروشات


و....و......و...و.........و


يوووووووه

طيب من النهارده وانا هااشارككم معايا فى الحوسه بتاعتى


وهااكتب يوميات عروسه محتاسه


ساعدونى


مساعده قليله تمنع بلاوى كتيره وهنيالك يافاعل الخير والثواب
ايه دا بقى موش سامعه زغاريد مليه البلوج سبوت
وربنا اللى هيدخل وموش يزغرد هازعل منه
يلا بقى اسيبكم على خير
لولللللللللىىىىىىىىىىىىىىىىىىىى


27 التعليقات:

فاتيما يقول...

لوووووووووووووووووووووووووولى

انا أهو
ازغرطل يا سكرة


ربنا يتمم بخير يا حبيبتى


عاوزة ايه؟؟

متسالنيش انا ؟؟

هتفكرونا بحاجات ما يعلم بيها الا ربنا لييييييييه ؟؟؟

بصى نصيحة اخوية ستاتية

متجبيش هدوم كتييييير
لأن مقاسها هيصغر عليكى بعد شهرين تلاتة

اه يكون بداية الحمل بقى و هتبقى عاوزة مقاس اوسع شوية
و عقبال ما تولدى ان شاء الله و ترضعى و ترجعى تخسى تكون الموديلات راح عليها و مش هتلبسيهم
فمن الأول متجبيش حاجات كتير
او هاتى بمقاسات اوسع شوية

الكلام دا يندرج على لبس الخروج و لبس البيت كمان

ايه تانى يا فطمطم ؟؟؟

لأ مش فاكرة
بقالى دهر يا بشر

طب لم افتكر حاجة هرجع تانى

يلا سلام
مبروك يا بت انتى يا حتة سكرة


لوووووووووووووووووولى

بسمة انور يقول...

طب لوووووووووولللللللووووووووووووووى

بسمة انور يقول...

ومبرووووووووووووووووك يا احلى عروسة

Baskouta يقول...

ايوووووووة كدة يا وديييييييع اخيرا فهمتني
والله انتي سكر ... ايوة كدة يا بنتي فرحي مدونتك شوية وفرحينا معاكي
من هنا ورايح مفيش غير ... فساتين بيضا ... وورد ابيض وبرفانات من احلى الماركات ... وميكب بقا وحركات

وادي اول لينك
شوية لفات طرح للعرايس وميكب
يلا اختاري
http://images.google.com.eg/imgres?imgurl=http://www.mixxat.com/imag/MKx70989.jpg&imgrefurl=http://forums.fatakat.com/thread162019&usg=__AVsjkLtv_avLZkLWG2_NjwzQmE0=&h=349&w=440&sz=22&hl=ar&start=70&sig2=k8YqHh_3yBFWmxsX9IA75w&itbs=1&tbnid=dnOwpIwx4dSqMM:&tbnh=101&tbnw=127&prev=/images%3Fq%3D%25D9%2581%25D8%25B3%25D8%25AA%25D8%25A7%25D9%2586%2B%25D8%25A7%25D9%2584%25D9%2581%25D8%25B1%25D8%25AD%26start%3D54%26hl%3Dar%26sa%3DN%26gbv%3D2%26ndsp%3D18%26tbs%3Disch:1&ei=vEyKS4yhEYuesAa8zP3fBQ



وكماااااااااااان موقع متخصص في فساتين الافراح

http://www.weddingdress.com/

رجعالك تاني يا عروسة البلوج سبوت
تحياتي البسكوتية

Baskouta يقول...

وده لينك موقع عروس
مليان منتديات متعلقة بكل حاجة عن العروسة
عيشي يابنتي
اهو ده بقا ممكن تقعدي قدامه شهرين متخلصيش كل حاجة واي حاجة هتلاقي عنها معلومات بعناوين المحلات واسامي الموديلات وكل حاجة
اعملي عليه اكونت وعيشي يا عروسة

:)

www.3roos.com


بسكوتك

sony2000 يقول...

مبروك ويارب يتملك علي خير والذغروطه فالبلوج دا من عندي انا
لولوللوللولللوللولوللولولولولولولولولولولولولولويييييييييييييييييييييييييييييييييييييييييييييييييييييييييييييييييييييييييييييييي
مبروك والف الف مليون مبروك
ومتنسيش تعذمينا بقي
تقبلي مروري وتحياتي

adel يقول...

طب البنات ماشي
الولاد هيساعدوك ازاي ؟؟؟
هههههههههههه
لما نختاري و تنقي اقوليلي اجي اتفرج طيب :) و ااقولك حلو ولا وحش ::):)

إيمان يقول...

