BLOGGER TEMPLATES AND TWITTER BACKGROUNDS »

الاثنين، 2 نوفمبر 2009

ليه...........................؟


انا كنت كتبت بوست تاني وكنت سانشره لكن حصل حاجه خلتني اغير رايي واكتب البوست دا.


هو ليه لما نقرب من حد اوى يجرحنا اوى ؟

ليه يعرف امتي وازاى يجرحنا حتى من غير ما يتكلم؟

ليه جرحه يبقى جامد ويوجع اوى كدا ؟

ليه الناس لما تقرب من بعض ويحبوا يتونسوا ببعض يجرحوا بعض؟

ليه موش نقبل ان حد يتونس بينا؟

وليه الحد التاني دا موش يقبل اننا نتونس بيه؟

هي الناس بقت وحشه اوى كدا ليه؟

ليه حد يخليني اخاف اعمل حاجه عشان ممكن تتفهم انى كدا بضيق عليه البراح الخاص بيه؟

ليه مايقدرش يفهم انى ممكن اقرب من غير ما اقصد انى اضيق عليه البراح (space)الخاص بيه؟

هو احنا ليه بقينا كدا ؟وهما ليه بقوا كدا؟

ليه بقينا اسيين اوى على بعض؟
فى عز مااحنا محتاجين بعض؟

جوايا ملايين الاستفسارات والتعجبات.

ليه حاسه انى عاوزه حد ياخدنى فى حضنه وابكى حتى تجف دموعي ؟

ليه حاسه اوى انى نفسي اروح عند ستي

نفسي تطلع من قبرها وتضمني وتطبطب عليا وتهدهدني وتهديني لغايه اما انام

ليه ؟؟؟؟؟

عاوزه انام اوى
انام وموش اصحى تاني .



17 التعليقات:

Heba Gamal Emara يقول...

ازيك يا ساسو
عامله ايه
دى اول مرة ازور فيها مدونتك بعد ما جيتى مدونة مراره روح
على فكرة مدونتك حلوة جدا جدا
والموضوع اللى انتى كاتباه ده بجدا جامد جدا
وحساس للغايه
انا ان شاء الله هبقى من المتابعين الدائمين لمدونتك
وامطرينا بالمزيد من تلك الموضوعات الرائعه

على فكرة انا كمان عامله مدونة يا رب تعجبك
http://hebawelhayat.blogspot.com

مستنياكى هناك

الشعب لابد له من حكومه تشكمه يقول...

اقولك ياستى واجاوبك انا...
لانهم ببساطه محبوش,,لانهم ببساطه اخدوا مكانه ميستحقوهاش سواء على صعيد صداقه او حب او غيره...

دا اللى بيحصل لما تحطى حد فى مكانه ميستحقهاش...
تفتكرى لو حد اعتبرك قريبه منه اوى وغاليه عليه اوى وبيتونس بيكى اوى تفتكرى كان يقدر انه يقولك كلمه واحده تضايقك...؟؟؟؟؟

هو دا السبب..

Sweet Violet يقول...

ايواااااااان بالظبط كده زى ما قالت شيما "علشان بس تعرفوا ان عنصرية الاسم ماجتش من فراغ"

بصى بقى ياساسو هانم بجد بجد انا مش عارفة مالك
بقالك كام بوست كده مش طبيعيه طيب الواحد ازاى يقدر يرجعك ساسو بتاعت الشوكولاته تانى هه ؟؟
طب اتنازلك عن الشوكولاته بتاعتى بس ضحكتك ترجع تانى زى ماعرفتك بيها ؟؟

و ايه انام مش اصحى ديه هه
امال يعنى انا ازهق فى مين انا بقى
عااااااااااااااااااااااااااااااااااااااااااااااااااااااااااااااااااااااااااااااااا
ياوحشة زهقتى منا يعنى ؟؟

ساسو ياقمر هى دى الحياة من غير الوحش بتاعها ماكناش هنعرف نشوف الحلو
طب ارجعى كده ايام زمان تحسى انهم كانوا عايشين حياة روتينية موووت الشر قليل فتلاقى كله خير خير .. اما دلوقتى تحسى كده فى تفاعل فى الحياة كله شر شر وطبعا لان الشر انواع فتلاقى ان الحياة كل يوم فى جديد

هاتى بوستى بقى بتاعت كل يوم
و لو سمحتى بقى عايزة اللى انا مش اخده بقالى كام يوم كله دفعه واحدة
لن اتنازل عن حقى على فكرة
ضد التيار بقى تعملى فيها ايه
^_^

غير معرف يقول...

