BLOGGER TEMPLATES AND TWITTER BACKGROUNDS »

الجمعة، 26 فبراير 2010

من وحى فاتيما الكبيره


فاتيما دايما تقولى انتى فاتيما الصغيره

موش عارفه هى شايفانى قويه ازاى

وانا اضعف من اضعف زبابه

حاسانى زى

موش عارفه زى ايه

بس حاسانى موش حاسانى

هو انا انا ولاانا موش انا



الحمد لله نامت دلوقتى بعد ماعطيتها الابر

لكنها بتتالم وانا بتألم جنبها

يارب تشفيها


افتكرت النهارده لما ماما وقعت واتكسرت

افتكرت احمد حلمى فى الف مبروك وهو بيقول لباباه

النهارده تتعب النهارده

بس الفرق انه كان زعلان عشان نفسه وفرحه

انا بقى تخيلتنى بقولها كده

وتخيلتها بترد عليا وتقولى انتى مايهمكيش غير نفسك


هو انتى انانيه ولاانتى ايه بالظبط

مضايقه عشان مامتك ولاعشانك

بالعكس انا فرحانه ان ماما تعبت

انا شيطانه

اصلها كانت دايما تقول لو جرالى حاجه موش هتحسى بيا ولاهتتحملينى

اعتقد كده ممكن اعرف ابينلها مشاعرى

انا بحبها جدا بس كتير بتغيظنى وتنرفزنى

وكمان انا قليله الادب لما بتقولى حاجه ولاتتنرفز عليا انا برد عليها

ايوه انا قليله الادب

انا كرهانى جدا

طيب شفتوش ياناس دكتور نفسى تبعتونى له



بيكيا

روبابيكيا

للبيع تحف قديمه

عقول قديمه قديمه للبيع

ناس خرده للبيع

هو انا خرده

ايه يابت اللى بتقوليه دا

هو انا شايفانى ولاانا اصلا موش باينه

محطوطه فى حته ضلمه كده


هو انا ابقى عبيطه لو ضيعت جوزى من ايدى

ولاابقى شاطره

طيب اسامحه ولااديله فرصه تانيه


طيب ماهو انا موش ملاك نازل بجناحات من السما

انا شيطان فى شكل انسان

هو كلنا مالنا كده

ايه رياح الاكتئاب والهم دا كله

انا قلت اطلع همى هنا

انا برده زى فاتيما مابتقول موش عاوزه بجد اشيل حد همى

بس والله نفسى اشيل حد واحد همى ويشاركنى همى

هو موجود بكلمه واحكيله واحكى معاه

برتاح لما بتكلم معاه حتى لو موش قلت ايه سبب ضيقتى دى

لكن انا محتاجه احس ان هو كمان بيشيلنى همه

انا اه شيطانه صغيره بس انا بجد بحب اسمع الناس

بس المشكه انى بعيش فى حكاياتهم

بتألم زيهم وببكى معاهم



شفتى بقى ياسكره انك ممكن تكونى فيكى حاجه كويسه


خاينه

هو انتى خاينه

ليه طيب بتخونى

نفسك فى ايه



انا واقفه تحت المطر

السما بتمطر سيول وبتشدنى لتحت

مستمتعه انا باحساس الزحلقه

هههههههههههه

طيب انا هاازحلق الهم هاديله صابونه دووف زى مابيقولوا

شوفتوا كريمه انا ازاى ماقلتش صابونه غسيل


فاتيما دا ردى على البوست بتاعك

ياريت اللى يشوفها يقولها انى علقت عندى على بوستها
وكمان قولولها انى هاقعد كده وامسك لمبتين منورين
واحده ليها وواحده لحد هى عارفاه كويس يمكن لما يحبوا ييجوا يطلوا عليا يعرفوا يوصلولى
لما يشوفوا اللمبات منوره

16 التعليقات:

adel يقول...

مش فاهم !!

صوت من مصر يقول...

مليش علاقه باى شخص ولكن القصة مكتوبة هايل بجد

حسن ارابيسك يقول...

