BLOGGER TEMPLATES AND TWITTER BACKGROUNDS »

الأحد، 31 يناير 2010

توماااااااااااااااااااااااااااااام.


بيان عاجل جدا
الى كل الساده البلوجاريين
اللى قاعدين واللى ماشيين
عادت الى ارض البلوجرز سالمه تلك الفتاه
التى تسمى سكره
بعدما تعرضت لحادث أليم
والذى سبب لها بعض الكدمات وبعض الرضوض
وبعض الجروح السطحيه
ولكن ليس هناك اى عاهات مستديمه
والحمد لله
والا كان العريس المنتظر اعلن الاعتراض والشجب وخلع وقال يافكيك
والحمد لله انها جات من ربنا وجابلها عاهه مستديمه حتى اجد مبرر للخلعون
ههههههههههههههههههه
هذا وقد اعلنت وكاله الفضاء العالميه التدوينيه الخاصه بالمدعوه سكره
انها فى اتم الاستعداد لقبول المعونات التدوينيه وذلك ترحما على ماحدث لها
والمعونات لابد وحتما ولازما تكون شيكولاتات سويسريه
او تكون مورو زى اللى جابهالها فقرى فى اللقاء
او تكون مثل تلك الشيكولاتات التى احضرتها لها ست الحنان كله
فاتيما هانم روح قلبى انا
او تكون عباره عن وجبه فاخره من عند عم ماكدونالز كما فعلت البنوته البسكوته
بسكوته بالشيكولاته
او تكون تلك المعونات
معونات معنويه وامرنا لله نقبلها على العين والراس
وهى عباره عن مكالمات تليفونيه ورسايل موبايليه
كما فعل كل من
زعيمه جمعيه المرأه المتوحشه
دكتوره ستيته
اللى خلتنى اغير فكرتى عن دكاتره الجامعه
=========
والشاب الفقرى
كريم الذى ليس فقرى لاشكلا ولاموضوعا
اول حد شفته وقابلنى فى المترو
وكمان كان جايبلى مورو ياناس
وايه قال انى بسبه ارواح
=====================
او ام هنا العسل
داليا قوس قزح
صاحبه الخير
=========
او البنت الطيوبه جدا
بسكوته بالشيكولاته
التى تملك وبجد قلب عصفوره كناريا
===========
او صاحبه المصاصات
كيارا هانم
المكسوفه على طول
=================
او طبعا جميله الجميلات
ريم ام كنزى
جميله الجميلات ورقيقه الرقيقات
=================
او استاذ خالد
ابو شابى وهمس
ربنا مايحرمهم منك ابدا ويخليك ليهم ويخليهم ليك
==================
او استاذ وليد الدوغرى
الشاب المصرى الجدع اوى
وزوجته المستقبليه
الانسه ساره السكره
=================
او طبعا ست شيما
بنت المنصوره اللى هتشكم الشعب والحكومه
الهاديه الوديعه على غير العاده
والتى بعد مباحاثات معها
وصلنا نحن الاثنتين الى ان ذلك اليوم كان مبصوصله
حد كدا ابن حلال نق علينا وبص لليوم
منك لله ياصاحب العين المدوره
ومن هنا
اعلن وبشده
انه رغم كل ماحدث فقد استمتعت باليوم جدا
وتعرفت على ناس كنت اتمنى ان اقابلهم
واتشرف بمعرفتهم
ويكفى ان ست الحنان كله
ام يوسف
قد اخذتنى فى حضنها ولكنى
انسحبت منه سريعا خوفا من ان ابكى
ورب ضاره نافعه
شوفتوا بقى
الحادثه خلت دكتوره ستيته تبحث عن رقمى وتكلمنى وهذا شىء اثر فيا اكبر اثر بجد
ست بجد مالهاش حل
ربنا يخليها ويفرحها يارب
طولت عليكم
استحملوا بقى طالعه من حادثه وواحشنى الرغى
والى لوقاااء اخر انشاءالله
مع السلامه ياابو عمه نايلو

34 التعليقات:

Ahmed Fayez يقول...

حمداً لله على السلامة.

هي وظروفها يقول...

الف سلامه عليكي وربنا يسترها والحمد لله انه مفيش اصابات ولاحاجه

واوعدك في اللقاء الجايه اجيبلك انا وساره شيكولاته ومصاصه وكيمو كونو كمان

romansy يقول...