لووووووووووووووولوووووووووى
الف مليوووووووون مبروووك
ربنا يتمم لك بخير ياسكرة
ايوة كده فرحينا
لوووووووولوووووى

radwa يقول...

بسم الله ماشاء الله
لا قوة الا بالله
ربنا يتمملك يألف خير يارب
وييسرلك كل امورك
ويسعدك دنيا واخرة يارب يارب
وتحققي كل اللى بتتمنيه

مبسوووووطه ان اول زياره ليا للمدونه هنااسمع فيها خبر حلو زي ده
بسم الله ماشاء الله
ربنا يتملك على الف خير يارب

غير معرف يقول...

لولووووووووووووووووووووووووووووووولى

يا حلاوة يا ولاد ويابنات برده :D

سكرة هانم هتتجوز لووووووووووولوووووى

نفسى اتقطع كفاية كده

اكتبى وخرجى اللى جواكى ومالها العرايس المحتاسة يا اختى ربنا يكرمنى بحوسة زيها مع اللى لسة مجاش
كفاية كده بتكسف( وش بيطلع لسانه )

мαησηα يقول...

لوووووووووووووووووووووووولوووووووووووووووووووووووووووووووووووووووووووووووولى

لووووووووووووووووووولووووووووووووووووووووووولووووووووووووووووووووووى

لوووووووووووووووووووووووووووولوووووووووووووووووووووووووووووووووووووووولووووووووووووووووووووووووووووووى

الف مليون مبروك يا سكرتى يارب ربنا يتمملك بخير يا حبيبتى يارب ويسعدك ويهنيكى يارب اللهم امييييييييييين

سواحة يقول...

للللللللللللووووووولللللللللووووووووووووووووووووووووووووولوووووووووووووووووووووووووووووووووووووووللللللللللللللللللللللللللوووووووووووووووووووووووووووووولووووووووووووووووووووووووووووووووووووووووووووووووووووووووووووووووووووووووووووووووووووووووووولللللللللللللللللللللللللللللللووووووووووووووووووووىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى


:-)) الف مبروك
نفسى كنت اسعدك بس اختك خيبة :-)
انا عن نفسى الى عايزنى ياخذنى بشنطة الهدوم ام 30 كيلو و بس و مفيش قايمة :-)) اه فيه هاند باج و لاب توب بس
مبداء عائلتى :-))))

Ms Venus يقول...

مبرووووووووووووووووووك يا سكراية يا احلى سكرة


ربنا يوفقك ياارب فى حياتك ويسعدك داايما ياارب


لولولىىىىىىىى


معلش بقى انا مبعرفش ازغرط هههههههههههههههههههههه



مبروك حبيبتى

كيكى عوووووو يقول...

لولووولولوولوولىىىىىىىىىىى
لولوولولوولوىىىىىىىىىىىىى
مبروووووووووووووووووووك
ياسكرة ياعسوله
اهم حاجة لازم تشتريها
بريل
للمعان الصحون وتوفير فى الفلوس

صمت المشاعر يقول...

للللللللللللللللللللللللللللللللللللللللوي الف مليون دشليون مبوووووووووووووك يا سكره

وتعزمينا علي الفرح والا نساعد في التجهزات والاخر تنسينا


ربنا يوفقك يارب

ستيتة يقول...

ايووووووووووووه انا احب كده جو الربيع

بيخلي القطط تتجوز
بيخلي شيما تلاقي ديناصورها
وسكرة تدخل ديناصورها القفص
وهلم جرجرجرجرجرجرجرااااااااااااااااااا لبقية بلوجات مصر والوطن العربي

الف مبروك يا سكرة
انتي نقي واحنا نساعدك

ربنا يسعدك ويكتب لك الفرح والهنا وكل خير في الدنيا والآخرة ويرضى عننا وعنك
قولي آمين

سجود يقول...

السلااااااااااااام عليكم
لولولولولولولووووووووووي
الف مليون مبروك
وشوفي يا سووسو اي حاجه عايزاها كلميني وهاجيبهالك بالعربيه لحد عندك اؤمري انتي بس
احنا بنضحك ونهزر اه لكن وقت ماحد يعوزنا بنبقي رجاله
يلا الف مبروووووووك مره تانيه

رحــــيـل يقول...

مبروووووووك مبرررروك
ايه ده انا حاسه ان الفتره الجايه هيبقى بنات بلوج سبوت كلهم بيجهزوا لافراحهم
:))
يارب دايما كده هنا وسعاده
انا بقى مش هقدر افيدك هههههههههه بس غالبا هبقى لاجأه هنا بما انك السابقون ونحن اللاحقون بشويه اخد انا بقى خبراتك
:))

Lyssandra يقول...