سكره
سبحان الله مفارقة غريبة
المدونةاسمها سكره
وفي حلق صاحبتها طعم المرارة
وفي قلبها غصة

سُكره
تلك التدوينة في حد ذاتها فضفضة بينك وبين نفسك بينك وبيننا المهم أنها فضفضة قد يستهين بها البعض منه ولايفعلها ويقلل من شأنها ولكنها في الحقيقة يكون لها مفعول السحر مع صاحبها.صاحب الفضفضة
الفضفضة قد تزيح الكثير من الهم الذي يحتل صدورنا ويثقل أجسادنا ويشل عقولنا
والفضفضة قد تكشف لكي جوانب كثيرة طبائع النفس مايقلقها ومايطمئنها وما يحزنها ومايساورها من شك
في الفضفضة قد يحالفك الحظ وتعثرين على إجابات الأسئلة المتعثرة
عندما تخاطبين ذاتك هكذا بكل صراحة وشفافية هذا في حد ذاته محاولة منك لرؤية ومعرفة حدود تلك النفس نفس خيرة هي أم نفس شريرة صحيح أنكي تخاطبين نفسك وتنعتيها بقسوة ولكن هذا اكبر دليل على أنكي انسانة تحمل نفس طيبة تحمل الخير والبر لكل من تربطهم معها صلة رحم أو لا
فالنفس اللوامة هي نفس تقف على أعتاب أبواب الخير والحب والرحمة قد تكون نفسك تعبة وقلقة ومنهكة بحكم الظروف وبحكم القلب المجهد وبحكم الجسد المنهك والمتعب ولكن في النهاية تعرفين انه وبلا شك قد خصك الله بدور صعب وكبير قد يبدو لكي هذا لكنه بلا شك هو ابتلاء الله لكل من يحبهم ويريد لهم كل الخير ثقي في هذا
فقط تضرعي لله عز وجل أن في صلاتك وفي كل وقت أن يقوي عزيمتك وهمتك ويعينك على ما أنتي فيه
تضرعي لله اللهم إني عبدك ابن عبدك ابن أمتك ناصيتي بيدك،ماضِ في حكمك ، عدل في قضاؤك ،أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري ،وجلاء حزني وذهاب همي

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"
تحياتي
حسن أرابيسك

NeVeN يقول...

خير مالك يا سكرة ؟
حساكى متلغبطة ومش مبسوطة خالص
انتى مش شيطانة صغيرة
انتى بجد قمر وحد طيب اوى احساسى بقا

ربنا يقويكى

صيدلانيه طالعه نازله يقول...

مش عارفه اقولك ايه
انتى مالك بس
مش قولنا نهدى شويه و نبطل جلد النفس ده

انتى حد كويس قوى يا سها بس عقده الذنب قاتلاكى
انا بحبك و انتى كده و اللى بيحبك مش محتاج لمبه عشان يوصلك

بحبك و الله

إيمان يقول...

ياااااااااااه ياسكرة
انتى شخصيه جميله والله يابنتى
قد ايه جواكى خفه دم وروح حلوة
بس بتعذبى نفسك وتلوميها اوى
زى مايكون بتحبى الالم
بالرغم انه صعب
لازم تحسى نفسك انك كويسه واحسن من ناس كتير
علشان تقدرى تعيشى وتكملى الحياة
والله بالرغم اننا مش اتكلمنا
بس انتى انسانه قلبك طيب
وحبوبه للحياة بس بتحبى تأنبى نفسكى
مع خالص حبى وحبى

حبات التوت يقول...

عادى رياح الاكتئاب بتروح وتيجى
بس هتدى الاكتئاب صابونة دوف لا لالالالا غالية علية اى شوفيلوى صابونة بنص جنية

بس اعتقد انو انتى مش وحشة خالص عادى كلنا فينا الخير والشر وقدام معترفة بااخطائك يبقى انتى انسانة كويسة حاولى بس تصلحيها

ماتقوليش يارب عندى هم كبير قوللى ياهم عندى رب كبير

e_emy يقول...

مش فاهمه حاجه ):

بس شاكلك بتحاسبى نفسك وبتللكى ليها وخلاص .. الجميل ان محدش يشوف نفسه صح طول الوقت .. علشان يحاول يبقى احسن واحسن ..

ربنا معاكى ويفرحك دايما (:

فاتيما يقول...

