BLOGGER TEMPLATES AND TWITTER BACKGROUNDS »

الثلاثاء، 29 ديسمبر 2009

clean up.



احيانا كدا نيجى نداونلوود فايل من النت
او تيجى تعمل كوبى من فلاشه ولاحاجه
تقوم تلاقى الكمبوتر(زى حنون مابتقول اسمه)
يقول ديسك كلين أب
ولازم طبعا تعمل الكلين أب دا عشان تداونلود
الفايلز الجديده
اوووووووم ايه
كنت قاعده كدا وبداونلود حلقات مسلسلى المفضل والاقى
الكمبوتر يقولى كدا
فطقت فى دماغى فكره بعملها بقالى كام يوم من غير مااكون
واخده بالى
الفكره هى ايه
السنه الجديده جايه
فقلت لازم اودع 2009 كانت بصراحه سنه غلسه اوى
طبعا هى مالهاش ذنب
بس حصل فيها حاجات حلوه كتيره
فيها طبعا فى شهر فبراير كملت 14 سنه
ايوه 14 واللى هيعترض هافتحله نافوخه بما انى بلون حياتى بالوان فرايحى فلون الدم الاحمر لون فرايحى
لا وايه جاى اللون دا من نافوخكم
هههههههههههههههه
هو انا كنت بقول ايه مممممممممممممم
ايون
قلت لازم اعمل كلين أب للهارد بتاعى
واعمل دليت لفايلز كدا كانت مالياه بحزن والم
وانضف الهارد بقى
يمكن نرتاح فى 2010
وطبعا انا قدها وقدود وبما ان انا من مؤسسى جبهه الجدعان الشعبيه
وان انا كمان الملكه ساسو
وسكره هانم
وكل العك دا
ماعلينا تانى
طولت عليكم
يوه اطول براحتى مدونتى وانا حره ولاحد عنده اعتراض
وربنا اقتله
المفيد والجد بقى
السنه اللى جايه دى هاعمل دليت لفايلز كتير ومشاعر سلبيه اكتر
عشان اسيب سبيس لمشاعر وفايلز جديده وافضل من اللى عملتلها دليت
هااداونلود فايلز جديده ومشاعر ايجابيه
صحيح مافيش حاجه اتغيرت بس زى ماعرفت وقالولى
(قالولى؟!! وانا ايش درانى)
ههههههههههههه
ان التغيير بيبقى من جوانا موش من الحاجات اللى بره
فيه فايلز كتير عملتلها داونلود من اول ماجيت هنا وناس كتيره بصراحه حبيتهم واعتقد انهم حبونى برغم كئابتى
فيه ناس طبعا موش طايقانى
ايوه بلئح عليك
هههههههههههههههههه
هاعمل فورمات للهارد بتاعى
واداونلود اللى على مزاجي
واعمل دليت للى مايعجبنيش
وانا حره بقى
وكمان عشان لما ابله نظيفه تيجى بالقطنه بتاعتها وتشوف نضافه الهارد بتاعى
تقول هو دا الكلام والقطنه مابتكدبش
ههههههههههههههههههه



18 التعليقات:

beautiful mind يقول...

كلامك بجد حلو
واكيد كلنا لازم نعمل كلين اب لحياتنا
نمحي منها كل حاجه وحشه
ونركز مع الايجابيات ونحاول نزودها
انا عن نفسي هقعد قعده كبيرة اوي مع نفسي
لان 2009كانت مليانه حاجات كتير حلوة ووحشه عندي
كل سنه وانتي طيبه
ربنا معاكي

خواطر شابة يقول...

اهو هو ده الكلام بس أمانة عليك لو نجحت العملية بلغيني عشان أعمل زيك خليني أجرب فيك الاول هههه
كل سنة وانت طيبة وكل سنة والهارد بتاعك بخير وكله افراح ومسرات وعامل للاحزان ديليت
تحياتي

جارة القمر يقول...

كل سنة وانتي طيبة ياقمر

ياريت اقدر اعمل لكل الذكريات كلين أب

ولا حتى فورمات

Cute Kitty **sookra يقول...