اولا كده بعد الشر عليكي .. متقوليش كده

ثانيا بقي
عارفه المشكله ايه ؟؟
اننا بقينا حساسين ، حساسين اوي .. ممكن نتجرح من ابسط حاجه ويكون اللي قدامنا مش واخد باله ..

تفاصيل بسيطه كده مش اي حد بياخد باله منها ..
بس المهم اننا منستمرش في الحزن ده ونفوق ..

اكيد في يوم هنلاقي الدفا :)

ربنا يسعدك يارب

تحياتي

donya يقول...

مساء الخير
السؤال ده مالوش اجابه عند اي حد اعتقد

لكن هي دي الدنيا اللي تحبيه وتقربي منه اوي يبعد
واللي حتي ماتفكريش فيه يحارب علشان يقرب لك ولما يطمن يبتدي يبع
ماشاء الله مرض نفسي عصري

تحياتي

Cute Kitty **sookra يقول...

هبه جمال عماره
اولا نورتينى وثانيا انا اكيد هازورك
وياستى ربنا يخليكى على المجامله الحلوه دى
ومستنياكى تبقى من المتابعين
نورتينى

Cute Kitty **sookra يقول...

الشعب لابد له من حكومه تشكمه
شيما
عندك حق
هما ماحبوناش لان المثل بيقولك حبيبك يبلعلك الزلط
الحبيب دا سواء كان صديق صاحب حبيب اى حد يهمه امرك هيتحملك وكمان موش هيزعلك ولايجرحك
نورتينى

Cute Kitty **sookra يقول...

sweet violet
ضد هانم
شو اخبارك
ولايهمك ياجميل اكيد هارجع لطبيعتى تانى
هارجع اضحك تانى وادارى جرحى جوايا زى مااتعودت
تعرفى ان اكثر الناس حزنا هم الضاحكون"
وبعدين مين قال انك لازم تتنازلى عن الشيكولاته بتاعتك
خلاص ياستى خد كل البوس اللى انتى عاوزاه وخديه كمان مقدم
وحلوه اوى كله شر شر دى
اموووووووووووووووووووووووووووووووووووووووووووووووووووووووووووووووووووووووووووووووووووه
شوفتى بوسه كبيره اهيه

Cute Kitty **sookra يقول...

hager
ميرسى ياقمرايه
ثانيا
عارفه دى بقت مشكله بجد
الواحد لازم يتعلم عدم الاحساس وتبلد المشاعر عشان يرتاح
يجمد قلبه كدا ويدوس فى الدنيا
تعرفى مشكلتى انا بقى ايه انى باخد بالى من ادق التفاصيل وزى ايزولد ماقالت بعرف لعبه البازل كويس اوى واوصل للصوره الكامله
نورتينى

بنت قلبى يقول...

استغفر الله العظيم يارب
نفسى احس ان الفرحه جاكى
انا كل ما ارقا بوست ليك ازوخل انى مش عارفه اوصل للنقطه الا جواكى الا بداريها بكلامك دا
نفسى احس ان نبراتك عاديه بكلامك
لاء
بحس انها ملاينه معانى كتيره اوى يا سوسو
عندما اعجز عن سماع صوتك وتعجز عينى عن رؤيتك لا يعجز قلبى عن الدعاء لك
دا كل الا اقدر اقوله ليكى
ويكفينى اقلك كده احسن من تعليقى على البوست بجد
لانى لو فهمتك صح
هعرف انتى بتكتبى كده ليه وهعرف ارد عليكى كويس
لكن انتى زى ماتكونى بتكتبى الا على الوش وسيبا اساس الحاجه تحت الا هوا جواكى
وياريت بجد اشوفك
نفسى اشوف عنيكى وبيها هحس بكل الا جواكى

Cute Kitty **sookra يقول...

donya
مساء الشيكولاته
صحيح العصر دا بقى مليان بالامراض النفسيه
لكن برده ليه؟
نورتينى

мαησηα يقول...