انا جيت اهو

و قريت الرد يا سكرتى
و فاتيما الصغيرة انتى

انتى قوية ما زلتى
برغم كل الضعف اللى بيسكنك

انتى بنى آدم يا بنتى
لحم و دم و اعصاب و روح


عاوزة ايه لما الدنيا
تديكى ضهرها ساعات
و ساعات كتير كمان؟؟

عاوزة ايه لما يبقوا
اللى حواليكى مش فاهمينلك
و لا عاوزين يفهموا و يحسوا ؟؟

عاوزة ايه لما تحسى
ان الامل بعيد
و ان عمرك مهما عملتى
ما هتوصليله؟؟



بس ما زلت مصرة

انك فاتيما الصغيرة
اللى شافت
و بتشوف
و هتشوف من الهموم ياما
و تشيل
و تتعب
و تنخ
و بعدين تقوم من قعدتها
تقف تانى على حيلها



من غير لمبات زى ما علا بتقولك
هتلاقى اللى مكتوبلك
جايلك لحد عندك


هوه دلوقتى جايز
اوان الضلمة
و احنا بس اصله خايفين
و بالتالى مش موافقين
و عاوزين ونس
و ضلمة ضلمة بس من غير وحدة



و ناس كتير بتقعد فى الضلمة
عمر بحاله
مجراش حاجة لما نقعد
احنا كمان فيها شوية
على امل نطلع منها فى يوم
و مش لوحدنا بقى


ليالى و بتعدى
و اوقات و بتروح



و انتى مش قوية
لو كانت الكلمة
بتخليكى تستغربى


انتى مش قوية يا سكرة

انتى إنسانة يا بنتى

و حاجة كمان

انتى
حتة
سكرة
تحلى
المحيطاااااااااات

Ms Venus يقول...

سكرة

مالك بس

انا كمان حاساكى اوى


جواكى حاجة تعباكى


صدقينى مش بايدى اقولك حاجة غير انى اقول ربنا معاكى


وهو قادر يريح بالك


لان انتى انسانة جميلة اوى من جواكى وده واضح جدا ومش محتاج نور علشان يبان للناس اللى تعرفك كويس وقريبة منك


وعلى فكرة جلد النفس ده عند ناس كتير جدااا

اختك بردو وظيفتها فى الحياه انها تجلد نفسها بس جوايا كده ومش بسمح حتى ان حد يحس بيا


وردة لعيونك يا احلى سكرة

Darsh Basha يقول...

انا احلى حاجةف ى الموضوع دة
انى مش فاهم منة حاجة

بس على العموم
الاجابة هى البطيخة

أسمعنى شكراًً يقول...

الأكتأاب سيد المواطنين

وعموما زى ماقال صوت من مصر بصراحة كلام هايل ........
ولاكن هل أنتم راضيين عن أنفسكم بهذا الشكل
كل واحد عندة كبت يطلعة أحنا عايزين الدنيا كلها تحس بينا
أفكار كتير متحيرة وأللى حسك حسن أربيسك فعلا أسم المدونة سكرة وفى حلقك المرار بكتير

(حلـم) يقول...

انا شيطانة؟؟


اعجبتني الحتة دى


وافقة تحت المطر


وراقني هذا الوقوف


اما الزحلقة حلوة خالص


حتروحي فين

انا هنا بحماكي


سكرة المسكرة

يا بنتي انتى مخصماني والله ايه؟؟


طب صدر مني حاجة شيطنتك


مش فاكر

طب لية سيباني اكلم نفسي


في مقصورة الشيطان والمطر


مشاغل


اذا كدة ماشي الحال معذورة



فتك بعافية يا ست سكرة


والله
وصرت حالف يمين


قليل من امثالك وبصراحتك وبخفة دمك وظلك..


ولو بعرف بيتكم

بيتكم بيتكم مالي بلمت

ايوة اتذكرت لشكيتك لمامتك


ههههههههههههههههههههههههه


تقبلي مروري


فتك بعافية

Tears يقول...

هو الافكار فيها شوية لخبطة و لا انا اللى دايخه؟

مش عارفه بس عموما ان شاء الله ربنا يشفيها و بكره يبقى احسن من النهاردة


تحياتي

غير معرف يقول...

لأنك جدعة

بس خلاص

مجرد حلم صغنتوت يقول...

:(
انتي مش كده
انتي احسن من كده بكتير
المهم ان انتي اللي تقتنعي انك احسن من ده علشان تعرفي تخرجي من الحالة دي
ربنا معاكي يا سوسو... بس لازم تحاولي بجد