BLOGGER TEMPLATES AND TWITTER BACKGROUNDS »

السبت، 20 فبراير 2010

الفجر.


طبعا قبل ماكتب البوست بتاع الليله لازم
انى اشكر كل اللى هنونى بعيد ميلادى
ميرسى ليكم كلكم ويارب اردوهالكم فى اعياد ميلادكم كدا.
=====================================
تستيقظ على صوت اذان الفجر

تخرج الى البلكونه وهى ترتدى قميص نوم شفاف

تقابلها نسمه رقيقه تجعل شعرها يتطاير

تمسك بسور البلكونه وترجع بظهرها للوراء

وتستنشق الهواء بمنتهى الاستمتاع

دائما ماكانت تعشق هواء الفجر

دائما ماكانت تستيقظ فى ذلك الوقت كل يوم لتستمتع بهذه النسمات

تظل واقفه الى ان تشعر بالبروده تسرى فى جسدها

فتدخل الى غرفتها الغارقه فى الظلام

تجلس وحيده على سريرها

تتذكر حياتها

فهى من داخلها تحمل ضوء ونسمات الفجر

اما بالخارج فهى تحمل ظلمه الغرفه وهواها المكتوم

ترتدى روب فوق القميص وتقرر ان تنزل الى الشارع

لتمشى حافيه القدمين على العشب الندى

تعشق لمسه قدمها للعشب

تدور وتدور فى دوائر

تشعر بالحنين للماضى

فتأخذ نفسها فى حضنها وتغلق عينها

وتتذكر
.........................
==============================

33 التعليقات:

غير معرف يقول...

وانا اقول الجو ماله برد كده اتارى سكرة فتحت البلكونة
اقفليها وادخلى بدل ما يجيلك برد :D

حلوة اوووى اللحظة دى وفعلا الجو فى الوقت ده بيكون تحفة فنية كده
اسلوبك وطريقتك فى الوصف عيشتنى الجو

إيمان يقول...

الله على الاحساس الجميل لما تحسى بالطبيعه والهواء الغير ملوث على الفجريه
وتتأملى وتسرحى فى جمال خلق ربنا
انا عشت الحاله بجد وكنت اوقات ايام زمان احب اروح الدروس الصبح الساعه 6 بيكون الجو فعلا خرافه
تحياتى وحبى ياسكرة ياجميله

adel يقول...

ماحجزتيش ليه ليا اول تعليق كالعادة :)

:( موودي وحش معلش :)

تعرفي انا النهاردة هاستني الفجر عشان كده

سواحة يقول...

:-))
الفجر و نسماته :-)))
جميل بس باين البطلة غنية و ساكنه فى فيلا :-)))يابختها

سكرة
سهير
سها

حدوخينا
اسم مدونتك ايه فى الاخر ؟؟
ساعات الاقيها باسم سكرة و بحر الحياة و ساعات sad women
و ساعات mourning dove

لا حتجنينى واندا ده يصح برضه
و الله لاقفلك البلكونة و الباب بالمفتاح لحد ما ترسينى :-)) على اسم ليكى و للمدونة

بسمة انور يقول...

ترتيب الكلمات رااائع

مدونة جميله جدا
سعيدة لزيارتى ليها وان شاء الله تتكرر

Ms Venus يقول...

الله يا سكرة


صورتى لينا لحظة رائعة بإحساس اروع


بجد جميلة اوى


تسلم ايديكى

راء يقول...

يااااااااااااه

سرحت معاها..رقيقة اوي
فيها تفاءل رهيب الدنيا ضلمة بس مش مهم هيا من جواها هوا الفجر الرائع

نزلت ودارت في دوااااااااير واسعة واكيد كانت بتضحك وهيا بتفتكر
ومبسوطة عشان قادرة تحتوي نفسها :)

عجبتني اوي اوي حسيت اني انا هيا
دمتي مبدعة

سجود يقول...

السلام عليكم
هلااااااااااااااااااااااا
ازيك ؟؟؟؟
بس الاحساس عالي ع فكرره

psycho يقول...

كل سنه وحضرتك طيبه وبالف صحه

ربنا يجعل حياتك عيد

اسف جدا انى محضرتش المناسبه دى

اعذرينى

بس حبيت اعدى اسلم عليكى

لاسع افندى يقول...

كلام جميل
بس اللى يفتح شباكه فى بلادنا هيلاقى منور الجيران
واللى ينزل الشارع بالليل هيلاقى اللى يثبته

واللى توقف فى بلكونه بهدومها كامله هتلاقى الف عين

بس ده مايمنعش انى لما قريت اتخيلت واتمنيت


تحياتى

Mona يقول...

أنت كل شوية حتغيرى شكل البلوج وأسمك أرحمى نفسك شوية - وبعدين بعتلك sms مافيش شكرا لماما :(((( ماشى - حلو الاحساس الجميل الدافى ده بس بلاش نرجع لوراء خلينا لقداااااااااام -

خواطر شابة يقول...

موقف يقطر رومانسية وشاعرية ولن يصدر الا من قلب حساس ذي مشاعر فياضة

صوت من مصر يقول...

تتذكر يا فزال يا غزال
اظن انها وقعت فى حب صلاح جاهين
سرحت انا بقى بخيالى وفجاءة كده ينفع

فكرة من الزمن ده يقول...