سالخيييييييييييييييييييييييييييييير

انا جه وجيبالك حاجة حلوة اوى اه والله العظيم

http://img83.imageshack.us/img83/3740/47311643yk7.jpg

ههههههههههههه محدش عملها وجبهالك قبلى صح ههههههههه

ايه يا حبيبتى بس مالك ومين مزعلك وانا اكسرلك عضمه هههههه

ياحبيبتى بيقولك اللى يعيش ياما يشوف

وفكرى فيها كده زى مالناس دى اخدت فعلا مكان ماتستحقهوش فى غيرهم كتيييييير

بجد يستحقوا انك تحبيهم زى انا مثلا ههههههههههههه

تواضع رهيب صح ههههههههههههه

والله العظيم الدنيا حلوة ولسه فيها ناس كتير حلوييييييين وطيبين بس الشاطر اللى لما يلاقى حد وحش

يمسحه من حياته ويحسسه انه هو اقوى من الجرح اللى سببه له

وانه هيعيش ويعيش حياة جميلة كمان لانه ببساطة خسر انسان جميل وخسر حب حقيقى وخسر وفاء وحاجات جميلة كتير واهم من ده كله خسر احلى ساسو ف الدنيا كلها

اه والله اسألى حتى حنون ههههه

سماء يقول...

اذيك يا ساسو

عاملة اية

هقولك علشان قربة بيبقا لمصالح دنيوية ولما تنقطع المصالح دية لاى سبب من الاسباب بيبعد

لكن لو قربة منك من غير ما يحتاج منك المقابل مكنش يبعد

ما كان لله دام واتصل وما كان لغير الله انقطع وانفصل

دمتى بكل ود

فشكووول يقول...

لالالالالالالا

الف سلامه ليكى

ساعات بنحس اننا عايزين حد يطبطب علينا
وما بنلاقيش الا اهالينا ابونا وامنا وجدنا وجدتنا
بس مش كل واحد عنده اب وام او اجداد
وما حدش بيطبطب على حد الا الاهل
بس فيه ناس طيبين ممكن يطبطبوا علينا
اقول لك .. اعملى شوية بكاء بينك وبين نفسك وربنا ان شاء الله يغسل بيهم همومك
تحياتى ساسو

silent girl يقول...

لمست فى كلامك الحزن الواضح وانك مجروحة ومضيقة انا هقولك الحل اللى ممكن يريحك تأكددددددددى من جرحك خسران من فرقكك خسران من احزنك خسران لانك اكيييد فيكى اللى مش فى حد تانى وهيجى اليوم وهيقول ياريت مكنت عملت اللى عملته ياريت ارجع تانى وياريت وياريت بس للاسف الندم وقتها مش هيفيد ادخلى قوضتك عيطتى عيطتى لحد لما تخلصى اللى جواكى ولو فى مكان تقدرى تصرخى فيه روحيه واصرخى طلعى اللى جواكى لان الكبت وحش.

فراشة يقول...

اممممممممم
مش عارفه أقولك ايه
شكلك زعلانه قوي م الدنيا والناس

بس هقولك ايه كلنا بنزعل وبنتخنق وبننخدع ف ناس
ونقول خلاص هعيش لوحدي احسن ومبقدرش ونتعرف ع ناس تانية ويطلعوا احيانا كويسين ويعوضونا عن اللى راح

بصى هي الحياة كدا

شوية حزن وشوية فرح
وبكره تقولى فرجت وكنت احسبها لا تفرح

بصى حاولي تعملي اي حاجة بتفرحك
شوفي بتحبي ايه واعملية

ومتقوليش هقفل المدونة والنت كله
صلي على النبي كدا وروقي وصلي ركعتين اشتكي فيهم لربنا ... وقولي يارب وادعي ربنا يفرج كربك وهمك

وربنا معاكي ودعواتي لكي

اسماء واحلام فى وجدانى يقول...

ده بقى هو الطبيعى الايام دى

ومهما نسال ليه كده

مش هنلاقى اجابة لاناا كلنا بقينا كده