BLOGGER TEMPLATES AND TWITTER BACKGROUNDS »

الثلاثاء، 24 نوفمبر 2009

مات من الملل.


قالوا مات من التعب
قلت لا
دا مات من الملل
سألو هو مين؟
قلت دا قلبي المسكين.
حزين,سهران ينادى
يدور على لمسه ايد
يمكن تداوى جرح السنين
قالوا
اقفلى بابك عليه
قلت مين هييجى يخبط
قالوا لاحد هيخبط ولاحد هيبكى عليه
قلت كفايه ابكى انا عليه
قالوا مالك
قلت موش عارفه
بدور عليا وموش شايفه
اه ياني
منى ومن قلبي
فتحته فى يوم
دخل دفا فرحني
وفى عز برد الشتا تركني وراح
قلت ياقلبى ماتحزنشى
قالي كنت فاضى وسعيد
قلتله بس كنت بارد
قالي واديني دفيت ورجعت بردت من تاني
شو فيلك حل فى النار اللي مخليانى بردان
ياريتنى لا فتحت قلبي ولا فتحت روحي الهوا


3 التعليقات:

الشعب لابد له من حكومه تشكمه يقول...

الكلام ده لمسنى جدااااااااااااااااااااا لابعد الحدود...
عارفه ياساسو فى مقوله بتقول:
ان تفشل فى الحب افضل من الا تحب.
صدقينى حتى لو كانت النتيجه زيرو فى الاخر انك تعيشى وتحسى الاحساس ده افضل مليون مره من اللى عمره محسه,ولا يعرف معناه ايه..

وان شاء الله هيدفى قريب ومش هيبرد تانى ابدااااااااااا.

ربنا يسعد قلبك وايامك يارب.

Heba Gamal Emara يقول...

لا لا لا بقالك كام بوست كده مش عاجبانى خالص خالص مالص
هو ده كلماك ليا وروقى وانتى لسه صغننه
يا رب ده يكون توارد خواطر بس مش حاله بجد
ويا رب تكونى بخير
:):):)

حلم بيعافر يقول...

هيخبطوا ع الباب
متقلقيش
المقدمة الموسيقية بتاعة الاغنية قصيرة صحيح بس مميزة جدا السندريللا بقى
تحيااااتى
وكل سنة وانت طيبة