سكرورتي
حبيتي
وحشتيني
ومتشنكلة جدا ليكي ياقمر على سؤالك عني معلش
بتبقى ظروف
جميلة اوي الخاطرة اجمل هوا هو هوا الفجر ولسعة بردوته وكل سنة وانتي بالف خير وسكرتنا كلنا ايا كان اسمك
بنحبك ياسكرة
تحياتي

عايش... ولكن !!!! يقول...

بعد الوصف ده
انا كل يوم ببقى سهران بس مش بكمل للفجر
انهارده هكمل واطلع اقف فى البلكونه :)

Baskouta يقول...

سكرتي
انا عاوزة حاجة شبه كدةبس مختلفة برضه
مشتاقة للوقت اللى بمشي فيه حافية القدمين على شط البحر والموج الهادي يلمس رجلية
والام بي ثري شغال وبسمع اغنية لاليسا ومش سامعة حاجة غيرها ومش شايفة غير لون السما والبحر والرمل وبس

البوست تحفة
انتى ابدعتي في الوصف لدرجة اخدتنى عندها
تحياتي البسكوتية

sabry abo-omar يقول...

انا عشت مع كلماتك الفجر بكل نسماته واحاسيسه وعشقت فتاتك وحلمت بها ترقص على زقزقة العصافير..حلم جميل عشناه معاكى..دومتى لنا بإحساسك الراقى

ENG./ELSAYED,PMP يقول...

أوقات ... بنبقى جوه البيت ... وعندنا إحساس إننا لسه مروحناش

Darsh Basha يقول...

واقفى فى الهواء الفجر
ولابسة خفيف
ربنا يستر وميجلهاش برد

بس بجد كلماا رئعة
تسلم الايادى

VÖltaa يقول...

حبيت اقولك ازيك ياسكرة هانم
واسفين اذا كنا مش بنيجى نعلق عندك
مشاغل الحياة بقى والعيال وامهم انتى عارفة :) :)

يارب تكونى بخير يارب

beautiful mind يقول...

تتذكر ايه بقي
مممممممم
اكيد تتذكر ايامها الجميله في الجو البديع اللي قولتي عليه
ولا تتذكر لما كانت طفله وكانت لسه احلامها برئيه زيها
تسلم ايدك ياسها
بجد بوست حلو
واحساسك احلا فيه
تحياتي

غير معرف يقول...

كل سنة وانتي طيبة

بس سؤال

قامت من النوم الفجر ماشي شغال

طلعت البكونة!! على مضض ماشي لابسة شفاف يا حلاوة برضو ماشي

مشيت على العشب!!!!!!!!!!!!!!!

ازاي بئا؟

الا لو نطت من البلكونة نزلت على جدور رئبتها دخلت النار

هيا النار فيها عشب؟

مش راكبة خالص

(حلـم) يقول...

فجر


ولمس


وعشب


وحافية قدمين


روب قميص


تنفس جمال

ظلمة


لوحة تنضح باحساس مسني تخللني بزغ في جبيني فجرا


يهتف كل سنة وانتي اجمل

الود يا سكرة
استمري

dr_samarmar يقول...

لحظة من فضلك... لكل اللى سادد ودانه
http://www.facebook.com/topic.php?topic=12498&uid=247781834773#!/topic.php?uid=247781834773&topic=12498

psycho يقول...

مفيش بوست جديد ولا ايه
رديت على نتيجتك
ابقى شرفينى

مي يقول...

سكرتى
حلو اللوك كده احلى ياشيخة ايوة كده
حسيت بجمال الكلمات كانها مغلفة باحساس من التحرر لدرجة حسيت بنسمات الهواء
احساس جميل جدااااااااا
تسلم ايديكى ياسكرتى وكل سنة وانتى بالف خير

صيدلانيه طالعه نازله يقول...

الله عليكى يا سكره

انا نفسى اعيش وسط جنينه و يبقى سهل انى انزل و امشى حافيه على النجيله المبلوله و احس بلسعه برد الفجر

اللى باحب احسها قوى و انا مسافره بالعربيه
و ابص للسما و الدنيا يادوب بدأت تنور و ابتسم و افتكر دنيتى اللى فاتت
و ابص و اشوف دنيتى دلوقتى و استغرب و اقول انا ايه اللى جابنى هنا

ما كنت زمان احسن

جميل يا سكره

мαησηα يقول...

لوووووووووووووولوووووووووووووووى اخيرا يا اوختى التعليقات اشتغلت عندك

اولا بجد بجد الاستايل ده للمدونة رقيق اوى وبجد لايق عليها ويفتح النفس كده للقعاد هنا شوييتين ثلاثة

ثانيا بقه بجد بحييكى على تجسيد الخيال بشكل يخلينا نعيشه بجد تسلمى يا سكرة ودمتى رائعة ومسكرة وكل الناس بيحبوكى

Unknown يقول...

ايه دا احنا عندنا حد يطلع البلكونة

العار ركبنا

و كمان
قميص نوم شفاف
فين البندقية ؟؟؟!!

Unknown يقول...

عشب ندى افهم ان فى زرع او حديقة يالا تاخد بطانية معها عشان زمان الجو تلج

Tears يقول...

جميل اوى رسمك للمشهد بالكلمت فقد رأيته كانه حقيقة

تحياتى

VÖltaa يقول...

ايييييييه ياسكرة

مفيش بوستات ولا اييييييييييه

طب مفيش تعليق عند اخوكى طيب

طب اى حاجة

حبات التوت يقول...

يااااااااااه على الاحساس الرائع

تشعر بالحنين للماضى

فتأخذ نفسها فى حضنها وتغلق عينها

وتتذكر


هتعمل اية غير انها تاخد نفسها فى حضنها