احلي عروسه محتاسة يا ساسو يا قمر :)

ربنا يبارك لك يارب

اوعي وانتي محتاسه كده تنسي تعزمينا
ههههههههههه

Lyssa

أسمعنى شكراًً يقول...

أنا ولد ومش بعرف أزغرت بس بعرف أقول
طالعة السلالـم يا مشاالله عليها
ست العرايس والعريس متكلبش فى أديها
طالعة السلاااااااااااالـم

دوم تاتاتاك تاك دو تاك تاك

ألف مبروك مع تمنياتى لكم بحياة موفقة

Ahmed Fayez يقول...

مبروك
بارك الله لكما و بارك عليكما و جمع بينكما في الخير

P A S H A يقول...

ألف مليووووووووووووون مبروووووووووووووووك يا سكره وربنا يتمم لك إن شاء الله على خير .. بارك الله لكما وبارك عليكما وجمع بينكما في خير إن شاء الله .. ربنا يهديكم لبعض ويوفقكم مع بعض ويجعلكم سكن لبعض ويرزقكم الذرية الصالحة إن شاء الله . اللهم آمين آمين آمين

- شوفي سيادتك هي النصيحة الصغننة اللي ممكن أقدمها لسموك .. هي إن أي حاجة تفتكريها تكتبيها في التو واللحظة في ورقة عشان ما تنسيهاش


السؤال هنا اللي بيفرض نفسه : هل هاتفتكري مكان الورقة ؟؟


ههههههههههههه




:))))))))))))))))


ألف مليون مبروك وربنا يتمم لك على خير إن شاء الله .


تحياتي
:))
سلام

مـجـنـووون يقول...

ربنا يوفقك يا رب وسعدك


والف مبروك وعقبال العيااال يا ررب


تقبيل مروري
مجنووون

غير معرف يقول...

معلش يا سكرة جات فيكى بقى

التعليق وصل غلط

انتى عارفة الكلية والزهايمر والتركيز مبقاش فيه منه خالص

متنشريش التعليك بقى وعديها :D

Heba Gamal Emara يقول...

انتى مش متخيله انا فرحت قد ايه لما قريت الخبر الف الف الف الف مليون مبروووك يا سكرة وربنا يا رب يبارك لك ويهنيكى ويجمع بينكم على خير وحب وسعاده يا رب
ايوه كده افرحى وفرحينا واتبسطى بالوقت اللى انتى فيه ده احلى وقت هو وقت الحوسه بتاع قبل الفرح ده مع انى مجربتش الموضوع ده ولا مرة الا انى حاسسه بيه وربنا يا رب يوعدنى ويوعد كل البنات الى فى البلوج يبقوا عرايس محتاسين ( بس الحوسه الحلوة اللى دمها خفيف مش الحوسه الوحشه ) الف الف الف مبرووووووووووووك كمان مرة يا سكرة
لولولولولولولولولولولولولولولولولولولىىىىىىىلىلىلىلىلىلىلىلىلىلىلىلى ومتنسيش تبقى تورينا صور الفرح
ضرورى علشان لازم اشوف اجمل علروسه فى البلوج كلها :):):):):)

سمكه واحده يقول...

الف الف مبروك ياسكره وربنا يارب يتمم لك بخير
ومستعجله علي ايييييييه بس يابنتي ملسه بدري بس ياحاجه ياله عموما ربنا يكرمك يارب
ولاسف مش بعرف ازغط بس كأني عملتها بردو ولا ايه

ثم تعالي هنا هو ايه الي مجتش سألت عليكي وانتي تعبانه والكلام ده انا استغربت انتي مقرتيش التعليقات كويس يابنتي في الوبست اللي انتي حاكيه في ده انا من ضمن اوائل التعليقات ومعلقه وقيلالك الف سلامه عليكي وطمنينا وارجعي اقريه ولو اعرفلك نمره تليفون ولا عنوان كنت جيت لحد نوحيكي ياسكره
ينفع كده طب بس بطلي زعل من غير ما تخدي بالك كويس من قرايه التعليقات ياختي روحي كده ارجعي لوري يجي كام بوست وشوفيه وفي تعليقي
لالالا اوعي كده انا زعلت مش بتاخدي بالك من اي حاجه اوعي اوعي ياشيخه
بلاش كلام فراغ ال معرفش ايه ال

وبردو الف سلامه عليكي ياقمر
ونقول مبروك وربنا يتمم لك بخير والف سلامه عليكي من الجريمه اللي هتحصل دي وربنا يسمحنا بقي
(وش مطلع لسانه)
مبروووووووووووك

همس الاحباب يقول...

الف مليون مبروك وربنا يتمم بخير
واجدع سلام صعيدى شحط محط لعروستنا
ربنا يسعدك ويتمم بخير
تحياتى