BLOGGER TEMPLATES AND TWITTER BACKGROUNDS »

الاثنين، 28 ديسمبر 2009

خمس ثوااانى وبس.



اولا ربنا يجعلها سنه خضره علينا كلنا
وزى مااتفقت مع منامينو
انى هاابطل اكتئاب وهكتب بوستات فرايحى كده
احمر واصفر واخضر وبلاش الاسود برغم عشقى ليه
قررت اخلى الاسود ليا انا وبس
هاحكيلكم عن احساس رائع
=======================
الصدااااع
ايوه الصداع اللى بنحس بيه فى نافوخنا دا
ويبقى هيجننا وممكن نخبط راسنا فى الحيط
ايوه هو دا
عليكم نور
انا من وانا لسه طفله وانا بيجيلى صداع نصفى
ودخت على الدكاتره وربنا (صرفت دم قلب اهلى )
المهم
اخدت واستعملت كل انواع المسكنات اللى تخطر على بالكم
وبرده ابن الذين الصداع موش بيروح
فيوم من زمان سمعت حد وموش فاكره مين ولافين ولاامتى
(زهايمر بقى الظاهر منامينو عدانى)
قال ركز اوى لما تبقى عندك الم فى جزء من جسمك
ركز فى اللحظه اللى عندها بينتهى الالم وساعتها كل الامك هتزول
المهم قلتلهم الله يخرب بيت كدا
معقول اللى بتقولوه دا
واوووم ايه زى الشاطره كدا قلت لنفسى
طيب جربى ياسكره انتى ياسكر وشوفى
هتوصلى لفين
اول مره مانفعتش
تانى مره
اخدت نفسى(ايوه نفسى وانا احنا حريين مع بعض حد شريكنا)
اخدتها وطلعت فوق على سطح البيت وكنا بالليل
وفرشت على الارض ونمت على دهرى وبصيت للنجوم وحددت نجمه
وغمضت عنيه وبدات احضر(موش عفاريت ياغلسين)
بدات احضر اللحظه اللى بينتهى فيها الالم
ركزت كدا لمده ثوانى
خمس ثوانى او خمسين ثانيه
وراااااااااااح الصداع
انتهى
كان احساس يجنن
خمس ثوانى اوخمسين ثانيه ياناس
نركز فيهم ونرتاح مده اطول
ليه بندور على الصعب وبندور على السهل فى نفس الوقت
السهل انى اخد مسكنات والصعب هو اثارها الجانبيه بعد كدا
هما خمس ثوانى وتنتهى مشكله
ليه بقى فى كل مشكله مهما كانت موش بنهدى كدا ونركز ثوانى بس
ثوانى هتفرق معانا كتير
هنرتاح ونريح اللى حوالينا
انا اعترف ان انا متسرعه جدا
وعصبيه اوى ودايما بفترض سوء النيه فى افعال اللى حواليه ومع ذلك موش اعاملهم بسوء نيه
لا
بفترض سوء النيه واخد فى نفسى وازعل على نفسى
طيب ايه اللى هيجرى لو رد فعل كان غامض عليا شويه واستنيت خمس ثوانى افكر
فيه وبعدين لو موش فهمت استنى خمس ثوانى تانيه اسال الشخص عن قصده
متسرعه ليه ياسكره
وليه بتفترضى سوء النيه
ولما بتفترضى سوء النيه ليه موش بترحلى وخلاص
ياتتحملى خمس ثوانى تفكرى او خمسه تانيين تستوضحى
يااما ترحلى موش تشيلى نفسك هم فوق همك
هو انتى ناقصه يابنت الناس(بتقولى عليا انا ناقصه ماشى وحياتك لازم اربيكى ياساسو)
سكره:بطلى ياساسو
ساسو:لا موش هاابطل واعملى اللى انتى عاوزاه

حد فاهم حاجه
طيب اللى فاهم يفهمنى

19 التعليقات:

إنترنتاوي يقول...