اولا الف الف سلامه عليكى
هى ايه الحكايه
شيمااااااا تتعب بعد اللقاء
وانتى يحصلك حادثه
دا غير الصاع اللى كان عند معظم المدونين
اي الحكايه اتحسدنا ولا ايه
كنت موجود فى اللقاء بس لاسفمتعرفتش بقى عليكى
يلا بقى المره اللى جايه ان شاء الله
والف الف سلامه تانى

ستيتة يقول...

حمد الله على السلامة يا أحلى سكرة
قال العريس يخلع قال
هو احنا فينا من كده؟
استحالة
ها ياخد السكرة اجباري ويشكر ويحمد ربنا كمان :)
الحمد لله على لطفه وفعلا مشفتش وشك ولازم نحل المسئلة دي في تنقية الرز الجاية ان شاء الله

هناء محمود يقول...

إيه إللى حصلك يا سكرة

انا سمعت برده إنهم كانوا قلقانين عليكى بس مكونتش فاهمة حاجة

بس الحمد لله بقيتى تووووووووومام دلوقتى

المعونات دى بقى والتسول ده إحنا عارفينه كويس بصى اتصلى ببرنامج صبايا وهما هيعملولك اللازم

ههههههههههههههههههههه

فاتيما يقول...

فين السجاحات ؟!!

انا بسمعهم بيكتبوها كدا ف التقارير الطبية

رضوض و كدمات و سجاحات و متسالنيش معناها إيه آل يعنى كنت عرفت الاتنين الاولانين أشاساً على رأى عادل


سلامتك ألف سلامة يا سكرتى
و يا ستى الشكولاتة حاضرة فى أى وقت من غير حوادث و لا حاجة بعد الشر
و عريس مين اللى يخلع دنتى وراكى جمعية المرأة المتوحشة نفراية نفراية نجيبها من جحر النملة لو مستخبى مع عيالها
و محدش عارف طريقه ...

إحنما حدانا عرسان تفلسع
حلوة دى


الف سلامة عليكى يا حبيبتى
و حركات الزوغان دى مش هتحصل النوبة الجاية عشان تبقى فاهمة انا بس اتلهيت فى الترحيب بالحبايب كلهم و انتى كمان هربتى يا شقاوة

بس متحاوليش
هنقرروكى يعنى هنقرروكى يا شابة

ربنا يسعد كل ايامك يا سكرتى
و ليكى وردة بيضا
زى لون قلبك و لون الطرحة بتاعة الفرح فى آخر بوست عندى
اتفضلى امضى و استلميها

بوسة و حضونات يا حبيبتى

mohamed ghalia يقول...

أنا كمان كنت هناك معرفش جت فرصة اتعرف على حضرتك ولا لا لأنى العدد كان كبير جدا وكان صعب اعرف كل الموجودين

adel يقول...

طيب ايه الاحراج ده
ما انا معرفلكيش ارقام ولا ايميلات عشان اسال :)

لو اعرف ان البشر دي كلها معاها الرقم كنت سالت :)

المهم حمدالله علي سلامتك و بالنوسبة للمعونات
اللي يتبرعلك تقسمي معايا خصوصا الثوكولاتات دي :)

♥نبع الغرام♥♪≈ يقول...

الف مليوون سلامه عليكى ياقمر بجد
حزنت جامد عشانك

يارب دايمآ بخير
ربنا يبعد عنك اى مكروه قادر يا كريم

ابقى طمنينى عليكى يا سها

♥نبع الغرام♥♪≈ يقول...

اه نسيت

مبروك لمصر ويارب الفرحه دايمآ

P A S H A يقول...

ألف حمدا لله على السلامة

اتشرفت جداً بمعرفتك يوم اللقاء وإن شاء الله يدوم التواصل .

تحياتي

:))

سلام

Unknown يقول...

الكدمات وبعض الرضوض
وبعض الجروح السطحيه

ليه علقة ولا ايه ؟!!!!

Baskouta يقول...

حمدالله على سلامتك يا سكرة
الحمد لله انك بخير
بسكوتك

الست فرويد يقول...

حمد لله على سلامتك يا سكرة
:)

ربنا يحميك ويبعد عنك الاذى

مع خالص مودتى

موناليزا يقول...

حمدالله على سلامتك يا سوكا
بعيد الشر عنك ياحبيبتى

صيدلانيه طالعه نازله يقول...

ايه ده اللى حصل
حمد الله على سلامتك

كل ده حصل اما كلمتينى
ياااااااااااه كل دى فرحه عشان كلمتك
وش بيغمز

سلامتك يا جميله و ربنا ستر

مبروووووووووك لمصر

خواطر شابة يقول...

