BLOGGER TEMPLATES AND TWITTER BACKGROUNDS »

الخميس، 19 نوفمبر 2009

الاستمورننج.


مساكم شيكولاته دايبه فى شيكولاته.
هاحكيلكم يومى النهارده.
انا طبعا متعوده ان الاستمورننج بتاعى موش يبقى ثابت كل يوم(استمورننج يعنى اصطباحه يامعلم)يعنى بيبقى كل يوم كدا حسب المود بتاعى .
يوم قهوه ,يوم كابتشينو(ايوه ابورغوه ده),يوم لبن ,يوم خناقه مع ماما,يوم اشم ريحه القهوه بس وموش اشربها.
النهارده بقى كان مختلف تماما .
بسبب البوست اللى كتبته امبارح ,دخل شخص عزيز اوى على قلبى بجد وقراه ولما طبعا حس باللى انا فيه موش استنى لغايه الصبح واتصل بيا قبل الفجر بوقت قليل اوى وصحانى من نومى .
واصر انه يسمعنى اغنيه منير( بحر الحياه) ولانى كنت نايمه فماكنتش مركزه هى ايه فبساله اغنيه ايه دى قالى دى اغنيه مدونتك ياسكره وكمان اصر انى اغنيها وارددها معاه
وبعدين كلمنى شويه وقفلنا وبعدين رجعت نمت تانى بس طبعا اول ماسمعت الاغنيه واندمجت معاها بكيت اوى وبعدين نمت وصحيت بعد ساعه عشان ماما عاوزانى اسافر اسكندريه بالقطر وبما انى بكره السفر بالقطر فحصل بينا مشاده كلاميه يعنى خناقه صغنونه كدا وبعدين رجعت ماما صالحتنى بعلبه كلينكس ,ههههههههههههههه.
اخدت القطر ووصلت اسكندريه الساعه 10 الصبح وربنا مايوريكم الصداع وعشان كدا اخدت قرصين بنادول اكسترا مع فنجان قهوه فى الاكاديميه كدا وفوقت على الاخر.
وبعدين رحت نت كافيه جنب الاكاديميه عشان اراجع من الe-book اللى معايا قبل الامتحان وفجاه كدا وانا قاعده لابيا ولاعلى اسمعلك اخبار الناس فى السودان ودمى يتحرق اكتر واروح الاقى الامتحان كمان اتأجل فيتحرق تانى,والله ياجماعه بيتهيألى ان دمى من كتر الحرق خلاص ماعدش ينفع اتبرع بيه,ماشى يافاتيما انتى وشيما ودودو وصبرنى .
واخرج من الاكاديميه ارن على حرووف الاقيها من قبل حتى ماترد وتقولى ازيك او اى حاجه تقولى انتى هنا فى اسكندريه اقولها ايوه تقولى عشر دقايق ونكون عندك انا واسكندرانيا ويوصلوا ونروح على البحر ونقعد على الرمل فى الشمس وكل واحده مننا بتبص للبحر وبتفكر تعمل حاجه ونقول :
انا كنت عاوزه انزل الميه بهدومى كدا وحروف كانت عاوزه تنام على الرمله وتبص للسما واسكندرانيا كانت عاوزانا نلعب استغمايه .
ههههههههههههه ومعملناش ولاحاجه من دول عشان الناس.
وارجع متأخر زى كل مره والست امى توبخنى كما هى العاده برده واسيبها واجى اعيش هنا فى مملكتى معاكم .
اعلان هام من الملكه سها الى رعاياها فقد قررت انها لن تستسلم للحزن تانى ودا طبعا اعلان موش اكيد لانها قلبها ضعيف اوى وكمان فيه شخص اقنعها انها انسانه منتهى الانانيه برغم تأكيد الاخرين عكس ذلك الا انها تقريبا منومه مغناطيسيا او انه قد اجرى غسيل مخ واقنعها بذلك ومن مكانى هنا ,انا البنت ساسو اقول لها جاتك وكسه ياموكوسه.
ههههههههههههههه
طولت عليكم ؟؟
اوعى تقولوا ايوه الا ازعل منكم واللى هيقول براحتك ياملكه هاجيبله شيكولاته.
اه نسيت اقولكم ان انا كل مااجى خارجه اقول لنفسى انا موش هاجيب شيكولاته والاقينى اروح عندها واقف واجيب كل مره بييجى عشرين جنيه كدا ولاحاجه .
تاخدوا حته؟؟
لالالالا بعينكم
هههههههههههههه



24 التعليقات:

Lady E يقول...

"واللى هيقول براحتك ياملكه هاجيبله شيكولاته."

براحتك يا ملكه :) واللقاء الجاي ان شاء الله تجيبيلي الشوكولاته معاكي مليش دعوة

بجد يوم لذيذ اوي وأحلى استمورننج
ربنا يسعدك ايامك ويا بختك ببحر اسكندرية وبحروف وب اسكندرانيه
وربنا يوفقك في الامتحان

أميرة علي كوكب مهجور يقول...

بررررررررررراااااااااحتك
ايدك بقا ع الشكولاته :)
ربنا يسعدك دايما والجاي يكون احسن يارب :)

blue-wave يقول...