ايووووووووووه
ايه اللى بيحصل
بلوجرز بيعمل الدنيئه كدا
فيه تعليقين هو اكلهم عليا بس انا هارد عليهم
شيما اللى هتشكمكم

ناديلى دق دق دا عشان هاطلع عنيه موش جاب الجردل والمكنسه ليه
ههههههههههههههههههه
=======================

بيوتوفل مايند
كل سنه وانت طيب وابقى قولى نتايج القاعده رست على ايه وياترى لو عاوز شيوخ فى القاعده دى انا فى الخدمه يااخو العرب
ههههههههههههههههه

=====================
شفقه هانم واحسان بيه

اهلا اهلا بالثنائى اللى مقطع بعضه
كل سنه وانتوا طيبين وبالف خير ويارب ياشفشق تلاقى سكورتيره على المقاس
هههههههههههه
معلش يااحسان اصلها من بنات جنسى ولازم اقف جنبها بقى
هههههههههههه

=========================
خواطر شابه
ياابنتى العمليه شغاله على قدم وساق
وشكلى هااسوق الهبل على الشيطنه طول السنه الجديده
هههههههههههههههههه
جربى يااوختشى ولايهمك
النتايج مضمونه باذن الله

mimi يقول...

تصدقي بالله
الفكرة دي جاتلي أمبارح .. عن طريق فتح ملف لقيته ملف معطوب " كوربتد"

فأضريت أمسحه
ولفيت لفة مسحت كل الفايلات المعطوبة والغير مستخدمة
وقررت مش أدخل 2010 برجلي اليمين إلا وأنا في حالة كلين أب

وااااااو

توارد الأفكار

تحفةةةةةةةةةةةة

لــــ زهــــــراء ــــولا يقول...

سكره المسكره

ايه الجمال ده كله فعلا الواحد محتاج كل فتره يعمل كلين اب لناس مرت فى حياته او لذكريات مش بيجى من وراها غير وجع القلب
امنياتى لكى بسعاده دائمه

مي يقول...

فكرتك جميلة اوىىىىىىىىىىى
ههههههههههه انتى عثل اصلا
كل سنة وانتى طيبة ياقمر

هناء محمود يقول...

ياريت كلنا نقدر نعمل كدة ربنا يقدرنا كلامك جميل أوى

Lady E يقول...

اللهم صلي عالنبي عايزة ارقيكي م الحسد يارب المود يفضل حلو يارب

حلو فكرة الكلين اب بس مفيش كلين ام كمان نياهاهاهاها

صباح الورد والشوكولاته

(Joudy) يقول...

الفكرة حلوة كتييير إحنا بجد محتاجين نفرمت قلوبنا وعقولنا من أى حاجة بتعكر صفونا ونبدأ من جديد على نضافة نبدأ بروقان بال من غير ضغوط نرتب أوراقنا صح بطريقة تخلينا نمشى تمام نضحك وننبسط من غير ما حد يقولنا إنا غلطانين نبقى مركزين الخطوة بتاعتنا لفين

يارب السنة الجديدة تكون فاتحة خير على الجميع

دمتى بكل الخير والسعادة

VÖltaa يقول...

ربنا يوفقك
انا من كتر مافرمت هاردى
بقيت مليان بادات

وبقى الحل الوحيد ليا

انى اروح الضمان :)

بس مش لاقى ضمان للبنى ادمين
هههههههههههه

مساء الفل ياسكرة

ريمان يقول...

السلام عليكم

كلنا يا سكره عايزين نعمل كلين اب لحياتنا وبالمره نعمل فورمات للماضى

ههههههههههههههه

تحياتى ليكى يا قمر

انا اما ارجع دمياط ان شاء الله هكلمك ع الميل لانى الوقتى انا فى المنصوره عند خالتى
وده شرف ليا والله يا قمر انى اتعرف عليكى واميلى هينور اما اضيفك باذن الله

Cute Kitty **sookra يقول...