بالتوفيق يا سكرة

blue-wave يقول...

هوا بغض النظر عن اخر حتة اللى مفهمتش فيها حاجه
لكن حكاية ال 5 ثوانى دى متجربه
حاجه كدا من ضمن السايكو ثيربى او العلاج النفسى
ربنا يكرمك دايما يارب

اقصوصه يقول...

كلنا نفسك

تتلاعب بنا الظنون

ولا نرسى على قرار

نحتاج مزيدا من الرويه

للحكم على الامور :)

Lady E يقول...

ههههههه والله انتي زي العسل

وبتقولي كلام زي الفل

موضوع الخمس ثواني فعلا درسته وكمان في طريقه تانيه بالنسبة للآلام الجسمانية بتفكري الألم ده جه ليه يعني عايز يقولك فاهماني؟ يعني غالبا الألم بيجي نتيجة لحاجة معينة عايزة تتصحح قلة نوم مثلا

سنة سعيدة ومسكرة علينا وعليكي يا سكرة

ستيتة يقول...

فهمت ان الصداع راح
ربنا يعافيكي
اي حاجة تانية نوووووووووووووووو
عاااااااااااااااااااااااااا
انا شطورة كده
اديني صرخت ورجعت لك الصداع :)

VÖltaa يقول...

انا جيت اقول مساء الخير ياسكرة

وحلو علاج الصداع ده جربته كتير قبل كده

وكنت عايز اقولك يعنى

هابى نيو يير

ويارب تكونى بخير وتمام وزى البومب :)

موناليزا يقول...

:) دى وصفة سهلة
سلامتك ياسوكا من اى صداع

نعكشة يقول...

فكرتيني
في مرة كان عندي الم وكنت حاسة ساعتها شعور روعة
وبما اني مليش نفس - معلش - اني ارغي كتير
فانا مش هوصفة

بس عامة

التسرع

انا بشعة بجد بجد بشعة في اتسرع

انا بفترض سوء و حسن النية
عشان لو عمل الوحش متضايقش
ولو عمل الحلو اقول كويس

بس

سلامٌ عليكِ

Remas يقول...

سكرة يا قلبي

انا لسا شايفة البوست اللى فات حالا واتخضيت منه اوى
بس البوست دا هدانى شويه وقلت ممكن تكون الامور اتغيرت وخلاص هاتفضلى ومش هاتفصلى النت

حلوين اوى الخمس ثوانى دول في كل حاجة لازم ناخدهم الاول وبعدين نبتدى رد الفعل

بصي مش هاينفع الكلام هنا انا حالا هاقوم اكلمك علشان افهم منك كل حاجة ياقمر

lostlove يقول...

سكره
تحياتي
مش عارفه فهمت ولا لاء
بس حسيت
مش عارفه بردو
بس بجد الكلام حلو
تحياتي ليكي
اتمني التوفيق

غير معرف يقول...

حمدالله على السلامه وخير ما فعلتى انك ما سبتيناش :D

للاسف افراض سوء النيه ده موجوده عند ناس كتير اوى وانا اعتقد انى اشد واحد فيهم وممكن اعمل مشاكل كبيره واخسر حاجات كتير بسبب الموضوع ده

ملهوش حل بالنسبه ليا وبقع فى مشاكل كتير بس ربنا اللى يعلم باللى فى ضميرى وانى مش بفترض سوء النيه الا مع الناس اللى بحبها وبيكون قلبى ساعتها عليهم او خايف عليهم مش حاجه تانيه

ريمان يقول...

السلام عليكم


سلامتك يا قمر من الصداع

ان شاالله اليهود يا رب و و و


وانتى عارفه مين الباقى بقى هههههههه

سلامتك يا قمر الف سلامه وحمد الله على سلامتك

وكل سنه وانتى طيبه

يا رب تكون سنه سعيده علينا كلنا

micheal يقول...