والله انتى رايقه
واضح انك مش حاسه باللى بيحصل

شاب فقرى يقول...

صباح الورد

ربنا يديم فرحك

ويوفقك فى امتحاناتك

وبطلى تركبى القطر

ههههههههههههههههههههههههههه
خطر أصلا

فقرى

Baskouta يقول...

Thanks sookra for visiting my blog and for the comment.
But why cry more and more.
مدونتك حلوة يا جلالة الملكةوبجد انا حسيت فيها فعلا انها مملكة فيها سحر معين
تحياتي.
ويارب الاستمورننج بتاعك يبقا احلى استمورننج.

الشعب لابد له من حكومه تشكمه يقول...

سيبك من دا كله.
مين اللى اتصل ده وشغلك اغنيه؟؟؟ههههههههههه

ربنا يسعد قلبك وايامك يارب:)

رحــــيـل يقول...

هههههههههه
صباح الشكولاته يا ساسو
بالنسبه لقرار عدم الاستسلام للحزن انا كمان بحاول اطبقه بس مش عشان منومه مغناطيسيا بس اصل انا عامله دماغ لا مبالاه جامده جدا عارفه كده لما تحسى انك ولا الهوا فى دماغك انا بقى شكل دماغى اتخرمت ووقع منها كل حاجه وقلبى كمان
ههههههههههه
حلو موضوع اسكندريه ده البحر فى الوقت ده بيكون حلو مع الشمس الشتا

خواطر شابة يقول...

جميل ان يكون في حياتنا شخص عزيز نجده عندما نحتاجه تأثير هدا يكون قويا علينا وعلى نفسيتنا هموم كثيرة تنزاح وأحساس اننا لسنا وحدنا احساس رائع
براحتك يا ملكة يالله اديني شوكولاته ههه

-_- يقول...

استمورننج سعيد

Heba Gamal Emara يقول...

براحتك يا ملكة
يلا بقى
انا عايزة حته

حقيقى كويس جدا انك لقيتى حد بجد يهتم بيكى ويحبك كده
حافظى عليه
اى كان هو مين

قليل اوى فى الزمان ده انك تلاقى حد بجد بيحبك

وربنا ما يجعلك ولايجعلنى من الحزناء ابدا ابدا

Cute Kitty **sookra يقول...

Lady E

ياه بس كدا دا انتى تقشرى وانا اكلها على طول
ههههههههههههه
يارب يسعدك انتى كمانhttp://t0.gstatic.com/images?q=tbn:OD7oypzuweyM9M:http://www.mexat.com/vb/attachment.php%3Fattachmentid%3D207249%26d%3D1163684278



===================================
اميره على كوكو مافيهوش ناس

اوك اتفضلى الشيكولاته

http://t1.gstatic.com/images?q=tbn:clmB9L5X8ea9HM:http://www9.0zz0.com/2009/05/27/08/703162154.jpg
================================
BLUE-WAVE

هو حرام انى اروق شويه
انا شايفه وحاسه بكل اللى بيحصل لكن بصراحه ضغطى عالى اوى وقلت الطف الجو
شكرا لانك اتهمتنى بعدم الاحساس
================================
شاب فقرى جدا خالص
هههههههههه
صباحك شيكولاته
يارب ياخويا يارب
وبعدين انتى فكرتنى بحلمى لما قالها فى فيلم اسف على الازعاج لما قالها
اوعى تتحركى من هنا قبل ماييجى البواب
هههههههههههههههه

===============================
BASKOUTA
طبعا لازم يبقى استموررنج حلو مادام البسكوته جات تصبح عليا هنا
ياخراشى
وطبعا الشيكولاته دى للبسكوته
http://t0.gstatic.com/images?q=tbn:sAZIX2RKDIuRmM:http://m002.maktoob.com/alfrasha/ups/u/22458/29061/446609.gif
==================================
شيما حبيبتى
تسلميلى ياقمر
واللى اتصل حد عزيز اوى على قلبى وعلاقتى بيه زى مانتى قلتى فى تعليقك عند فقرى حاجه حلوه كدا لكن موش تلاقيلها مسمى
نورتى ياقمر
=================================
رحيل

سلامه عقلك وقلبك من الاخرام يابيضه
ايه هو خرم الاوزون وصل عندك انتى كمان ولاايه
يالهوى يابت
خلاص ياستى المره الجايه تيجى معانا اسكندريه
هههههههههههه
================================
خواطر شابه

عندك حق والله

وادى الشيكولاته

http://t0.gstatic.com/images?q=tbn:_ATUHDonucCq_M:http://www.gifts2yemen.com/photos/Image/misc/misc03-01.jpg
=================================
Sharm

وسعيد ليك انت كمان
نورتنى
=================================
هبه جمال عماره
http://t1.gstatic.com/images?q=tbn:dsi1MCKvyEYoEM:http://www.funkypancake.com/blog/stuff2/galaxy-thumb.jpg
دى الشيكولاته بتاعتك
عشان موش تقولى حارماكى من حاجه
طبعا هاحارب عشان موش اخسره

Remas يقول...