سلامتك الف سلامة
طب ازاي هي الحادثة حصلت بعد اللقاء ياستي الحمد لله الذي جعل في قضائه اللطف وابقي خدي بالك
تمنياتي لك بتمام الشفاء ان شاء الله

Tears يقول...

يا حبيبتى الف حمدلله على السلامة

ربنا يحميكي دايما

همس الاحباب يقول...

حمدلله على سلامتك
والف سلامة عليكى
ربنا يطمنا عليكى دائما
تحياتى

حبات التوت يقول...

انا مش هقول حاجة

غير انى عوزة شكولاتة انا كمان اشمعنى انتوا

اهى اهى اهى هوة اللى مراحش يعنى مش ياخد شكولاتة


عوزة شكولاتة\


عوزة شكولاتة ماليش دعوة

كلام عيب يقول...

الف سلامه ليكى يا سكرتى

شكلك اتحسدتى فى اللقاء و يظهر ان الكل اتحسد مش انتى بس
ربنا يطمنا عليكى ان شاء الله

Ms Venus يقول...

الف حمدلله على سلامتك يا احلى سكرة


ربنا يسلمك دايما وتكونى بكل خير

غير معرف يقول...

ألف سلامة عليكي يا سكرة اسما وفعلا

الأرمـوطــي يقول...

مش عارف والله اعزيكى ولا اهنيكى على البوست الجميل دة دمك شربات زى العسل وكمان روحك رياضية ومعلش بقة حظ احسن المرة الجاية ان شاء الله
تحياتى ليكى

blue-wave يقول...

الف سلامه عليها

الشعب لابد له من حكومه تشكمه يقول...

سلامتك ياسكره

قوس قزح يقول...

الف حمدلله على سلامتك
مع انك يعنى لسه عندك السبع ارواح
بس الخضة اكيد كانت جامدة عليكى

الحمدلله انها عدت على خير
و بلاش تتكلمى فى الموبايل تانى و خالى بالك من الطريق :))

(حلـم) يقول...

حمدلله ع السلامة


ولو بنعرف العنوان ما بنقصر


دمتي سكرة الاثير الذي يجمعنا على لمودة والاخاء..


الف سلامة


انا حلم

سمكه واحده يقول...

الف الف سلامه عليكي ياسكرتي
بعد الشر
الحمد الله انها جت لحد كده

شكلها كده ياسكرتي عيني انا مدوره ومأوره
مش بقول انتوا اتحسدتوا يا مدونين مصر
ياكسوفي ياكسوفي
كنت بحقد وبحسد وبنق وبكلي غل وحقد ياساتر علي غل البشر ده
سامحوني بقي
لا بجد
الحمد الله علي كل حال
وخير والف الف بعد الشر عنك ياجميل

adel يقول...

ههههههههههههه
جيت ارخم و ااقولك
نشر العك بتاعك
هههههههههههههههههههه

ايه اخبارك دلوقتي و الكدمات و الرضوض ؟؟
الاسفلت حصل له حاجة ؟؟

Remas يقول...

سكرة الف سلامة عليكى ياتوتة

انتى عامله ايه دلوقتى ؟

انا كتبت كومنت هنا ومش لاقياه

مش عارفة راح فين

ربنا يخليكى يارب على كلامك ومجاملتك الرقيقة ليا

وانتى ياقمر اى حد يعرفك لازم يحبك ويخاف عليكى

وحشاااااااااااانى اوى

(حلـم) يقول...

حلو

بيطرية ومش بايدى يقول...

طبب وبالنوسبة ليا
ايه النظام
انا بقى كنت فى غيبوبة شبه مستديمة من حمى الامتحانات وصداع المذاكرة وقرف الكلية
وكمان فوق ده كله انى ماكنتش باكلم مع حد سكر كده زيك يا سكرة
اعمل انا ايه بقى ؟؟؟؟
حمد الله على السلامة يا قمر

Mona يقول...

حمدلله على سلامتك ياساسو وقدر الله وما شاء فعل ياه ده أنا فعلا بقالى كتير أوى مقرتيش مدونات حبايبى معلش أعذرينى - ولك عندى يا ستى شيكولاتة اد كده أول ما أشوفك أن شاءالله يسعدنى الحظ وأشوفك على خير يارب - ومرسى على المكالمة وكل سنة وأنت طيبة وعقبال ميت سنة ياقمرة أنت