كل اللي أقدر أقولهولك ححاول أعمل زيك عشان أنا بيجيلي صداع كتير بسبب الضغط والأدوية مش نافعة
:)
تحياتي

جارة القمر يقول...

سكرة بجد ألف سلامة عليكي ياحبيبتي

انا مشكلتي هي الصداع النصفي وحجرب واقولك انا تعبت من كتر المسكنات

ألأف سلامة عليكي

صيدلانيه طالعه نازله يقول...

ربنا يكملك بعقلك يا سكر ايوه كده خليكى فى الفواتح و الحاجات المبهجه
و بلاش الهم و النكد الله يكرمك
كل سنه و انت طيبه

beautiful mind يقول...

ماشي ياستي
نجرب طريقتك دي
ويارب تجيب نتجيه
وكل صيدليات البلد تقفل
كل سنه وانتي طيبه
وكل صداع وانتي منه بعيده
تحياتي

خواطر شابة يقول...

الحكاية اللي انت عملتيها تشبه اليوجا
النفس البشرية فيها قوة كامنة فقط نحن لانعرفها لكن من يكتشفها يكتسب قوة ويتغلب على كثير من مصاعب الحياة.
سأستغل الفرصة لأتمنى لك سنة سعيدة مليئة بكل ما يفرح ان شاء الله

Cute Kitty **sookra يقول...

انترنتاوى

الله يخليك
==================
blue-wave

كويس ان انا عرفتلها اصل
منورنى دايما
====================
اقصوصه

طبعا عندك حق
يارب نعرف نتروى

=======================
ليدى

منورانى ياسكر
طبعا الالم دا ماهو الارساله من جسدنا ويجب ان نحاول فهمها

======================
د/ستيته

عندنا ياويلكم ياويلكم
اخير حنيتى عليا وجيتى هنا
وسع ياابنى انت وهى كرسى هنا ع البحر للدكتوره
ههههههههههههه
والله منورانى وتعمليلى صداع براحتك طبعا
======================
محمد

طيب كويس انه بيجيب معاك نتيجه
وهابى نيو يير ياعم الشباب
هههههههههههههه
انا بخير وزى البمب بس يارب موش افرقع
هههههههههههه
========================
موناليزا
حلو اسم سوكا انتى اللى قلتيهولى اكتر من مره
بس اوعى تكون سوكا بتاعه ابوعلى
ازعل وربنا
هههههههههههههه
سنه سعيده يارب
=========================
نعكشه
مالك مودك موش عاجبنى كدا اليومين دول
وحلو ان افترض سوء النيه وحسنها كمان
طيب هااعمل كدا واشوف
منورانى
=====================
رييم

اديكى كلمتينى وعرفتى التفاصيل
هههههههههههههه
=========================
لوست لف

ياترى حسيتى بايه؟

==========================
مستخلص افندى

تقولى ماتمشيش وعاوز تمشى انت
طيب خليك وسطنا انت كمان
الدنيا مليانه ابيض واسود والوان
روووووق
================
ريمان

الله يسلمك
يارب اللى فى بالنا يارب
هههههههههههه
يارب وسعيده عليكى انتى كمان

==========================
مايكل

جرب بجد وصدقنى بتنفع
وابقى قولى
==================
صيدلانيه طالعه نازله

عارفه انك تعبتى م السلم بس اجمدى
ههههههههههههه
خلينا فى الفواتح
ربنا يكرمك بسنه كلها سعاده
==========================
بيوتفل مايند

كل سنه وانت سعيد وباالف خير يارب
يارب يبعده عننا كلنا
منور ياهيما

=================
خواطر شابه

تعرفى ان انا بيشدنى رياضه اليوجا دى
كل سنه وانتى بالف خير وربنا يجعلها سنه سعيده عليكى وعلى كل اللى بتحبيهم وانا طبعا واحده منهم

شفـقــة و إحســــان يقول...

كل سنة وانتى طيبة يا سكرة والسنة اللى جاية تكون احلى واجمل ان شاء الله