ميمى
انتى سكر واكيد طبعا انشاءالله موش هتلاقى اى كوربتد فايلز خالص
وكل سنه وانتى بخير وحياتك احلى كتير
ويااه دا شرف ان يكون فيه بينى وبينك توارد افكار ياحبيبتى

=========================
لولا وزهراء

انتوا اللى سكر
سلامتكم من وجع القلب
اعملوا كلين اب وانا عليا الصابون
هههههههههههههه
كل سنه وانتوا طيبين
=======================
مى

انتى اللى عثل ومبسوطه انها عجبتك
كل سنه وانتى طيبه
=======================
أم بوبه

منوره البلوج ياجميله
يارب كلنا نقدر نعمل كدا
كل سنه وانتى طيبه وبوبه كمان طيبه

=======================
ليدى

والله انا كمان عاوزه ارقى نفسى واتبخر كدا بعين العفريت
ههههههههههههههههه
وحشانى كل سنه وانتى طيبه
وانتى بس تأشرى هنجيب كلين أم عشانك
ههههههههههههههههههه
=======================
جودى

يارب يارب نقدر نحدد خطواتنا صح فى السنه الجديده وتكون كلها سعاده وانجاحات ونودع سنه فاتت بحلوها ومرها
منورانى
=======================
محمد

مساء الشيكولاته
انا هاعمل سيرش وادورلك على ضمان بنى ءادمين وحالا اقولك عليه

العنوان اهو
5 شارع المرعشى
الدور التالت
شقه 6
ههههههههههههههههه
==========================
ريمان
وعليكم السلام ورحمه الله وبركاته
ياريت نقدر نعمل الفورمات صح ونبدأ حياه جديده بهارد وهارت نضيف
هههههههههههههههههه
طبعا الشرف ليا ياقمر

blue-wave يقول...

والكلام دا صح جدا
ربنا يوفقك فى الكلين اب دا

Aиgel يقول...

صباح الفل ..

طيب ممكن تاخديني تعمليلي فورمات
خليكي كريمة بقى بمناسبة 2010
D:

أحلى حاجة أن الواحد يعمل كلين اب لكل شيء في حياته باستمرار النظافة حلوة بردو (: والكمبوتر عامل ايه معاكي دلوقتي .. صحيح أنتي عملتي ايه في اختبار البوربوينت ؟؟
.......

عشان مرغيش كتيربعد كل الرغي ده عشان مش تطرديني من مدونتك ):
سامحيني مش برد على كل بوست لظروف كده بس متبعاكي وبقرأ البوستات أول بأول (: وسلام يا جميل
وهابي نيو يير

Angel love

Baskouta يقول...

Happy New Year
see this link

http://www.icq.com/img/friendship/static/card_16961_rs.swf

سمكه واحده يقول...

اهلا اهلا بست سكره الجميله
اولا كل سنه وانتي بخير وربنا يحققلك كل اللي تحلمي بيه وتغور سنه 20009 بحلوها ومرها
حلوها ايه يابت ياسمكه
لا بمرها بس
ونستقبل سنه حلوه سعيده جميله ان شاء الله نحقق كلنا فيها اللي نتمناه
ومن هنا ياست الكل
احب اطمنك اني الحمد الله بخير طول منتوا موجودين في حياتي ومنورنها ربنا مايحرمنيش من اجمل ناس
بس بعمل ذيك كده ياسكره شويه دليت واظبط المسائل وشويه مشغوليات علي حجات وربنا يعنا كلنا ياستي
ادعيلي انتي بس
وبجد شكرا علي زوقك وسؤالك ياقمر متتصوريش مبسوطه اد ايه بأهتمامك
يارب ديم المعروف ويديم بينا كل حاجه كويسه في العالم الجميل ده
هابي نيويير يا سكره يامسكره

lostlove يقول...

تحياتي

كل سنه وانتي طيبه
ويارب
تعملي كلينا لكل ديسكاتك
انا عن نفسي هبتدي افرمت
هههههههه
واعمل داون لحجات جديده
تحياتي
اتمني التوفيق