وحشااااااااااانى ياقمر جدا جدا

احلى حاجة بجد صديق او صديقة يحس بيكى وانتى مدايقة

وبعدين يعنى انا ابعتلك الرسائل بتاعتى كلها وانت مش عاوزه تدينى شيكولاته ؟

بذمتك دا عدل ؟

Cute Kitty **sookra يقول...

reem

ياخبر ابيض وهو انا اقدر موش اجيبلك شيكولاته وبعدين كل رسايلك هنا فى الحفظ والصون يافندم ولايهمك
وادى احلى شيكولاته لاحلى ريم
http://t1.gstatic.com/images?q=tbn:rFOdr8oo8PUKIM:http://img169.imageshack.us/img169/2558/64126645ps4.jpg

Tamer Nabil Moussa يقول...

عارفة احلى حاجة الشوكولاتة لانى بحبها

تعرفى من فترة رجلى مكسورة فيها وراقد على السرير اول ما فوقت من البنج قولت ليهم عايز شوكولاتة

والضحك اشتغل

عيب بقى رجل كبير زى يتطلب شيكو بقى هههههه

رحلة سعيدة ليكى دائما

ربنا يوفقك

مع خالص تحياتى

♥نبع الغرام♥♪≈ يقول...

ربنا يسعدك

بجد مبسوطه انك مبسوطه
احلى صباحات باللوز والقشطه على عيونك
يا ارق ساسو بالدنيا كلها
بحبك قوووووووووووووووووووى
وطمنينى عليكى
اموووووووووووووواة

blue-wave يقول...

بالعكس سيدتى
انتى فهمتى كلامى غلط
انا بحسدك على قدرتك على كبت غضبك تجاة ما يحدث
ومحاولة البعد عن التفكير فيه
بالتفكير فى امور يوميه قد تبعد رأسك عن ارتفاع ضعطه بسبب ما يحدث
ما قصدته مدح وليس ذم سيدتى
ولكنه خطأى فلا معرفة بيننا تتيح لك ان تفهمى ما اقصدة
اعتذر على سوء التوضيح فى اول مرة

همس الاحباب يقول...

عايزة من ده يا حزنبل
ههههههه
براحتك يا ملكة
براحتك يا ملكة الملكات
فين الشيكولاته بقى 3 شيكولاته لهمس وشابى وباباهم
مامتهم مش مهم
هههههههه
ربنا يسعدك دائما
تحياتى

Cute Kitty **sookra يقول...

Tamer Nabil

يااااااااه
دا انت تأمر بس من غير بنج ولاكسر استنانى شويه وانا هاجيبلك الشيكولاته لحد عندك فى مدونتك
اى خدمه ياجميل

Cute Kitty **sookra يقول...

الاحزان ايناس

صباحك شيكولاته ياشيكولاته
اخبارك ايه
مافيش جديد يابت ولاايه عاوزين نفرح بقى
انا الحمدلله كويسه اوى وسعيده كمان الحمدلله
==================================
Blue-wave

ولايهمك عموما انا موش زعلت ولااى حاجه انا بس حبيت اوضح انى عندى احساس لكن بحاول اخده بعيد شويه عشان بس موش انفجر
وساعتها هتلاقوا بلاوى
ههههههههههههه
ولاداعى للاعتذار
نورتنى واكيد هاعرفك اكتر وافهمك من اول ماتتكلم
================================
همس الاحباب

كدا كدا يعنى من اولها نسيت ام همس طيب انا هاقولها
انا بس جايه اهدى النفوس
وعشان كدا عليه شيكولاته بحالها اهى هتروح لام همس تاكل منها هى وهمس وشابى ولو رضيت عليك تديك واحده
هههههههههههههههه

http://t1.gstatic.com/images?q=tbn:-Mol8cfVmliBtM:http://gallery.7oob.net/data/media/71/27.jpg

غير معرف يقول...

مبسووطه ان موودك حلو :)

ربنا يجعل صباحك كل يوم زي الورد ..:)

انا كمان بحب الاغنيه دي اوي .. ومش بحب السفر بالقطر لانه مش ممتع خالص ..

وبعشق حاجه اسمها شيكولاته .. اوعي تبطليها :)))))

Remas يقول...

ياقمر ربنا يخليكى

وميرسي اوى على الشيكولاته الحلوة

ومش هاقول لحد خالص انى خدت اتنين

هههههههههههههههههه

بجد انتى عسوله خالص

ويارب مره اعرف اكلمك على الايميل علشان نتكلم براحتنا

blue-wave يقول...

اكيد ان شاء الله
احترامى واعتذارى مجددا

غير معرف يقول...

Sookra
أنا عارف إني تعليقي متأخر
بس مينفعش معلقش
يسعدني مرورك بجد في مدونتي
ويسعدني إني قدرت أرسم إبتسامه علي وجه أحد متابعي المدونه
وأتمني رؤيتك أكثر في مدونتي

بس إيه اليوم الغريب ده

بالتوفيق دائما

م/ الحسيني لزومي يقول...

الحياه بدون رفيق او صديق كرحله بدون طريق.
تحياتي
--------

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك