BLOGGER TEMPLATES AND TWITTER BACKGROUNDS »

الثلاثاء، 27 أكتوبر 2009

قلبى يدمى .........


انا خلاص قررت ان اتنحى
انا قررت ارجع اقفل بابي عليا
انا قررت اختفى عن عيون الناس والبشر
انا قررت اقطع كل تعاملاتي مع كل الناس
انا قررت اعيش لنفسي وبنفسي
انا قررت انى لا احتاج حد ولاحتي انى احتاج ان الاقى حد محتاجنى
انا تعبت
طول الوقت بتفهم غلط
دا اكيد موش عيب فى كل الاخرين
العيب اكيد فيا انا
موش بعرف اوصل لهم
موش بعرف اخليهم يحسوني او يفهموني
الان اعترف وبكل ثقه ويقين انني لست ذكيه اجتماعيا على الاطلاق

انا بس كان نفسي الاقى حد يفهمني زي ماانا
كان نفسي ان ماحدش يسيء الظن بيا
كان نفسي كلامي يوصل زي ماهو
وان مايتخيلوش ان فيه وراه اي نيات سيئه
عمري انا ما اذيت حد غير نفسي
وكنت بتحمل ازائي لنفسي دا وبتعامل معاه
او برميه بعيد
دلوقتى انا اذيت حد بحبه وبحترمه

انا هنا بقوله
انا اسفه
انا اسفه بجد
من هنا
خلاص انا ساعلن ان كل تعاملاتي مع كل البشر هتكون من وراء اسوار وجدران
لن اسمح لاحد بالاقتراب
فهذا هو الحل


نفسي اصرخ بصوت عالي وابكى باقصى ما احمل
انا نفسي ارحل بعيدا عن دنيا البشر
نفسي اعيش لوحدي
نفسي ابعد عن كل الناس
نفسي الاقى نفسي


"جواك سؤال تصرخ تقول انا مين انا مين
انا زي ماانا ولااتقسمت اتنين "

ساغلق بابى على وجعى وارحل بعيدا بعيدا
ساغلق الف باب وليس بابا واحدا

هو احنا ليه دايما محتاجين اننا نسمع من حد تانى اننا غلط؟
ليه مادمنا عارفين اننا غلط ليه بنكابر
ليه بنضحك على نفسنا؟!!!!

9 التعليقات:

حروف يقول...

ماللك؟

اسماء واحلام فى وجدانى يقول...

انا اللى حسدتك يا ساسو
كده بردوا الواحد ما بيصدق يلاقى ناس بتضحك وروحها بتجمع الناس على الفرحة
تقومى تعملى كده
سوء الفهم حاجة طبيعية بين البنى ادمين
بس انا باتكلم وانا مش فاهم اصلا فى ايه
كل اللى باتمناه انك تكونى بتهزرى مش بتتكلمى جد








مالك يا ساسو

donya يقول...

اصلا انا مش مستحمله و البوست والاغنيه كملوا عليا
انا معاكي في كلمه قلتيها

في ناس مايستهلوش نعدي من جنبهم مش تتكلمي معاهم

حسبي الله ونعم الوكيل

*تحياتي

!! a7mad sala7 !! يقول...

الاول حاولى تهدى كده

وبلاش تكتبي حاجة وانتى متنرفزة
عشان التفكير وقت العصبية غير التفكير فى الهدوء

اكيد الغلط مش كله منك
ولا الغلط كله من الناس

اكيد بتبقي شوية ظروف وبتتجمع مع بعضها
فبتبقي صعبة عليكي شوية

حاولى تحلى مشاكلك واحدة واحدة وبالعقل كده

ومتجيش على نفسك لاى سبب من الاسباب
ومتشيليش نفسك اكتر من طاقتها
لو انتى حاسه انك صح ميهمكيش حد
لانك مش هتعيشي حياتك على مزاج الناس
اللى عايزك هيعرفك زى مانتى
بس بلاش العند لو حاسه انك غلط فى حتة معينة حليها بينك وبين نفسك
ومن غير المرايا بتاعة شيرين :)

ربنا يزيح عنك يا رب

mimi يقول...

هيا الدنيا كده .. بس لازم نحاول ونتعب ونرتاح علشان نتعب تاني ونقوم ونقع ونكمل

دي لعبة الحياة

تمنياتي لكي بكل الخير

Sweet Violet يقول...

لا اله الا الله
مالك يابنتى
فى ايييييييه
كل ده علشان الايجار ؟؟
طب خلاص مش عايزة منك ياستى و خدى البلوج محبه بينى و بينك .. ماشى ؟؟
بس بلاش الحزن ده

اولا كلامك فى الاخر بيقول ان الواحد عارف انه غلط مع ان فى الاول بتقولى ان الناس هى اللى فاهمة غلط
اى كان الموضوع

اهدى ياامى مش اى حد هيحصلوا مشكله يقول انا هبعد عن الناس
ممكن اى نعم تبعدى علشان تعيدى حساباتك بس ترجع تانى للناس .. لكن بالطريقة اللى انتى فيها دى
اعترض بقى و بشدددده كمان

وماتخليش ضد تطلع بقى فى الوقت ده انتى لسه مش شوفتيها
استهدى بالله و اخرجى بره المشكلة علشان تعرفى تحليها

و على فكرة بقى
مافيش شوكولاته لحد ماتخرجى من الحاله اللى انتى فيها دى بس هه

اضحكى بقى ياقمر و بلاش تزعلى بالله عليك
و الله ما فى حاجة تستاهل الزعل

هاتى البوسه بتاعتى بقى
انا منتظرها
^_^

فاتيما يقول...

يعنى اول ما آجى اسلم و اكتب تعليق الاقيكى زعلانة كدا
امشى يعنى ؟!!!
لأ
مش همشى
و هقولك زى ميمى ميمايا البسكوتايا
الدنيا كدا
و حالة و هتعدى
متخليهاش تهزمك
خدى الصدمة دلوقتى و هتمر إن شاء الله
اللى مش فاهمين النهاردة
بكرة يفهموا
و لو مفهموش هييجى غيرهم يفهم و يقدر
بس انتى متبعديش و تقفلى على نفسك
هيفهموكى صح امتى و ازاى و انتى عاملة ساتر و صد و حيط عالى ؟؟
روقى يا ساسو
هيا شوطة يا عيال و لا إيه ؟!!!!

Cute Kitty **sookra يقول...

انا اسفه بجد
موش قادره ارد
خايفه عليكم من الحاله اللى انا فيها ممكن تجرحكم
تحملونى
اعذرونى جميعا
sad saso

مدحت محمد يقول...

عندك حق